| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১২. দ্ৰাদসমৰগ্গো
12. Dvādasamavaggo
(১২৩) ৮. জীৰিতা ৰোরোপনকথা
(123) 8. Jīvitā voropanakathā
৬৪৮. দিট্ঠিসম্পন্নো পুগ্গলো সঞ্চিচ্চ পাণং জীৰিতা ৰোরোপেয্যাতি? আমন্তা। দিট্ঠিসম্পন্নো পুগ্গলো সঞ্চিচ্চ মাতরং জীৰিতা ৰোরোপেয্য…পে॰… পিতরং জীৰিতা ৰোরোপেয্য …পে॰… অরহন্তং জীৰিতা ৰোরোপেয্য…পে॰… দুট্ঠেন চিত্তেন তথাগতস্স লোহিতং উপ্পাদেয্য…পে॰… সঙ্ঘং ভিন্দেয্যাতি? ন হেৰং ৰত্তব্বে…পে॰…।
648. Diṭṭhisampanno puggalo sañcicca pāṇaṃ jīvitā voropeyyāti? Āmantā. Diṭṭhisampanno puggalo sañcicca mātaraṃ jīvitā voropeyya…pe… pitaraṃ jīvitā voropeyya …pe… arahantaṃ jīvitā voropeyya…pe… duṭṭhena cittena tathāgatassa lohitaṃ uppādeyya…pe… saṅghaṃ bhindeyyāti? Na hevaṃ vattabbe…pe….
দিট্ঠিসম্পন্নো পুগ্গলো সঞ্চিচ্চ পাণং জীৰিতা ৰোরোপেয্যাতি? আমন্তা। দিট্ঠিসম্পন্নো পুগ্গলো সত্থরি অগারৰোতি? ন হেৰং ৰত্তব্বে…পে॰… ধম্মে…পে॰… সঙ্ঘে…পে॰… সিক্খায অগারৰোতি? ন হেৰং ৰত্তব্বে…পে॰…।
Diṭṭhisampanno puggalo sañcicca pāṇaṃ jīvitā voropeyyāti? Āmantā. Diṭṭhisampanno puggalo satthari agāravoti? Na hevaṃ vattabbe…pe… dhamme…pe… saṅghe…pe… sikkhāya agāravoti? Na hevaṃ vattabbe…pe….
ননু দিট্ঠিসম্পন্নো পুগ্গলো সত্থরি সগারৰোতি? আমন্তা। হঞ্চি দিট্ঠিসম্পন্নো পুগ্গলো সত্থরি সগারৰো, নো চ ৰত রে ৰত্তব্বে – ‘‘দিট্ঠিসম্পন্নো পুগ্গলো সঞ্চিচ্চ পাণং জীৰিতা ৰোরোপেয্যা’’তি। ননু দিট্ঠিসম্পন্নো পুগ্গলো ধম্মে…পে॰… সঙ্ঘে…পে॰… সিক্খায সগারৰোতি? আমন্তা। হঞ্চি দিট্ঠিসম্পন্নো পুগ্গলো সিক্খায সগারৰো, নো চ ৰত রে ৰত্তব্বে – ‘‘দিট্ঠিসম্পন্নো পুগ্গলো সঞ্চিচ্চ পাণং জীৰিতা ৰোরোপেয্যা’’তি।
Nanu diṭṭhisampanno puggalo satthari sagāravoti? Āmantā. Hañci diṭṭhisampanno puggalo satthari sagāravo, no ca vata re vattabbe – ‘‘diṭṭhisampanno puggalo sañcicca pāṇaṃ jīvitā voropeyyā’’ti. Nanu diṭṭhisampanno puggalo dhamme…pe… saṅghe…pe… sikkhāya sagāravoti? Āmantā. Hañci diṭṭhisampanno puggalo sikkhāya sagāravo, no ca vata re vattabbe – ‘‘diṭṭhisampanno puggalo sañcicca pāṇaṃ jīvitā voropeyyā’’ti.
৬৪৯. দিট্ঠিসম্পন্নো পুগ্গলো সত্থরি অগারৰোতি? আমন্তা। দিট্ঠিসম্পন্নো পুগ্গলো বুদ্ধথূপে ওহদেয্য ওমুত্তেয্য নিট্ঠুভেয্য বুদ্ধথূপে অপব্যামতো 1 করেয্যাতি? ন হেৰং ৰত্তব্বে…পে॰…।
649. Diṭṭhisampanno puggalo satthari agāravoti? Āmantā. Diṭṭhisampanno puggalo buddhathūpe ohadeyya omutteyya niṭṭhubheyya buddhathūpe apabyāmato 2 kareyyāti? Na hevaṃ vattabbe…pe….
দিট্ঠিসম্পন্নো পুগ্গলো সঞ্চিচ্চ পাণং জীৰিতা ৰোরোপেয্যাতি? আমন্তা। ননু ৰুত্তং ভগৰতা – ‘‘সেয্যথাপি, ভিক্খৰে, মহাসমুদ্দো ঠিতধম্মো ৰেলং নাতিৰত্ততি; এৰমেৰ খো, ভিক্খৰে, যং মযা সাৰকানং সিক্খাপদং পঞ্ঞত্তং তং মম সাৰকা জীৰিতহেতুপি নাতিক্কমন্তী’’তি 3! অত্থেৰ সুত্তন্তোতি? আমন্তা । তেন হি ন ৰত্তব্বং – ‘‘দিট্ঠিসম্পন্নো পুগ্গলো সঞ্চিচ্চ পাণং জীৰিতা ৰোরোপেয্যা’’তি।
Diṭṭhisampanno puggalo sañcicca pāṇaṃ jīvitā voropeyyāti? Āmantā. Nanu vuttaṃ bhagavatā – ‘‘seyyathāpi, bhikkhave, mahāsamuddo ṭhitadhammo velaṃ nātivattati; evameva kho, bhikkhave, yaṃ mayā sāvakānaṃ sikkhāpadaṃ paññattaṃ taṃ mama sāvakā jīvitahetupi nātikkamantī’’ti 4! Attheva suttantoti? Āmantā . Tena hi na vattabbaṃ – ‘‘diṭṭhisampanno puggalo sañcicca pāṇaṃ jīvitā voropeyyā’’ti.
জীৰিতা ৰোরোপনকথা নিট্ঠিতা।
Jīvitā voropanakathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৮. জীৰিতাৰোরোপনকথাৰণ্ণনা • 8. Jīvitāvoropanakathāvaṇṇanā
