| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. கச்சானகொ³த்தஸுத்தவண்ணனா
5. Kaccānagottasuttavaṇṇanā
15. பஞ்சமே ஸம்மாதி³ட்டி² ஸம்மாதி³ட்டீ²தி யங் பண்டி³தா தே³வமனுஸ்ஸா தேஸு தேஸு டா²னேஸு ஸம்மாத³ஸ்ஸனங் வத³ந்தி, ஸப்³ப³ம்பி தங் த்³வீஹி பதே³ஹி ஸங்கி²பித்வா புச்ச²தி. த்³வயனிஸ்ஸிதோதி த்³வே கொட்டா²ஸே நிஸ்ஸிதோ. யேபு⁴ய்யேனாதி இமினா ட²பெத்வா அரியபுக்³க³லே ஸேஸமஹாஜனங் த³ஸ்ஸேதி. அத்தி²தந்தி ஸஸ்ஸதங். நத்தி²தந்தி உச்சே²த³ங். லோகஸமுத³யந்தி லோகோ நாம ஸங்கா²ரலோகோ, தஸ்ஸ நிப்³ப³த்தி. ஸம்மப்பஞ்ஞாய பஸ்ஸதோதி ஸம்மாபஞ்ஞா நாம ஸவிபஸ்ஸனா மக்³க³பஞ்ஞா, தாய பஸ்ஸந்தஸ்ஸாதி அத்தோ². யா லோகே நத்தி²தாதி ஸங்கா²ரலோகே நிப்³ப³த்தேஸு த⁴ம்மேஸு பஞ்ஞாயந்தெஸ்வேவ யா நத்தீ²தி உச்சே²த³தி³ட்டி² உப்பஜ்ஜெய்ய, ஸா ந ஹோதீதி அத்தோ². லோகனிரோத⁴ந்தி ஸங்கா²ரானங் ப⁴ங்க³ங். யா லோகே அத்தி²தாதி ஸங்கா²ரலோகே பி⁴ஜ்ஜமானேஸு த⁴ம்மேஸு பஞ்ஞாயந்தெஸ்வேவ யா அத்தீ²தி ஸஸ்ஸததி³ட்டி² உப்பஜ்ஜெய்ய , ஸா ந ஹோதீதி அத்தோ².
15. Pañcame sammādiṭṭhi sammādiṭṭhīti yaṃ paṇḍitā devamanussā tesu tesu ṭhānesu sammādassanaṃ vadanti, sabbampi taṃ dvīhi padehi saṅkhipitvā pucchati. Dvayanissitoti dve koṭṭhāse nissito. Yebhuyyenāti iminā ṭhapetvā ariyapuggale sesamahājanaṃ dasseti. Atthitanti sassataṃ. Natthitanti ucchedaṃ. Lokasamudayanti loko nāma saṅkhāraloko, tassa nibbatti. Sammappaññāya passatoti sammāpaññā nāma savipassanā maggapaññā, tāya passantassāti attho. Yā loke natthitāti saṅkhāraloke nibbattesu dhammesu paññāyantesveva yā natthīti ucchedadiṭṭhi uppajjeyya, sā na hotīti attho. Lokanirodhanti saṅkhārānaṃ bhaṅgaṃ. Yāloke atthitāti saṅkhāraloke bhijjamānesu dhammesu paññāyantesveva yā atthīti sassatadiṭṭhi uppajjeyya , sā na hotīti attho.
அபிச லோகஸமுத³யந்தி அனுலோமபச்சயாகாரங். லோகனிரோத⁴ந்தி படிலோமபச்சயாகாரங். லோகனிஸ்ஸயே பஸ்ஸந்தஸ்ஸாபி ஹி பச்சயானங் அனுச்சே²தே³ன பச்சயுப்பன்னஸ்ஸ அனுச்சே²த³ங் பஸ்ஸதோ யா நத்தீ²தி உச்சே²த³தி³ட்டி² உப்பஜ்ஜெய்ய, ஸா ந ஹோதி. பச்சயனிரோத⁴ங் பஸ்ஸந்தஸ்ஸாபி பச்சயனிரோதே⁴ன பச்சயுப்பன்னநிரோத⁴ங் பஸ்ஸதோ யா அத்தீ²தி ஸஸ்ஸததி³ட்டி² உப்பஜ்ஜெய்ய, ஸா ந ஹோதீதி அயம்பெத்த² அத்தோ².
Apica lokasamudayanti anulomapaccayākāraṃ. Lokanirodhanti paṭilomapaccayākāraṃ. Lokanissaye passantassāpi hi paccayānaṃ anucchedena paccayuppannassa anucchedaṃ passato yā natthīti ucchedadiṭṭhi uppajjeyya, sā na hoti. Paccayanirodhaṃ passantassāpi paccayanirodhena paccayuppannanirodhaṃ passato yā atthīti sassatadiṭṭhi uppajjeyya, sā na hotīti ayampettha attho.
உபயுபாதா³னாபி⁴னிவேஸவினிப³ந்தோ⁴தி உபயேஹி ச உபாதா³னேஹி ச அபி⁴னிவேஸேஹி ச வினிப³ந்தோ⁴. தத்த² உபயாதி த்³வே உபயா தண்ஹுபயோ ச தி³ட்டு²பயோ ச. உபாதா³னாதீ³ஸுபி ஏஸேவ நயோ. தண்ஹாதி³ட்டி²யோ ஹி யஸ்மா அஹங் மமந்திஆதீ³ஹி ஆகாரேஹி தேபூ⁴மகத⁴ம்மே உபெந்தி உபக³ச்ச²ந்தி, தஸ்மா உபயாதி வுச்சந்தி. யஸ்மா பன தே த⁴ம்மே உபாதி³யந்தி சேவ அபி⁴னிவிஸந்தி ச, தஸ்மா உபாதா³னாதி ச அபி⁴னிவேஸாதி ச வுச்சந்தி. தாஹி சாயங் லோகோ வினிப³ந்தோ⁴. தேனாஹ ‘‘உபயுபாதா³னாபி⁴னிவேஸவினிப³ந்தோ⁴’’தி.
