| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੮. ਜੀવਿਤਾવੋਰੋਪਨਕਥਾવਣ੍ਣਨਾ
8. Jīvitāvoropanakathāvaṇṇanā
੬੪੮-੬੪੯. ਇਦਾਨਿ ਜੀવਿਤਾવੋਰੋਪਨਕਥਾ ਨਾਮ ਹੋਤਿ। ਤਤ੍ਥ ਯਸ੍ਮਾ ਦੋਸਸਮ੍ਪਯੁਤ੍ਤੇਨ ਚਿਤ੍ਤੇਨ ਪਾਣਾਤਿਪਾਤੋ ਹੋਤਿ, ਦੋਸੋ ਚ ਦਿਟ੍ਠਿਸਮ੍ਪਨ੍ਨਸ੍ਸ ਅਪ੍ਪਹੀਨੋ, ਤਸ੍ਮਾ ‘‘ਦਿਟ੍ਠਿਸਮ੍ਪਨ੍ਨੋ ਸਞ੍ਚਿਚ੍ਚ ਪਾਣਂ ਜੀવਿਤਾ વੋਰੋਪੇਯ੍ਯਾ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਪੁਬ੍ਬਸੇਲਿਯਾਪਰਸੇਲਿਯਾਨਂ; ਤੇ ਸਨ੍ਧਾਯ ਦਿਟ੍ਠਿਸਮ੍ਪਨ੍ਨੋਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਸਞ੍ਚਿਚ੍ਚ ਮਾਤਰਨ੍ਤਿਆਦਿਪਞ੍ਹੇਸੁ ਪਨ ‘‘ਅਟ੍ਠਾਨਮੇਤਂ ਅਨવਕਾਸੋ’’ਤਿ ਸੁਤ੍ਤਭਯੇਨ ਪਟਿਕ੍ਖਿਪਤਿ। ਸਤ੍ਥਰਿ ਅਗਾਰવੋਤਿਆਦਿ ਸਤ੍ਥਾਰਾਦੀਸੁ ਸਗਾਰવਸ੍ਸ ਸਿਕ੍ਖਾਪਦਸ੍ਸ વੀਤਿਕ੍ਕਮਾਭਾવਦਸ੍ਸਨਤ੍ਥਂ વੁਤ੍ਤਂ। ਇਤਰੋ ਪਨ ਅਕੁਸਲવਸੇਨ ਤਸ੍ਸ ਅਗਾਰવੋ ਨਾਮ ਨਤ੍ਥੀਤਿ ਪਟਿਕ੍ਖਿਪਿਤ੍વਾ ਸਗਾਰવਭਾવਞ੍ਚ ਸਮ੍ਪਟਿਚ੍ਛਿਤ੍વਾ ਪੁਨ ਅਗਾਰવੋਤਿ ਪੁਟ੍ਠੋ ਤੇਸੁ ਤੇਸੁ ਕਿਚ੍ਚੇਸੁ ਪਸੁਤਤਾਯ વਿਕ੍ਖਿਤ੍ਤਾਨਂ ਅਸਤਿਯਾ ਅਮਨਸਿਕਾਰੇਨ ਚੇਤਿਯੇ ਅਭਿવਾਦਨਪਦਕ੍ਖਿਣਕਰਣਾਭਾવਂ ਸਨ੍ਧਾਯ ਪਟਿਜਾਨਾਤਿ। ਪੁਨ ਓਹਦੇਯ੍ਯਾਤਿਆਦਿਨਾ ਨਯੇਨ ਪੁਟ੍ਠੋ ਤਾਦਿਸਾਯ ਕਿਰਿਯਾਯ ਸਞ੍ਚਿਚ੍ਚ ਅਕਰਣਤੋ ਪਟਿਕ੍ਖਿਪਤਿ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
648-649. Idāni jīvitāvoropanakathā nāma hoti. Tattha yasmā dosasampayuttena cittena pāṇātipāto hoti, doso ca diṭṭhisampannassa appahīno, tasmā ‘‘diṭṭhisampanno sañcicca pāṇaṃ jīvitā voropeyyā’’ti yesaṃ laddhi, seyyathāpi pubbaseliyāparaseliyānaṃ; te sandhāya diṭṭhisampannoti pucchā sakavādissa, paṭiññā itarassa. Sañcicca mātarantiādipañhesu pana ‘‘aṭṭhānametaṃ anavakāso’’ti suttabhayena paṭikkhipati. Satthari agāravotiādi satthārādīsu sagāravassa sikkhāpadassa vītikkamābhāvadassanatthaṃ vuttaṃ. Itaro pana akusalavasena tassa agāravo nāma natthīti paṭikkhipitvā sagāravabhāvañca sampaṭicchitvā puna agāravoti puṭṭho tesu tesu kiccesu pasutatāya vikkhittānaṃ asatiyā amanasikārena cetiye abhivādanapadakkhiṇakaraṇābhāvaṃ sandhāya paṭijānāti. Puna ohadeyyātiādinā nayena puṭṭho tādisāya kiriyāya sañcicca akaraṇato paṭikkhipati. Sesamettha uttānatthamevāti.
ਜੀવਿਤਾવੋਰੋਪਨਕਥਾવਣ੍ਣਨਾ।
Jīvitāvoropanakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੨੩) ੮. ਜੀવਿਤਾ વੋਰੋਪਨਕਥਾ • (123) 8. Jīvitā voropanakathā
