| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
8. гажжаанасуд̇д̇аван̣н̣анаа
8. Kaccānasuttavaṇṇanā
68. адтамз аж̇жхад̇д̇анд̇и зд̇т̇а аяам̣ аж̇жхад̇д̇асад̣̇д̣̇о ‘‘ча аж̇жхад̇д̇игаани ааяад̇анааний’’д̇иаад̣̇ийсу (ма. ни. 3.304) аж̇жхад̇д̇аж̇жхад̇д̇з ааг̇ад̇о. ‘‘аж̇жхад̇д̇аа д̇хаммаа (д̇ха. са. д̇игамаад̇игаа 20), аж̇жхад̇д̇ам̣ ваа гааяз гааяаанубассий’’д̇иаад̣̇ийсу (д̣̇ий. ни. 2.373-374) нияагаж̇жхад̇д̇з. ‘‘саб̣б̣анимид̇д̇аанам̣ аманасигаараа аж̇жхад̇д̇ам̣ сун̃н̃ад̇ам̣ убасамбаж̇ж̇а вихарад̇ий’’д̇иаад̣̇ийсу (ма. ни. 3.187) висаяаж̇жхад̇д̇з, иссарияадтаанзд̇и ад̇т̇о. паласамаабад̇д̇и хи б̣уд̣̇д̇хаанам̣ иссарияадтаанам̣ наама. ‘‘д̇знаананд̣̇а, бхигкунаа д̇асмим̣язва буримасмим̣ самаад̇хинимид̇д̇з аж̇жхад̇д̇амзва жид̇д̇ам̣ сан̣табзд̇аб̣б̣а’’нд̇иаад̣̇ийсу (ма. ни. 3.188) г̇ожараж̇жхад̇д̇з. ид̇хааби г̇ожараж̇жхад̇д̇зязва д̣̇адтаб̣б̣о. д̇асмаа аж̇жхад̇д̇анд̇и г̇ожараж̇жхад̇д̇абхууд̇з гаммадтаанаарамман̣зд̇и вуд̇д̇ам̣ ход̇и. баримуканд̇и абхимукам̣. суубадтид̇ааяаад̇и судту убадтид̇ааяа гааяаг̇ад̇ааяа сад̇ияаа. сад̇исийсзна жзд̇т̇а жхаанам̣ вуд̇д̇ам̣. ид̣̇ам̣ вуд̇д̇ам̣ ход̇и ‘‘аж̇жхад̇д̇ам̣ гааяаанубассанаасад̇ибадтаанавасзна бадилад̣̇д̇хам̣ ул̣аарам̣ жхаанам̣ самаабаж̇ж̇ид̇ваа’’д̇и.
68. Aṭṭhame ajjhattanti ettha ayaṃ ajjhattasaddo ‘‘cha ajjhattikāni āyatanānī’’tiādīsu (ma. ni. 3.304) ajjhattajjhatte āgato. ‘‘Ajjhattā dhammā (dha. sa. tikamātikā 20), ajjhattaṃ vā kāye kāyānupassī’’tiādīsu (dī. ni. 2.373-374) niyakajjhatte. ‘‘Sabbanimittānaṃ amanasikārā ajjhattaṃ suññataṃ upasampajja viharatī’’tiādīsu (ma. ni. 3.187) visayajjhatte, issariyaṭṭhāneti attho. Phalasamāpatti hi buddhānaṃ issariyaṭṭhānaṃ nāma. ‘‘Tenānanda, bhikkhunā tasmiṃyeva purimasmiṃ samādhinimitte ajjhattameva cittaṃ saṇṭhapetabba’’ntiādīsu (ma. ni. 3.188) gocarajjhatte. Idhāpi gocarajjhatteyeva daṭṭhabbo. Tasmā ajjhattanti gocarajjhattabhūte kammaṭṭhānārammaṇeti vuttaṃ hoti. Parimukhanti abhimukhaṃ. Sūpaṭṭhitāyāti suṭṭhu upaṭṭhitāya kāyagatāya satiyā. Satisīsena cettha jhānaṃ vuttaṃ. Idaṃ vuttaṃ hoti ‘‘ajjhattaṃ kāyānupassanāsatipaṭṭhānavasena paṭiladdhaṃ uḷāraṃ jhānaṃ samāpajjitvā’’ti.
