| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๘. อฎฺฐกนิปาโต
8. Aṭṭhakanipāto
๔๑๗. กจฺจานิชาตกํ (๑)
417. Kaccānijātakaṃ (1)
๑.
1.
โอทาตวตฺถา สุจิ อลฺลเกสา, กจฺจานิ กิํ กุมฺภิมธิสฺสยิตฺวา 1;
Odātavatthā suci allakesā, kaccāni kiṃ kumbhimadhissayitvā 2;
ปิฎฺฐา ติลา โธวสิ ตณฺฑุลานิ, ติโลทโน เหหิติ กิสฺส เหตุฯ
Piṭṭhā tilā dhovasi taṇḍulāni, tilodano hehiti kissa hetu.
๒.
2.
น โข อยํ พฺราหฺมณ โภชนตฺถา 3, ติโลทโน เหหิติ สาธุปโกฺก;
Na kho ayaṃ brāhmaṇa bhojanatthā 4, tilodano hehiti sādhupakko;
ธโมฺม มโต ตสฺส ปหุตฺตมชฺช 5, อหํ กริสฺสามิ สุสานมเชฺฌฯ
Dhammo mato tassa pahuttamajja 6, ahaṃ karissāmi susānamajjhe.
๓.
3.
อนุวิจฺจ กจฺจานิ กโรหิ กิจฺจํ, ธโมฺม มโต โก นุ ตเวว 7 สํสิ;
Anuvicca kaccāni karohi kiccaṃ, dhammo mato ko nu taveva 8 saṃsi;
สหสฺสเนโตฺต อตุลานุภาโว, น มิยฺยตี ธมฺมวโร กทาจิฯ
Sahassanetto atulānubhāvo, na miyyatī dhammavaro kadāci.
๔.
4.
ทฬฺหปฺปมาณํ มม เอตฺถ พฺรเหฺม, ธโมฺม มโต นตฺถิ มเมตฺถ กงฺขา;
Daḷhappamāṇaṃ mama ettha brahme, dhammo mato natthi mamettha kaṅkhā;
เย เยว ทานิ ปาปา ภวนฺติ, เต เตว ทานิ สุขิตา ภวนฺติฯ
Ye yeva dāni pāpā bhavanti, te teva dāni sukhitā bhavanti.
๕.
5.
สุณิสา หิ มยฺหํ วญฺฌา อโหสิ, สา มํ วธิตฺวาน วิชายิ ปุตฺตํ;
Suṇisā hi mayhaṃ vañjhā ahosi, sā maṃ vadhitvāna vijāyi puttaṃ;
สา ทานิ สพฺพสฺส กุลสฺส อิสฺสรา, อหํ ปนมฺหิ 9 อปวิทฺธา เอกิกาฯ
Sā dāni sabbassa kulassa issarā, ahaṃ panamhi 10 apaviddhā ekikā.
๖.
6.
ชีวามิ โวหํ น มโตหมสฺมิ 11, ตเวว อตฺถาย อิธาคโตสฺมิ;
Jīvāmi vohaṃ na matohamasmi 12, taveva atthāya idhāgatosmi;
ยา ตํ วธิตฺวาน วิชายิ ปุตฺตํ, สหาว ปุเตฺตน กโรมิ ภสฺมํฯ
Yā taṃ vadhitvāna vijāyi puttaṃ, sahāva puttena karomi bhasmaṃ.
๗.
7.
เอวญฺจ 13 เต รุจฺจติ เทวราช, มเมว อตฺถาย อิธาคโตสิ;
Evañca 14 te ruccati devarāja, mameva atthāya idhāgatosi;
อหญฺจ ปุโตฺต สุณิสา จ นตฺตา, สโมฺมทมานา ฆรมาวเสมฯ
Ahañca putto suṇisā ca nattā, sammodamānā gharamāvasema.
๘.
8.
เอวญฺจ เต รุจฺจติ กาติยานิ, หตาปิ สนฺตา น ชหาสิ ธมฺมํ;
Evañca te ruccati kātiyāni, hatāpi santā na jahāsi dhammaṃ;
ตุวญฺจ 15 ปุโตฺต สุณิสา จ นตฺตา, สโมฺมทมานา ฆรมาวเสถฯ
Tuvañca 16 putto suṇisā ca nattā, sammodamānā gharamāvasetha.
๙.
9.
สา กาติยานี สุณิสาย สทฺธิํ, สโมฺมทมานา ฆรมาวสิตฺถ;
Sā kātiyānī suṇisāya saddhiṃ, sammodamānā gharamāvasittha;
ปุโตฺต จ นตฺตา จ อุปฎฺฐหิํสุ, เทวานมิเนฺทน อธิคฺคหีตาติฯ
Putto ca nattā ca upaṭṭhahiṃsu, devānamindena adhiggahītāti.
กจฺจานิชาตกํ ปฐมํฯ
Kaccānijātakaṃ paṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๑๗] ๑. กจฺจานิชาตกวณฺณนา • [417] 1. Kaccānijātakavaṇṇanā
