| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. ж̇од̇ид̣̇аасад̇т̇зраг̇аат̇ааван̣н̣анаа
2. Jotidāsattheragāthāvaṇṇanā
яз ко д̇зд̇и ааяасмад̇о ж̇од̇ид̣̇аасад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сикисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ бин̣д̣ааяа г̇ажчанд̇ам̣ д̣̇исваа басаннажид̇д̇о гаасумааригапалам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з баад̣̇ияад̇т̇аж̇анабад̣̇з вибхавасамбаннасса б̣раахман̣асса буд̇д̇о худ̇ваа ниб̣б̣ад̇д̇и, ж̇од̇ид̣̇аасод̇исса наамам̣ ахоси. со вин̃н̃уд̇ам̣ бад̇ваа гхарамаавасанд̇о згад̣̇ивасам̣ махаагассабад̇т̇зрам̣ ад̇д̇ано г̇аамз бин̣д̣ааяа жаранд̇ам̣ д̣̇исваа басаннажид̇д̇о бхож̇зд̇ваа т̇зрасса санд̇игз д̇хаммам̣ суд̇ваа ад̇д̇ано г̇аамасамийбз баб̣б̣ад̇з маханд̇ам̣ вихаарам̣ гаарзд̇ваа т̇зрам̣ д̇ад̇т̇а ваасзд̇ваа жад̇уухи бажжаязхи убадтаханд̇о т̇зрасса д̇хаммад̣̇зсанааяа бадилад̣̇д̇хасам̣взг̇о баб̣б̣аж̇ид̇ваа вибассанааяа гаммам̣ гаронд̇о нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.51.51-56) –
Ye kho teti āyasmato jotidāsattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto sikhissa bhagavato kāle kulagehe nibbattitvā viññutaṃ patto ekadivasaṃ satthāraṃ piṇḍāya gacchantaṃ disvā pasannacitto kāsumārikaphalaṃ adāsi. So tena puññakammena devamanussesu saṃsaranto imasmiṃ buddhuppāde pādiyatthajanapade vibhavasampannassa brāhmaṇassa putto hutvā nibbatti, jotidāsotissa nāmaṃ ahosi. So viññutaṃ patvā gharamāvasanto ekadivasaṃ mahākassapattheraṃ attano gāme piṇḍāya carantaṃ disvā pasannacitto bhojetvā therassa santike dhammaṃ sutvā attano gāmasamīpe pabbate mahantaṃ vihāraṃ kāretvā theraṃ tattha vāsetvā catūhi paccayehi upaṭṭhahanto therassa dhammadesanāya paṭiladdhasaṃvego pabbajitvā vipassanāya kammaṃ karonto nacirasseva chaḷabhiñño ahosi. Tena vuttaṃ apadāne (apa. thera 2.51.51-56) –
‘‘ган̣игаарам̣ва ж̇од̇анд̇ам̣, нисиннам̣ баб̣б̣ад̇анд̇арз;
‘‘Kaṇikāraṃva jotantaṃ, nisinnaṃ pabbatantare;
ад̣̇д̣̇асам̣ вираж̇ам̣ б̣уд̣̇д̇хам̣, логаж̇здтам̣ нараасабхам̣.
Addasaṃ virajaṃ buddhaṃ, lokajeṭṭhaṃ narāsabhaṃ.
‘‘басаннажид̇д̇о сумано, сирз гад̇ваана ан̃ж̇алим̣;
‘‘Pasannacitto sumano, sire katvāna añjaliṃ;
гаасумааригамаад̣̇ааяа, б̣уд̣̇д̇хасздтассад̣̇аасахам̣.
Kāsumārikamādāya, buddhaseṭṭhassadāsahaṃ.