Upayupādānābhinivesavinibandhoti upayehi ca upādānehi ca abhinivesehi ca vinibandho. Tattha upayāti dve upayā taṇhupayo ca diṭṭhupayo ca. Upādānādīsupi eseva nayo. Taṇhādiṭṭhiyo hi yasmā ahaṃ mamantiādīhi ākārehi tebhūmakadhamme upenti upagacchanti, tasmā upayāti vuccanti. Yasmā pana te dhamme upādiyanti ceva abhinivisanti ca, tasmā upādānāti ca abhinivesāti ca vuccanti. Tāhi cāyaṃ loko vinibandho. Tenāha ‘‘upayupādānābhinivesavinibandho’’ti.
தஞ்சாயந்தி தஞ்ச உபயுபாதா³னங் அயங் அரியஸாவகோ. சேதஸோ அதி⁴ட்டா²னந்தி சித்தஸ்ஸ பதிட்டா²னபூ⁴தங். அபி⁴னிவேஸானுஸயந்தி அபி⁴னிவேஸபூ⁴தஞ்ச அனுஸயபூ⁴தஞ்ச. தண்ஹாதி³ட்டீ²ஸு ஹி அகுஸலசித்தங் பதிட்டா²தி, தா ச தஸ்மிங் அபி⁴னிவிஸந்தி சேவ அனுஸெந்தி ச, தஸ்மா தது³ப⁴யங் சேதஸோ அதி⁴ட்டா²னங் அபி⁴னிவேஸானுஸயந்தி ச ஆஹ. ந உபேதீதி ந உபக³ச்ச²தி. ந உபாதி³யதீதி ந க³ண்ஹாதி. நாதி⁴ட்டா²தீதி ந அதி⁴ட்டா²தி, கிந்தி? அத்தா மேதி. து³க்க²மேவாதி பஞ்சுபாதா³னக்க²ந்த⁴மத்தமேவ. ந கங்க²தீதி ‘‘து³க்க²மேவ உப்பஜ்ஜதி, து³க்க²ங் நிருஜ்ஜ²தி, ந அஞ்ஞோ எத்த² ஸத்தோ நாம அத்தீ²’’தி கங்க²ங் ந கரோதி. ந விசிகிச்ச²தீதி ந விசிகிச்ச²ங் உப்பாதே³தி.
Tañcāyanti tañca upayupādānaṃ ayaṃ ariyasāvako. Cetaso adhiṭṭhānanti cittassa patiṭṭhānabhūtaṃ. Abhinivesānusayanti abhinivesabhūtañca anusayabhūtañca. Taṇhādiṭṭhīsu hi akusalacittaṃ patiṭṭhāti, tā ca tasmiṃ abhinivisanti ceva anusenti ca, tasmā tadubhayaṃ cetaso adhiṭṭhānaṃ abhinivesānusayanti ca āha. Na upetīti na upagacchati. Na upādiyatīti na gaṇhāti. Nādhiṭṭhātīti na adhiṭṭhāti, kinti? Attā meti. Dukkhamevāti pañcupādānakkhandhamattameva. Na kaṅkhatīti ‘‘dukkhameva uppajjati, dukkhaṃ nirujjhati, na añño ettha satto nāma atthī’’ti kaṅkhaṃ na karoti. Na vicikicchatīti na vicikicchaṃ uppādeti.
அபரப்பச்சயாதி ந பரப்பச்சயேன, அஞ்ஞஸ்ஸ அபத்தியாயெத்வா அத்தபச்சக்க²ஞாணமேவஸ்ஸ எத்த² ஹோதீதி. எத்தாவதா கோ², கச்சான, ஸம்மாதி³ட்டி² ஹோதீதி ஏவங் ஸத்தஸஞ்ஞாய பஹீனத்தா எத்தகேன ஸம்மாத³ஸ்ஸனங் நாம ஹோதீதி மிஸ்ஸகஸம்மாதி³ட்டி²ங் ஆஹ. அயமேகோ அந்தோதி ஏஸ ஏகோ நிகூடந்தோ லாமகந்தோ பட²மகங் ஸஸ்ஸதங். அயங் து³தியோதி ஏஸ து³தியோ ஸப்³ப³ங் நத்தீ²தி உப்பஜ்ஜனகதி³ட்டி²ஸங்கா²தோ நிகூடந்தோ லாமகந்தோ து³தியகோ உச்சே²தோ³தி அத்தோ². ஸேஸமெத்த² உத்தானமேவாதி. பஞ்சமங்.
Aparappaccayāti na parappaccayena, aññassa apattiyāyetvā attapaccakkhañāṇamevassa ettha hotīti. Ettāvatākho, kaccāna, sammādiṭṭhi hotīti evaṃ sattasaññāya pahīnattā ettakena sammādassanaṃ nāma hotīti missakasammādiṭṭhiṃ āha. Ayameko antoti esa eko nikūṭanto lāmakanto paṭhamakaṃ sassataṃ. Ayaṃ dutiyoti esa dutiyo sabbaṃ natthīti uppajjanakadiṭṭhisaṅkhāto nikūṭanto lāmakanto dutiyako ucchedoti attho. Sesamettha uttānamevāti. Pañcamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. கச்சானகொ³த்தஸுத்தங் • 5. Kaccānagottasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. கச்சானகொ³த்தஸுத்தவண்ணனா • 5. Kaccānagottasuttavaṇṇanā
