| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. ж̇ийвагасуд̇д̇аван̣н̣анаа
5. Jīvakasuttavaṇṇanā
51. гумаарзна бхад̇о босаабид̇од̇и гумаарабхад̇о, гумаарабхад̇о зва гомаарабхажжо яат̇аа ‘‘бхисаггамзва бхзсаж̇ж̇а’’нд̇и.
51. Kumārena bhato posāpitoti kumārabhato, kumārabhato eva komārabhacco yathā ‘‘bhisakkameva bhesajja’’nti.
аарабханд̇ийд̇и зд̇т̇а аарабха-сад̣̇д̣̇о гаамам̣ гаамааяууханаяан̃н̃удтаабанааабад̇д̇иаабаж̇ж̇анавин̃н̃аабанаад̣̇ийсуби ааг̇ад̇о, ид̇ха бана хим̣санз ижчид̇аб̣б̣од̇и ааха – ‘‘аарабханд̇ийд̇и гхаад̇знд̇ий’’д̇и. уд̣̇д̣̇исид̇ваа гад̇анд̇и (а. ни. дий. 3.8.12; саарад̇т̇а. дий. махааваг̇г̇а 3.294) ад̇д̇аанам̣ уд̣̇д̣̇исид̇ваа мааран̣авасзна гад̇ам̣ ниб̣б̣ад̇д̇ид̇ам̣. бадижжагамманд̇и зд̇т̇а гамма-сад̣̇д̣̇о гаммасаад̇хано ад̇ийд̇агаалигод̇и ааха – ‘‘ад̇д̇аанам̣ бадижжа гад̇а’’нд̇и. нимид̇д̇агаммассзд̇ам̣ ад̇хиважанам̣ ‘‘бадижжа гаммам̣ пусад̇ий’’д̇иаад̣̇ийсу (ж̇аа. 1.4.75) вияа. нимид̇д̇агаммассаад̇и нимид̇д̇абхаавзна лад̣̇д̇хаб̣б̣агаммасса, на гаран̣агаараабанавасзна. бадижжагаммам̣ зд̇т̇а ад̇т̇ийд̇и мам̣сам̣ бадижжагаммам̣ яат̇аа ‘‘б̣уд̣̇д̇хам̣ зд̇асса ад̇т̇ийд̇и б̣уд̣̇д̇хо’’д̇и. д̇зсанд̇и ниг̇ан̣таанам̣. ан̃н̃зби б̣раахман̣аад̣̇аяо д̇ам̣лад̣̇д̇хигаа ад̇т̇зва.
Ārabhantīti ettha ārabha-saddo kāmaṃ kāmāyūhanayaññuṭṭhāpanaāpattiāpajjanaviññāpanādīsupi āgato, idha pana hiṃsane icchitabboti āha – ‘‘ārabhantīti ghātentī’’ti. Uddisitvā katanti (a. ni. ṭī. 3.8.12; sārattha. ṭī. mahāvagga 3.294) attānaṃ uddisitvā māraṇavasena kataṃ nibbattitaṃ. Paṭiccakammanti ettha kamma-saddo kammasādhano atītakālikoti āha – ‘‘attānaṃ paṭicca kata’’nti. Nimittakammassetaṃ adhivacanaṃ ‘‘paṭicca kammaṃ phusatī’’tiādīsu (jā. 1.4.75) viya. Nimittakammassāti nimittabhāvena laddhabbakammassa, na karaṇakārāpanavasena. Paṭiccakammaṃ ettha atthīti maṃsaṃ paṭiccakammaṃ yathā ‘‘buddhaṃ etassa atthīti buddho’’ti. Tesanti nigaṇṭhānaṃ. Aññepi brāhmaṇādayo taṃladdhikā attheva.
