| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
8. жийварагканд̇хагам̣
8. Cīvarakkhandhakaṃ
ж̇ийвагавад̇т̇угат̇аа
Jīvakavatthukathā
326. жийварагканд̇хагз – бад̣̇агкин̣аад̇и чзгаа гусалаа. абхисадаад̇и абхиг̇ад̇аа. гзхи абхиг̇ад̇аад̇и? ад̇т̇игзхи ад̇т̇игзхи мануссзхи; гаран̣ад̇т̇з бана саамиважанам̣ гад̇ваа ‘‘ад̇т̇игаанам̣ ад̇т̇игаанам̣ мануссаана’’нд̇и вуд̇д̇ам̣. бан̃н̃аасааяа жа рад̇д̇им̣ г̇ажчад̇ийд̇и бан̃н̃ааса гахаабан̣з г̇ахзд̇ваа рад̇д̇им̣ г̇ажчад̇и. нзг̇амод̇и гудумб̣ияаг̇ан̣о.
326. Cīvarakkhandhake – padakkhiṇāti chekā kusalā. Abhisaṭāti abhigatā. Kehi abhigatāti? Atthikehi atthikehi manussehi; karaṇatthe pana sāmivacanaṃ katvā ‘‘atthikānaṃ atthikānaṃ manussāna’’nti vuttaṃ. Paññāsāya ca rattiṃ gacchatīti paññāsa kahāpaṇe gahetvā rattiṃ gacchati. Negamoti kuṭumbiyagaṇo.
327. саалавад̇им̣ гумаарим̣ г̇ан̣игам̣ вудтаабзсийд̇и нааг̇араа д̣̇вз сад̇асахассаани, рааж̇аа сад̇асахассанд̇и д̇ийн̣и сад̇асахассаани, ан̃н̃ан̃жа аараамуяяаанавааханаад̣̇ибарижчзд̣̇ам̣ д̣̇ад̇ваа вудтаабзсум̣; г̇ан̣игадтаанз табзсунд̇и ад̇т̇о. бадисад̇зна жа рад̇д̇им̣ г̇ажчад̇ийд̇и рад̇д̇им̣ бадисад̇зна г̇ажчад̇и. г̇илаанам̣ бадивзд̣̇зяяанд̇и г̇илаанабхаавам̣ ж̇аанаабзяяам̣. гад̇д̇арасуббзд̇и ж̇ин̣н̣асуббз.
327.Sālavatiṃ kumāriṃ gaṇikaṃ vuṭṭhāpesīti nāgarā dve satasahassāni, rājā satasahassanti tīṇi satasahassāni, aññañca ārāmuyyānavāhanādiparicchedaṃ datvā vuṭṭhāpesuṃ; gaṇikaṭṭhāne ṭhapesunti attho. Paṭisatena ca rattiṃ gacchatīti rattiṃ paṭisatena gacchati. Gilānaṃ paṭivedeyyanti gilānabhāvaṃ jānāpeyyaṃ. Kattarasuppeti jiṇṇasuppe.
328. гаа мз д̣̇зва маад̇аа, го бид̇аад̇и гасмаа бужчи? д̇ам̣ гира ан̃н̃з рааж̇ад̣̇аарагаа гийл̣анд̇аа галахз удтид̇з ‘‘ниммаад̇иго ниббид̇иго’’д̇и вад̣̇анд̇и. яат̇аа жа ан̃н̃зсам̣ д̣̇аарагаанам̣ чан̣аад̣̇ийсу жул̣амаад̇аамахаамаад̇аад̣̇аяо гин̃жи бан̣н̣аагаарам̣ бзсзнд̇и, д̇ат̇аа д̇асса на гожи гин̃жи бзсзд̇и. ид̇и со д̇ам̣ саб̣б̣ам̣ жинд̇зд̇ваа ‘‘ниммаад̇игоязва ну ко аха’’нд̇и ж̇аананад̇т̇ам̣ ‘‘гаа мз д̣̇зва маад̇аа, го бид̇аа’’д̇и бужчи.
328.Kā me deva mātā, ko pitāti kasmā pucchi? Taṃ kira aññe rājadārakā kīḷantā kalahe uṭṭhite ‘‘nimmātiko nippitiko’’ti vadanti. Yathā ca aññesaṃ dārakānaṃ chaṇādīsu cuḷamātāmahāmātādayo kiñci paṇṇākāraṃ pesenti, tathā tassa na koci kiñci peseti. Iti so taṃ sabbaṃ cintetvā ‘‘nimmātikoyeva nu kho aha’’nti jānanatthaṃ ‘‘kā me deva mātā, ko pitā’’ti pucchi.
