| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
8. ජීවිතාවොරොපනකථාවණ්‌ණනා
8. Jīvitāvoropanakathāvaṇṇanā
648-649. ඉදානි ජීවිතාවොරොපනකථා නාම හොති. තත්‌ථ යස්‌මා දොසසම්‌පයුත්‌තෙන චිත්‌තෙන පාණාතිපාතො හොති, දොසො ච දිට්‌ඨිසම්‌පන්‌නස්‌ස අප්‌පහීනො, තස්‌මා ‘‘දිට්‌ඨිසම්‌පන්‌නො සඤ්‌චිච්‌ච පාණං ජීවිතා වොරොපෙය්‍යා’’ති යෙසං ලද්‌ධි, සෙය්‍යථාපි පුබ්‌බසෙලියාපරසෙලියානං; තෙ සන්‌ධාය දිට්‌ඨිසම්‌පන්‌නොති පුච්‌ඡා සකවාදිස්‌ස, පටිඤ්‌ඤා ඉතරස්‌ස. සඤ්‌චිච්‌ච මාතරන්‌තිආදිපඤ්‌හෙසු පන ‘‘අට්‌ඨානමෙතං අනවකාසො’’ති සුත්‌තභයෙන පටික්‌ඛිපති. සත්‌ථරි අගාරවොතිආදි සත්‌ථාරාදීසු සගාරවස්‌ස සික්‌ඛාපදස්‌ස වීතික්‌කමාභාවදස්‌සනත්‌ථං වුත්‌තං. ඉතරො පන අකුසලවසෙන තස්‌ස අගාරවො නාම නත්‌ථීති පටික්‌ඛිපිත්‌වා සගාරවභාවඤ්‌ච සම්‌පටිච්‌ඡිත්‌වා පුන අගාරවොති පුට්‌ඨො තෙසු තෙසු කිච්‌චෙසු පසුතතාය වික්‌ඛිත්‌තානං අසතියා අමනසිකාරෙන චෙතියෙ අභිවාදනපදක්‌ඛිණකරණාභාවං සන්‌ධාය පටිජානාති. පුන ඔහදෙය්‍යාතිආදිනා නයෙන පුට්‌ඨො තාදිසාය කිරියාය සඤ්‌චිච්‌ච අකරණතො පටික්‌ඛිපති. සෙසමෙත්‌ථ උත්‌තානත්‌ථමෙවාති.
648-649. Idāni jīvitāvoropanakathā nāma hoti. Tattha yasmā dosasampayuttena cittena pāṇātipāto hoti, doso ca diṭṭhisampannassa appahīno, tasmā ‘‘diṭṭhisampanno sañcicca pāṇaṃ jīvitā voropeyyā’’ti yesaṃ laddhi, seyyathāpi pubbaseliyāparaseliyānaṃ; te sandhāya diṭṭhisampannoti pucchā sakavādissa, paṭiññā itarassa. Sañcicca mātarantiādipañhesu pana ‘‘aṭṭhānametaṃ anavakāso’’ti suttabhayena paṭikkhipati. Satthari agāravotiādi satthārādīsu sagāravassa sikkhāpadassa vītikkamābhāvadassanatthaṃ vuttaṃ. Itaro pana akusalavasena tassa agāravo nāma natthīti paṭikkhipitvā sagāravabhāvañca sampaṭicchitvā puna agāravoti puṭṭho tesu tesu kiccesu pasutatāya vikkhittānaṃ asatiyā amanasikārena cetiye abhivādanapadakkhiṇakaraṇābhāvaṃ sandhāya paṭijānāti. Puna ohadeyyātiādinā nayena puṭṭho tādisāya kiriyāya sañcicca akaraṇato paṭikkhipati. Sesamettha uttānatthamevāti.
ජීවිතාවොරොපනකථාවණ්‌ණනා.
Jīvitāvoropanakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (123) 8. ජීවිතා වොරොපනකථා • (123) 8. Jīvitā voropanakathā
