| Library / Tipiṭaka / តិបិដក • Tipiṭaka / បញ្ចបករណ-មូលដីកា • Pañcapakaraṇa-mūlaṭīkā |
១០. ជីវិតិន្ទ្រិយកថាវណ្ណនា
10. Jīvitindriyakathāvaṇṇanā
៥៤០. អរូបជីវិតិន្ទ្រិយន្តិបញ្ហេ ‘‘អត្ថិ អរូបីនំ ធម្មានំ អាយូ’’តិអាទិកំ បញ្ហំ អន្តំ គហេត្វា វទតិ។ អរូបធម្មានំ ចិត្តវិប្បយុត្តំ ជីវិតិន្ទ្រិយសន្តានំ នាម អត្ថីតិ ឥច្ឆតីតិ ឯត្ថ រូបារូបធម្មានំ តំ ឥច្ឆន្តោ អរូបធម្មានំ ឥច្ឆតីតិ វត្តុំ យុត្តោតិ ‘‘អរូបធម្មាន’’ន្តិ វុត្តន្តិ ទដ្ឋព្ពំ។
540. Arūpajīvitindriyantipañhe ‘‘atthi arūpīnaṃ dhammānaṃ āyū’’tiādikaṃ pañhaṃ antaṃ gahetvā vadati. Arūpadhammānaṃ cittavippayuttaṃ jīvitindriyasantānaṃ nāma atthīti icchatīti ettha rūpārūpadhammānaṃ taṃ icchanto arūpadhammānaṃ icchatīti vattuṃ yuttoti ‘‘arūpadhammāna’’nti vuttanti daṭṭhabbaṃ.
៥៤១. សត្តសន្តានេ រូបិនោ វា ធម្មា ហោន្តូតិអាទិនាបិ តមេវ ជីវិតិន្ទ្រិយសន្តានំ វទតីតិ វេទិតព្ពំ។
541. Sattasantāne rūpino vā dhammā hontūtiādināpi tameva jīvitindriyasantānaṃ vadatīti veditabbaṃ.
៥៤២. បុព្ពាបរភាគំ សន្ធាយាតិ សមាបត្តិយា អាសន្នភាវតោ តទាបិ សមាបន្នោយេវាតិ អធិប្បាយោ។
542. Pubbāparabhāgaṃ sandhāyāti samāpattiyā āsannabhāvato tadāpi samāpannoyevāti adhippāyo.
៥៤៤-៥៤៥. ទ្វេ ជីវិតិន្ទ្រិយានីតិ ‘‘បុច្ឆា សកវាទិស្ស, បដិញ្ញា ឥតរស្សា’’តិ បុរិមបាឋោ។ ‘‘បុច្ឆា បរវាទិស្ស, បដិញ្ញា សកវាទិស្សា’’តិ បច្ឆិមបាឋោ, សោ យុត្តោ។
544-545. Dve jīvitindriyānīti ‘‘pucchā sakavādissa, paṭiññā itarassā’’ti purimapāṭho. ‘‘Pucchā paravādissa, paṭiññā sakavādissā’’ti pacchimapāṭho, so yutto.
ជីវិតិន្ទ្រិយកថាវណ្ណនា និដ្ឋិតា។
Jīvitindriyakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (៨២) ១០. ជីវិតិន្ទ្រិយកថា • (82) 10. Jīvitindriyakathā
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ១០. ជីវិតិន្ទ្រិយកថាវណ្ណនា • 10. Jīvitindriyakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១០. ជីវិតិន្ទ្រិយកថាវណ្ណនា • 10. Jīvitindriyakathāvaṇṇanā
