| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
5. කබළවග්‌ග-අත්‌ථයොජනා
5. Kabaḷavagga-atthayojanā
617. ‘‘මුඛද්‌වාර’’න්‌ති කම්‌මස්‌ස ‘‘අනාහටෙ’’ති ච ‘‘විවරිස්‌සාමී’’ති ච ද්‌වීසු කිරියාසු සම්‌බන්‌ධභාවං දස්‌සෙතුං වුත්‌තං ‘‘අනාහරිතෙ මුඛද්‌වාර’’න්‌ති.
617. ‘‘Mukhadvāra’’nti kammassa ‘‘anāhaṭe’’ti ca ‘‘vivarissāmī’’ti ca dvīsu kiriyāsu sambandhabhāvaṃ dassetuṃ vuttaṃ ‘‘anāharite mukhadvāra’’nti.
618. සකලං හත්‌ථන්‌ති පඤ්‌චඞ්‌ගුලිං සන්‌ධාය වුත්‌තං.
618.Sakalaṃ hatthanti pañcaṅguliṃ sandhāya vuttaṃ.
619. සකබළෙනාති එත්‌ථ කබළසද්‌දෙන වචනස්‌ස අපරිපුණ්‌ණකාරණං සබ්‌බම්‌පි ගහෙතබ්‌බං.
619.Sakabaḷenāti ettha kabaḷasaddena vacanassa aparipuṇṇakāraṇaṃ sabbampi gahetabbaṃ.
620. පිණ්‌ඩුක්‌ඛෙපකන්‌තිආදීසු විච්‌ඡත්‌ථෙ කපච්‌චයොති ආහ ‘‘පිණ්‌ඩං උක්‌ඛිපිත්‌වා උක්‌ඛිපිත්‌වා’’ති. ත්‌වාසද්‌දෙන කිරියාවිසෙසනභාවං දස්‌සෙති.
620.Piṇḍukkhepakantiādīsu vicchatthe kapaccayoti āha ‘‘piṇḍaṃ ukkhipitvā ukkhipitvā’’ti. Tvāsaddena kiriyāvisesanabhāvaṃ dasseti.
624. ‘‘අවකිරිත්‌වා’’ති ඉමිනා සිත්‌ථාවකාරකන්‌ති එත්‌ථ අවපුබ්‌බො කිරධාතුයෙව, න කරධාතූති දස්‌සෙති.
624. ‘‘Avakiritvā’’ti iminā sitthāvakārakanti ettha avapubbo kiradhātuyeva, na karadhātūti dasseti.
626. ‘‘චපුචපූ’’ති එවං සද්‌දන්‌ති ‘‘චපුචපූ’’ති එවං අනුකරණරවන්‌ති. පඤ්‌චමො වග්‌ගො.
626.‘‘Capucapū’’ti evaṃ saddanti ‘‘capucapū’’ti evaṃ anukaraṇaravanti. Pañcamo vaggo.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 5. කබළවග්‌ගො • 5. Kabaḷavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 5. කබළවග්‌ගවණ්‌ණනා • 5. Kabaḷavaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 5. කබළවග්‌ගවණ්‌ණනා • 5. Kabaḷavaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 5. කබළවග්‌ගවණ්‌ණනා • 5. Kabaḷavaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 5. කබළවග්‌ගවණ්‌ණනා • 5. Kabaḷavaggavaṇṇanā
