| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༥. ཀབལ༹ཝགྒ-ཨཏྠཡོཛནཱ
5. Kabaḷavagga-atthayojanā
༦༡༧. ‘‘མུཁདྭཱར’’ནྟི ཀམྨསྶ ‘‘ཨནཱཧཊེ’’ཏི ཙ ‘‘ཝིཝརིསྶཱམཱི’’ཏི ཙ དྭཱིསུ ཀིརིཡཱསུ སམྦནྡྷབྷཱཝཾ དསྶེཏུཾ ཝུཏྟཾ ‘‘ཨནཱཧརིཏེ མུཁདྭཱར’’ནྟི།
617. ‘‘Mukhadvāra’’nti kammassa ‘‘anāhaṭe’’ti ca ‘‘vivarissāmī’’ti ca dvīsu kiriyāsu sambandhabhāvaṃ dassetuṃ vuttaṃ ‘‘anāharite mukhadvāra’’nti.
༦༡༨. སཀལཾ ཧཏྠནྟི པཉྩངྒུལིཾ སནྡྷཱཡ ཝུཏྟཾ།
618.Sakalaṃ hatthanti pañcaṅguliṃ sandhāya vuttaṃ.
༦༡༩. སཀབལེ༹ནཱཏི ཨེཏྠ ཀབལ༹སདྡེན ཝཙནསྶ ཨཔརིཔུཎྞཀཱརཎཾ སབྦམྤི གཧེཏབྦཾ།
619.Sakabaḷenāti ettha kabaḷasaddena vacanassa aparipuṇṇakāraṇaṃ sabbampi gahetabbaṃ.
༦༢༠. པིཎྜུཀྑེཔཀནྟིཨཱདཱིསུ ཝིཙྪཏྠེ ཀཔཙྩཡོཏི ཨཱཧ ‘‘པིཎྜཾ ཨུཀྑིཔིཏྭཱ ཨུཀྑིཔིཏྭཱ’’ཏི། ཏྭཱསདྡེན ཀིརིཡཱཝིསེསནབྷཱཝཾ དསྶེཏི།
620.Piṇḍukkhepakantiādīsu vicchatthe kapaccayoti āha ‘‘piṇḍaṃ ukkhipitvā ukkhipitvā’’ti. Tvāsaddena kiriyāvisesanabhāvaṃ dasseti.
༦༢༤. ‘‘ཨཝཀིརིཏྭཱ’’ཏི ཨིམིནཱ སིཏྠཱཝཀཱརཀནྟི ཨེཏྠ ཨཝཔུབྦོ ཀིརདྷཱཏུཡེཝ, ན ཀརདྷཱཏཱུཏི དསྶེཏི།
624. ‘‘Avakiritvā’’ti iminā sitthāvakārakanti ettha avapubbo kiradhātuyeva, na karadhātūti dasseti.
༦༢༦. ‘‘ཙཔུཙཔཱུ’’ཏི ཨེཝཾ སདྡནྟི ‘‘ཙཔུཙཔཱུ’’ཏི ཨེཝཾ ཨནུཀརཎརཝནྟི། པཉྩམོ ཝགྒོ།
626.‘‘Capucapū’’ti evaṃ saddanti ‘‘capucapū’’ti evaṃ anukaraṇaravanti. Pañcamo vaggo.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༥. ཀབལ༹ཝགྒོ • 5. Kabaḷavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༥. ཀབལ༹ཝགྒཝཎྞནཱ • 5. Kabaḷavaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༥. ཀབལ༹ཝགྒཝཎྞནཱ • 5. Kabaḷavaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༥. ཀབལ༹ཝགྒཝཎྞནཱ • 5. Kabaḷavaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༥. ཀབལ༹ཝགྒཝཎྞནཱ • 5. Kabaḷavaggavaṇṇanā
