| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤៥៦. ជុណ្ហជាតកំ (២)
456. Juṇhajātakaṃ (2)
១៣.
13.
សុណោហិ មយ្ហំ វចនំ ជនិន្ទ, អត្ថេន ជុណ្ហម្ហិ ឥធានុបត្តោ;
Suṇohi mayhaṃ vacanaṃ janinda, atthena juṇhamhi idhānupatto;
១៤.
14.
សុណោមិ តិដ្ឋាមិ វទេហិ ព្រហ្មេ, យេនាសិ 5 អត្ថេន ឥធានុបត្តោ;
Suṇomi tiṭṭhāmi vadehi brahme, yenāsi 6 atthena idhānupatto;
កំ វា ត្វមត្ថំ មយិ បត្ថយានោ, ឥធាគមា ព្រហ្មេ តទិង្ឃ ព្រូហិ។
Kaṃ vā tvamatthaṃ mayi patthayāno, idhāgamā brahme tadiṅgha brūhi.
១៥.
15.
ទទាហិ មេ គាមវរានិ បញ្ច, ទាសីសតំ សត្ត គវំសតានិ;
Dadāhi me gāmavarāni pañca, dāsīsataṃ satta gavaṃsatāni;
បរោសហស្សញ្ច សុវណ្ណនិក្ខេ, ភរិយា ច មេ សាទិសី ទ្វេ ទទាហិ។
Parosahassañca suvaṇṇanikkhe, bhariyā ca me sādisī dve dadāhi.
១៦.
16.
តបោ នុ តេ ព្រាហ្មណ ភិំសរូបោ, មន្តា នុ តេ ព្រាហ្មណ ចិត្តរូបា;
Tapo nu te brāhmaṇa bhiṃsarūpo, mantā nu te brāhmaṇa cittarūpā;
យក្ខា នុ 7 តេ អស្សវា សន្តិ កេចិ, អត្ថំ វា មេ អភិជានាសិ កត្តំ។
Yakkhā nu 8 te assavā santi keci, atthaṃ vā me abhijānāsi kattaṃ.
១៧.
17.
ន មេ តបោ អត្ថិ ន ចាបិ មន្តា, យក្ខាបិ មេ អស្សវា នត្ថិ កេចិ;
Na me tapo atthi na cāpi mantā, yakkhāpi me assavā natthi keci;
អត្ថម្បិ តេ នាភិជានាមិ កត្តំ, បុព្ពេ ច ខោ 9 សង្គតិមត្តមាសិ។
Atthampi te nābhijānāmi kattaṃ, pubbe ca kho 10 saṅgatimattamāsi.
១៨.
18.
បឋមំ ឥទំ ទស្សនំ ជានតោ មេ, ន តាភិជានាមិ ឥតោ បុរត្ថា;
Paṭhamaṃ idaṃ dassanaṃ jānato me, na tābhijānāmi ito puratthā;
អក្ខាហិ មេ បុច្ឆិតោ ឯតមត្ថំ, កទា កុហិំ វា អហុ សង្គមោ នោ។
Akkhāhi me pucchito etamatthaṃ, kadā kuhiṃ vā ahu saṅgamo no.
១៩.
19.
គន្ធាររាជស្ស បុរម្ហិ រម្មេ, អវសិម្ហសេ តក្កសីលាយំ ទេវ;
Gandhārarājassa puramhi ramme, avasimhase takkasīlāyaṃ deva;
តត្ថន្ធការម្ហិ តិមីសិកាយំ 11, អំសេន អំសំ សមឃដ្ដយិម្ហ។
Tatthandhakāramhi timīsikāyaṃ 12, aṃsena aṃsaṃ samaghaṭṭayimha.
២០.
20.
សាយេវ នោ សង្គតិមត្តមាសិ, តតោ ន បច្ឆា ន បុរេ អហោសិ។
Sāyeva no saṅgatimattamāsi, tato na pacchā na pure ahosi.
២១.
21.
យទា កទាចិ មនុជេសុ ព្រហ្មេ, សមាគមោ សប្បុរិសេន ហោតិ;
Yadā kadāci manujesu brahme, samāgamo sappurisena hoti;
ន បណ្ឌិតា សង្គតិសន្ថវានិ, បុព្ពេ កតំ វាបិ វិនាសយន្តិ។
Na paṇḍitā saṅgatisanthavāni, pubbe kataṃ vāpi vināsayanti.
២២.
22.
ពាលាវ 17 ខោ សង្គតិសន្ថវានិ, បុព្ពេ កតំ វាបិ វិនាសយន្តិ;
Bālāva 18 kho saṅgatisanthavāni, pubbe kataṃ vāpi vināsayanti;
ពហុម្បិ ពាលេសុ កតំ វិនស្សតិ, តថា ហិ ពាលា អកតញ្ញុរូបា។
Bahumpi bālesu kataṃ vinassati, tathā hi bālā akataññurūpā.
២៣.
23.
ធីរា ច ខោ សង្គតិសន្ថវានិ, បុព្ពេ កតំ វាបិ ន នាសយន្តិ;
Dhīrā ca kho saṅgatisanthavāni, pubbe kataṃ vāpi na nāsayanti;
អប្បម្បិ ធីរេសុ កតំ ន នស្សតិ, តថា ហិ ធីរា សុកតញ្ញុរូបា។
Appampi dhīresu kataṃ na nassati, tathā hi dhīrā sukataññurūpā.
២៤.
24.
ទទាមិ តេ គាមវរានិ បញ្ច, ទាសីសតំ សត្ត គវំសតានិ;
Dadāmi te gāmavarāni pañca, dāsīsataṃ satta gavaṃsatāni;
បរោសហស្សញ្ច សុវណ្ណនិក្ខេ, ភរិយា ច តេ សាទិសី ទ្វេ ទទាមិ។
Parosahassañca suvaṇṇanikkhe, bhariyā ca te sādisī dve dadāmi.
២៥.
25.
ឯវំ សតំ ហោតិ សមេច្ច រាជ, នក្ខត្តរាជារិវ តារកានំ;
Evaṃ sataṃ hoti samecca rāja, nakkhattarājāriva tārakānaṃ;
អាបូរតី កាសិបតី តថាហំ, តយាបិ មេ សង្គមោ អជ្ជ លទ្ធោតិ។
Āpūratī kāsipatī tathāhaṃ, tayāpi me saṅgamo ajja laddhoti.
ជុណ្ហជាតកំ ទុតិយំ។
Juṇhajātakaṃ dutiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៥៦] ២. ជុណ្ហជាតកវណ្ណនា • [456] 2. Juṇhajātakavaṇṇanā