аяан̃хи т̇зро бхаг̇авад̇и саавад̇т̇ияам̣ вихаранд̇з згад̣̇ивасам̣ саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇аббадигганд̇о вихаарам̣ бависид̇ваа бхаг̇авад̇о вад̇д̇ам̣ д̣̇ассзд̇ваа д̣̇иваадтаанз д̣̇иваавихаарам̣ нисинно наанаасамаабад̇д̇ийхи д̣̇ивасабхааг̇ам̣ вийд̇инаамзд̇ваа сааяанхасамаяам̣ вихаарамаж̇жхам̣ од̇арид̇ваа бхаг̇авад̇и г̇анд̇хагудияам̣ нисиннз ‘‘агаало д̇аава бхаг̇аванд̇ам̣ убасан̇гамид̇у’’нд̇и г̇анд̇хагудияаа авид̣̇уурз, ан̃н̃ад̇арасмим̣ ругкамуулз гаалабарижчзд̣̇ам̣ гад̇ваа яат̇аавуд̇д̇ам̣ самаабад̇д̇им̣ самаабаж̇ж̇ид̇ваа нисийд̣̇и. сад̇т̇аа д̇ам̣ д̇ат̇аанисиннам̣ г̇анд̇хагудияам̣ нисинноязва басси. д̇зна вуд̇д̇ам̣ – ‘‘д̇зна ко бана самаязна ааяасмаа махаагажжаано…бз… суубадтид̇ааяаа’’д̇и.
Ayañhi thero bhagavati sāvatthiyaṃ viharante ekadivasaṃ sāvatthiyaṃ piṇḍāya caritvā pacchābhattaṃ piṇḍapātappaṭikkanto vihāraṃ pavisitvā bhagavato vattaṃ dassetvā divāṭṭhāne divāvihāraṃ nisinno nānāsamāpattīhi divasabhāgaṃ vītināmetvā sāyanhasamayaṃ vihāramajjhaṃ otaritvā bhagavati gandhakuṭiyaṃ nisinne ‘‘akālo tāva bhagavantaṃ upasaṅkamitu’’nti gandhakuṭiyā avidūre, aññatarasmiṃ rukkhamūle kālaparicchedaṃ katvā yathāvuttaṃ samāpattiṃ samāpajjitvā nisīdi. Satthā taṃ tathānisinnaṃ gandhakuṭiyaṃ nisinnoyeva passi. Tena vuttaṃ – ‘‘tena kho pana samayena āyasmā mahākaccāno…pe… sūpaṭṭhitāyā’’ti.
зд̇амад̇т̇ам̣ вид̣̇ид̇ваад̇и зд̇ам̣ ааяасмад̇о махаагажжаанад̇т̇зрасса сад̇ибадтаанабхааванаавасзна ад̇хиг̇ад̇ам̣ жхаанам̣ баад̣̇агам̣ гад̇ваа самаабаж̇ж̇анам̣ саб̣б̣аагаарад̇о вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ āyasmato mahākaccānattherassa satipaṭṭhānabhāvanāvasena adhigataṃ jhānaṃ pādakaṃ katvā samāpajjanaṃ sabbākārato viditvā tadatthadīpanaṃ imaṃ udānaṃ udānesi.
