| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
10. ж̇ийвид̇инд̣̇рияагат̇ааван̣н̣анаа
10. Jīvitindriyakathāvaṇṇanā
540. ид̣̇аани ж̇ийвид̇инд̣̇рияагат̇аа наама ход̇и. д̇ад̇т̇а язсам̣ ж̇ийвид̇инд̣̇рияам̣ наама жид̇д̇авиббаяуд̇д̇о аруубад̇хаммо, д̇асмаа руубаж̇ийвид̇инд̣̇рияам̣ над̇т̇ийд̇и лад̣̇д̇хи, сзяяат̇ааби буб̣б̣асзлияаанан̃жзва саммид̇ияаанан̃жа; д̇з санд̇хааяа бужчаа сагаваад̣̇исса, бадин̃н̃аа ид̇арасса. над̇т̇и руубийнам̣ д̇хаммаанам̣ ааяууд̇и бан̃хз убаад̣̇иннаруубаанамби д̇ин̣агадтаад̣̇ийнамби санд̇аанавасзна бавад̇д̇имзва ааяу тид̇и яабанаа яаабанаа ирияанаа вад̇д̇анаа бааланаад̇и ижчад̇и, д̇асмаа бадигкибад̇и. ад̇т̇ийд̇и бан̃хзби иминаа гааран̣зна бадиж̇аанаад̇и. ад̇т̇и аруубаж̇ийвид̇инд̣̇рияанд̇и бан̃хз аруубад̇хаммаанам̣ жид̇д̇авиббаяуд̇д̇ам̣ ж̇ийвид̇инд̣̇рияасанд̇аанам̣ наама ад̇т̇ийд̇и ижчад̇и, д̇асмаа бадиж̇аанаад̇и.
540. Idāni jīvitindriyakathā nāma hoti. Tattha yesaṃ jīvitindriyaṃ nāma cittavippayutto arūpadhammo, tasmā rūpajīvitindriyaṃ natthīti laddhi, seyyathāpi pubbaseliyānañceva sammitiyānañca; te sandhāya pucchā sakavādissa, paṭiññā itarassa. Natthi rūpīnaṃ dhammānaṃ āyūti pañhe upādinnarūpānampi tiṇakaṭṭhādīnampi santānavasena pavattimeva āyu ṭhiti yapanā yāpanā iriyanā vattanā pālanāti icchati, tasmā paṭikkhipati. Atthīti pañhepi iminā kāraṇena paṭijānāti. Atthi arūpajīvitindriyanti pañhe arūpadhammānaṃ cittavippayuttaṃ jīvitindriyasantānaṃ nāma atthīti icchati, tasmā paṭijānāti.
541. руубийнам̣ д̇хаммаанам̣ ааяу аруубаж̇ийвид̇инд̣̇рияанд̇и бан̃хз сад̇д̇асанд̇аанз руубино ваа хонд̇у аруубино ваа, саб̣б̣зсам̣ жид̇д̇авиббаяуд̇д̇ам̣ аруубаж̇ийвид̇инд̣̇рияамзва ижчад̇и, д̇асмаа бадиж̇аанаад̇и.
541. Rūpīnaṃ dhammānaṃ āyu arūpajīvitindriyanti pañhe sattasantāne rūpino vā hontu arūpino vā, sabbesaṃ cittavippayuttaṃ arūpajīvitindriyameva icchati, tasmā paṭijānāti.
542. нирод̇хасамаабаннабан̃хзсуби жид̇д̇авиббаяуд̇д̇ам̣ аруубаж̇ийвид̇амзва санд̇хааяа бадигкибад̇и жа бадиж̇аанаад̇и жа. сагаваад̣̇ий бана д̇ам̣ асамбадижчанд̇о яам̣ аруубабавад̇д̇з асад̇и ад̇т̇и, руубзна д̇зна бхавид̇аб̣б̣анд̇и жод̣̇зд̇ум̣ хан̃жийд̇иаад̣̇имааха. сан̇каарагканд̇хабан̃хз пассаад̣̇исан̇каарагканд̇хам̣ санд̇хааяа бадигкибад̇и, гааяагаммаад̣̇исан̇каарагканд̇хам̣ санд̇хааяа бадиж̇аанаад̇и. гааяавин̃н̃ад̇д̇и важийвин̃н̃ад̇д̇и саммааваажаа саммаагамманд̇о ж̇ийвид̇инд̣̇рияанд̇и звамаад̣̇аяоби д̇хаммаа сан̇каарагканд̇хабарияаабаннаад̇исса лад̣̇д̇хи. сагаваад̣̇ий бана д̇ам̣ асамбадижчанд̇о яад̣̇и нируд̣̇д̇хзби аруубабавад̇д̇з сан̇каарагканд̇хо ад̇т̇и, жад̇уннамби канд̇хаанам̣ ад̇т̇ид̇аа ход̇ууд̇и жод̣̇зд̇ум̣ ад̇т̇и взд̣̇анаагканд̇ход̇и аад̣̇имааха. ид̇аро анд̇осамаабад̇д̇им̣ санд̇хааяа бадигкибад̇и, самаабаж̇ж̇анд̇асса жа вудтаханд̇асса жа буб̣б̣аабарабхааг̇ам̣ санд̇хааяа бадиж̇аанаад̇и.
