| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੬. ਜੋਤਿਸਿਕ੍ਖਾਪਦવਣ੍ਣਨਾ
6. Jotisikkhāpadavaṇṇanā
੩੫੦. ਛਟ੍ਠੇ – ਭਗ੍ਗਾਤਿ ਜਨਪਦਸ੍ਸ ਨਾਮਂ। ਸਂਸੁਮਾਰਗਿਰਨ੍ਤਿ ਨਗਰਸ੍ਸ। ਭੇਸਕਲ਼ਾવਨਨ੍ਤਿ ਤਨ੍ਨਿਸ੍ਸਿਤવਨਸ੍ਸ। ਤਂ ਪਨ ਮਿਗਾਨਂ ਫਾਸੁવਿਹਾਰਤ੍ਥਾਯ ਦਿਨ੍ਨਤ੍ਤਾ ਮਿਗਦਾਯੋਤਿ વੁਚ੍ਚਤਿ। ਸਮਾਦਹਿਤ੍વਾਤਿ ਜਾਲੇਤ੍વਾ। ਪਰਿਪਾਤੇਸੀਤਿ ਅਨੁਬਨ੍ਧਿ।
350. Chaṭṭhe – bhaggāti janapadassa nāmaṃ. Saṃsumāragiranti nagarassa. Bhesakaḷāvananti tannissitavanassa. Taṃ pana migānaṃ phāsuvihāratthāya dinnattā migadāyoti vuccati. Samādahitvāti jāletvā. Paripātesīti anubandhi.
੩੫੨. ਪਦੀਪੇਪੀਤਿ ਪਦੀਪੁਜ੍ਜਲਨੇਪਿ। ਜੋਤਿਕੇਪੀਤਿ ਪਤ੍ਤਪਚਨਸੇਦਕਮ੍ਮਾਦੀਸੁ ਜੋਤਿਕਰਣੇ। ਤਥਾਰੂਪਪਚ੍ਚਯਾਤਿ ਪਦੀਪਾਦਿਪਚ੍ਚਯਾ।
352.Padīpepīti padīpujjalanepi. Jotikepīti pattapacanasedakammādīsu jotikaraṇe. Tathārūpapaccayāti padīpādipaccayā.
੩੫੪-੫. ਸਯਂ ਸਮਾਦਹਤੀਤਿ ਏਤ੍ਥ ਜੋਤਿਂ ਸਮਾਦਹਿਤੁਕਾਮਤਾਯ ਅਰਣਿਸਣ੍ਠਪਨਤੋ ਪਟ੍ਠਾਯ ਯਾવ ਜਾਲਾ ਨ ਉਟ੍ਠਹਤਿ, ਤਾવ ਸਬ੍ਬਪਯੋਗੇਸੁ ਦੁਕ੍ਕਟਂ। ਪਟਿਲਾਤਂ ਉਕ੍ਖਿਪਤੀਤਿ ਦਯ੍ਹਮਾਨਂ ਅਲਾਤਂ ਪਤਿਤਂ ਉਕ੍ਖਿਪਤਿ, ਪੁਨ ਯਥਾਠਾਨੇ ਠਪੇਤੀਤਿ ਅਤ੍ਥੋ। ਏવਂ ਅવਿਜ੍ਝਾਤਂ ਉਕ੍ਖਿਪਿਤ੍વਾ ਪਕ੍ਖਿਪਨ੍ਤਸ੍ਸੇવ ਦੁਕ੍ਕਟਂ, વਿਜ੍ਝਾਤਂ ਪੁਨ ਜਾਲਾਪੇਨ੍ਤਸ੍ਸ ਪਾਚਿਤ੍ਤਿਯਮੇવ।
354-5.Sayaṃ samādahatīti ettha jotiṃ samādahitukāmatāya araṇisaṇṭhapanato paṭṭhāya yāva jālā na uṭṭhahati, tāva sabbapayogesu dukkaṭaṃ. Paṭilātaṃ ukkhipatīti dayhamānaṃ alātaṃ patitaṃ ukkhipati, puna yathāṭhāne ṭhapetīti attho. Evaṃ avijjhātaṃ ukkhipitvā pakkhipantasseva dukkaṭaṃ, vijjhātaṃ puna jālāpentassa pācittiyameva.
੩੫੬. ਤਥਾਰੂਪਪਚ੍ਚਯਾਤਿ ਠਪੇਤ੍વਾ ਪਦੀਪਾਦੀਨਿ ਅਞ੍ਞੇਨਪਿ ਤਥਾਰੂਪੇਨ ਪਚ੍ਚਯੇਨ ਸਮਾਦਹਨ੍ਤਸ੍ਸ ਅਨਾਪਤ੍ਤਿ। ਆਪਦਾਸੂਤਿ ਦੁਟ੍ਠવਾਲ਼ਮਿਗਅਮਨੁਸ੍ਸੇਹਿ ਉਪਦ੍ਦવੋ ਹੋਤਿ, ਤਤ੍ਥ ਸਮਾਦਹਨ੍ਤਸ੍ਸਾਪਿ ਅਨਾਪਤ੍ਤਿ। ਸੇਸਂ ਉਤ੍ਤਾਨਮੇવਾਤਿ। ਛਸਮੁਟ੍ਠਾਨਂ – ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
356.Tathārūpapaccayāti ṭhapetvā padīpādīni aññenapi tathārūpena paccayena samādahantassa anāpatti. Āpadāsūti duṭṭhavāḷamigaamanussehi upaddavo hoti, tattha samādahantassāpi anāpatti. Sesaṃ uttānamevāti. Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਜੋਤਿਸਿਕ੍ਖਾਪਦਂ ਛਟ੍ਠਂ।
Jotisikkhāpadaṃ chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੬. ਸੁਰਾਪਾਨવਗ੍ਗੋ • 6. Surāpānavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਜੋਤਿਸਿਕ੍ਖਾਪਦવਣ੍ਣਨਾ • 6. Jotisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੬. ਜੋਤਿਸਿਕ੍ਖਾਪਦવਣ੍ਣਨਾ • 6. Jotisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਜੋਤਿਸਿਕ੍ਖਾਪਦવਣ੍ਣਨਾ • 6. Jotisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬. ਜੋਤਿਸਿਕ੍ਖਾਪਦਂ • 6. Jotisikkhāpadaṃ
