| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੮. ਚੀવਰਕ੍ਖਨ੍ਧਕਂ
8. Cīvarakkhandhakaṃ
੨੦੨. ਜੀવਕવਤ੍ਥੁਕਥਾ
202. Jīvakavatthukathā
੩੨੬. ਚੀવਰਕ੍ਖਨ੍ਧਕੇ ਪਦਕ੍ਖਿਣਸਦ੍ਦਸ੍ਸ ਅਪਸਬ੍ਯਤ੍ਥਂ ਪਟਿਕ੍ਖਿਪਨ੍ਤੋ ਆਹ ‘‘ਛੇਕਾ ਕੁਸਲਾ’’ਤਿ। ਅਭਿਸਟਾਤਿ ਏਤ੍ਥ ਸਰਧਾਤੁਯਾ ਗਤਿਚਿਨ੍ਤਾਸੁ ਇਧ ਗਤ੍ਯਤ੍ਥੇਤਿ ਦਸ੍ਸੇਨ੍ਤੋ ਆਹ ‘‘ਅਭਿਗਤਾ’’ਤਿ। ਅਭਿਗਤਾਤਿ ਅਭਿਮੁਖਂ ਗਨ੍ਤਬ੍ਬਾ। ਨਨੁ ਪਾਲ਼ਿਯਂ ‘‘ਅਤ੍ਥਿਕਾਨਂ ਅਤ੍ਥਿਕਾਨਂ ਮਨੁਸ੍ਸਾਨ’’ਨ੍ਤਿ વੁਤ੍ਤਂ, ਕਸ੍ਮਾ ਪਨ ‘‘ਅਤ੍ਥਿਕੇਹਿ ਅਤ੍ਥਿਕੇਹਿ ਮਨੁਸ੍ਸੇਹੀ’’ਤਿ વੁਤ੍ਤਨ੍ਤਿ ਆਹ ‘‘ਕਰਣਤ੍ਥੇ ਪਨਾ’’ਤਿਆਦਿ। ਇਮਿਨਾ ਛਟ੍ਠੀਕਤ੍ਤਾ ਨਾਮ ਤਤਿਯਾਕਤ੍ਤੁਨਾ ਸਮਾਨੋਯੇવਾਤਿ ਦਸ੍ਸੇਤਿ। ਨਿਗਮੇ વਸਤੀਤਿ ਨੇਗਮੋਤਿ વੁਤ੍ਤੇ ਕੁਟੁਮ੍ਬਿਯਗਣੋ ਨੇਗਮੋ ਨਾਮਾਤਿ ਆਹ ‘‘ਕੁਟੁਮ੍ਬਿਯਗਣੋ’’ਤਿ।
326. Cīvarakkhandhake padakkhiṇasaddassa apasabyatthaṃ paṭikkhipanto āha ‘‘chekā kusalā’’ti. Abhisaṭāti ettha saradhātuyā gaticintāsu idha gatyattheti dassento āha ‘‘abhigatā’’ti. Abhigatāti abhimukhaṃ gantabbā. Nanu pāḷiyaṃ ‘‘atthikānaṃ atthikānaṃ manussāna’’nti vuttaṃ, kasmā pana ‘‘atthikehi atthikehi manussehī’’ti vuttanti āha ‘‘karaṇatthe panā’’tiādi. Iminā chaṭṭhīkattā nāma tatiyākattunā samānoyevāti dasseti. Nigame vasatīti negamoti vutte kuṭumbiyagaṇo negamo nāmāti āha ‘‘kuṭumbiyagaṇo’’ti.
