| Library / Tipiṭaka / తిపిటక • Tipiṭaka / మహావిభఙ్గ-అట్ఠకథా • Mahāvibhaṅga-aṭṭhakathā |
౬. జోతిసిక్ఖాపదవణ్ణనా
6. Jotisikkhāpadavaṇṇanā
౩౫౦. ఛట్ఠే – భగ్గాతి జనపదస్స నామం. సంసుమారగిరన్తి నగరస్స. భేసకళావనన్తి తన్నిస్సితవనస్స. తం పన మిగానం ఫాసువిహారత్థాయ దిన్నత్తా మిగదాయోతి వుచ్చతి. సమాదహిత్వాతి జాలేత్వా. పరిపాతేసీతి అనుబన్ధి.
350. Chaṭṭhe – bhaggāti janapadassa nāmaṃ. Saṃsumāragiranti nagarassa. Bhesakaḷāvananti tannissitavanassa. Taṃ pana migānaṃ phāsuvihāratthāya dinnattā migadāyoti vuccati. Samādahitvāti jāletvā. Paripātesīti anubandhi.
౩౫౨. పదీపేపీతి పదీపుజ్జలనేపి. జోతికేపీతి పత్తపచనసేదకమ్మాదీసు జోతికరణే. తథారూపపచ్చయాతి పదీపాదిపచ్చయా.
352.Padīpepīti padīpujjalanepi. Jotikepīti pattapacanasedakammādīsu jotikaraṇe. Tathārūpapaccayāti padīpādipaccayā.
౩౫౪-౫. సయం సమాదహతీతి ఏత్థ జోతిం సమాదహితుకామతాయ అరణిసణ్ఠపనతో పట్ఠాయ యావ జాలా న ఉట్ఠహతి, తావ సబ్బపయోగేసు దుక్కటం. పటిలాతం ఉక్ఖిపతీతి దయ్హమానం అలాతం పతితం ఉక్ఖిపతి, పున యథాఠానే ఠపేతీతి అత్థో. ఏవం అవిజ్ఝాతం ఉక్ఖిపిత్వా పక్ఖిపన్తస్సేవ దుక్కటం, విజ్ఝాతం పున జాలాపేన్తస్స పాచిత్తియమేవ.
354-5.Sayaṃ samādahatīti ettha jotiṃ samādahitukāmatāya araṇisaṇṭhapanato paṭṭhāya yāva jālā na uṭṭhahati, tāva sabbapayogesu dukkaṭaṃ. Paṭilātaṃ ukkhipatīti dayhamānaṃ alātaṃ patitaṃ ukkhipati, puna yathāṭhāne ṭhapetīti attho. Evaṃ avijjhātaṃ ukkhipitvā pakkhipantasseva dukkaṭaṃ, vijjhātaṃ puna jālāpentassa pācittiyameva.
౩౫౬. తథారూపపచ్చయాతి ఠపేత్వా పదీపాదీని అఞ్ఞేనపి తథారూపేన పచ్చయేన సమాదహన్తస్స అనాపత్తి. ఆపదాసూతి దుట్ఠవాళమిగఅమనుస్సేహి ఉపద్దవో హోతి, తత్థ సమాదహన్తస్సాపి అనాపత్తి. సేసం ఉత్తానమేవాతి. ఛసముట్ఠానం – కిరియం, నోసఞ్ఞావిమోక్ఖం, అచిత్తకం, పణ్ణత్తివజ్జం, కాయకమ్మం, వచీకమ్మం, తిచిత్తం, తివేదనన్తి.
356.Tathārūpapaccayāti ṭhapetvā padīpādīni aññenapi tathārūpena paccayena samādahantassa anāpatti. Āpadāsūti duṭṭhavāḷamigaamanussehi upaddavo hoti, tattha samādahantassāpi anāpatti. Sesaṃ uttānamevāti. Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
జోతిసిక్ఖాపదం ఛట్ఠం.
Jotisikkhāpadaṃ chaṭṭhaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౬. సురాపానవగ్గో • 6. Surāpānavaggo
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / ౬. జోతిసిక్ఖాపదవణ్ణనా • 6. Jotisikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౬. జోతిసిక్ఖాపదవణ్ణనా • 6. Jotisikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౬. జోతిసిక్ఖాపదవణ్ణనా • 6. Jotisikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౬. జోతిసిక్ఖాపదం • 6. Jotisikkhāpadaṃ
