| Library / Tipiṭaka / तिपिटक • Tipiṭaka / जातकपाळि • Jātakapāḷi |
८. अट्ठकनिपातो
8. Aṭṭhakanipāto
४१७. कच्चानिजातकं (१)
417. Kaccānijātakaṃ (1)
१.
1.
ओदातवत्था सुचि अल्लकेसा, कच्चानि किं कुम्भिमधिस्सयित्वा 1।
Odātavatthā suci allakesā, kaccāni kiṃ kumbhimadhissayitvā 2;
पिट्ठा तिला धोवसि तण्डुलानि, तिलोदनो हेहिति किस्स हेतु॥
Piṭṭhā tilā dhovasi taṇḍulāni, tilodano hehiti kissa hetu.
२.
2.
न खो अयं ब्राह्मण भोजनत्था 3, तिलोदनो हेहिति साधुपक्को।
Na kho ayaṃ brāhmaṇa bhojanatthā 4, tilodano hehiti sādhupakko;
धम्मो मतो तस्स पहुत्तमज्ज 5, अहं करिस्सामि सुसानमज्झे॥
Dhammo mato tassa pahuttamajja 6, ahaṃ karissāmi susānamajjhe.
३.
3.
अनुविच्च कच्चानि करोहि किच्चं, धम्मो मतो को नु तवेव 7 संसि।
Anuvicca kaccāni karohi kiccaṃ, dhammo mato ko nu taveva 8 saṃsi;
सहस्सनेत्तो अतुलानुभावो, न मिय्यती धम्मवरो कदाचि॥
Sahassanetto atulānubhāvo, na miyyatī dhammavaro kadāci.
४.
4.
दळ्हप्पमाणं मम एत्थ ब्रह्मे, धम्मो मतो नत्थि ममेत्थ कङ्खा।
Daḷhappamāṇaṃ mama ettha brahme, dhammo mato natthi mamettha kaṅkhā;
ये येव दानि पापा भवन्ति, ते तेव दानि सुखिता भवन्ति॥
Ye yeva dāni pāpā bhavanti, te teva dāni sukhitā bhavanti.
५.
5.
सुणिसा हि मय्हं वञ्झा अहोसि, सा मं वधित्वान विजायि पुत्तं।
Suṇisā hi mayhaṃ vañjhā ahosi, sā maṃ vadhitvāna vijāyi puttaṃ;
सा दानि सब्बस्स कुलस्स इस्सरा, अहं पनम्हि 9 अपविद्धा एकिका॥
Sā dāni sabbassa kulassa issarā, ahaṃ panamhi 10 apaviddhā ekikā.
६.
6.
जीवामि वोहं न मतोहमस्मि 11, तवेव अत्थाय इधागतोस्मि।
Jīvāmi vohaṃ na matohamasmi 12, taveva atthāya idhāgatosmi;
या तं वधित्वान विजायि पुत्तं, सहाव पुत्तेन करोमि भस्मं॥
Yā taṃ vadhitvāna vijāyi puttaṃ, sahāva puttena karomi bhasmaṃ.
७.
7.
एवञ्च 13 ते रुच्चति देवराज, ममेव अत्थाय इधागतोसि।
Evañca 14 te ruccati devarāja, mameva atthāya idhāgatosi;
अहञ्च पुत्तो सुणिसा च नत्ता, सम्मोदमाना घरमावसेम॥
Ahañca putto suṇisā ca nattā, sammodamānā gharamāvasema.
८.
8.
एवञ्च ते रुच्चति कातियानि, हतापि सन्ता न जहासि धम्मं।
Evañca te ruccati kātiyāni, hatāpi santā na jahāsi dhammaṃ;
तुवञ्च 15 पुत्तो सुणिसा च नत्ता, सम्मोदमाना घरमावसेथ॥
Tuvañca 16 putto suṇisā ca nattā, sammodamānā gharamāvasetha.
९.
9.
सा कातियानी सुणिसाय सद्धिं, सम्मोदमाना घरमावसित्थ।
Sā kātiyānī suṇisāya saddhiṃ, sammodamānā gharamāvasittha;
पुत्तो च नत्ता च उपट्ठहिंसु, देवानमिन्देन अधिग्गहीताति॥
Putto ca nattā ca upaṭṭhahiṃsu, devānamindena adhiggahītāti.
कच्चानिजातकं पठमं।
Kaccānijātakaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४१७] १. कच्चानिजातकवण्णना • [417] 1. Kaccānijātakavaṇṇanā