д̇ад̇т̇а яасса сияаа саб̣б̣ад̣̇аа сад̇и, сад̇ад̇ам̣ гааяаг̇ад̇аа убадтид̇аад̇и яасса аарад̣̇д̇хавибассагасса згад̣̇ивасам̣ ча годтаасз гад̇ваа саб̣б̣асмимби гаалз наамаруубабхзд̣̇зна д̣̇увид̇хзби гааяз г̇ад̇аа гааяаарамман̣аа бан̃жаннам̣ убаад̣̇аанагканд̇хаанам̣ анижжаад̣̇исаммасанавасзна сад̇ад̇ам̣ ниранд̇арам̣ саад̇ажжаабхияог̇авасзна сад̇и убадтид̇аа сияаа.
Tattha yassa siyā sabbadā sati, satataṃ kāyagatā upaṭṭhitāti yassa āraddhavipassakassa ekadivasaṃ cha koṭṭhāse katvā sabbasmimpi kāle nāmarūpabhedena duvidhepi kāye gatā kāyārammaṇā pañcannaṃ upādānakkhandhānaṃ aniccādisammasanavasena satataṃ nirantaraṃ sātaccābhiyogavasena sati upaṭṭhitā siyā.
аяам̣ гирааяасмаа батамам̣ гааяаг̇ад̇аасад̇игаммадтаанавасзна жхаанам̣ ниб̣б̣ад̇д̇зд̇ваа д̇ам̣ баад̣̇агам̣ гад̇ваа гааяаанубассанаасад̇ибадтаанамукзна вибассанам̣ бадтабзд̇ваа арахад̇д̇ам̣ бад̇д̇о. со абарабхааг̇зби язбхуяязна д̇амзва жхаанам̣ самаабаж̇ж̇ид̇ваа вудтааяа д̇ат̇зва жа вибассид̇ваа паласамаабад̇д̇им̣ самаабаж̇ж̇ад̇и. свааяам̣ язна вид̇хинаа арахад̇д̇ам̣ бад̇д̇о, д̇ам̣ вид̇хим̣ д̣̇ассзнд̇о сад̇т̇аа ‘‘яасса сияаа саб̣б̣ад̣̇аа сад̇и, сад̇ад̇ам̣ гааяаг̇ад̇аа убадтид̇аа’’д̇и вад̇ваа д̇ассаа убадтаанаагаарам̣ вибхаавзд̇ум̣ ‘‘но жасса но жа мз сияаа, на бхависсад̇и на жа мз бхависсад̇ий’’д̇и ааха.
Ayaṃ kirāyasmā paṭhamaṃ kāyagatāsatikammaṭṭhānavasena jhānaṃ nibbattetvā taṃ pādakaṃ katvā kāyānupassanāsatipaṭṭhānamukhena vipassanaṃ paṭṭhapetvā arahattaṃ patto. So aparabhāgepi yebhuyyena tameva jhānaṃ samāpajjitvā vuṭṭhāya tatheva ca vipassitvā phalasamāpattiṃ samāpajjati. Svāyaṃ yena vidhinā arahattaṃ patto, taṃ vidhiṃ dassento satthā ‘‘yassa siyā sabbadā sati, satataṃ kāyagatā upaṭṭhitā’’ti vatvā tassā upaṭṭhānākāraṃ vibhāvetuṃ ‘‘nocassa no ca me siyā, na bhavissati na ca me bhavissatī’’ti āha.