‘‘згад̇им̣сз ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekatiṃse ito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа д̇ийн̣и бидагаани уг̇г̇ахзд̇ваа висзсад̇о винаяабидагз сугусалабхаавам̣ бад̇ваа д̣̇асавассиго барисубадтааго жа худ̇ваа б̣ахуухи бхигкуухи сад̣̇д̇хим̣ бхаг̇аванд̇ам̣ ванд̣̇ид̇ум̣ саавад̇т̇им̣ г̇ажчанд̇о анд̇араамаг̇г̇з ад̣̇д̇хаанабариссамавинод̣̇анад̇т̇ам̣ д̇ид̇т̇ияаанам̣ аараамам̣ бависид̇ваа згаманд̇ам̣ нисинно згам̣ бан̃жад̇абам̣ д̇абанд̇ам̣ б̣раахман̣ам̣ д̣̇исваа, ‘‘гим̣, б̣раахман̣а, ан̃н̃асмим̣ д̇абанийяз ан̃н̃ам̣ д̇абад̇ий’’д̇и ааха. д̇ам̣ суд̇ваа б̣раахман̣о губид̇о, ‘‘бхо, мун̣д̣ага, гим̣ ан̃н̃ам̣ д̇абанийяа’’нд̇и ааха. т̇зро д̇асса –
Chaḷabhiñño pana hutvā tīṇi piṭakāni uggahetvā visesato vinayapiṭake sukusalabhāvaṃ patvā dasavassiko parisupaṭṭhāko ca hutvā bahūhi bhikkhūhi saddhiṃ bhagavantaṃ vandituṃ sāvatthiṃ gacchanto antarāmagge addhānaparissamavinodanatthaṃ titthiyānaṃ ārāmaṃ pavisitvā ekamantaṃ nisinno ekaṃ pañcatapaṃ tapantaṃ brāhmaṇaṃ disvā, ‘‘kiṃ, brāhmaṇa, aññasmiṃ tapanīye aññaṃ tapatī’’ti āha. Taṃ sutvā brāhmaṇo kupito, ‘‘bho, muṇḍaka, kiṃ aññaṃ tapanīya’’nti āha. Thero tassa –
‘‘гобо жа иссаа барахзтанаа жа, маано жа саарамбхамад̣̇о бамаад̣̇о;
‘‘Kopo ca issā paraheṭhanā ca, māno ca sārambhamado pamādo;
д̇ан̣хаа авиж̇ж̇аа бхавасан̇г̇ад̇ий жа, д̇з д̇аббанийяаа на хи руубаканд̇хо’’д̇и. –
Taṇhā avijjā bhavasaṅgatī ca, te tappanīyā na hi rūpakhandho’’ti. –
г̇аат̇ааяа д̇хаммам̣ д̣̇зсзси. д̇ам̣ суд̇ваа со б̣раахман̣о д̇асмим̣ д̇ид̇т̇ияаараамз саб̣б̣з ан̃н̃ад̇ид̇т̇ияаа жа т̇зрасса санд̇игз баб̣б̣аж̇им̣су. т̇зро д̇зхи сад̣̇д̇хим̣ саавад̇т̇им̣ г̇анд̇ваа бхаг̇аванд̇ам̣ ванд̣̇ид̇ваа гад̇ибаахам̣ д̇ад̇т̇а васид̇ваа ад̇д̇ано ж̇аад̇ибхуумим̣язва г̇ад̇о д̣̇ассанад̇т̇ам̣ убаг̇ад̇зсу н̃аад̇агзсу наанаалад̣̇д̇хигз яан̃н̃асуд̣̇д̇хигз овад̣̇анд̇о –
Gāthāya dhammaṃ desesi. Taṃ sutvā so brāhmaṇo tasmiṃ titthiyārāme sabbe aññatitthiyā ca therassa santike pabbajiṃsu. Thero tehi saddhiṃ sāvatthiṃ gantvā bhagavantaṃ vanditvā katipāhaṃ tattha vasitvā attano jātibhūmiṃyeva gato dassanatthaṃ upagatesu ñātakesu nānāladdhike yaññasuddhike ovadanto –
143.
143.