੩੨੭. ਨਗਰੇ ਨਿવਸਨ੍ਤੀਤਿ ਨਾਗਰਾ। ਦਤ੍વਾ, વੁਟ੍ਠਾਪੇਸੁਨ੍ਤਿ ਸਮ੍ਬਨ੍ਧੋ। ਆਰਾਮੁਯ੍ਯਾਨવਾਹਨਾਦੀਤਿ ਏਤ੍ਥ ਆਦਿਸਦ੍ਦੇਨ ਅਞ੍ਞਾਨਿ ਉਪਭੋਗਪਰਿਭੋਗਾਨਿ ਸਙ੍ਗਣ੍ਹਾਤਿ। ਗਣਿਕਟ੍ਠਾਨੇਤਿ ਗਣਿਕਾਯ ਠਾਨੇ। ਗਣਿਕਾਤਿ ਚ ਨਗਰਸੋਭਿਨੀ। ਸਾ ਹਿ ਅਤ੍ਥਿਕੇਨ ਜਨਗਣੇਨ ਅਭਿਗਨ੍ਤਬ੍ਬਾਤਿ ਗਣਿਕਾਤਿ વੁਚ੍ਚਤਿ। ਪਟਿਸਤੇਨ ਚਾਤਿ ਏਤ੍ਥ ਚਸਦ੍ਦੋ ਅવਧਾਰਣਤ੍ਥੋ। ਰਤ੍ਤਿਂ ਗਮਨਸ੍ਸ ਪਟਿਨਿਧਿਸਙ੍ਖਾਤੇਨ ਸਤੇਨ ਏવਾਤਿ ਹਿ ਅਤ੍ਥੋ। ਗਿਲਾਨਨ੍ਤਿ ਏਤ੍ਥ ਭਾવਪਚ੍ਚਯੇਨ વਿਨਾਪਿ ਭਾવਤ੍ਥੋ ਞਾਤਬ੍ਬੋਤਿ ਆਹ ‘‘ਗਿਲਾਨਭਾવ’’ਨ੍ਤਿ। ‘‘ਜਾਨਾਪੇਯ੍ਯ’’ਨ੍ਤਿ ਇਮਿਨਾ ਪਟਿવੇਦੇਯ੍ਯਨ੍ਤਿ ਏਤ੍ਥ વਿਦਧਾਤੁਯਾ ਞਾਣਤ੍ਥਂ ਦਸ੍ਸੇਤਿ। ਕਤ੍ਤਰਸੁਪ੍ਪੇਤਿ ਏਤ੍ਥ ਕਤ੍ਤਰਸਦ੍ਦੋ ਜਿਣ੍ਣਪਰਿਯਾਯੋਤਿ ਆਹ ‘‘ਜਿਣ੍ਣਸੁਪ੍ਪੇ’’ਤਿ। ਸੁਪਨ੍ਤਿ ਸੁਨਖਾਦਯੋ ਏਤ੍ਥਾਤਿ ਸੁਪ੍ਪਂ, ਕਤ੍ਤਰਂ ਸੁਪ੍ਪਂ ਕਤ੍ਤਰਸੁਪ੍ਪਂ।
327. Nagare nivasantīti nāgarā. Datvā, vuṭṭhāpesunti sambandho. Ārāmuyyānavāhanādīti ettha ādisaddena aññāni upabhogaparibhogāni saṅgaṇhāti. Gaṇikaṭṭhāneti gaṇikāya ṭhāne. Gaṇikāti ca nagarasobhinī. Sā hi atthikena janagaṇena abhigantabbāti gaṇikāti vuccati. Paṭisatena cāti ettha casaddo avadhāraṇattho. Rattiṃ gamanassa paṭinidhisaṅkhātena satena evāti hi attho. Gilānanti ettha bhāvapaccayena vināpi bhāvattho ñātabboti āha ‘‘gilānabhāva’’nti. ‘‘Jānāpeyya’’nti iminā paṭivedeyyanti ettha vidadhātuyā ñāṇatthaṃ dasseti. Kattarasuppeti ettha kattarasaddo jiṇṇapariyāyoti āha ‘‘jiṇṇasuppe’’ti. Supanti sunakhādayo etthāti suppaṃ, kattaraṃ suppaṃ kattarasuppaṃ.