яаннуунаахам̣ сиббам̣ сигкзяяанд̇и яам̣нууна ахам̣ взж̇ж̇асиббам̣ сигкзяяанд̇и жинд̇зси. д̇асса гира зд̇ад̣̇ахоси – ‘‘имаани ко хад̇т̇иассасиббаад̣̇ийни баруубагхаад̇абадисам̣яуд̇д̇аани, взж̇ж̇асиббам̣ мзд̇д̇аабуб̣б̣абхааг̇ам̣ сад̇д̇аанам̣ хид̇абадисам̣яуд̇д̇а’’нд̇и. д̇асмаа взж̇ж̇асиббамзва санд̇хааяа ‘‘яам̣нуунаахам̣ сиббам̣ сигкзяяа’’нд̇и жинд̇зси. абижааяам̣ ид̇о габбасад̇асахассасса убари бад̣̇умуд̇д̇арасса бхаг̇авад̇о убадтаагам̣ ‘‘б̣уд̣̇д̇хубадтааго аяа’’нд̇и жад̇убарисанд̇арз бад̇т̇ад̇аг̇ун̣ам̣ взж̇ж̇ам̣ д̣̇исваа ‘‘ахо вад̇аахамби зваруубам̣ таананд̇арам̣ баабун̣зяяа’’нд̇и жинд̇зд̇ваа сад̇д̇аахам̣ б̣уд̣̇д̇хаббамукасса сан̇гхасса д̣̇аанам̣ д̣̇ад̇ваа бхаг̇аванд̇ам̣ ванд̣̇ид̇ваа ‘‘ахамби бхаг̇аваа д̇умхаагам̣ убадтааго асугавзж̇ж̇о вияа анааг̇ад̇з б̣уд̣̇д̇хубадтааго бхавзяяа’’нд̇и бад̇т̇анамагааси. д̇ааяа буримабад̇т̇анааяа жод̣̇ияамаанобзса взж̇ж̇асиббамзва санд̇хааяа ‘‘яам̣нуунаахам̣ сиббам̣ сигкзяяа’’нд̇и жинд̇зси.
Yannūnāhaṃ sippaṃ sikkheyyanti yaṃnūna ahaṃ vejjasippaṃ sikkheyyanti cintesi. Tassa kira etadahosi – ‘‘imāni kho hatthiassasippādīni parūpaghātapaṭisaṃyuttāni, vejjasippaṃ mettāpubbabhāgaṃ sattānaṃ hitapaṭisaṃyutta’’nti. Tasmā vejjasippameva sandhāya ‘‘yaṃnūnāhaṃ sippaṃ sikkheyya’’nti cintesi. Apicāyaṃ ito kappasatasahassassa upari padumuttarassa bhagavato upaṭṭhākaṃ ‘‘buddhupaṭṭhāko aya’’nti catuparisantare patthataguṇaṃ vejjaṃ disvā ‘‘aho vatāhampi evarūpaṃ ṭhānantaraṃ pāpuṇeyya’’nti cintetvā sattāhaṃ buddhappamukhassa saṅghassa dānaṃ datvā bhagavantaṃ vanditvā ‘‘ahampi bhagavā tumhākaṃ upaṭṭhāko asukavejjo viya anāgate buddhupaṭṭhāko bhaveyya’’nti patthanamakāsi. Tāya purimapatthanāya codiyamānopesa vejjasippameva sandhāya ‘‘yaṃnūnāhaṃ sippaṃ sikkheyya’’nti cintesi.
329. д̣̇исаабаамогкод̇и саб̣б̣ад̣̇исаасу вид̣̇ид̇о баагадо бад̇хаано ваад̇и ад̇т̇о. д̇асмин̃жа самаяз д̇аггасийлад̇о ваан̣иж̇аа абхаяарааж̇агумаарам̣ д̣̇ассанааяа аг̇амам̣су. д̇з ж̇ийваго ‘‘гуд̇о д̇умхз ааг̇ад̇аа’’д̇и бужчи. ‘‘д̇аггасийлад̇о’’д̇и вуд̇д̇з ‘‘ад̇т̇и д̇ад̇т̇а взж̇ж̇асиббаажарияо’’д̇и бужчи. ‘‘аама гумаара, д̇аггасийлааяам̣ д̣̇исаабаамогко взж̇ж̇о бадивасад̇ий’’д̇и суд̇ваа ‘‘д̇зна хи яад̣̇аа г̇ажчат̇а, маяхам̣ аарожзяяаат̇аа’’д̇и ааха. д̇з д̇ат̇аа агам̣су. со бид̇арам̣ анаабужчаа д̇зхи сад̣̇д̇хим̣ д̇аггасийлам̣ аг̇амааси. д̇зна вуд̇д̇ам̣ – ‘‘абхаяам̣ рааж̇агумаарам̣ анаабужчаа’’д̇иаад̣̇и.