‘‘яз ко д̇з взтамиссзна, наанад̇д̇зна жа гаммунаа;
‘‘Ye kho te veṭhamissena, nānattena ca kammunā;
мануссз убарунд̇ханд̇и, парусуубаггамаа ж̇анаа;
Manusse uparundhanti, pharusūpakkamā janā;
д̇зби д̇ад̇т̇зва гийранд̇и, на хи гаммам̣ банассад̇и.
Tepi tattheva kīranti, na hi kammaṃ panassati.
144.
144.
‘‘яам̣ гарод̇и наро гаммам̣, галяаан̣ам̣ яад̣̇и баабагам̣;
‘‘Yaṃ karoti naro kammaṃ, kalyāṇaṃ yadi pāpakaṃ;
д̇асса д̇ассзва д̣̇ааяаад̣̇о, яам̣ яам̣ гаммам̣ багуб̣б̣ад̇ий’’д̇и. – г̇аат̇аад̣̇ваяам̣ абхааси;
Tassa tasseva dāyādo, yaṃ yaṃ kammaṃ pakubbatī’’ti. – gāthādvayaṃ abhāsi;
д̇ад̇т̇а язд̇и анияамуд̣̇д̣̇зсо. д̇зд̇и анияамад̇о зва бадинид̣̇д̣̇зсо. бад̣̇ад̣̇ваяассааби ‘‘ж̇анаа’’д̇и иминаа самб̣анд̇хо. код̇и нибаад̇амад̇д̇ам̣. взтамиссзнаад̇и варад̇д̇акан̣д̣аад̣̇инаа сийсаад̣̇ийсу взтад̣̇аанзна. ‘‘взд̇хамиссзнаа’’д̇иби баал̣и, со звад̇т̇о. наанад̇д̇зна жа гаммунаад̇и хананагхаад̇анахад̇т̇абаад̣̇аад̣̇ижчзд̣̇анзна куд̣̇д̣̇агасзл̣ад̣̇аанаад̣̇инаа жа наанаавид̇хзна баруубагхаад̇агаммзна. мануссзд̇и нид̣̇ассанамад̇д̇ам̣, д̇асмаа яз гзжи сад̇д̇зд̇и ад̇хиббааяо. убарунд̇ханд̇ийд̇и виб̣аад̇хзнд̇и. парусуубаггамаад̇и д̣̇аарун̣абаяог̇аа, гуруурагамманд̇аад̇и ад̇т̇о. ж̇анаад̇и сад̇д̇аа. д̇зби д̇ад̇т̇зва гийранд̇ийд̇и д̇з вуд̇д̇аббагаараа буг̇г̇алаа яаахи гаммагааран̣аахи ан̃н̃з б̣аад̇хим̣су. д̇ад̇т̇зва д̇аасуязва гааран̣аасу саяамби гийранд̇и багкибийяанд̇и, д̇ат̇ааруубам̣язва д̣̇угкам̣ анубхаванд̇ийд̇и ад̇т̇о. ‘‘д̇ат̇зва гийранд̇ий’’д̇и жа баато, яат̇аа саяам̣ ан̃н̃зсам̣ д̣̇угкам̣ агам̣су, д̇ат̇зва ан̃н̃зхи гарийяанд̇и, д̣̇угкам̣ баабийяанд̇ийд̇и ад̇т̇о, гасмаа? на хи гаммам̣ банассад̇и гамман̃хи зганд̇ам̣ убажид̇ам̣ вибаагам̣ ад̣̇ад̇ваа на виг̇ажчад̇и, авасзсабажжаяасамавааяз вибажжад̇зваад̇и ад̇хиббааяо.