542. Nirodhasamāpannapañhesupi cittavippayuttaṃ arūpajīvitameva sandhāya paṭikkhipati ca paṭijānāti ca. Sakavādī pana taṃ asampaṭicchanto yaṃ arūpapavatte asati atthi, rūpena tena bhavitabbanti codetuṃ hañcītiādimāha. Saṅkhārakkhandhapañhe phassādisaṅkhārakkhandhaṃ sandhāya paṭikkhipati, kāyakammādisaṅkhārakkhandhaṃ sandhāya paṭijānāti. Kāyaviññatti vacīviññatti sammāvācā sammākammanto jīvitindriyanti evamādayopi dhammā saṅkhārakkhandhapariyāpannātissa laddhi. Sakavādī pana taṃ asampaṭicchanto yadi niruddhepi arūpapavatte saṅkhārakkhandho atthi, catunnampi khandhānaṃ atthitā hotūti codetuṃ atthi vedanākkhandhoti ādimāha. Itaro antosamāpattiṃ sandhāya paṭikkhipati, samāpajjantassa ca vuṭṭhahantassa ca pubbāparabhāgaṃ sandhāya paṭijānāti.
543. асан̃н̃асад̇д̇аваарзби зсзва наяо. д̇асса хи лад̣̇д̇хияаа асан̃н̃асад̇д̇аанам̣ бадисанд̇хигаалз жид̇д̇ам̣ уббаж̇ж̇ид̇ваа нируж̇жхад̇и, д̇зна саха жид̇д̇авиббаяуд̇д̇ааруубаж̇ийвид̇инд̣̇рияам̣ уббаж̇ж̇ид̇ваа яаавад̇ааяугам̣ бавад̇д̇ад̇и. д̇асмаа д̇зсам̣ ж̇ийвид̇инд̣̇рияам̣ над̇т̇ийд̇и будто бадигкибад̇и, ад̇т̇ийд̇и будто бадиж̇аанаад̇и. взд̣̇анаагканд̇хаад̣̇аяоби д̇зсам̣ бавад̇д̇ивасзна бадигкибад̇и, жуд̇ибадисанд̇хивасзна бадиж̇аанаад̇и. сагаваад̣̇ий бана д̇ам̣ анижчанд̇о ‘‘сажз д̇ад̇т̇а згагкан̣зби взд̣̇анаад̣̇аяо ад̇т̇и, бан̃жавогаарабхавад̇д̇ам̣ баабун̣аад̇ий’’д̇и жод̣̇зд̇ум̣ бан̃жавогаарабхавод̇и ааха. ид̇аро суд̇д̇авирод̇хабхаяаа бадигкибад̇и.
543. Asaññasattavārepi eseva nayo. Tassa hi laddhiyā asaññasattānaṃ paṭisandhikāle cittaṃ uppajjitvā nirujjhati, tena saha cittavippayuttaarūpajīvitindriyaṃ uppajjitvā yāvatāyukaṃ pavattati. Tasmā tesaṃ jīvitindriyaṃ natthīti puṭṭho paṭikkhipati, atthīti puṭṭho paṭijānāti. Vedanākkhandhādayopi tesaṃ pavattivasena paṭikkhipati, cutipaṭisandhivasena paṭijānāti. Sakavādī pana taṃ anicchanto ‘‘sace tattha ekakkhaṇepi vedanādayo atthi, pañcavokārabhavattaṃ pāpuṇātī’’ti codetuṃ pañcavokārabhavoti āha. Itaro suttavirodhabhayā paṭikkhipati.
544-545. згад̣̇зсам̣ бхиж̇ж̇ад̇ийд̇и бан̃хз самбаяуд̇д̇ам̣ бхиж̇ж̇ад̇и, виббаяуд̇д̇ам̣ д̇идтад̇ийд̇и д̇асса лад̣̇д̇хи, д̇асмаа бадиж̇аанаад̇и. д̣̇вз ж̇ийвид̇инд̣̇рияаанийд̇и бужчаа бараваад̣̇исса, бадин̃н̃аа сагаваад̣̇исса. руубааруубавасзна хи д̣̇вз ж̇ийвид̇инд̣̇рияаани, д̇зхиязва сад̇д̇о ж̇ийвад̇и, д̇зсам̣ бхан̇г̇зна марад̇ийд̇и вужжад̇и. жуд̇игкан̣асмин̃хи д̣̇взби ж̇ийвид̇аани сахзва бхиж̇ж̇анд̇и.
544-545. Ekadesaṃ bhijjatīti pañhe sampayuttaṃ bhijjati, vippayuttaṃ tiṭṭhatīti tassa laddhi, tasmā paṭijānāti. Dve jīvitindriyānīti pucchā paravādissa, paṭiññā sakavādissa. Rūpārūpavasena hi dve jīvitindriyāni, tehiyeva satto jīvati, tesaṃ bhaṅgena maratīti vuccati. Cutikkhaṇasmiñhi dvepi jīvitāni saheva bhijjanti.
ж̇ийвид̇инд̣̇рияагат̇ааван̣н̣анаа.
Jīvitindriyakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (82) 10. ж̇ийвид̇инд̣̇рияагат̇аа • (82) 10. Jīvitindriyakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. ж̇ийвид̇инд̣̇рияагат̇ааван̣н̣анаа • 10. Jīvitindriyakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 10. ж̇ийвид̇инд̣̇рияагат̇ааван̣н̣анаа • 10. Jīvitindriyakathāvaṇṇanā
