| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
6. ஜோதிஸிக்கா²பத³வண்ணனா
6. Jotisikkhāpadavaṇṇanā
350. ச²ட்டே² – ப⁴க்³கா³தி ஜனபத³ஸ்ஸ நாமங். ஸங்ஸுமாரகி³ரந்தி நக³ரஸ்ஸ. பே⁴ஸகளாவனந்தி தன்னிஸ்ஸிதவனஸ்ஸ. தங் பன மிகா³னங் பா²ஸுவிஹாரத்தா²ய தி³ன்னத்தா மிக³தா³யோதி வுச்சதி. ஸமாத³ஹித்வாதி ஜாலெத்வா. பரிபாதேஸீதி அனுப³ந்தி⁴.
350. Chaṭṭhe – bhaggāti janapadassa nāmaṃ. Saṃsumāragiranti nagarassa. Bhesakaḷāvananti tannissitavanassa. Taṃ pana migānaṃ phāsuvihāratthāya dinnattā migadāyoti vuccati. Samādahitvāti jāletvā. Paripātesīti anubandhi.
352. பதீ³பேபீதி பதீ³புஜ்ஜலனேபி. ஜோதிகேபீதி பத்தபசனஸேத³கம்மாதீ³ஸு ஜோதிகரணே. ததா²ரூபபச்சயாதி பதீ³பாதி³பச்சயா.
352.Padīpepīti padīpujjalanepi. Jotikepīti pattapacanasedakammādīsu jotikaraṇe. Tathārūpapaccayāti padīpādipaccayā.
354-5. ஸயங் ஸமாத³ஹதீதி எத்த² ஜோதிங் ஸமாத³ஹிதுகாமதாய அரணிஸண்ட²பனதோ பட்டா²ய யாவ ஜாலா ந உட்ட²ஹதி, தாவ ஸப்³ப³பயோகே³ஸு து³க்கடங். படிலாதங் உக்கி²பதீதி த³ய்ஹமானங் அலாதங் பதிதங் உக்கி²பதி, புன யதா²டா²னே ட²பேதீதி அத்தோ². ஏவங் அவிஜ்ஜா²தங் உக்கி²பித்வா பக்கி²பந்தஸ்ஸேவ து³க்கடங், விஜ்ஜா²தங் புன ஜாலாபெந்தஸ்ஸ பாசித்தியமேவ.
354-5.Sayaṃ samādahatīti ettha jotiṃ samādahitukāmatāya araṇisaṇṭhapanato paṭṭhāya yāva jālā na uṭṭhahati, tāva sabbapayogesu dukkaṭaṃ. Paṭilātaṃ ukkhipatīti dayhamānaṃ alātaṃ patitaṃ ukkhipati, puna yathāṭhāne ṭhapetīti attho. Evaṃ avijjhātaṃ ukkhipitvā pakkhipantasseva dukkaṭaṃ, vijjhātaṃ puna jālāpentassa pācittiyameva.
356. ததா²ரூபபச்சயாதி ட²பெத்வா பதீ³பாதீ³னி அஞ்ஞேனபி ததா²ரூபேன பச்சயேன ஸமாத³ஹந்தஸ்ஸ அனாபத்தி. ஆபதா³ஸூதி து³ட்ட²வாளமிக³அமனுஸ்ஸேஹி உபத்³த³வோ ஹோதி, தத்த² ஸமாத³ஹந்தஸ்ஸாபி அனாபத்தி. ஸேஸங் உத்தானமேவாதி. ச²ஸமுட்டா²னங் – கிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், வசீகம்மங், திசித்தங், திவேத³னந்தி.
356.Tathārūpapaccayāti ṭhapetvā padīpādīni aññenapi tathārūpena paccayena samādahantassa anāpatti. Āpadāsūti duṭṭhavāḷamigaamanussehi upaddavo hoti, tattha samādahantassāpi anāpatti. Sesaṃ uttānamevāti. Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ஜோதிஸிக்கா²பத³ங் ச²ட்ட²ங்.
Jotisikkhāpadaṃ chaṭṭhaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுராபானவக்³கோ³ • 6. Surāpānavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 6. ஜோதிஸிக்கா²பத³வண்ணனா • 6. Jotisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. ஜோதிஸிக்கா²பத³வண்ணனா • 6. Jotisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. ஜோதிஸிக்கா²பத³வண்ணனா • 6. Jotisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 6. ஜோதிஸிக்கா²பத³ங் • 6. Jotisikkhāpadaṃ
