| Library / Tipiṭaka / ติปิฎก • Tipiṭaka / มหาวิภงฺค-อฎฺฐกถา • Mahāvibhaṅga-aṭṭhakathā |
๖. โชติสิกฺขาปทวณฺณนา
6. Jotisikkhāpadavaṇṇanā
๓๕๐. ฉเฎฺฐ – ภคฺคาติ ชนปทสฺส นามํฯ สํสุมารคิรนฺติ นครสฺสฯ เภสกฬาวนนฺติ ตนฺนิสฺสิตวนสฺสฯ ตํ ปน มิคานํ ผาสุวิหารตฺถาย ทินฺนตฺตา มิคทาโยติ วุจฺจติฯ สมาทหิตฺวาติ ชาเลตฺวาฯ ปริปาเตสีติ อนุพนฺธิฯ
350. Chaṭṭhe – bhaggāti janapadassa nāmaṃ. Saṃsumāragiranti nagarassa. Bhesakaḷāvananti tannissitavanassa. Taṃ pana migānaṃ phāsuvihāratthāya dinnattā migadāyoti vuccati. Samādahitvāti jāletvā. Paripātesīti anubandhi.
๓๕๒. ปทีเปปีติ ปทีปุชฺชลเนปิฯ โชติเกปีติ ปตฺตปจนเสทกมฺมาทีสุ โชติกรเณฯ ตถารูปปจฺจยาติ ปทีปาทิปจฺจยาฯ
352.Padīpepīti padīpujjalanepi. Jotikepīti pattapacanasedakammādīsu jotikaraṇe. Tathārūpapaccayāti padīpādipaccayā.
๓๕๔-๕. สยํ สมาทหตีติ เอตฺถ โชติํ สมาทหิตุกามตาย อรณิสณฺฐปนโต ปฎฺฐาย ยาว ชาลา น อุฎฺฐหติ, ตาว สพฺพปโยเคสุ ทุกฺกฎํฯ ปฎิลาตํ อุกฺขิปตีติ ทยฺหมานํ อลาตํ ปติตํ อุกฺขิปติ, ปุน ยถาฐาเน ฐเปตีติ อโตฺถฯ เอวํ อวิชฺฌาตํ อุกฺขิปิตฺวา ปกฺขิปนฺตเสฺสว ทุกฺกฎํ, วิชฺฌาตํ ปุน ชาลาเปนฺตสฺส ปาจิตฺติยเมวฯ
354-5.Sayaṃ samādahatīti ettha jotiṃ samādahitukāmatāya araṇisaṇṭhapanato paṭṭhāya yāva jālā na uṭṭhahati, tāva sabbapayogesu dukkaṭaṃ. Paṭilātaṃ ukkhipatīti dayhamānaṃ alātaṃ patitaṃ ukkhipati, puna yathāṭhāne ṭhapetīti attho. Evaṃ avijjhātaṃ ukkhipitvā pakkhipantasseva dukkaṭaṃ, vijjhātaṃ puna jālāpentassa pācittiyameva.
๓๕๖. ตถารูปปจฺจยาติ ฐเปตฺวา ปทีปาทีนิ อเญฺญนปิ ตถารูเปน ปจฺจเยน สมาทหนฺตสฺส อนาปตฺติฯ อาปทาสูติ ทุฎฺฐวาฬมิคอมนุเสฺสหิ อุปทฺทโว โหติ, ตตฺถ สมาทหนฺตสฺสาปิ อนาปตฺติฯ เสสํ อุตฺตานเมวาติฯ ฉสมุฎฺฐานํ – กิริยํ, โนสญฺญาวิโมกฺขํ, อจิตฺตกํ, ปณฺณตฺติวชฺชํ, กายกมฺมํ, วจีกมฺมํ, ติจิตฺตํ, ติเวทนนฺติฯ
356.Tathārūpapaccayāti ṭhapetvā padīpādīni aññenapi tathārūpena paccayena samādahantassa anāpatti. Āpadāsūti duṭṭhavāḷamigaamanussehi upaddavo hoti, tattha samādahantassāpi anāpatti. Sesaṃ uttānamevāti. Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
โชติสิกฺขาปทํ ฉฎฺฐํฯ
Jotisikkhāpadaṃ chaṭṭhaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๖. สุราปานวโคฺค • 6. Surāpānavaggo
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๖. โชติสิกฺขาปทวณฺณนา • 6. Jotisikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๖. โชติสิกฺขาปทวณฺณนา • 6. Jotisikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๖. โชติสิกฺขาปทวณฺณนา • 6. Jotisikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๖. โชติสิกฺขาปทํ • 6. Jotisikkhāpadaṃ