гааран̣анд̇и зд̇т̇а яуд̇д̇и ад̇хиббзд̇аа, саа зва жа д̇хаммад̇о анабзд̇ад̇д̇аа ‘‘д̇хаммо’’д̇и вуд̇д̇аад̇и ааха – ‘‘гааран̣ам̣ наама д̇игодибарисуд̣̇д̇хамажчамам̣сабарибхог̇о’’д̇и. анугааран̣ам̣ наама махааж̇анасса д̇ат̇аа б̣яаагаран̣ам̣ яуд̇д̇ияаа д̇хаммасса ануруубабхаавад̇о мам̣сам̣ барибхун̃ж̇ид̇аб̣б̣анд̇и анун̃н̃аад̇ам̣ д̇ат̇зва гат̇ананд̇и гад̇ваа. д̇анд̇и ‘‘ж̇аанам̣ уд̣̇д̣̇иссагад̇ам̣ мам̣сам̣ барибхун̃ж̇ад̇ий’’д̇и звам̣ вуд̇д̇ам̣ барибхун̃ж̇анам̣ нзва гааран̣ам̣ ход̇и саб̣б̣зна саб̣б̣ам̣ абхаавад̇о сад̇и жа аяуд̇д̇ияам̣ ад̇хаммод̇и гад̇ваа. д̇ат̇аа б̣яаагаран̣анд̇и ‘‘ж̇аанам̣ уд̣̇д̣̇иссагад̇ам̣ мам̣сам̣ барибхун̃ж̇ад̇ий’’д̇и гат̇анам̣ яуд̇д̇ияаа д̇хаммасса анануруубабхаавад̇о на анугааран̣ам̣ ход̇и. барзхи вуд̇д̇агааран̣зна сагааран̣о худ̇ваад̇и барз д̇ид̇т̇ияаа ‘ж̇аана’нд̇иаад̣̇инаа д̇хаммам̣ гат̇знд̇и вад̣̇анд̇и, д̇зна гааран̣абхууд̇зна сагааран̣о худ̇ваа. д̇зхи д̇ат̇аа вад̇д̇аб̣б̣о зва худ̇ваа д̇умхаагам̣ ваад̣̇о ваа ануваад̣̇о ваа ‘‘мам̣сам̣ барибхун̃ж̇ид̇аб̣б̣а’’нд̇и бавад̇д̇аа д̇умхаагам̣ гат̇аа ваа барад̇о барзхи д̇ат̇аа бавад̇д̇ид̇аа д̇ассаа анугат̇аа ваа. вин̃н̃уухи г̇арахид̇аб̣б̣агааран̣анд̇и д̇ид̇т̇ияаа д̇аава д̇идтанд̇у, д̇ад̇о ан̃н̃зхи бан̣д̣ид̇зхи г̇арахид̇аб̣б̣агааран̣ам̣. гожи на ааг̇ажчад̇ийд̇и г̇арахид̇аб̣б̣ад̇ам̣ на аабаж̇ж̇ад̇ийд̇и ад̇т̇о. абхибхавид̇ваа аажигканд̇ийд̇и абхибхуяяа мад̣̇д̣̇ид̇ваа гат̇знд̇и, абхибхууд̇зна аггосанд̇ийд̇и ад̇т̇о.
Kāraṇanti ettha yutti adhippetā, sā eva ca dhammato anapetattā ‘‘dhammo’’ti vuttāti āha – ‘‘kāraṇaṃ nāma tikoṭiparisuddhamacchamaṃsaparibhogo’’ti. Anukāraṇaṃ nāma mahājanassa tathā byākaraṇaṃ yuttiyā dhammassa anurūpabhāvato maṃsaṃ paribhuñjitabbanti anuññātaṃ tatheva kathananti katvā. Tanti ‘‘jānaṃ uddissakataṃ maṃsaṃ paribhuñjatī’’ti evaṃ vuttaṃ paribhuñjanaṃ neva kāraṇaṃ hoti sabbena sabbaṃ abhāvato sati ca ayuttiyaṃ adhammoti katvā. Tathā byākaraṇanti ‘‘jānaṃ uddissakataṃ maṃsaṃ paribhuñjatī’’ti kathanaṃ yuttiyā dhammassa ananurūpabhāvato na anukāraṇaṃ hoti. Parehi vuttakāraṇena sakāraṇo hutvāti pare titthiyā ‘jāna’ntiādinā dhammaṃ kathenti vadanti, tena kāraṇabhūtena sakāraṇo hutvā. Tehi tathā vattabbo eva hutvā tumhākaṃ vādo vā anuvādo vā ‘‘maṃsaṃ paribhuñjitabba’’nti pavattā tumhākaṃ kathā vā parato parehi tathā pavattitā tassā anukathā vā. Viññūhi garahitabbakāraṇanti titthiyā tāva tiṭṭhantu, tato aññehi paṇḍitehi garahitabbakāraṇaṃ. Koci na āgacchatīti garahitabbataṃ na āpajjatīti attho. Abhibhavitvā ācikkhantīti abhibhuyya madditvā kathenti, abhibhūtena akkosantīti attho.
52. гааран̣зхийд̇и барибхог̇ажид̇д̇асса ависуд̣̇д̇хад̇аахзд̇уухи. бхигкуу уд̣̇д̣̇иссагад̇ам̣ д̣̇идтам̣. д̇аад̣̇исамам̣сан̃хи барибхог̇аанаарахад̇д̇аа жид̇д̇аависуд̣̇д̇хияаа гааран̣ам̣ жид̇д̇асам̣гилзсаавахад̇о. ид̣̇аани д̣̇идтасуд̇абарисан̇гид̇аани саруубад̇о д̣̇ассзд̇ум̣ ‘‘д̣̇идтаад̣̇ийсуу’’д̇иаад̣̇и вуд̇д̇ам̣. д̇ад̇т̇а д̇ад̣̇убхаяавимуд̇д̇абарисан̇гид̇анд̇и ‘‘д̣̇идтам̣ суд̇а’’нд̇и имам̣ убхаяам̣ аниссааяа – ‘‘гим̣ ну ко имам̣ бхигкум̣ уд̣̇д̣̇исса вад̇хид̇ваа самбаад̣̇ид̇а’’нд̇и гзваламзва барисан̇гид̇ам̣. саб̣б̣асан̇г̇аахагод̇и саб̣б̣зсам̣ д̇ин̣н̣ам̣ барисан̇гид̇аанам̣ сан̇г̇ан̣ханаго.
52.Kāraṇehīti paribhogacittassa avisuddhatāhetūhi. Bhikkhū uddissakataṃ diṭṭhaṃ. Tādisamaṃsañhi paribhogānārahattā cittaavisuddhiyā kāraṇaṃ cittasaṃkilesāvahato. Idāni diṭṭhasutaparisaṅkitāni sarūpato dassetuṃ ‘‘diṭṭhādīsū’’tiādi vuttaṃ. Tattha tadubhayavimuttaparisaṅkitanti ‘‘diṭṭhaṃ suta’’nti imaṃ ubhayaṃ anissāya – ‘‘kiṃ nu kho imaṃ bhikkhuṃ uddissa vadhitvā sampādita’’nti kevalameva parisaṅkitaṃ. Sabbasaṅgāhakoti sabbesaṃ tiṇṇaṃ parisaṅkitānaṃ saṅgaṇhanako.
ман̇г̇алаад̣̇ийнанд̇и аад̣̇и-сад̣̇д̣̇зна аахунабаахунаад̣̇игам̣ сан̇г̇ан̣хаад̇и. ниб̣б̣змад̇игаа хонд̇ийд̇и саб̣б̣зна саб̣б̣ам̣ барисан̇гид̇аабхаавамааха. ид̇арзсанд̇и аж̇аананд̇аанам̣ ваддад̇и, ж̇аанад̇о звзд̇т̇а аабад̇д̇и ход̇и. д̇зязваад̇и яз уд̣̇д̣̇исса гад̇ам̣, д̇зязва.