329.Disāpāmokkhoti sabbadisāsu vidito pākaṭo padhāno vāti attho. Tasmiñca samaye takkasīlato vāṇijā abhayarājakumāraṃ dassanāya agamaṃsu. Te jīvako ‘‘kuto tumhe āgatā’’ti pucchi. ‘‘Takkasīlato’’ti vutte ‘‘atthi tattha vejjasippācariyo’’ti pucchi. ‘‘Āma kumāra, takkasīlāyaṃ disāpāmokkho vejjo paṭivasatī’’ti sutvā ‘‘tena hi yadā gacchatha, mayhaṃ āroceyyāthā’’ti āha. Te tathā akaṃsu. So pitaraṃ anāpucchā tehi saddhiṃ takkasīlaṃ agamāsi. Tena vuttaṃ – ‘‘abhayaṃ rājakumāraṃ anāpucchā’’tiādi.
ижчаамахам̣ аажарияа сиббам̣ сигкид̇унд̇и д̇ам̣ гира убасан̇гаманд̇ам̣ д̣̇исваа со взж̇ж̇о ‘‘госи д̇вам̣ д̇аад̇аа’’д̇и бужчи. со ‘‘б̣имб̣исаарамахаарааж̇асса над̇д̇аа абхаяагумаарасса буд̇д̇омхий’’д̇и ааха. ‘‘гасмаа бана д̇вамаси д̇аад̇а ид̇хааг̇ад̇о’’д̇и, д̇ад̇о со ‘‘д̇умхаагам̣ санд̇игз сиббам̣ сигкид̇у’’нд̇и вад̇ваа ижчаамахам̣ аажарияа сиббам̣ сигкид̇унд̇и ааха. б̣ахун̃жа г̇ан̣хаад̇ийд̇и яат̇аа ан̃н̃з кад̇д̇ияагумаараад̣̇аяо аажарияасса д̇ханам̣ д̣̇ад̇ваа гин̃жи гаммам̣ агад̇ваа сигканд̇иязва, на со звам̣. со бана гин̃жи д̇ханам̣ ад̣̇ад̇ваа д̇хамманд̇зваасигова худ̇ваа згам̣ гаалам̣ убаж̇жхааяасса гаммам̣ гарод̇и, згам̣ гаалам̣ сигкад̇и. звам̣ санд̇зби абхинийхаарасамбанно гулабуд̇д̇о ад̇д̇ано мзд̇хаавид̇ааяа б̣ахун̃жа г̇ан̣хаад̇и, лахун̃жа г̇ан̣хаад̇и, судту жа убад̇хаарзд̇и, г̇ахид̇ан̃жасса на саммуссад̇и.
Icchāmahaṃ ācariya sippaṃ sikkhitunti taṃ kira upasaṅkamantaṃ disvā so vejjo ‘‘kosi tvaṃ tātā’’ti pucchi. So ‘‘bimbisāramahārājassa nattā abhayakumārassa puttomhī’’ti āha. ‘‘Kasmā pana tvamasi tāta idhāgato’’ti, tato so ‘‘tumhākaṃ santike sippaṃ sikkhitu’’nti vatvā icchāmahaṃ ācariya sippaṃ sikkhitunti āha. Bahuñca gaṇhātīti yathā aññe khattiyakumārādayo ācariyassa dhanaṃ datvā kiñci kammaṃ akatvā sikkhantiyeva, na so evaṃ. So pana kiñci dhanaṃ adatvā dhammantevāsikova hutvā ekaṃ kālaṃ upajjhāyassa kammaṃ karoti, ekaṃ kālaṃ sikkhati. Evaṃ santepi abhinīhārasampanno kulaputto attano medhāvitāya bahuñca gaṇhāti, lahuñca gaṇhāti, suṭṭhu ca upadhāreti, gahitañcassa na sammussati.
