| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๒. ทฺวาทสมวโคฺค
12. Dvādasamavaggo
(๑๒๓) ๘. ชีวิตา โวโรปนกถา
(123) 8. Jīvitā voropanakathā
๖๔๘. ทิฎฺฐิสมฺปโนฺน ปุคฺคโล สญฺจิจฺจ ปาณํ ชีวิตา โวโรเปยฺยาติ? อามนฺตาฯ ทิฎฺฐิสมฺปโนฺน ปุคฺคโล สญฺจิจฺจ มาตรํ ชีวิตา โวโรเปยฺย…เป.… ปิตรํ ชีวิตา โวโรเปยฺย …เป.… อรหนฺตํ ชีวิตา โวโรเปยฺย…เป.… ทุเฎฺฐน จิเตฺตน ตถาคตสฺส โลหิตํ อุปฺปาเทยฺย…เป.… สงฺฆํ ภิเนฺทยฺยาติ? น เหวํ วตฺตเพฺพ…เป.…ฯ
648. Diṭṭhisampanno puggalo sañcicca pāṇaṃ jīvitā voropeyyāti? Āmantā. Diṭṭhisampanno puggalo sañcicca mātaraṃ jīvitā voropeyya…pe… pitaraṃ jīvitā voropeyya …pe… arahantaṃ jīvitā voropeyya…pe… duṭṭhena cittena tathāgatassa lohitaṃ uppādeyya…pe… saṅghaṃ bhindeyyāti? Na hevaṃ vattabbe…pe….
ทิฎฺฐิสมฺปโนฺน ปุคฺคโล สญฺจิจฺจ ปาณํ ชีวิตา โวโรเปยฺยาติ? อามนฺตาฯ ทิฎฺฐิสมฺปโนฺน ปุคฺคโล สตฺถริ อคารโวติ? น เหวํ วตฺตเพฺพ…เป.… ธเมฺม…เป.… สเงฺฆ…เป.… สิกฺขาย อคารโวติ? น เหวํ วตฺตเพฺพ…เป.…ฯ
Diṭṭhisampanno puggalo sañcicca pāṇaṃ jīvitā voropeyyāti? Āmantā. Diṭṭhisampanno puggalo satthari agāravoti? Na hevaṃ vattabbe…pe… dhamme…pe… saṅghe…pe… sikkhāya agāravoti? Na hevaṃ vattabbe…pe….
นนุ ทิฎฺฐิสมฺปโนฺน ปุคฺคโล สตฺถริ สคารโวติ? อามนฺตาฯ หญฺจิ ทิฎฺฐิสมฺปโนฺน ปุคฺคโล สตฺถริ สคารโว, โน จ วต เร วตฺตเพฺพ – ‘‘ทิฎฺฐิสมฺปโนฺน ปุคฺคโล สญฺจิจฺจ ปาณํ ชีวิตา โวโรเปยฺยา’’ติฯ นนุ ทิฎฺฐิสมฺปโนฺน ปุคฺคโล ธเมฺม…เป.… สเงฺฆ…เป.… สิกฺขาย สคารโวติ? อามนฺตาฯ หญฺจิ ทิฎฺฐิสมฺปโนฺน ปุคฺคโล สิกฺขาย สคารโว, โน จ วต เร วตฺตเพฺพ – ‘‘ทิฎฺฐิสมฺปโนฺน ปุคฺคโล สญฺจิจฺจ ปาณํ ชีวิตา โวโรเปยฺยา’’ติฯ
Nanu diṭṭhisampanno puggalo satthari sagāravoti? Āmantā. Hañci diṭṭhisampanno puggalo satthari sagāravo, no ca vata re vattabbe – ‘‘diṭṭhisampanno puggalo sañcicca pāṇaṃ jīvitā voropeyyā’’ti. Nanu diṭṭhisampanno puggalo dhamme…pe… saṅghe…pe… sikkhāya sagāravoti? Āmantā. Hañci diṭṭhisampanno puggalo sikkhāya sagāravo, no ca vata re vattabbe – ‘‘diṭṭhisampanno puggalo sañcicca pāṇaṃ jīvitā voropeyyā’’ti.
๖๔๙. ทิฎฺฐิสมฺปโนฺน ปุคฺคโล สตฺถริ อคารโวติ? อามนฺตาฯ ทิฎฺฐิสมฺปโนฺน ปุคฺคโล พุทฺธถูเป โอหเทยฺย โอมุเตฺตยฺย นิฎฺฐุเภยฺย พุทฺธถูเป อปพฺยามโต 1 กเรยฺยาติ? น เหวํ วตฺตเพฺพ…เป.…ฯ
649. Diṭṭhisampanno puggalo satthari agāravoti? Āmantā. Diṭṭhisampanno puggalo buddhathūpe ohadeyya omutteyya niṭṭhubheyya buddhathūpe apabyāmato 2 kareyyāti? Na hevaṃ vattabbe…pe….
ทิฎฺฐิสมฺปโนฺน ปุคฺคโล สญฺจิจฺจ ปาณํ ชีวิตา โวโรเปยฺยาติ? อามนฺตาฯ นนุ วุตฺตํ ภควตา – ‘‘เสยฺยถาปิ, ภิกฺขเว, มหาสมุโทฺท ฐิตธโมฺม เวลํ นาติวตฺตติ; เอวเมว โข, ภิกฺขเว, ยํ มยา สาวกานํ สิกฺขาปทํ ปญฺญตฺตํ ตํ มม สาวกา ชีวิตเหตุปิ นาติกฺกมนฺตี’’ติ 3! อเตฺถว สุตฺตโนฺตติ? อามนฺตา ฯ เตน หิ น วตฺตพฺพํ – ‘‘ทิฎฺฐิสมฺปโนฺน ปุคฺคโล สญฺจิจฺจ ปาณํ ชีวิตา โวโรเปยฺยา’’ติฯ
Diṭṭhisampanno puggalo sañcicca pāṇaṃ jīvitā voropeyyāti? Āmantā. Nanu vuttaṃ bhagavatā – ‘‘seyyathāpi, bhikkhave, mahāsamuddo ṭhitadhammo velaṃ nātivattati; evameva kho, bhikkhave, yaṃ mayā sāvakānaṃ sikkhāpadaṃ paññattaṃ taṃ mama sāvakā jīvitahetupi nātikkamantī’’ti 4! Attheva suttantoti? Āmantā . Tena hi na vattabbaṃ – ‘‘diṭṭhisampanno puggalo sañcicca pāṇaṃ jīvitā voropeyyā’’ti.
ชีวิตา โวโรปนกถา นิฎฺฐิตาฯ
Jīvitā voropanakathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๘. ชีวิตาโวโรปนกถาวณฺณนา • 8. Jīvitāvoropanakathāvaṇṇanā