Maṅgalādīnanti ādi-saddena āhunapāhunādikaṃ saṅgaṇhāti. Nibbematikā hontīti sabbena sabbaṃ parisaṅkitābhāvamāha. Itaresanti ajānantānaṃ vaṭṭati, jānato evettha āpatti hoti. Teyevāti ye uddissa kataṃ, teyeva.
уд̣̇д̣̇иссагад̇амам̣сабарибхог̇ад̇о агаббияамам̣сабарибхог̇асса висзсам̣ д̣̇ассзд̇ум̣ ‘‘агаббияамам̣сам̣ банаа’’д̇иаад̣̇и вуд̇д̇ам̣. буримасмим̣ сажид̇д̇агаа аабад̇д̇и, ид̇арасмим̣ ажид̇д̇агаа. д̇знааха – ‘‘агаббияамам̣сам̣ аж̇аанид̇ваа бхуд̇д̇ассаби аабад̇д̇иязваа’’д̇и. барибхог̇анд̇и барибхун̃ж̇ид̇аб̣б̣анд̇и вад̣̇аамийд̇и ад̇т̇о.
Uddissakatamaṃsaparibhogato akappiyamaṃsaparibhogassa visesaṃ dassetuṃ ‘‘akappiyamaṃsaṃ panā’’tiādi vuttaṃ. Purimasmiṃ sacittakā āpatti, itarasmiṃ acittakā. Tenāha – ‘‘akappiyamaṃsaṃ ajānitvā bhuttassapi āpattiyevā’’ti. Paribhoganti paribhuñjitabbanti vadāmīti attho.
53. д̇аад̣̇исассаад̇и д̇игодибарисуд̣̇д̇хасса мажчамам̣сасса барибхог̇з. мзд̇д̇аавихааринобийд̇и аби-сад̣̇д̣̇зна амзд̇д̇аавихаариноби. мзд̇д̇аавихаарино барибхог̇з сикааббад̇д̇аа анаваж̇ж̇ад̇аад̇и д̣̇ассзд̇ум̣ ‘‘ид̇ха, ж̇ийвага, бхигкуу’’д̇иаад̣̇и вуд̇д̇ам̣. анияамзд̇ваад̇и ависзсзд̇ваа сааман̃н̃ад̇о. яасмаа бхаг̇авад̇аа – ‘‘яад̇о ко, важча, бхигкуно д̇ан̣хаа бахийнаа ход̇ий’’д̇иаад̣̇инаа махааважчаг̇од̇д̇асуд̇д̇з (ма. ни. 2.194) ад̇д̇аа анияамзд̇ваа вуд̇д̇о. д̇ат̇аа хи важчаг̇од̇д̇о – ‘‘д̇идтад̇у бхавам̣ г̇од̇амо, ад̇т̇и бана бход̇о г̇од̇амасса згабхигкуби сааваго аасаваанам̣ каяаа…бз… убасамбаж̇ж̇а вихарад̇ий’’д̇и ааха, ‘‘ид̇ха, бхаарад̣̇вааж̇а, бхигку ан̃н̃ад̇арам̣ г̇аамам̣ ваа ниг̇амам̣ ваа убаниссааяа вихарад̇ий’’д̇иаад̣̇инаа жан̇гийсуд̇д̇з (ма. ни. 2.430) ад̇д̇аа анияамзд̇ваа вуд̇д̇о. д̇ат̇аа хи д̇ад̇т̇а барад̇о – ‘‘яам̣ ко бана аяамааяасмаа д̇хаммам̣ д̣̇зсзд̇и, г̇амбхийро со д̇хаммо д̣̇уд̣̇д̣̇асо д̣̇урануб̣од̇хо санд̇о бан̣ийд̇о ад̇аггааважаро нибун̣о бан̣д̣ид̇авзд̣̇анийяо, на со д̇хаммо суд̣̇зсанийяо луд̣̇д̣̇знаа’’д̇иаад̣̇инаа д̣̇зсанаа ааг̇ад̇аа, д̇асмаа вуд̇д̇ам̣ ‘‘бхаг̇авад̇аа хи махааважчаг̇од̇д̇асуд̇д̇з, жан̇гийсуд̇д̇з имасмим̣ суд̇д̇зд̇и д̇ийсу таанзсу ад̇д̇аанам̣язва санд̇хааяа д̣̇зсанаа гад̇аа’’д̇и. мам̣суубасзжанова ад̇хиббзд̇о мажчамам̣сасахид̇асса аахаарасса барибхог̇абхаавад̇о мажчамам̣сасса жа ид̇ха ад̇хиббзд̇ад̇д̇аа.
