| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. гажжаанаг̇од̇д̇асуд̇д̇аван̣н̣анаа
5. Kaccānagottasuttavaṇṇanā
15. бан̃жамз саммаад̣̇идти саммаад̣̇идтийд̇и яам̣ бан̣д̣ид̇аа д̣̇звамануссаа д̇зсу д̇зсу таанзсу саммаад̣̇ассанам̣ вад̣̇анд̇и, саб̣б̣амби д̇ам̣ д̣̇вийхи бад̣̇зхи сан̇кибид̇ваа бужчад̇и. д̣̇ваяаниссид̇од̇и д̣̇вз годтаасз ниссид̇о. язбхуяязнаад̇и иминаа табзд̇ваа арияабуг̇г̇алз сзсамахааж̇анам̣ д̣̇ассзд̇и. ад̇т̇ид̇анд̇и сассад̇ам̣. над̇т̇ид̇анд̇и ужчзд̣̇ам̣. логасамуд̣̇аяанд̇и лого наама сан̇кааралого, д̇асса ниб̣б̣ад̇д̇и. саммаббан̃н̃ааяа бассад̇од̇и саммаабан̃н̃аа наама савибассанаа маг̇г̇абан̃н̃аа, д̇ааяа бассанд̇ассаад̇и ад̇т̇о. яаа логз над̇т̇ид̇аад̇и сан̇кааралогз ниб̣б̣ад̇д̇зсу д̇хаммзсу бан̃н̃ааяанд̇зсвзва яаа над̇т̇ийд̇и ужчзд̣̇ад̣̇идти уббаж̇ж̇зяяа, саа на ход̇ийд̇и ад̇т̇о. логанирод̇ханд̇и сан̇каараанам̣ бхан̇г̇ам̣. яаа логз ад̇т̇ид̇аад̇и сан̇кааралогз бхиж̇ж̇амаанзсу д̇хаммзсу бан̃н̃ааяанд̇зсвзва яаа ад̇т̇ийд̇и сассад̇ад̣̇идти уббаж̇ж̇зяяа , саа на ход̇ийд̇и ад̇т̇о.
15. Pañcame sammādiṭṭhi sammādiṭṭhīti yaṃ paṇḍitā devamanussā tesu tesu ṭhānesu sammādassanaṃ vadanti, sabbampi taṃ dvīhi padehi saṅkhipitvā pucchati. Dvayanissitoti dve koṭṭhāse nissito. Yebhuyyenāti iminā ṭhapetvā ariyapuggale sesamahājanaṃ dasseti. Atthitanti sassataṃ. Natthitanti ucchedaṃ. Lokasamudayanti loko nāma saṅkhāraloko, tassa nibbatti. Sammappaññāya passatoti sammāpaññā nāma savipassanā maggapaññā, tāya passantassāti attho. Yā loke natthitāti saṅkhāraloke nibbattesu dhammesu paññāyantesveva yā natthīti ucchedadiṭṭhi uppajjeyya, sā na hotīti attho. Lokanirodhanti saṅkhārānaṃ bhaṅgaṃ. Yāloke atthitāti saṅkhāraloke bhijjamānesu dhammesu paññāyantesveva yā atthīti sassatadiṭṭhi uppajjeyya , sā na hotīti attho.
абижа логасамуд̣̇аяанд̇и ануломабажжаяаагаарам̣. логанирод̇ханд̇и бадиломабажжаяаагаарам̣. логаниссаяз бассанд̇ассааби хи бажжаяаанам̣ анужчзд̣̇зна бажжаяуббаннасса анужчзд̣̇ам̣ бассад̇о яаа над̇т̇ийд̇и ужчзд̣̇ад̣̇идти уббаж̇ж̇зяяа, саа на ход̇и. бажжаяанирод̇хам̣ бассанд̇ассааби бажжаяанирод̇хзна бажжаяуббаннанирод̇хам̣ бассад̇о яаа ад̇т̇ийд̇и сассад̇ад̣̇идти уббаж̇ж̇зяяа, саа на ход̇ийд̇и аяамбзд̇т̇а ад̇т̇о.
Apica lokasamudayanti anulomapaccayākāraṃ. Lokanirodhanti paṭilomapaccayākāraṃ. Lokanissaye passantassāpi hi paccayānaṃ anucchedena paccayuppannassa anucchedaṃ passato yā natthīti ucchedadiṭṭhi uppajjeyya, sā na hoti. Paccayanirodhaṃ passantassāpi paccayanirodhena paccayuppannanirodhaṃ passato yā atthīti sassatadiṭṭhi uppajjeyya, sā na hotīti ayampettha attho.
убаяубаад̣̇аанаабхинивзсавиниб̣анд̇ход̇и убаязхи жа убаад̣̇аанзхи жа абхинивзсзхи жа виниб̣анд̇хо. д̇ад̇т̇а убаяаад̇и д̣̇вз убаяаа д̇ан̣хубаяо жа д̣̇идтубаяо жа. убаад̣̇аанаад̣̇ийсуби зсзва наяо. д̇ан̣хаад̣̇идтияо хи яасмаа ахам̣ маманд̇иаад̣̇ийхи аагаарзхи д̇збхуумагад̇хаммз убзнд̇и убаг̇ажчанд̇и, д̇асмаа убаяаад̇и вужжанд̇и. яасмаа бана д̇з д̇хаммз убаад̣̇ияанд̇и жзва абхинивисанд̇и жа, д̇асмаа убаад̣̇аанаад̇и жа абхинивзсаад̇и жа вужжанд̇и. д̇аахи жааяам̣ лого виниб̣анд̇хо. д̇знааха ‘‘убаяубаад̣̇аанаабхинивзсавиниб̣анд̇хо’’д̇и.
