| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
6. ж̇од̇исигкаабад̣̇аван̣н̣анаа
6. Jotisikkhāpadavaṇṇanā
350. чадтз бхаг̇г̇аа наама ж̇анабад̣̇ино рааж̇агумаараа, д̇зсам̣ ниваасо згоби ж̇анабад̣̇о рул̣хийсад̣̇д̣̇зна ‘‘бхаг̇г̇аа’’д̇и вужжад̇и. д̇зна вуд̇д̇ам̣ ‘‘бхаг̇г̇аад̇и ж̇анабад̣̇асса наама’’нд̇и. сусумаараг̇ирзд̇и звам̣наамагз наг̇арз. д̇асса гира наг̇арасса маабанад̇т̇ам̣ вад̇т̇увиж̇ж̇аажариязна наг̇арадтаанасса бариг̇г̇ан̣ханад̣̇ивасз авид̣̇уурз сусумааро сад̣̇д̣̇амагааси г̇ирам̣ нижчаарзси. ат̇а ананд̇арааязна наг̇арз маабид̇з д̇амзва сусумаараг̇иран̣ам̣ субханимид̇д̇ам̣ гад̇ваа сусумаараг̇ирам̣д̇взвасса наамам̣ агам̣су. гзжи бана ‘‘сусумаарасан̣таанад̇д̇аа сусумааро наама зго г̇ири, со д̇асса наг̇арасса самийбз, д̇асмаа д̇ам̣ сусумаараг̇ири зд̇асса ад̇т̇ийд̇и ‘сусумаараг̇ирий’д̇и вужжад̇ий’’д̇и вад̣̇анд̇и. д̇ат̇аа ваа ход̇у ан̃н̃ат̇аа ваа, наамамзд̇ам̣ д̇асса наг̇арассаад̇и ааха ‘‘сусумаараг̇иранд̇и наг̇арасса наама’’нд̇и. бхзсагал̣аад̇и гхамбан̣д̣анаамаго г̇ажчависзсо. гзжи ‘‘сзд̇аругко’’д̇иби вад̣̇анд̇и. д̇зсам̣ б̣ахулад̇ааяа бана д̇ам̣ ванам̣ бхзсагал̣аавананд̇взва бан̃н̃ааяид̇т̇а. ‘‘бхзсаг̇ал̣ааванз’’д̇иби баато. ‘‘бхзсо наама зго яагко аяуд̇д̇агаарий, д̇асса д̇ад̇о г̇ал̣ид̇адтаанад̇ааяа д̇ам̣ ванам̣ бхзсаг̇ал̣ааванам̣ наама ж̇аад̇а’’нд̇и хи гзжи.
350. Chaṭṭhe bhaggā nāma janapadino rājakumārā, tesaṃ nivāso ekopi janapado ruḷhīsaddena ‘‘bhaggā’’ti vuccati. Tena vuttaṃ ‘‘bhaggāti janapadassa nāma’’nti. Susumāragireti evaṃnāmake nagare. Tassa kira nagarassa māpanatthaṃ vatthuvijjācariyena nagaraṭṭhānassa pariggaṇhanadivase avidūre susumāro saddamakāsi giraṃ nicchāresi. Atha anantarāyena nagare māpite tameva susumāragiraṇaṃ subhanimittaṃ katvā susumāragiraṃtvevassa nāmaṃ akaṃsu. Keci pana ‘‘susumārasaṇṭhānattā susumāro nāma eko giri, so tassa nagarassa samīpe, tasmā taṃ susumāragiri etassa atthīti ‘susumāragirī’ti vuccatī’’ti vadanti. Tathā vā hotu aññathā vā, nāmametaṃ tassa nagarassāti āha ‘‘susumāragiranti nagarassa nāma’’nti. Bhesakaḷāti ghampaṇḍanāmako gacchaviseso. Keci ‘‘setarukkho’’tipi vadanti. Tesaṃ bahulatāya pana taṃ vanaṃ bhesakaḷāvanantveva paññāyittha. ‘‘Bhesagaḷāvane’’tipi pāṭho. ‘‘Bheso nāma eko yakkho ayuttakārī, tassa tato gaḷitaṭṭhānatāya taṃ vanaṃ bhesagaḷāvanaṃ nāma jāta’’nti hi keci.
352. ж̇од̇игаран̣зд̇и аг̇г̇игаран̣з. сзсамзд̇т̇а уд̇д̇аанамзва. аг̇илаанад̇аа, анун̃н̃аад̇агаран̣аабхааво, висиб̣б̣зд̇угаамад̇аа, самаад̣̇ахананд̇и имаани банзд̇т̇а жад̇д̇аари ан̇г̇аани.
352.Jotikaraṇeti aggikaraṇe. Sesamettha uttānameva. Agilānatā, anuññātakaraṇābhāvo, visibbetukāmatā, samādahananti imāni panettha cattāri aṅgāni.
ж̇од̇исигкаабад̣̇аван̣н̣анаа нидтид̇аа.
Jotisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. сураабаанаваг̇г̇о • 6. Surāpānavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. ж̇од̇исигкаабад̣̇аван̣н̣анаа • 6. Jotisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. ж̇од̇исигкаабад̣̇ам̣ • 6. Jotisikkhāpadaṃ