53.Tādisassāti tikoṭiparisuddhassa macchamaṃsassa paribhoge. Mettāvihārinopīti api-saddena amettāvihārinopi. Mettāvihārino paribhoge sikhāppattā anavajjatāti dassetuṃ ‘‘idha, jīvaka, bhikkhū’’tiādi vuttaṃ. Aniyametvāti avisesetvā sāmaññato. Yasmā bhagavatā – ‘‘yato kho, vaccha, bhikkhuno taṇhā pahīnā hotī’’tiādinā mahāvacchagottasutte (ma. ni. 2.194) attā aniyametvā vutto. Tathā hi vacchagotto – ‘‘tiṭṭhatu bhavaṃ gotamo, atthi pana bhoto gotamassa ekabhikkhupi sāvako āsavānaṃ khayā…pe… upasampajja viharatī’’ti āha, ‘‘idha, bhāradvāja, bhikkhu aññataraṃ gāmaṃ vā nigamaṃ vā upanissāya viharatī’’tiādinā caṅkīsutte (ma. ni. 2.430) attā aniyametvā vutto. Tathā hi tattha parato – ‘‘yaṃ kho pana ayamāyasmā dhammaṃ deseti, gambhīro so dhammo duddaso duranubodho santo paṇīto atakkāvacaro nipuṇo paṇḍitavedanīyo, na so dhammo sudesanīyo luddenā’’tiādinā desanā āgatā, tasmā vuttaṃ ‘‘bhagavatā hi mahāvacchagottasutte, caṅkīsutte imasmiṃ sutteti tīsu ṭhānesu attānaṃyeva sandhāya desanā katā’’ti. Maṃsūpasecanova adhippeto macchamaṃsasahitassa āhārassa paribhogabhāvato macchamaṃsassa ca idha adhippetattā.
аг̇ат̇ид̇о аббадиб̣ад̣̇д̇хо. д̇ан̣хаамужчанааяаад̇и д̇ан̣хааяанавасзна мужчаабад̇д̇ияаа. анаж̇жхобанно д̇ан̣хааяа абхибхавид̇ваа на аж̇жход̇т̇адо, г̇илид̇ваа баринидтабзд̇ваа на сан̣тид̇од̇и ад̇т̇о. д̇знааха – ‘‘саб̣б̣ам̣ аалумбид̇ваа’’д̇иаад̣̇и. ид̇ха аад̣̇ийнаво аахаарасса бадигуулабхаавод̇и ааха ‘‘згарад̇д̇иваасзнаа’’д̇иаад̣̇и. аяамад̇т̇о аахаарабарибхог̇од̇и ад̇т̇асам̣яож̇анабарижчзд̣̇игаа ‘‘яаавад̣̇зва имасса гааяасса тид̇ияаа’’д̇иаад̣̇инаа (д̣̇ий. ни. 3.182; ма. ни. 1.23; 2.24; 3.75; сам̣. ни. 4.120) бавад̇д̇аа аахаарабадиб̣ад̣̇д̇хачанд̣̇арааг̇аниссаран̣абхууд̇аа бан̃н̃аа асса ад̇т̇ийд̇и ниссаран̣абан̃н̃о. ид̣̇амад̇т̇анд̇и зд̇амад̇т̇ааяа. звам̣ санд̇зд̇и ‘‘б̣рахмаад̇и жа мзд̇д̇аавихаарино саман̃н̃аа’’д̇и авад̇ваа яз д̇хаммаа мзд̇д̇аавихаарасса бадибагкабхууд̇аа, д̇ад̇т̇а саавасзсам̣ бахааси б̣рахмаа, анавасзсам̣ бахааси бхаг̇аваад̇и сажз д̇з ид̣̇ам̣ санд̇хааяа бхаасид̇ам̣, звам̣ санд̇з д̇ава ид̣̇ам̣ яат̇аавуд̇д̇аважанам̣ ануж̇аанаами, на мзд̇д̇аавихаарид̇аасааман̃н̃амад̇д̇ад̇од̇и ад̇т̇о.