੩੨੮. ਤਨ੍ਤਿ ਜੀવਕਂ। ਅਞ੍ਞੇ ਰਾਜਦਾਰਕਾ વਦਨ੍ਤਿ ਕਿਰਾਤਿ ਸਮ੍ਬਨ੍ਧੋ। ਨਤ੍ਥਿ ਮਾਤਾ ਏਤਸ੍ਸਾਤਿ ਨਿਮ੍ਮਾਤਿਕੋ। ਯਥਾ ਚਾਤਿਆਦੀਸੁ ਯਥਾ ਪੇਸਨ੍ਤਿ, ਤਥਾਤਿ ਯੋਜਨਾ। ਚਸਦ੍ਦੋ ਸਮ੍ਪਿਣ੍ਡਨਤ੍ਥੋ। ਨ ਕੇવਲਂ વਦਨ੍ਤਿਯੇવ, ਅਥ ਖੋ ਨ ਕੋਚਿ ਕਿਞ੍ਚਿ ਪੇਸੇਤੀਤਿ ਹਿ ਅਤ੍ਥੋ। ਅਞ੍ਞੇਸਨ੍ਤਿ ਜੀવਕਤੋ ਅਞ੍ਞੇਸਂ। ਤਸ੍ਸਾਤਿ ਜੀવਕਸ੍ਸ। ਇਤੀਤਿ ਏવਂ। ਸੋਤਿ ਜੀવਕੋ। ਤਂ ਸਬ੍ਬਨ੍ਤਿ ‘‘ਨਿਮ੍ਮਾਤਿਕੋ ਨਿਪ੍ਪਿਤਿਕੋ’’ਤਿ વਦਨਞ੍ਚ ਪਣ੍ਣਾਕਾਰਸ੍ਸ ਅਪੇਸਨਞ੍ਚਾਤਿ ਤਂ ਸਬ੍ਬਂ।
328.Tanti jīvakaṃ. Aññe rājadārakā vadanti kirāti sambandho. Natthi mātā etassāti nimmātiko. Yathā cātiādīsu yathā pesanti, tathāti yojanā. Casaddo sampiṇḍanattho. Na kevalaṃ vadantiyeva, atha kho na koci kiñci pesetīti hi attho. Aññesanti jīvakato aññesaṃ. Tassāti jīvakassa. Itīti evaṃ. Soti jīvako. Taṃ sabbanti ‘‘nimmātiko nippitiko’’ti vadanañca paṇṇākārassa apesanañcāti taṃ sabbaṃ.
ਯਂਨੂਨਾਤਿ ਸਾਧੁ વਤ। ਅਹਂ વਜ੍ਜਸਿਪ੍ਪਂ ਸਿਕ੍ਖੇਯ੍ਯਂ ਸਾਧੁ વਤਾਤਿ ਯੋਜਨਾ। ਤਸ੍ਸਾਤਿ ਜੀવਕਸ੍ਸ। ਏਤਦਹੋਸੀਤਿ ਏਤਂ ਅਹੋਸਿ, ਪਰਿવਿਤਕ੍ਕੋ ਅਹੂਤਿ ਅਤ੍ਥੋ। ਪਰੂਪਘਾਤਪਟਿਸਂਯੁਤ੍ਤਾਨੀਤਿ ਪਰਂ ਉਪਗਨ੍ਤ੍વਾ, ਉਪ ਭੁਸੇਨ વਾ ਹਨਨੇਨ ਪਟਿਸਂਯੁਤ੍ਤਾਨਿ। ਮੇਤ੍ਤਾਪੁਬ੍ਬਭਾਗਨ੍ਤਿ ਸਿਪ੍ਪਸ੍ਸ ਪੁਬ੍ਬਭਾਗੇ ਪવਤ੍ਤਾ ਮੇਤ੍ਤਾ ਏਤਸ੍ਸਾਤਿ ਮੇਤ੍ਤਾਪੁਬ੍ਬਭਾਗਂ। ਇਤਿ ਅਹੋਸੀਤਿ ਯੋਜਨਾ। ਪੁਰਿਮਚਿਨ੍ਤਾਯ ਅਨੇਕਨ੍ਤਭਾવਤੋ ਏਕਨ੍ਤਭਾવਂ ਦਸ੍ਸੇਨ੍ਤੋ ਆਹ ‘‘ਅਪਿ ਚਾ’’ਤਿਆਦਿ। ਅਪਿ ਚਾਤਿ ਏਕਨ੍ਤੇਨ। ਅਯਨ੍ਤਿ ਜੀવਕੋ। ਇਤੋਤਿ ਭਦ੍ਦਕਪ੍ਪਤੋ। ਅਯਨ੍ਤਿ ਉਪਾਸਕੋ । ਚਤੁਪਰਿਸਨ੍ਤਰੇਤਿ ਚਤੁਪਰਿਸਮਜ੍ਝੇ। ਪਤ੍ਥਤਗੁਣਨ੍ਤਿ ਪਤ੍ਥਰਿਤਗੁਣਂ। ਠਾਨਨ੍ਤਰਨ੍ਤਿ ਠਾਨਭੇਦਂ, ਅਹਮ੍ਪੀਤਿ ਨ ਅਯਂ ਉਪਾਸਕੋਯੇવ, ਅਹਮ੍ਪੀਤਿ ਅਤ੍ਥੋ। ਭਗવਾਤਿ ਆਲਪਨਪਦਮੇਤਂ। ਪਤ੍ਥਨਨ੍ਤਿ ਇਚ੍ਛਿਤવਰਂ। ਚੋਦਿਯਮਾਨੋਪੀਤਿ ਉਯ੍ਯੋਜਿਯਮਾਨੋਪਿ। ਪਿਸਦ੍ਦੇਨ ਪੁਰਿਮਚਿਨ੍ਤਨਮਪੇਕ੍ਖਤਿ। ਏਸਾਤਿ ਏਸੋ ਜੀવਕੋ।
Yaṃnūnāti sādhu vata. Ahaṃ vajjasippaṃ sikkheyyaṃ sādhu vatāti yojanā. Tassāti jīvakassa. Etadahosīti etaṃ ahosi, parivitakko ahūti attho. Parūpaghātapaṭisaṃyuttānīti paraṃ upagantvā, upa bhusena vā hananena paṭisaṃyuttāni. Mettāpubbabhāganti sippassa pubbabhāge pavattā mettā etassāti mettāpubbabhāgaṃ. Iti ahosīti yojanā. Purimacintāya anekantabhāvato ekantabhāvaṃ dassento āha ‘‘api cā’’tiādi. Api cāti ekantena. Ayanti jīvako. Itoti bhaddakappato. Ayanti upāsako . Catuparisantareti catuparisamajjhe. Patthataguṇanti pattharitaguṇaṃ. Ṭhānantaranti ṭhānabhedaṃ, ahampīti na ayaṃ upāsakoyeva, ahampīti attho. Bhagavāti ālapanapadametaṃ. Patthananti icchitavaraṃ. Codiyamānopīti uyyojiyamānopi. Pisaddena purimacintanamapekkhati. Esāti eso jīvako.
