| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৬. জোতিসিক্খাপদৰণ্ণনা
6. Jotisikkhāpadavaṇṇanā
৩৫০. ছট্ঠে – ভগ্গাতি জনপদস্স নামং। সংসুমারগিরন্তি নগরস্স। ভেসকল়াৰনন্তি তন্নিস্সিতৰনস্স। তং পন মিগানং ফাসুৰিহারত্থায দিন্নত্তা মিগদাযোতি ৰুচ্চতি। সমাদহিত্ৰাতি জালেত্ৰা। পরিপাতেসীতি অনুবন্ধি।
350. Chaṭṭhe – bhaggāti janapadassa nāmaṃ. Saṃsumāragiranti nagarassa. Bhesakaḷāvananti tannissitavanassa. Taṃ pana migānaṃ phāsuvihāratthāya dinnattā migadāyoti vuccati. Samādahitvāti jāletvā. Paripātesīti anubandhi.
৩৫২. পদীপেপীতি পদীপুজ্জলনেপি। জোতিকেপীতি পত্তপচনসেদকম্মাদীসু জোতিকরণে। তথারূপপচ্চযাতি পদীপাদিপচ্চযা।
352.Padīpepīti padīpujjalanepi. Jotikepīti pattapacanasedakammādīsu jotikaraṇe. Tathārūpapaccayāti padīpādipaccayā.
৩৫৪-৫. সযং সমাদহতীতি এত্থ জোতিং সমাদহিতুকামতায অরণিসণ্ঠপনতো পট্ঠায যাৰ জালা ন উট্ঠহতি, তাৰ সব্বপযোগেসু দুক্কটং। পটিলাতং উক্খিপতীতি দয্হমানং অলাতং পতিতং উক্খিপতি, পুন যথাঠানে ঠপেতীতি অত্থো। এৰং অৰিজ্ঝাতং উক্খিপিত্ৰা পক্খিপন্তস্সেৰ দুক্কটং, ৰিজ্ঝাতং পুন জালাপেন্তস্স পাচিত্তিযমেৰ।
354-5.Sayaṃ samādahatīti ettha jotiṃ samādahitukāmatāya araṇisaṇṭhapanato paṭṭhāya yāva jālā na uṭṭhahati, tāva sabbapayogesu dukkaṭaṃ. Paṭilātaṃ ukkhipatīti dayhamānaṃ alātaṃ patitaṃ ukkhipati, puna yathāṭhāne ṭhapetīti attho. Evaṃ avijjhātaṃ ukkhipitvā pakkhipantasseva dukkaṭaṃ, vijjhātaṃ puna jālāpentassa pācittiyameva.
৩৫৬. তথারূপপচ্চযাতি ঠপেত্ৰা পদীপাদীনি অঞ্ঞেনপি তথারূপেন পচ্চযেন সমাদহন্তস্স অনাপত্তি। আপদাসূতি দুট্ঠৰাল়মিগঅমনুস্সেহি উপদ্দৰো হোতি, তত্থ সমাদহন্তস্সাপি অনাপত্তি। সেসং উত্তানমেৰাতি। ছসমুট্ঠানং – কিরিযং, নোসঞ্ঞাৰিমোক্খং, অচিত্তকং, পণ্ণত্তিৰজ্জং, কাযকম্মং, ৰচীকম্মং, তিচিত্তং, তিৰেদনন্তি।
356.Tathārūpapaccayāti ṭhapetvā padīpādīni aññenapi tathārūpena paccayena samādahantassa anāpatti. Āpadāsūti duṭṭhavāḷamigaamanussehi upaddavo hoti, tattha samādahantassāpi anāpatti. Sesaṃ uttānamevāti. Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
জোতিসিক্খাপদং ছট্ঠং।
Jotisikkhāpadaṃ chaṭṭhaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৬. সুরাপানৰগ্গো • 6. Surāpānavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৬. জোতিসিক্খাপদৰণ্ণনা • 6. Jotisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৬. জোতিসিক্খাপদৰণ্ণনা • 6. Jotisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৬. জোতিসিক্খাপদৰণ্ণনা • 6. Jotisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৬. জোতিসিক্খাপদং • 6. Jotisikkhāpadaṃ
