| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൨. ദ്വാദസമവഗ്ഗോ
12. Dvādasamavaggo
(൧൨൩) ൮. ജീവിതാ വോരോപനകഥാ
(123) 8. Jīvitā voropanakathā
൬൪൮. ദിട്ഠിസമ്പന്നോ പുഗ്ഗലോ സഞ്ചിച്ച പാണം ജീവിതാ വോരോപേയ്യാതി? ആമന്താ. ദിട്ഠിസമ്പന്നോ പുഗ്ഗലോ സഞ്ചിച്ച മാതരം ജീവിതാ വോരോപേയ്യ…പേ॰… പിതരം ജീവിതാ വോരോപേയ്യ …പേ॰… അരഹന്തം ജീവിതാ വോരോപേയ്യ…പേ॰… ദുട്ഠേന ചിത്തേന തഥാഗതസ്സ ലോഹിതം ഉപ്പാദേയ്യ…പേ॰… സങ്ഘം ഭിന്ദേയ്യാതി? ന ഹേവം വത്തബ്ബേ…പേ॰….
648. Diṭṭhisampanno puggalo sañcicca pāṇaṃ jīvitā voropeyyāti? Āmantā. Diṭṭhisampanno puggalo sañcicca mātaraṃ jīvitā voropeyya…pe… pitaraṃ jīvitā voropeyya …pe… arahantaṃ jīvitā voropeyya…pe… duṭṭhena cittena tathāgatassa lohitaṃ uppādeyya…pe… saṅghaṃ bhindeyyāti? Na hevaṃ vattabbe…pe….
ദിട്ഠിസമ്പന്നോ പുഗ്ഗലോ സഞ്ചിച്ച പാണം ജീവിതാ വോരോപേയ്യാതി? ആമന്താ. ദിട്ഠിസമ്പന്നോ പുഗ്ഗലോ സത്ഥരി അഗാരവോതി? ന ഹേവം വത്തബ്ബേ…പേ॰… ധമ്മേ…പേ॰… സങ്ഘേ…പേ॰… സിക്ഖായ അഗാരവോതി? ന ഹേവം വത്തബ്ബേ…പേ॰….
Diṭṭhisampanno puggalo sañcicca pāṇaṃ jīvitā voropeyyāti? Āmantā. Diṭṭhisampanno puggalo satthari agāravoti? Na hevaṃ vattabbe…pe… dhamme…pe… saṅghe…pe… sikkhāya agāravoti? Na hevaṃ vattabbe…pe….
നനു ദിട്ഠിസമ്പന്നോ പുഗ്ഗലോ സത്ഥരി സഗാരവോതി? ആമന്താ. ഹഞ്ചി ദിട്ഠിസമ്പന്നോ പുഗ്ഗലോ സത്ഥരി സഗാരവോ, നോ ച വത രേ വത്തബ്ബേ – ‘‘ദിട്ഠിസമ്പന്നോ പുഗ്ഗലോ സഞ്ചിച്ച പാണം ജീവിതാ വോരോപേയ്യാ’’തി. നനു ദിട്ഠിസമ്പന്നോ പുഗ്ഗലോ ധമ്മേ…പേ॰… സങ്ഘേ…പേ॰… സിക്ഖായ സഗാരവോതി? ആമന്താ. ഹഞ്ചി ദിട്ഠിസമ്പന്നോ പുഗ്ഗലോ സിക്ഖായ സഗാരവോ, നോ ച വത രേ വത്തബ്ബേ – ‘‘ദിട്ഠിസമ്പന്നോ പുഗ്ഗലോ സഞ്ചിച്ച പാണം ജീവിതാ വോരോപേയ്യാ’’തി.
Nanu diṭṭhisampanno puggalo satthari sagāravoti? Āmantā. Hañci diṭṭhisampanno puggalo satthari sagāravo, no ca vata re vattabbe – ‘‘diṭṭhisampanno puggalo sañcicca pāṇaṃ jīvitā voropeyyā’’ti. Nanu diṭṭhisampanno puggalo dhamme…pe… saṅghe…pe… sikkhāya sagāravoti? Āmantā. Hañci diṭṭhisampanno puggalo sikkhāya sagāravo, no ca vata re vattabbe – ‘‘diṭṭhisampanno puggalo sañcicca pāṇaṃ jīvitā voropeyyā’’ti.
൬൪൯. ദിട്ഠിസമ്പന്നോ പുഗ്ഗലോ സത്ഥരി അഗാരവോതി? ആമന്താ. ദിട്ഠിസമ്പന്നോ പുഗ്ഗലോ ബുദ്ധഥൂപേ ഓഹദേയ്യ ഓമുത്തേയ്യ നിട്ഠുഭേയ്യ ബുദ്ധഥൂപേ അപബ്യാമതോ 1 കരേയ്യാതി? ന ഹേവം വത്തബ്ബേ…പേ॰….
649. Diṭṭhisampanno puggalo satthari agāravoti? Āmantā. Diṭṭhisampanno puggalo buddhathūpe ohadeyya omutteyya niṭṭhubheyya buddhathūpe apabyāmato 2 kareyyāti? Na hevaṃ vattabbe…pe….
ദിട്ഠിസമ്പന്നോ പുഗ്ഗലോ സഞ്ചിച്ച പാണം ജീവിതാ വോരോപേയ്യാതി? ആമന്താ. നനു വുത്തം ഭഗവതാ – ‘‘സേയ്യഥാപി, ഭിക്ഖവേ, മഹാസമുദ്ദോ ഠിതധമ്മോ വേലം നാതിവത്തതി; ഏവമേവ ഖോ, ഭിക്ഖവേ, യം മയാ സാവകാനം സിക്ഖാപദം പഞ്ഞത്തം തം മമ സാവകാ ജീവിതഹേതുപി നാതിക്കമന്തീ’’തി 3! അത്ഥേവ സുത്തന്തോതി? ആമന്താ . തേന ഹി ന വത്തബ്ബം – ‘‘ദിട്ഠിസമ്പന്നോ പുഗ്ഗലോ സഞ്ചിച്ച പാണം ജീവിതാ വോരോപേയ്യാ’’തി.
Diṭṭhisampanno puggalo sañcicca pāṇaṃ jīvitā voropeyyāti? Āmantā. Nanu vuttaṃ bhagavatā – ‘‘seyyathāpi, bhikkhave, mahāsamuddo ṭhitadhammo velaṃ nātivattati; evameva kho, bhikkhave, yaṃ mayā sāvakānaṃ sikkhāpadaṃ paññattaṃ taṃ mama sāvakā jīvitahetupi nātikkamantī’’ti 4! Attheva suttantoti? Āmantā . Tena hi na vattabbaṃ – ‘‘diṭṭhisampanno puggalo sañcicca pāṇaṃ jīvitā voropeyyā’’ti.
ജീവിതാ വോരോപനകഥാ നിട്ഠിതാ.
Jīvitā voropanakathā niṭṭhitā.
Footnotes:
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൮. ജീവിതാവോരോപനകഥാവണ്ണനാ • 8. Jīvitāvoropanakathāvaṇṇanā