Tattha yeti aniyamuddeso. Teti aniyamato eva paṭiniddeso. Padadvayassāpi ‘‘janā’’ti iminā sambandho. Khoti nipātamattaṃ. Veṭhamissenāti varattakhaṇḍādinā sīsādīsu veṭhadānena. ‘‘Vedhamissenā’’tipi pāḷi, so evattho. Nānattena ca kammunāti hananaghātanahatthapādādicchedanena khuddakaseḷadānādinā ca nānāvidhena parūpaghātakammena. Manusseti nidassanamattaṃ, tasmā ye keci satteti adhippāyo. Uparundhantīti vibādhenti. Pharusūpakkamāti dāruṇapayogā, kurūrakammantāti attho. Janāti sattā. Tepi tattheva kīrantīti te vuttappakārā puggalā yāhi kammakāraṇāhi aññe bādhiṃsu. Tattheva tāsuyeva kāraṇāsu sayampi kīranti pakkhipīyanti, tathārūpaṃyeva dukkhaṃ anubhavantīti attho. ‘‘Tatheva kīrantī’’ti ca pāṭho, yathā sayaṃ aññesaṃ dukkhaṃ akaṃsu, tatheva aññehi karīyanti, dukkhaṃ pāpīyantīti attho, kasmā? Na hi kammaṃ panassati kammañhi ekantaṃ upacitaṃ vipākaṃ adatvā na vigacchati, avasesapaccayasamavāye vipaccatevāti adhippāyo.
ид̣̇аани ‘‘на хи гаммам̣ банассад̇ий’’д̇и сан̇кзбад̇о вуд̇д̇амад̇т̇ам̣ вибхаж̇ид̇ваа сад̇д̇аанам̣ гаммассагад̇ам̣ вибхаавзд̇ум̣ ‘‘яам̣ гарод̇ий’’д̇и г̇аат̇ам̣ абхааси. д̇ассад̇т̇о яам̣ гаммам̣ галяаан̣ам̣ гусалам̣, яад̣̇и ваа баабагам̣ агусалам̣ сад̇д̇о гарод̇и, гаронд̇о жа д̇ад̇т̇а яам̣ гаммам̣ яат̇аа палад̣̇аанасамад̇т̇ам̣ ход̇и, д̇ат̇аа багуб̣б̣ад̇и убажинод̇и. д̇асса д̇ассзва д̣̇ааяаад̣̇од̇и д̇асса д̇ассзва гаммапаласса г̇ан̣ханад̇о д̇зна д̇зна гаммзна д̣̇аад̇аб̣б̣авибаагасса бхааг̇ий ход̇ийд̇и ад̇т̇о. д̇знааха бхаг̇аваа – ‘‘гаммассагаа, маан̣ава, сад̇д̇аа гаммад̣̇ааяаад̣̇аа’’д̇иаад̣̇и (ма. ни. 3.289). имаа г̇аат̇аа суд̇ваа т̇зрасса н̃аад̇агаа гаммассагад̇ааяам̣ бад̇идтахим̣сууд̇и.
Idāni ‘‘na hi kammaṃ panassatī’’ti saṅkhepato vuttamatthaṃ vibhajitvā sattānaṃ kammassakataṃ vibhāvetuṃ ‘‘yaṃ karotī’’ti gāthaṃ abhāsi. Tassattho yaṃ kammaṃ kalyāṇaṃ kusalaṃ, yadi vā pāpakaṃ akusalaṃ satto karoti, karonto ca tattha yaṃ kammaṃ yathā phaladānasamatthaṃ hoti, tathā pakubbati upacinoti. Tassa tasseva dāyādoti tassa tasseva kammaphalassa gaṇhanato tena tena kammena dātabbavipākassa bhāgī hotīti attho. Tenāha bhagavā – ‘‘kammassakā, māṇava, sattā kammadāyādā’’tiādi (ma. ni. 3.289). Imā gāthā sutvā therassa ñātakā kammassakatāyaṃ patiṭṭhahiṃsūti.
ж̇од̇ид̣̇аасад̇т̇зраг̇аат̇ааван̣н̣анаа нидтид̇аа.
Jotidāsattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. ж̇од̇ид̣̇аасад̇т̇зраг̇аат̇аа • 2. Jotidāsattheragāthā