੩੨੯. ਦਿਸਾਪਾਮੋਕ੍ਖੋਤਿ ਪਦਸ੍ਸ ਦਿਸਾਸੁ ਪਾਮੋਕ੍ਖੋ ਦਿਸਾਪਾਮੋਕ੍ਖੋਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਸਬ੍ਬਦਿਸਾਸੂ’’ਤਿਆਦਿ। ਤਸ੍ਮਿਞ੍ਚ ਸਮਯੇਤਿ ਜੀવਕਸ੍ਸ ਤਸ੍ਮਿਂ ਚਿਨ੍ਤਨਸਮਯੇ ਚ, ਆਗਮਂਸੂਤਿ ਸਮ੍ਬਨ੍ਧੋ। ਤੇਤਿ વਾਣਿਜੇ, ਪੁਚ੍ਛੀਤਿ ਸਮ੍ਬਨ੍ਧੋ। ਕੁਤੋਤਿ ਨਗਰਤੋ। ਤਕ੍ਕਸੀਲਤੋਤਿ ਤਕ੍ਕਸੀਲਨਗਰਤੋ। ਤਤ੍ਥਾਤਿ ਤਕ੍ਕਸੀਲੇ। ਆਮਾਤਿ ਸਮ੍ਪਟਿਚ੍ਛਨਤ੍ਥੇ ਨਿਪਾਤੋ, ਆਮ ਅਤ੍ਥੀਤਿ ਹਿ ਅਤ੍ਥੋ। ਤੇਤਿ વਾਣਿਜਾ। ਤਥਾਤਿ ਯਥਾ ਜੀવਕੋ ਆਹ, ਤਥਾ ਅਕਂਸੂਤਿ ਅਤ੍ਥੋ। ਸੋਤਿ ਜੀવਕੋ। ਪਿਤਰਨ੍ਤਿ ਅਭਯਰਾਜਕੁਮਾਰਂ। ਤੇਹੀਤਿ વਾਣਿਜੇਹਿ।
329.Disāpāmokkhoti padassa disāsu pāmokkho disāpāmokkhoti vacanatthaṃ dassento āha ‘‘sabbadisāsū’’tiādi. Tasmiñca samayeti jīvakassa tasmiṃ cintanasamaye ca, āgamaṃsūti sambandho. Teti vāṇije, pucchīti sambandho. Kutoti nagarato. Takkasīlatoti takkasīlanagarato. Tatthāti takkasīle. Āmāti sampaṭicchanatthe nipāto, āma atthīti hi attho. Teti vāṇijā. Tathāti yathā jīvako āha, tathā akaṃsūti attho. Soti jīvako. Pitaranti abhayarājakumāraṃ. Tehīti vāṇijehi.
ਤਨ੍ਤਿ ਜੀવਕਂ, ਪੁਚ੍ਛੀਤਿ ਸਮ੍ਬਨ੍ਧੋ। ਸੋਤਿ ਜੀવਕੋ। ਕਸ੍ਮਾ ਤਾਤ ਤ੍વਂ ਇਧਾਗਤੋ ਅਸਿ ਪਨਾਤਿ ਪੁਚ੍ਛੀਤਿ ਯੋਜਨਾ। ਤਤੋਤਿ ਪੁਚ੍ਛਤੋ। ਸੋਤਿ ਜੀવਕੋ। ਸਿਕ੍ਖਿਤੁਂ ਆਗਤੋ ਅਮ੍ਹੀਤਿ ਯੋਜਨਾ। ਬਹੁਞ੍ਚ ਗਣ੍ਹਾਤੀਤਿਆਦੀਸੁ ਸੋ ਕਿਞ੍ਚਿ ਕਮ੍ਮਂ ਅਕਤ੍વਾ ਸਿਪ੍ਪਸ੍ਸੇવ ਸਿਕ੍ਖਿਤਤ੍ਤਾ ਬਹੁਞ੍ਚ ਗਣ੍ਹਾਤੀਤਿ ਆਹ ‘‘ਯਥਾ’’ਤਿਆਦਿ। ਤਤ੍ਥ ਯਥਾ ਸਿਕ੍ਖਨ੍ਤਿਯੇવ, ਏવਂ ਤਥਾ ਸੋ ਨ ਸਿਕ੍ਖਤੀਤਿ ਯੋਜਨਾ। ਸੋ ਪਨਾਤਿ ਜੀવਕੋ ਪਨ, ਕਰੋਤਿ ਸਿਕ੍ਖਤੀਤਿ ਸਮ੍ਬਨ੍ਧੋ। ਏਕਂ ਕਾਲਨ੍ਤਿ ਏਕਸ੍ਮਿਂ ਕਾਲੇ। ਏવਂ ਸਨ੍ਤੇ ਕਸ੍ਮਾ ਸੋ ਬਹੁਞ੍ਚ ਗਣ੍ਹਾਤੀਤਿ ਆਹ ‘‘ਏવਂ ਸਨ੍ਤੇਪੀ’’ਤਿਆਦਿ। ਮੇਧਾવਿਤਾਯਾਤਿ ਖਿਪ੍ਪਂ ਗਹਣਧਾਰਣਪਞ੍ਞਤਾਯ, ਬਹੁਞ੍ਚ ਸਿਪ੍ਪਨ੍ਤਿ ਸਮ੍ਬਨ੍ਧੋ। ਅਸ੍ਸ ਜੀવਕਸ੍ਸ ਗਹਿਤਞ੍ਚ ਸਿਪ੍ਪਂ ਨ ਸਮ੍ਮੁਸ੍ਸਤੀਤਿ ਯੋਜਨਾ।