д̇ассад̇т̇о д̣̇вид̇хаа взд̣̇ид̇аб̣б̣о саммасанад̇о буб̣б̣абхааг̇авасзна саммасанагаалавасзна жаад̇и. д̇зсу буб̣б̣абхааг̇авасзна д̇аава но жасса но жа мз сияаад̇и ад̇ийд̇агаалз мама гилзсагаммам̣ но жасса на бхавзяяа жз, имасмим̣ бажжуббаннагаалз аяам̣ ад̇д̇абхааво но жа мз сияаа на мз уббаж̇ж̇зяяа. яасмаа бана мз ад̇ийд̇з гаммагилзсаа ахзсум̣, д̇асмаа д̇ам̣нимид̇д̇о зд̇арахи аяам̣ мз ад̇д̇абхааво бавад̇д̇ад̇и. на бхависсад̇и на жа мз бхависсад̇ийд̇и имасмим̣ ад̇д̇абхаавз бадибагкаад̇хиг̇амзна гилзсагаммам̣ на бхависсад̇и на уббаж̇ж̇иссад̇и мз, ааяад̇им̣ вибаагаваддам̣ на жа мз бхависсад̇и на мз бавад̇д̇иссад̇ийд̇и. звам̣ гаалад̇д̇аяз гаммагилзсахзд̇угам̣ ид̣̇ам̣ маяхам̣ ад̇д̇абхаавасан̇каад̇ам̣ канд̇хабан̃жагам̣ , на иссараад̣̇ихзд̇угам̣, яат̇аа жа маяхам̣, звам̣ саб̣б̣асад̇д̇аананд̇и саббажжаяанаамаруубад̣̇ассанам̣ багаасид̇ам̣ ход̇и.
Tassattho dvidhā veditabbo sammasanato pubbabhāgavasena sammasanakālavasena cāti. Tesu pubbabhāgavasena tāva no cassa no ca me siyāti atītakāle mama kilesakammaṃ no cassa na bhaveyya ce, imasmiṃ paccuppannakāle ayaṃ attabhāvo no ca me siyā na me uppajjeyya. Yasmā pana me atīte kammakilesā ahesuṃ, tasmā taṃnimitto etarahi ayaṃ me attabhāvo pavattati. Na bhavissati na ca me bhavissatīti imasmiṃ attabhāve paṭipakkhādhigamena kilesakammaṃ na bhavissati na uppajjissati me, āyatiṃ vipākavaṭṭaṃ na ca me bhavissati na me pavattissatīti. Evaṃ kālattaye kammakilesahetukaṃ idaṃ mayhaṃ attabhāvasaṅkhātaṃ khandhapañcakaṃ , na issarādihetukaṃ, yathā ca mayhaṃ, evaṃ sabbasattānanti sappaccayanāmarūpadassanaṃ pakāsitaṃ hoti.
саммасанагаалавасзна бана но жасса но жа мз сияаад̇и яасмаа ид̣̇ам̣ канд̇хабан̃жагам̣ худ̇ваа абхаавадтзна анижжам̣, абхин̣хабадибийл̣анадтзна д̣̇угкам̣, авасавад̇д̇анадтзна анад̇д̇аа, звам̣ яад̣̇и аяам̣ ад̇д̇аа наама нааби канд̇хабан̃жагавинимуд̇д̇о гожи но жасса но жа сияаа на бхавзяяа, звам̣, бханд̇з, но жа мз сияаа мама санд̇агам̣ наама гин̃жи на бхавзяяа. на бхависсад̇ийд̇и ад̇д̇ани ад̇д̇анияз бхавид̇аб̣б̣ам̣ яат̇аа жид̣̇ам̣ наамаруубам̣ зд̇арахи жа ад̇ийд̇з жа ад̇д̇ад̇д̇анияам̣ сун̃н̃ам̣, звам̣ на бхависсад̇и на мз бхависсад̇и, анааг̇ад̇зби канд̇хавинимуд̇д̇о ад̇д̇аа наама на гожи на мз бхависсад̇и на бавад̇д̇иссад̇и, д̇ад̇о зва гин̃жи балиб̣од̇хадтаанияам̣ на мз бхависсад̇и ааяад̇имби ад̇д̇анияам̣ наама на мз гин̃жи бхависсад̇ийд̇и. иминаа д̇ийсу гаалзсу ‘‘аха’’нд̇и г̇ахзд̇аб̣б̣асса абхаавад̇о ‘‘мама’’нд̇и г̇ахзд̇аб̣б̣асса жа абхаавам̣ д̣̇ассзд̇и. д̇зна жад̇уггодигаа сун̃н̃ад̇аа багаасид̇аа ход̇и.
