| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
6. ஜோதிஸிக்கா²பத³வண்ணனா
6. Jotisikkhāpadavaṇṇanā
அகி³லானோதி யஸ்ஸ வினா அக்³கி³னா பா²ஸு ஹோதி, ஸோ இத⁴ அகி³லானோ நாம. ஜோதிந்தி அக்³கி³ங்.
Agilānoti yassa vinā agginā phāsu hoti, so idha agilāno nāma. Jotinti aggiṃ.
ப⁴க்³கே³ஸூதி ஏவங்னாமகே ஜனபதே³. ப⁴க்³கா³நாம ஜானபதி³னோ ராஜகுமாரா, தேஸங் நிவாஸோ ஏகோபி ஜனபதோ³ ருள்ஹிஸத்³தே³ன ‘‘ப⁴க்³கா³’’தி வுச்சதி. தேன வுத்தங் ‘‘ப⁴க்³கே³ஸூதி ஏவங்னாமகே ஜனபதே³’’தி. ததா² பதிலாதங் உக்கி²பந்தஸ்ஸாதி ட³ய்ஹமானங் அலாதங் பதிதங் உக்கி²பந்தஸ்ஸ ததா² து³க்கடந்தி அத்தோ². தஞ்சாதி து³க்கடங் பராமஸதி. அவிஜ்ஜா²தந்தி அனிப்³பு³தாலாதங். பதீ³பஜோதிகஜந்தாக⁴ரேதி பதீ³புஜ்ஜலனபத்தபசனஸேத³கம்மாதீ³ஸு ஜோதிகரணே அக்³கி³ஸாலாயஞ்ச ஸமாத³ஹந்தஸ்ஸ அனாபத்தீதி அத்தோ². ததா²ரூபப்பச்சயேதி ட²பெத்வா பதீ³பாதீ³னி அஞ்ஞஸ்மிம்பி ததா²ரூபபச்சயே. ஆபதா³ஸூதி து³ட்ட²வாளமிக³அமனுஸ்ஸேஹி உபத்³த³வேஸு.
Bhaggesūti evaṃnāmake janapade. Bhaggānāma jānapadino rājakumārā, tesaṃ nivāso ekopi janapado ruḷhisaddena ‘‘bhaggā’’ti vuccati. Tena vuttaṃ ‘‘bhaggesūti evaṃnāmake janapade’’ti. Tathā patilātaṃ ukkhipantassāti ḍayhamānaṃ alātaṃ patitaṃ ukkhipantassa tathā dukkaṭanti attho. Tañcāti dukkaṭaṃ parāmasati. Avijjhātanti anibbutālātaṃ. Padīpajotikajantāghareti padīpujjalanapattapacanasedakammādīsu jotikaraṇe aggisālāyañca samādahantassa anāpattīti attho. Tathārūpappaccayeti ṭhapetvā padīpādīni aññasmimpi tathārūpapaccaye. Āpadāsūti duṭṭhavāḷamigaamanussehi upaddavesu.
ஜோதிஸிக்கா²பத³வண்ணனா நிட்டி²தா.
Jotisikkhāpadavaṇṇanā niṭṭhitā.