Agathito appaṭibaddho. Taṇhāmucchanāyāti taṇhāyanavasena mucchāpattiyā. Anajjhopanno taṇhāya abhibhavitvā na ajjhotthaṭo, gilitvā pariniṭṭhapetvā na saṇṭhitoti attho. Tenāha – ‘‘sabbaṃ ālumpitvā’’tiādi. Idha ādīnavo āhārassa paṭikūlabhāvoti āha ‘‘ekarattivāsenā’’tiādi. Ayamattho āhāraparibhogoti atthasaṃyojanaparicchedikā ‘‘yāvadeva imassa kāyassa ṭhitiyā’’tiādinā (dī. ni. 3.182; ma. ni. 1.23; 2.24; 3.75; saṃ. ni. 4.120) pavattā āhārapaṭibaddhachandarāganissaraṇabhūtā paññā assa atthīti nissaraṇapañño. Idamatthanti etamatthāya. Evaṃ santeti ‘‘brahmāti ca mettāvihārino samaññā’’ti avatvā ye dhammā mettāvihārassa paṭipakkhabhūtā, tattha sāvasesaṃ pahāsi brahmā, anavasesaṃ pahāsi bhagavāti sace te idaṃ sandhāya bhāsitaṃ, evaṃ sante tava idaṃ yathāvuttavacanaṃ anujānāmi, na mettāvihāritāsāmaññamattatoti attho.
55. ‘‘баадиязгго анусанд̇хий’’д̇и вад̇ваа висум̣ анусанд̇хибхаавам̣ д̣̇ассзд̇ум̣ ‘‘имасмим̣ хий’’д̇иаад̣̇и вуд̇д̇ам̣. д̣̇ваарам̣ т̇агзд̇ийд̇и мажчамам̣сабарибхог̇аанун̃н̃ааяа ан̃н̃зсам̣ важанад̣̇ваарам̣ бид̣̇ахад̇и, жод̣̇анаабат̇ам̣ нирунд̇хад̇и. гат̇ам̣ сад̇д̇аануд̣̇д̣̇аяам̣ д̣̇ассзд̇и? сад̇д̇аануд̣̇д̣̇аяамукзна б̣аахирагаанам̣ мажчамам̣сабарибхог̇абадигкзбо д̇аяид̣̇ам̣ мижчаа, д̇игодибарисуд̣̇д̇хассзва мажчамам̣сасса барибхог̇о бхаг̇авад̇аа анун̃н̃аад̇о. д̇ат̇аа хи вуд̇д̇ам̣ – ‘д̇ийхи ко ахам̣, ж̇ийвага, таанзхи мам̣сам̣ барибхог̇анд̇и вад̣̇аамий’д̇иаад̣̇и (ма. ни. 2.52). винаязби (баараа. 409; жуул̣ава. 343) вуд̇д̇ам̣ – ‘‘д̇игодибарисуд̣̇д̇хам̣, д̣̇звад̣̇ад̇д̇а, мажчамам̣сам̣ маяаа анун̃н̃аад̇а’’нд̇и. д̇игодибарисуд̣̇д̇хан̃жа бхун̃ж̇анд̇аанам̣ сад̇д̇зсу ануд̣̇д̣̇аяаа нижжалаа. ‘‘сад̇д̇аануд̣̇д̣̇аяам̣ д̣̇ассзд̇ий’’д̇и сан̇кзбад̇о вуд̇д̇амад̇т̇ам̣ виваранд̇о ‘‘сажз хий’’д̇иаад̣̇имааха.
