| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๕๖. ชุณฺหชาตกํ (๒)
456. Juṇhajātakaṃ (2)
๑๓.
13.
สุโณหิ มยฺหํ วจนํ ชนินฺท, อเตฺถน ชุณฺหมฺหิ อิธานุปโตฺต;
Suṇohi mayhaṃ vacanaṃ janinda, atthena juṇhamhi idhānupatto;
๑๔.
14.
สุโณมิ ติฎฺฐามิ วเทหิ พฺรเหฺม, เยนาสิ 5 อเตฺถน อิธานุปโตฺต;
Suṇomi tiṭṭhāmi vadehi brahme, yenāsi 6 atthena idhānupatto;
กํ วา ตฺวมตฺถํ มยิ ปตฺถยาโน, อิธาคมา พฺรเหฺม ตทิงฺฆ พฺรูหิฯ
Kaṃ vā tvamatthaṃ mayi patthayāno, idhāgamā brahme tadiṅgha brūhi.
๑๕.
15.
ททาหิ เม คามวรานิ ปญฺจ, ทาสีสตํ สตฺต ควํสตานิ;
Dadāhi me gāmavarāni pañca, dāsīsataṃ satta gavaṃsatāni;
ปโรสหสฺสญฺจ สุวณฺณนิเกฺข, ภริยา จ เม สาทิสี เทฺว ททาหิฯ
Parosahassañca suvaṇṇanikkhe, bhariyā ca me sādisī dve dadāhi.
๑๖.
16.
ตโป นุ เต พฺราหฺมณ ภิํสรูโป, มนฺตา นุ เต พฺราหฺมณ จิตฺตรูปา;
Tapo nu te brāhmaṇa bhiṃsarūpo, mantā nu te brāhmaṇa cittarūpā;
ยกฺขา นุ 7 เต อสฺสวา สนฺติ เกจิ, อตฺถํ วา เม อภิชานาสิ กตฺตํฯ
Yakkhā nu 8 te assavā santi keci, atthaṃ vā me abhijānāsi kattaṃ.
๑๗.
17.
น เม ตโป อตฺถิ น จาปิ มนฺตา, ยกฺขาปิ เม อสฺสวา นตฺถิ เกจิ;
Na me tapo atthi na cāpi mantā, yakkhāpi me assavā natthi keci;
อตฺถมฺปิ เต นาภิชานามิ กตฺตํ, ปุเพฺพ จ โข 9 สงฺคติมตฺตมาสิฯ
Atthampi te nābhijānāmi kattaṃ, pubbe ca kho 10 saṅgatimattamāsi.
๑๘.
18.
ปฐมํ อิทํ ทสฺสนํ ชานโต เม, น ตาภิชานามิ อิโต ปุรตฺถา;
Paṭhamaṃ idaṃ dassanaṃ jānato me, na tābhijānāmi ito puratthā;
อกฺขาหิ เม ปุจฺฉิโต เอตมตฺถํ, กทา กุหิํ วา อหุ สงฺคโม โนฯ
Akkhāhi me pucchito etamatthaṃ, kadā kuhiṃ vā ahu saṅgamo no.
๑๙.
19.
คนฺธารราชสฺส ปุรมฺหิ รเมฺม, อวสิมฺหเส ตกฺกสีลายํ เทว;
Gandhārarājassa puramhi ramme, avasimhase takkasīlāyaṃ deva;
ตตฺถนฺธการมฺหิ ติมีสิกายํ 11, อํเสน อํสํ สมฆฎฺฎยิมฺหฯ
Tatthandhakāramhi timīsikāyaṃ 12, aṃsena aṃsaṃ samaghaṭṭayimha.
๒๐.
20.
สาเยว โน สงฺคติมตฺตมาสิ, ตโต น ปจฺฉา น ปุเร อโหสิฯ
Sāyeva no saṅgatimattamāsi, tato na pacchā na pure ahosi.
๒๑.
21.
ยทา กทาจิ มนุเชสุ พฺรเหฺม, สมาคโม สปฺปุริเสน โหติ;
Yadā kadāci manujesu brahme, samāgamo sappurisena hoti;
น ปณฺฑิตา สงฺคติสนฺถวานิ, ปุเพฺพ กตํ วาปิ วินาสยนฺติฯ
Na paṇḍitā saṅgatisanthavāni, pubbe kataṃ vāpi vināsayanti.
๒๒.
22.
พาลาว 17 โข สงฺคติสนฺถวานิ, ปุเพฺพ กตํ วาปิ วินาสยนฺติ;
Bālāva 18 kho saṅgatisanthavāni, pubbe kataṃ vāpi vināsayanti;
พหุมฺปิ พาเลสุ กตํ วินสฺสติ, ตถา หิ พาลา อกตญฺญุรูปาฯ
Bahumpi bālesu kataṃ vinassati, tathā hi bālā akataññurūpā.
๒๓.
23.
ธีรา จ โข สงฺคติสนฺถวานิ, ปุเพฺพ กตํ วาปิ น นาสยนฺติ;
Dhīrā ca kho saṅgatisanthavāni, pubbe kataṃ vāpi na nāsayanti;
อปฺปมฺปิ ธีเรสุ กตํ น นสฺสติ, ตถา หิ ธีรา สุกตญฺญุรูปาฯ
Appampi dhīresu kataṃ na nassati, tathā hi dhīrā sukataññurūpā.
๒๔.
24.
ททามิ เต คามวรานิ ปญฺจ, ทาสีสตํ สตฺต ควํสตานิ;
Dadāmi te gāmavarāni pañca, dāsīsataṃ satta gavaṃsatāni;
ปโรสหสฺสญฺจ สุวณฺณนิเกฺข, ภริยา จ เต สาทิสี เทฺว ททามิฯ
Parosahassañca suvaṇṇanikkhe, bhariyā ca te sādisī dve dadāmi.
๒๕.
25.
เอวํ สตํ โหติ สเมจฺจ ราช, นกฺขตฺตราชาริว ตารกานํ;
Evaṃ sataṃ hoti samecca rāja, nakkhattarājāriva tārakānaṃ;
อาปูรตี กาสิปตี ตถาหํ, ตยาปิ เม สงฺคโม อชฺช ลโทฺธติฯ
Āpūratī kāsipatī tathāhaṃ, tayāpi me saṅgamo ajja laddhoti.
ชุณฺหชาตกํ ทุติยํฯ
Juṇhajātakaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๕๖] ๒. ชุณฺหชาตกวณฺณนา • [456] 2. Juṇhajātakavaṇṇanā