Tanti jīvakaṃ, pucchīti sambandho. Soti jīvako. Kasmā tāta tvaṃ idhāgato asi panāti pucchīti yojanā. Tatoti pucchato. Soti jīvako. Sikkhituṃ āgato amhīti yojanā. Bahuñca gaṇhātītiādīsu so kiñci kammaṃ akatvā sippasseva sikkhitattā bahuñca gaṇhātīti āha ‘‘yathā’’tiādi. Tattha yathā sikkhantiyeva, evaṃ tathā so na sikkhatīti yojanā. So panāti jīvako pana, karoti sikkhatīti sambandho. Ekaṃ kālanti ekasmiṃ kāle. Evaṃ sante kasmā so bahuñca gaṇhātīti āha ‘‘evaṃ santepī’’tiādi. Medhāvitāyāti khippaṃ gahaṇadhāraṇapaññatāya, bahuñca sippanti sambandho. Assa jīvakassa gahitañca sippaṃ na sammussatīti yojanā.
ਯਤ੍ਤਕਂ ਸਿਪ੍ਪਂ ਆਚਰਿਯੋ ਜਾਨਾਤਿ, ਤਤ੍ਤਕਂ ਅਯਂ ਜੀવਕੋ ਜਾਨਾਤੀਤਿ ਯੋਜਨਾ। ਯਨ੍ਤਿ ਸਿਪ੍ਪਂ। ਅਯਨ੍ਤਿ ਜੀવਕੋ, ਭવਿਸ੍ਸਤੀਤਿ ਸਮ੍ਬਨ੍ਧੋ। ਨਨ੍ਤਿ ਜੀવਕਂ। ਯਥਾਤਿ ਯੇਨਾਕਾਰੇਨ। ਕਮ੍ਮવਿਪਾਕਨ੍ਤਿ ਕਮ੍ਮવਿਪਾਕਜਂ ਰੋਗਂ। ‘‘ਨ’’ਨ੍ਤਿ ਪਦਂ ‘‘ਸਿਕ੍ਖਾਪੇਸੀ’’ਤਿ ਪਦੇ ਕਾਰਿਤਕਮ੍ਮਂ, ‘‘ਭੇਸਜ੍ਜਯੋਜਨ’’ਨ੍ਤਿ ਪਦਂ ਧਾਤੁਕਮ੍ਮਂ। ਭੇਸਜ੍ਜਯੋਜਨਨ੍ਤਿ ਭੇਸਜ੍ਜੇਨ ਰੋਗਸ੍ਸ ਯੋਜਨਂ। ਸੋ ਪਨਾਤਿ ਜੀવਕੋ ਪਨ। ਇਮਿਨਾਤਿ ਜੀવਕੇਨ ਨ ਉਗ੍ਗਹਿਤਂ, ਉਗ੍ਗਹਿਤਨ੍ਤਿ ਸਮ੍ਬਨ੍ਧੋ। ਏਕੇਨ ਦ੍વਾਰੇਨਾਤਿ ਚਤੂਸੁ ਦ੍વਾਰੇਸੁ ਏਕੇਨ ਦ੍વਾਰੇਨ। ਆਹਿਣ੍ਡਨ੍ਤੋਤਿ વਿਚਰਨ੍ਤੋ। ਪਰਿਤ੍ਤਂ ਪਾਥੇਯ੍ਯਨ੍ਤਿ ਏਤ੍ਥ ਪਰਿਤ੍ਤਸਦ੍ਦਸ੍ਸ ਆਰਕ੍ਖਨਤ੍ਥੇਪਿ ਪવਤ੍ਤਨਤੋ ਇਧ ਅਪ੍ਪਤ੍ਥੇ ਪવਤ੍ਤਤੀਤਿ ਦਸ੍ਸੇਨ੍ਤੋ ਆਹ ‘‘ਅਪ੍ਪਮਤ੍ਤਕ’’ਨ੍ਤਿ। ਕਸ੍ਮਾ ਅਪ੍ਪਮਤ੍ਤਕਂ ਪਾਥੇਯ੍ਯਂ ਅਦਾਸੀਤਿ ਯੋਜਨਾ। ਤਸ੍ਸਾਤਿ ਦਿਸਾਪਾਮੋਕ੍ਖਸ੍ਸ। ਅਯਨ੍ਤਿ ਜੀવਕੋ, ਲਭਿਸ੍ਸਤੀਤਿ ਸਮ੍ਬਨ੍ਧੋ। ਤਤੋਤਿ ਲਭਨਤੋ। ਖੀਣੇ ਪਾਥੇਯ੍ਯੇਤਿ ਪਾਥੇਯ੍ਯੇ ਖੀਣੇ ਸਤੀਤਿ ਯੋਜਨਾ।
