| Library / Tipiṭaka / திபிடக • Tipiṭaka / இதிவுத்தகபாளி • Itivuttakapāḷi |
2. ஜீவிகஸுத்தங்
2. Jīvikasuttaṃ
91. வுத்தஞ்ஹேதங் ப⁴க³வதா, வுத்தமரஹதாதி மே ஸுதங் –
91. Vuttañhetaṃ bhagavatā, vuttamarahatāti me sutaṃ –
‘‘அந்தமித³ங், பி⁴க்க²வே, ஜீவிகானங் யதி³த³ங் பிண்டொ³ல்யங். அபி⁴ஸாபோயங் 1, பி⁴க்க²வே, லோகஸ்மிங் – ‘பிண்டோ³லோ விசரஸி பத்தபாணீ’தி. தஞ்ச கோ² ஏதங், பி⁴க்க²வே, குலபுத்தா உபெந்தி அத்த²வஸிகா, அத்த²வஸங் படிச்ச; நேவ ராஜாபி⁴னீதா, ந சோராபி⁴னீதா, ந இணட்டா, ந ப⁴யட்டா, ந ஆஜீவிகாபகதா. அபி ச கோ² ‘ஓதிண்ணம்ஹா ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி து³க்கோ²திண்ணா து³க்க²பரேதா , அப்பேவ நாம இமஸ்ஸ கேவலஸ்ஸ து³க்க²க்க²ந்த⁴ஸ்ஸ அந்தகிரியா பஞ்ஞாயேதா²’தி. ஏவங் பப்³ப³ஜிதோ சாயங், பி⁴க்க²வே, குலபுத்தோ ஸோ ச ஹோதி அபி⁴ஜ்ஜா²லு காமேஸு திப்³ப³ஸாராகோ³, ப்³யாபன்னசித்தோ பது³ட்ட²மனஸங்கப்போ, முட்ட²ஸ்ஸதி அஸம்பஜானோ அஸமாஹிதோ விப்³ப⁴ந்தசித்தோ பாகதிந்த்³ரியோ. ஸெய்யதா²பி, பி⁴க்க²வே, ச²வாலாதங் உப⁴தோபதி³த்தங் மஜ்ஜே² கூ³த²க³தங் நேவ கா³மே கட்ட²த்த²ங் ப²ரதி ந அரஞ்ஞேஃ ததூ²பமாஹங், பி⁴க்க²வே, இமங் புக்³க³லங் வதா³மி கி³ஹிபோ⁴கா³ பரிஹீனோ ஸாமஞ்ஞத்த²ஞ்ச ந பரிபூரேதீ’’தி. ஏதமத்த²ங் ப⁴க³வா அவோச. தத்தே²தங் இதி வுச்சதி –
‘‘Antamidaṃ, bhikkhave, jīvikānaṃ yadidaṃ piṇḍolyaṃ. Abhisāpoyaṃ 2, bhikkhave, lokasmiṃ – ‘piṇḍolo vicarasi pattapāṇī’ti. Tañca kho etaṃ, bhikkhave, kulaputtā upenti atthavasikā, atthavasaṃ paṭicca; neva rājābhinītā, na corābhinītā, na iṇaṭṭā, na bhayaṭṭā, na ājīvikāpakatā. Api ca kho ‘otiṇṇamhā jātiyā jarāya maraṇena sokehi paridevehi dukkhehi domanassehi upāyāsehi dukkhotiṇṇā dukkhaparetā , appeva nāma imassa kevalassa dukkhakkhandhassa antakiriyā paññāyethā’ti. Evaṃ pabbajito cāyaṃ, bhikkhave, kulaputto so ca hoti abhijjhālu kāmesu tibbasārāgo, byāpannacitto paduṭṭhamanasaṅkappo, muṭṭhassati asampajāno asamāhito vibbhantacitto pākatindriyo. Seyyathāpi, bhikkhave, chavālātaṃ ubhatopadittaṃ majjhe gūthagataṃ neva gāme kaṭṭhatthaṃ pharati na araññeः tathūpamāhaṃ, bhikkhave, imaṃ puggalaṃ vadāmi gihibhogā parihīno sāmaññatthañca na paripūretī’’ti. Etamatthaṃ bhagavā avoca. Tatthetaṃ iti vuccati –
‘‘கி³ஹிபோ⁴கா³ பரிஹீனோ, ஸாமஞ்ஞத்த²ஞ்ச து³ப்³ப⁴கோ³;
‘‘Gihibhogā parihīno, sāmaññatthañca dubbhago;
பரித⁴ங்ஸமானோ பகிரேதி, ச²வாலாதங்வ நஸ்ஸதி.
Paridhaṃsamāno pakireti, chavālātaṃva nassati.
‘‘காஸாவகண்டா² ப³ஹவோ, பாபத⁴ம்மா அஸஞ்ஞதா;
‘‘Kāsāvakaṇṭhā bahavo, pāpadhammā asaññatā;
பாபா பாபேஹி கம்மேஹி, நிரயங் தே உபபஜ்ஜரே.
Pāpā pāpehi kammehi, nirayaṃ te upapajjare.
‘‘ஸெய்யோ அயோகு³ளோ பு⁴த்தோ, தத்தோ அக்³கி³ஸிகூ²பமோ;
‘‘Seyyo ayoguḷo bhutto, tatto aggisikhūpamo;
யஞ்சே பு⁴ஞ்ஜெய்ய து³ஸ்ஸீலோ, ரட்ட²பிண்ட³மஸஞ்ஞதோ’’தி.
Yañce bhuñjeyya dussīlo, raṭṭhapiṇḍamasaññato’’ti.
அயம்பி அத்தோ² வுத்தோ ப⁴க³வதா, இதி மே ஸுதந்தி. து³தியங்.
Ayampi attho vutto bhagavatā, iti me sutanti. Dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / இதிவுத்தக-அட்ட²கதா² • Itivuttaka-aṭṭhakathā / 2. ஜீவிகஸுத்தவண்ணனா • 2. Jīvikasuttavaṇṇanā