55.‘‘Pāṭiyekkoanusandhī’’ti vatvā visuṃ anusandhibhāvaṃ dassetuṃ ‘‘imasmiṃ hī’’tiādi vuttaṃ. Dvāraṃ thaketīti macchamaṃsaparibhogānuññāya aññesaṃ vacanadvāraṃ pidahati, codanāpathaṃ nirundhati. Kathaṃ sattānuddayaṃ dasseti? Sattānuddayamukhena bāhirakānaṃ macchamaṃsaparibhogapaṭikkhepo tayidaṃ micchā, tikoṭiparisuddhasseva macchamaṃsassa paribhogo bhagavatā anuññāto. Tathā hi vuttaṃ – ‘tīhi kho ahaṃ, jīvaka, ṭhānehi maṃsaṃ paribhoganti vadāmī’tiādi (ma. ni. 2.52). Vinayepi (pārā. 409; cūḷava. 343) vuttaṃ – ‘‘tikoṭiparisuddhaṃ, devadatta, macchamaṃsaṃ mayā anuññāta’’nti. Tikoṭiparisuddhañca bhuñjantānaṃ sattesu anuddayā niccalā. ‘‘Sattānuddayaṃ dassetī’’ti saṅkhepato vuttamatthaṃ vivaranto ‘‘sace hī’’tiādimāha.
батамзна гааран̣знаад̇и д̣̇зсанаавасзнаби баяог̇авасзнаби батамзна баруубагхаад̇ахзд̇унаа. гад̣дхид̇о со баан̣о. г̇алзна бавзд̇хзнд̇знаад̇и яод̇д̇аг̇алзна гаран̣зна асаяхамаанзна. б̣ахубун̃н̃амзва ход̇и аасаад̣̇анаабзгкааяа абхаавад̇о, хид̇аж̇жхаасаяад̇д̇аа ваад̇и ад̇хиббааяо. зсаахам̣, бханд̇зд̇иаад̣̇и гасмаа вуд̇д̇ам̣, саран̣аг̇аманавасзнзва г̇ахид̇асаран̣од̇и жод̣̇анам̣ санд̇хааяааха ‘‘аяа’’нд̇иаад̣̇и. ог̇ааханд̇од̇иаад̣̇ид̇о бадтааяа яаава барияосаанаа суд̇д̇ам̣ ануссаранд̇о ад̇т̇ам̣ убад̇хаарзнд̇о. сзсам̣ сувин̃н̃зяяамзва.
Paṭhamena kāraṇenāti desanāvasenapi payogavasenapi paṭhamena parūpaghātahetunā. Kaḍḍhito so pāṇo. Galena pavedhentenāti yottagalena karaṇena asayhamānena. Bahupuññameva hoti āsādanāpekkhāya abhāvato, hitajjhāsayattā vāti adhippāyo. Esāhaṃ, bhantetiādi kasmā vuttaṃ, saraṇagamanavaseneva gahitasaraṇoti codanaṃ sandhāyāha ‘‘aya’’ntiādi. Ogāhantotiādito paṭṭhāya yāva pariyosānā suttaṃ anussaranto atthaṃ upadhārento. Sesaṃ suviññeyyameva.
ж̇ийвагасуд̇д̇аван̣н̣анааяа лийнад̇т̇аббагаасанаа самад̇д̇аа.
Jīvakasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. ж̇ийвагасуд̇д̇ам̣ • 5. Jīvakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. ж̇ийвагасуд̇д̇аван̣н̣анаа • 5. Jīvakasuttavaṇṇanā