сад̇д̇а жа мз вассаани ад̇хийяанд̇асса наяимасса сиббасса анд̇о бан̃н̃ааяад̇ийд̇и зд̇т̇а аяам̣ гира ж̇ийваго яад̇д̇агам̣ аажарияо ж̇аанаад̇и, яам̣ ан̃н̃з сол̣асахи вассзхи уг̇г̇ан̣ханд̇и, д̇ам̣ саб̣б̣ам̣ сад̇д̇ахи вассзхи уг̇г̇ахзси . саггасса бана д̣̇зваран̃н̃о зд̇ад̣̇ахоси – ‘‘аяам̣ б̣уд̣̇д̇хаанам̣ убадтааго аг̇г̇ависсаасаго бхависсад̇и, ханд̣̇а нам̣ бхзсаж̇ж̇аяож̇анам̣ сигкаабзмий’’д̇и аажарияасса сарийрз аж̇жхаавасид̇ваа яат̇аа табзд̇ваа гаммавибаагам̣ авасзсарог̇ам̣ згзнзва бхзсаж̇ж̇аяог̇зна д̇игижчид̇ум̣ саггод̇и, д̇ат̇аа нам̣ бхзсаж̇ж̇аяож̇анам̣ сигкаабзси. со бана ‘‘аажарияасса санд̇игз сигкаамий’’д̇и ман̃н̃ад̇и, д̇асмаа ‘‘самад̇т̇о ид̣̇аани ж̇ийваго д̇игижчид̇у’’нд̇и саггзна виссадтамад̇д̇з звам̣ жинд̇зд̇ваа аажарияам̣ бужчи. аажарияо бана ‘‘на иминаа мамаанубхаавзна уг̇г̇ахид̇ам̣, д̣̇звад̇аанубхаавзна уг̇г̇ахид̇а’’нд̇и н̃ад̇ваава д̇зна хи бхан̣зд̇иаад̣̇имааха. саманд̇аа яож̇анам̣ аахин̣д̣анд̇од̇и д̣̇ивасз д̣̇ивасз згзгзна д̣̇ваарзна нигкамид̇ваа жад̇д̇ааро д̣̇ивасз аахин̣д̣анд̇о. барид̇д̇ам̣ баат̇зяяам̣ баад̣̇аасийд̇и аббамад̇д̇агам̣ ад̣̇ааси. гасмаа? д̇асса гира зд̇ад̣̇ахоси – ‘‘аяам̣ махаагуласса буд̇д̇о г̇ад̇амад̇д̇оязва бид̇ибид̇аамахаанам̣ санд̇игаа махаасаггаарам̣ лабхиссад̇и, д̇ад̇о маяхам̣ ваа сиббасса ваа г̇ун̣ам̣ на ж̇ааниссад̇и, анд̇араамаг̇г̇з бана кийн̣абаат̇зяяо сиббам̣ баяож̇зд̇ваа авассам̣ маяхан̃жа сиббасса жа г̇ун̣ам̣ ж̇ааниссад̇ий’’д̇и барид̇д̇ам̣ д̣̇аабзси.
Satta ca me vassāni adhīyantassa nayimassa sippassa anto paññāyatīti ettha ayaṃ kira jīvako yattakaṃ ācariyo jānāti, yaṃ aññe soḷasahi vassehi uggaṇhanti, taṃ sabbaṃ sattahi vassehi uggahesi . Sakkassa pana devarañño etadahosi – ‘‘ayaṃ buddhānaṃ upaṭṭhāko aggavissāsako bhavissati, handa naṃ bhesajjayojanaṃ sikkhāpemī’’ti ācariyassa sarīre ajjhāvasitvā yathā ṭhapetvā kammavipākaṃ avasesarogaṃ ekeneva bhesajjayogena tikicchituṃ sakkoti, tathā naṃ bhesajjayojanaṃ sikkhāpesi. So pana ‘‘ācariyassa santike sikkhāmī’’ti maññati, tasmā ‘‘samattho idāni jīvako tikicchitu’’nti sakkena vissaṭṭhamatte evaṃ cintetvā ācariyaṃ pucchi. Ācariyo pana ‘‘na iminā mamānubhāvena uggahitaṃ, devatānubhāvena uggahita’’nti ñatvāva tena hi bhaṇetiādimāha. Samantā yojanaṃ āhiṇḍantoti divase divase ekekena dvārena nikkhamitvā cattāro divase āhiṇḍanto. Parittaṃ pātheyyaṃ pādāsīti appamattakaṃ adāsi. Kasmā? Tassa kira etadahosi – ‘‘ayaṃ mahākulassa putto gatamattoyeva pitipitāmahānaṃ santikā mahāsakkāraṃ labhissati, tato mayhaṃ vā sippassa vā guṇaṃ na jānissati, antarāmagge pana khīṇapātheyyo sippaṃ payojetvā avassaṃ mayhañca sippassa ca guṇaṃ jānissatī’’ti parittaṃ dāpesi.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 202. ж̇ийвагавад̇т̇у • 202. Jīvakavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ж̇ийвагавад̇т̇угат̇ааван̣н̣анаа • Jīvakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ж̇ийвагавад̇т̇угат̇ааван̣н̣анаа • Jīvakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 202. ж̇ийвагавад̇т̇угат̇аа • 202. Jīvakavatthukathā