Yattakaṃ sippaṃ ācariyo jānāti, tattakaṃ ayaṃ jīvako jānātīti yojanā. Yanti sippaṃ. Ayanti jīvako, bhavissatīti sambandho. Nanti jīvakaṃ. Yathāti yenākārena. Kammavipākanti kammavipākajaṃ rogaṃ. ‘‘Na’’nti padaṃ ‘‘sikkhāpesī’’ti pade kāritakammaṃ, ‘‘bhesajjayojana’’nti padaṃ dhātukammaṃ. Bhesajjayojananti bhesajjena rogassa yojanaṃ. So panāti jīvako pana. Imināti jīvakena na uggahitaṃ, uggahitanti sambandho. Ekena dvārenāti catūsu dvāresu ekena dvārena. Āhiṇḍantoti vicaranto. Parittaṃ pātheyyanti ettha parittasaddassa ārakkhanatthepi pavattanato idha appatthe pavattatīti dassento āha ‘‘appamattaka’’nti. Kasmā appamattakaṃ pātheyyaṃ adāsīti yojanā. Tassāti disāpāmokkhassa. Ayanti jīvako, labhissatīti sambandho. Tatoti labhanato. Khīṇe pātheyyeti pātheyye khīṇe satīti yojanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੦੨. ਜੀવਕવਤ੍ਥੁ • 202. Jīvakavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਜੀવਕવਤ੍ਥੁਕਥਾ • Jīvakavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਜੀવਕવਤ੍ਥੁਕਥਾવਣ੍ਣਨਾ • Jīvakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਜੀવਕવਤ੍ਥੁਕਥਾવਣ੍ਣਨਾ • Jīvakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਜੀવਕવਤ੍ਥੁਕਥਾਦਿવਣ੍ਣਨਾ • Jīvakavatthukathādivaṇṇanā
