| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༦. ཛོཏིསིཀྑཱཔདཝཎྞནཱ
6. Jotisikkhāpadavaṇṇanā
ཨགིལཱནོཏི ཡསྶ ཝིནཱ ཨགྒིནཱ ཕཱསུ ཧོཏི, སོ ཨིདྷ ཨགིལཱནོ ནཱམ། ཛོཏིནྟི ཨགྒིཾ།
Agilānoti yassa vinā agginā phāsu hoti, so idha agilāno nāma. Jotinti aggiṃ.
བྷགྒེསཱུཏི ཨེཝཾནཱམཀེ ཛནཔདེ། བྷགྒཱནཱམ ཛཱནཔདིནོ རཱཛཀུམཱརཱ, ཏེསཾ ནིཝཱསོ ཨེཀོཔི ཛནཔདོ རུལ༹ྷིསདྡེན ‘‘བྷགྒཱ’’ཏི ཝུཙྩཏི། ཏེན ཝུཏྟཾ ‘‘བྷགྒེསཱུཏི ཨེཝཾནཱམཀེ ཛནཔདེ’’ཏི། ཏཐཱ པཏིལཱཏཾ ཨུཀྑིཔནྟསྶཱཏི ཌཡ྄ཧམཱནཾ ཨལཱཏཾ པཏིཏཾ ཨུཀྑིཔནྟསྶ ཏཐཱ དུཀྐཊནྟི ཨཏྠོ། ཏཉྩཱཏི དུཀྐཊཾ པརཱམསཏི། ཨཝིཛ྄ཛྷཱཏནྟི ཨནིབྦུཏཱལཱཏཾ། པདཱིཔཛོཏིཀཛནྟཱགྷརེཏི པདཱིཔུཛྫལནཔཏྟཔཙནསེདཀམྨཱདཱིསུ ཛོཏིཀརཎེ ཨགྒིསཱལཱཡཉྩ སམཱདཧནྟསྶ ཨནཱཔཏྟཱིཏི ཨཏྠོ། ཏཐཱརཱུཔཔྤཙྩཡེཏི ཋཔེཏྭཱ པདཱིཔཱདཱིནི ཨཉྙསྨིམྤི ཏཐཱརཱུཔཔཙྩཡེ། ཨཱཔདཱསཱུཏི དུཊྛཝཱལ༹མིགཨམནུསྶེཧི ཨུཔདྡཝེསུ།
Bhaggesūti evaṃnāmake janapade. Bhaggānāma jānapadino rājakumārā, tesaṃ nivāso ekopi janapado ruḷhisaddena ‘‘bhaggā’’ti vuccati. Tena vuttaṃ ‘‘bhaggesūti evaṃnāmake janapade’’ti. Tathā patilātaṃ ukkhipantassāti ḍayhamānaṃ alātaṃ patitaṃ ukkhipantassa tathā dukkaṭanti attho. Tañcāti dukkaṭaṃ parāmasati. Avijjhātanti anibbutālātaṃ. Padīpajotikajantāghareti padīpujjalanapattapacanasedakammādīsu jotikaraṇe aggisālāyañca samādahantassa anāpattīti attho. Tathārūpappaccayeti ṭhapetvā padīpādīni aññasmimpi tathārūpapaccaye. Āpadāsūti duṭṭhavāḷamigaamanussehi upaddavesu.
ཛོཏིསིཀྑཱཔདཝཎྞནཱ ནིཊྛིཏཱ།
Jotisikkhāpadavaṇṇanā niṭṭhitā.
