| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
6. ஜோதிஸிக்கா²பத³வண்ணனா
6. Jotisikkhāpadavaṇṇanā
350. ச²ட்டே² ப⁴க்³கா³ நாம ஜனபதி³னோ ராஜகுமாரா, தேஸங் நிவாஸோ ஏகோபி ஜனபதோ³ ருள்ஹீஸத்³தே³ன ‘‘ப⁴க்³கா³’’தி வுச்சதி. தேன வுத்தங் ‘‘ப⁴க்³கா³தி ஜனபத³ஸ்ஸ நாம’’ந்தி. ஸுஸுமாரகி³ரேதி ஏவங்னாமகே நக³ரே. தஸ்ஸ கிர நக³ரஸ்ஸ மாபனத்த²ங் வத்து²விஜ்ஜாசரியேன நக³ரட்டா²னஸ்ஸ பரிக்³க³ண்ஹனதி³வஸே அவிதூ³ரே ஸுஸுமாரோ ஸத்³த³மகாஸி கி³ரங் நிச்சா²ரேஸி. அத² அனந்தராயேன நக³ரே மாபிதே தமேவ ஸுஸுமாரகி³ரணங் ஸுப⁴னிமித்தங் கத்வா ஸுஸுமாரகி³ரங்த்வேவஸ்ஸ நாமங் அகங்ஸு. கேசி பன ‘‘ஸுஸுமாரஸண்டா²னத்தா ஸுஸுமாரோ நாம ஏகோ கி³ரி, ஸோ தஸ்ஸ நக³ரஸ்ஸ ஸமீபே, தஸ்மா தங் ஸுஸுமாரகி³ரி ஏதஸ்ஸ அத்தீ²தி ‘ஸுஸுமாரகி³ரீ’தி வுச்சதீ’’தி வத³ந்தி. ததா² வா ஹோது அஞ்ஞதா² வா, நாமமேதங் தஸ்ஸ நக³ரஸ்ஸாதி ஆஹ ‘‘ஸுஸுமாரகி³ரந்தி நக³ரஸ்ஸ நாம’’ந்தி. பே⁴ஸகளாதி க⁴ம்பண்ட³னாமகோ க³ச்ச²விஸேஸோ. கேசி ‘‘ஸேதருக்கோ²’’திபி வத³ந்தி. தேஸங் ப³ஹுலதாய பன தங் வனங் பே⁴ஸகளாவனந்த்வேவ பஞ்ஞாயித்த². ‘‘பே⁴ஸக³ளாவனே’’திபி பாடோ². ‘‘பே⁴ஸோ நாம ஏகோ யக்கோ² அயுத்தகாரீ, தஸ்ஸ ததோ க³ளிதட்டா²னதாய தங் வனங் பே⁴ஸக³ளாவனங் நாம ஜாத’’ந்தி ஹி கேசி.
350. Chaṭṭhe bhaggā nāma janapadino rājakumārā, tesaṃ nivāso ekopi janapado ruḷhīsaddena ‘‘bhaggā’’ti vuccati. Tena vuttaṃ ‘‘bhaggāti janapadassa nāma’’nti. Susumāragireti evaṃnāmake nagare. Tassa kira nagarassa māpanatthaṃ vatthuvijjācariyena nagaraṭṭhānassa pariggaṇhanadivase avidūre susumāro saddamakāsi giraṃ nicchāresi. Atha anantarāyena nagare māpite tameva susumāragiraṇaṃ subhanimittaṃ katvā susumāragiraṃtvevassa nāmaṃ akaṃsu. Keci pana ‘‘susumārasaṇṭhānattā susumāro nāma eko giri, so tassa nagarassa samīpe, tasmā taṃ susumāragiri etassa atthīti ‘susumāragirī’ti vuccatī’’ti vadanti. Tathā vā hotu aññathā vā, nāmametaṃ tassa nagarassāti āha ‘‘susumāragiranti nagarassa nāma’’nti. Bhesakaḷāti ghampaṇḍanāmako gacchaviseso. Keci ‘‘setarukkho’’tipi vadanti. Tesaṃ bahulatāya pana taṃ vanaṃ bhesakaḷāvanantveva paññāyittha. ‘‘Bhesagaḷāvane’’tipi pāṭho. ‘‘Bheso nāma eko yakkho ayuttakārī, tassa tato gaḷitaṭṭhānatāya taṃ vanaṃ bhesagaḷāvanaṃ nāma jāta’’nti hi keci.
352. ஜோதிகரணேதி அக்³கி³கரணே. ஸேஸமெத்த² உத்தானமேவ. அகி³லானதா, அனுஞ்ஞாதகரணாபா⁴வோ, விஸிப்³பே³துகாமதா, ஸமாத³ஹனந்தி இமானி பனெத்த² சத்தாரி அங்கா³னி.
352.Jotikaraṇeti aggikaraṇe. Sesamettha uttānameva. Agilānatā, anuññātakaraṇābhāvo, visibbetukāmatā, samādahananti imāni panettha cattāri aṅgāni.
ஜோதிஸிக்கா²பத³வண்ணனா நிட்டி²தா.
Jotisikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுராபானவக்³கோ³ • 6. Surāpānavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 6. ஜோதிஸிக்கா²பத³வண்ணனா • 6. Jotisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 6. ஜோதிஸிக்கா²பத³ங் • 6. Jotisikkhāpadaṃ
