| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
១២. ទ្វាទសមវគ្គោ
12. Dvādasamavaggo
(១២៣) ៨. ជីវិតា វោរោបនកថា
(123) 8. Jīvitā voropanakathā
៦៤៨. ទិដ្ឋិសម្បន្នោ បុគ្គលោ សញ្ចិច្ច បាណំ ជីវិតា វោរោបេយ្យាតិ? អាមន្តា។ ទិដ្ឋិសម្បន្នោ បុគ្គលោ សញ្ចិច្ច មាតរំ ជីវិតា វោរោបេយ្យ…បេ.… បិតរំ ជីវិតា វោរោបេយ្យ …បេ.… អរហន្តំ ជីវិតា វោរោបេយ្យ…បេ.… ទុដ្ឋេន ចិត្តេន តថាគតស្ស លោហិតំ ឧប្បាទេយ្យ…បេ.… សង្ឃំ ភិន្ទេយ្យាតិ? ន ហេវំ វត្តព្ពេ…បេ.…។
648. Diṭṭhisampanno puggalo sañcicca pāṇaṃ jīvitā voropeyyāti? Āmantā. Diṭṭhisampanno puggalo sañcicca mātaraṃ jīvitā voropeyya…pe… pitaraṃ jīvitā voropeyya …pe… arahantaṃ jīvitā voropeyya…pe… duṭṭhena cittena tathāgatassa lohitaṃ uppādeyya…pe… saṅghaṃ bhindeyyāti? Na hevaṃ vattabbe…pe….
ទិដ្ឋិសម្បន្នោ បុគ្គលោ សញ្ចិច្ច បាណំ ជីវិតា វោរោបេយ្យាតិ? អាមន្តា។ ទិដ្ឋិសម្បន្នោ បុគ្គលោ សត្ថរិ អគារវោតិ? ន ហេវំ វត្តព្ពេ…បេ.… ធម្មេ…បេ.… សង្ឃេ…បេ.… សិក្ខាយ អគារវោតិ? ន ហេវំ វត្តព្ពេ…បេ.…។
Diṭṭhisampanno puggalo sañcicca pāṇaṃ jīvitā voropeyyāti? Āmantā. Diṭṭhisampanno puggalo satthari agāravoti? Na hevaṃ vattabbe…pe… dhamme…pe… saṅghe…pe… sikkhāya agāravoti? Na hevaṃ vattabbe…pe….
ននុ ទិដ្ឋិសម្បន្នោ បុគ្គលោ សត្ថរិ សគារវោតិ? អាមន្តា។ ហញ្ចិ ទិដ្ឋិសម្បន្នោ បុគ្គលោ សត្ថរិ សគារវោ, នោ ច វត រេ វត្តព្ពេ – ‘‘ទិដ្ឋិសម្បន្នោ បុគ្គលោ សញ្ចិច្ច បាណំ ជីវិតា វោរោបេយ្យា’’តិ។ ននុ ទិដ្ឋិសម្បន្នោ បុគ្គលោ ធម្មេ…បេ.… សង្ឃេ…បេ.… សិក្ខាយ សគារវោតិ? អាមន្តា។ ហញ្ចិ ទិដ្ឋិសម្បន្នោ បុគ្គលោ សិក្ខាយ សគារវោ, នោ ច វត រេ វត្តព្ពេ – ‘‘ទិដ្ឋិសម្បន្នោ បុគ្គលោ សញ្ចិច្ច បាណំ ជីវិតា វោរោបេយ្យា’’តិ។
Nanu diṭṭhisampanno puggalo satthari sagāravoti? Āmantā. Hañci diṭṭhisampanno puggalo satthari sagāravo, no ca vata re vattabbe – ‘‘diṭṭhisampanno puggalo sañcicca pāṇaṃ jīvitā voropeyyā’’ti. Nanu diṭṭhisampanno puggalo dhamme…pe… saṅghe…pe… sikkhāya sagāravoti? Āmantā. Hañci diṭṭhisampanno puggalo sikkhāya sagāravo, no ca vata re vattabbe – ‘‘diṭṭhisampanno puggalo sañcicca pāṇaṃ jīvitā voropeyyā’’ti.
៦៤៩. ទិដ្ឋិសម្បន្នោ បុគ្គលោ សត្ថរិ អគារវោតិ? អាមន្តា។ ទិដ្ឋិសម្បន្នោ បុគ្គលោ ពុទ្ធថូបេ ឱហទេយ្យ ឱមុត្តេយ្យ និដ្ឋុភេយ្យ ពុទ្ធថូបេ អបព្យាមតោ 1 ករេយ្យាតិ? ន ហេវំ វត្តព្ពេ…បេ.…។
649. Diṭṭhisampanno puggalo satthari agāravoti? Āmantā. Diṭṭhisampanno puggalo buddhathūpe ohadeyya omutteyya niṭṭhubheyya buddhathūpe apabyāmato 2 kareyyāti? Na hevaṃ vattabbe…pe….
ទិដ្ឋិសម្បន្នោ បុគ្គលោ សញ្ចិច្ច បាណំ ជីវិតា វោរោបេយ្យាតិ? អាមន្តា។ ននុ វុត្តំ ភគវតា – ‘‘សេយ្យថាបិ, ភិក្ខវេ, មហាសមុទ្ទោ ឋិតធម្មោ វេលំ នាតិវត្តតិ; ឯវមេវ ខោ, ភិក្ខវេ, យំ មយា សាវកានំ សិក្ខាបទំ បញ្ញត្តំ តំ មម សាវកា ជីវិតហេតុបិ នាតិក្កមន្តី’’តិ 3! អត្ថេវ សុត្តន្តោតិ? អាមន្តា ។ តេន ហិ ន វត្តព្ពំ – ‘‘ទិដ្ឋិសម្បន្នោ បុគ្គលោ សញ្ចិច្ច បាណំ ជីវិតា វោរោបេយ្យា’’តិ។
Diṭṭhisampanno puggalo sañcicca pāṇaṃ jīvitā voropeyyāti? Āmantā. Nanu vuttaṃ bhagavatā – ‘‘seyyathāpi, bhikkhave, mahāsamuddo ṭhitadhammo velaṃ nātivattati; evameva kho, bhikkhave, yaṃ mayā sāvakānaṃ sikkhāpadaṃ paññattaṃ taṃ mama sāvakā jīvitahetupi nātikkamantī’’ti 4! Attheva suttantoti? Āmantā . Tena hi na vattabbaṃ – ‘‘diṭṭhisampanno puggalo sañcicca pāṇaṃ jīvitā voropeyyā’’ti.
ជីវិតា វោរោបនកថា និដ្ឋិតា។
Jīvitā voropanakathā niṭṭhitā.
Footnotes:
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៨. ជីវិតាវោរោបនកថាវណ្ណនា • 8. Jīvitāvoropanakathāvaṇṇanā