Upayupādānābhinivesavinibandhoti upayehi ca upādānehi ca abhinivesehi ca vinibandho. Tattha upayāti dve upayā taṇhupayo ca diṭṭhupayo ca. Upādānādīsupi eseva nayo. Taṇhādiṭṭhiyo hi yasmā ahaṃ mamantiādīhi ākārehi tebhūmakadhamme upenti upagacchanti, tasmā upayāti vuccanti. Yasmā pana te dhamme upādiyanti ceva abhinivisanti ca, tasmā upādānāti ca abhinivesāti ca vuccanti. Tāhi cāyaṃ loko vinibandho. Tenāha ‘‘upayupādānābhinivesavinibandho’’ti.
д̇ан̃жааяанд̇и д̇ан̃жа убаяубаад̣̇аанам̣ аяам̣ арияасааваго. жзд̇асо ад̇хидтаананд̇и жид̇д̇асса бад̇идтаанабхууд̇ам̣. абхинивзсаанусаяанд̇и абхинивзсабхууд̇ан̃жа анусаяабхууд̇ан̃жа. д̇ан̣хаад̣̇идтийсу хи агусалажид̇д̇ам̣ бад̇идтаад̇и, д̇аа жа д̇асмим̣ абхинивисанд̇и жзва анусзнд̇и жа, д̇асмаа д̇ад̣̇убхаяам̣ жзд̇асо ад̇хидтаанам̣ абхинивзсаанусаяанд̇и жа ааха. на убзд̇ийд̇и на убаг̇ажчад̇и. на убаад̣̇ияад̇ийд̇и на г̇ан̣хаад̇и. наад̇хидтаад̇ийд̇и на ад̇хидтаад̇и, гинд̇и? ад̇д̇аа мзд̇и. д̣̇угкамзваад̇и бан̃жубаад̣̇аанагканд̇хамад̇д̇амзва. на ган̇кад̇ийд̇и ‘‘д̣̇угкамзва уббаж̇ж̇ад̇и, д̣̇угкам̣ нируж̇жхад̇и, на ан̃н̃о зд̇т̇а сад̇д̇о наама ад̇т̇ий’’д̇и ган̇кам̣ на гарод̇и. на вижигижчад̇ийд̇и на вижигижчам̣ уббаад̣̇зд̇и.
Tañcāyanti tañca upayupādānaṃ ayaṃ ariyasāvako. Cetaso adhiṭṭhānanti cittassa patiṭṭhānabhūtaṃ. Abhinivesānusayanti abhinivesabhūtañca anusayabhūtañca. Taṇhādiṭṭhīsu hi akusalacittaṃ patiṭṭhāti, tā ca tasmiṃ abhinivisanti ceva anusenti ca, tasmā tadubhayaṃ cetaso adhiṭṭhānaṃ abhinivesānusayanti ca āha. Na upetīti na upagacchati. Na upādiyatīti na gaṇhāti. Nādhiṭṭhātīti na adhiṭṭhāti, kinti? Attā meti. Dukkhamevāti pañcupādānakkhandhamattameva. Na kaṅkhatīti ‘‘dukkhameva uppajjati, dukkhaṃ nirujjhati, na añño ettha satto nāma atthī’’ti kaṅkhaṃ na karoti. Na vicikicchatīti na vicikicchaṃ uppādeti.
абараббажжаяаад̇и на бараббажжаязна, ан̃н̃асса абад̇д̇ияааязд̇ваа ад̇д̇абажжагкан̃аан̣амзвасса зд̇т̇а ход̇ийд̇и. зд̇д̇аавад̇аа ко, гажжаана, саммаад̣̇идти ход̇ийд̇и звам̣ сад̇д̇асан̃н̃ааяа бахийнад̇д̇аа зд̇д̇агзна саммаад̣̇ассанам̣ наама ход̇ийд̇и миссагасаммаад̣̇идтим̣ ааха. аяамзго анд̇од̇и зса зго нигууданд̇о лаамаганд̇о батамагам̣ сассад̇ам̣. аяам̣ д̣̇уд̇ияод̇и зса д̣̇уд̇ияо саб̣б̣ам̣ над̇т̇ийд̇и уббаж̇ж̇анагад̣̇идтисан̇каад̇о нигууданд̇о лаамаганд̇о д̣̇уд̇ияаго ужчзд̣̇од̇и ад̇т̇о. сзсамзд̇т̇а уд̇д̇аанамзваад̇и. бан̃жамам̣.
Aparappaccayāti na parappaccayena, aññassa apattiyāyetvā attapaccakkhañāṇamevassa ettha hotīti. Ettāvatākho, kaccāna, sammādiṭṭhi hotīti evaṃ sattasaññāya pahīnattā ettakena sammādassanaṃ nāma hotīti missakasammādiṭṭhiṃ āha. Ayameko antoti esa eko nikūṭanto lāmakanto paṭhamakaṃ sassataṃ. Ayaṃ dutiyoti esa dutiyo sabbaṃ natthīti uppajjanakadiṭṭhisaṅkhāto nikūṭanto lāmakanto dutiyako ucchedoti attho. Sesamettha uttānamevāti. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. гажжаанаг̇од̇д̇асуд̇д̇ам̣ • 5. Kaccānagottasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. гажжаанаг̇од̇д̇асуд̇д̇аван̣н̣анаа • 5. Kaccānagottasuttavaṇṇanā