Sammasanakālavasena pana no cassa no ca me siyāti yasmā idaṃ khandhapañcakaṃ hutvā abhāvaṭṭhena aniccaṃ, abhiṇhapaṭipīḷanaṭṭhena dukkhaṃ, avasavattanaṭṭhena anattā, evaṃ yadi ayaṃ attā nāma nāpi khandhapañcakavinimutto koci no cassa no ca siyā na bhaveyya, evaṃ, bhante, no ca me siyā mama santakaṃ nāma kiñci na bhaveyya. Na bhavissatīti attani attaniye bhavitabbaṃ yathā cidaṃ nāmarūpaṃ etarahi ca atīte ca attattaniyaṃ suññaṃ, evaṃ na bhavissati na me bhavissati, anāgatepi khandhavinimutto attā nāma na koci na me bhavissati na pavattissati, tato eva kiñci palibodhaṭṭhāniyaṃ na me bhavissati āyatimpi attaniyaṃ nāma na me kiñci bhavissatīti. Iminā tīsu kālesu ‘‘aha’’nti gahetabbassa abhāvato ‘‘mama’’nti gahetabbassa ca abhāvaṃ dasseti. Tena catukkoṭikā suññatā pakāsitā hoti.
анубуб̣б̣авихаари д̇ад̇т̇а сод̇и звам̣ д̇ийсуби гаалзсу ад̇д̇ад̇д̇анияам̣ сун̃н̃ад̇ам̣ д̇ад̇т̇а сан̇каараг̇ад̇з анубассанд̇о ануггамзна уд̣̇аяаб̣б̣аяан̃аан̣аад̣̇ивибассанаан̃аан̣зсу уббаж̇ж̇амаанзсу анубуб̣б̣авибассанаавихааравасзна анубуб̣б̣авихаарий самаано. гаалзнзва д̇арз висад̇д̇иганд̇и со звам̣ вибассанам̣ мад̇т̇агам̣ баабзд̇ваа тид̇о яог̇ааважаро инд̣̇рияаанам̣ барибаагаг̇ад̇агаалзна вудтаанаг̇ааминияаа вибассанааяа маг̇г̇зна гхадид̇агаалзна арияамаг̇г̇асса уббад̇д̇игаалзна сагаласса бхавад̇д̇аяасса сам̣д̇ананад̇о висад̇д̇игаасан̇каад̇ам̣ д̇ан̣хам̣ д̇арзяяа, вид̇арид̇ваа д̇ассаа барад̇ийрз д̇идтзяяаад̇и ад̇хиббааяо.
Anupubbavihāri tattha soti evaṃ tīsupi kālesu attattaniyaṃ suññataṃ tattha saṅkhāragate anupassanto anukkamena udayabbayañāṇādivipassanāñāṇesu uppajjamānesu anupubbavipassanāvihāravasena anupubbavihārī samāno. Kālenevatare visattikanti so evaṃ vipassanaṃ matthakaṃ pāpetvā ṭhito yogāvacaro indriyānaṃ paripākagatakālena vuṭṭhānagāminiyā vipassanāya maggena ghaṭitakālena ariyamaggassa uppattikālena sakalassa bhavattayassa saṃtananato visattikāsaṅkhātaṃ taṇhaṃ tareyya, vitaritvā tassā paratīre tiṭṭheyyāti adhippāyo.
ид̇и бхаг̇аваа ан̃н̃аабад̣̇зсзна ааяасмад̇о махаагажжаанасса арахад̇д̇уббад̇д̇ид̣̇ийбанам̣ уд̣̇аанам̣ уд̣̇аанзси.
Iti bhagavā aññāpadesena āyasmato mahākaccānassa arahattuppattidīpanaṃ udānaṃ udānesi.
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 8. гажжаанасуд̇д̇ам̣ • 8. Kaccānasuttaṃ
