| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៨. អដ្ឋកនិបាតោ
8. Aṭṭhakanipāto
៤១៧. កច្ចានិជាតកំ (១)
417. Kaccānijātakaṃ (1)
១.
1.
ឱទាតវត្ថា សុចិ អល្លកេសា, កច្ចានិ កិំ កុម្ភិមធិស្សយិត្វា 1;
Odātavatthā suci allakesā, kaccāni kiṃ kumbhimadhissayitvā 2;
បិដ្ឋា តិលា ធោវសិ តណ្ឌុលានិ, តិលោទនោ ហេហិតិ កិស្ស ហេតុ។
Piṭṭhā tilā dhovasi taṇḍulāni, tilodano hehiti kissa hetu.
២.
2.
ន ខោ អយំ ព្រាហ្មណ ភោជនត្ថា 3, តិលោទនោ ហេហិតិ សាធុបក្កោ;
Na kho ayaṃ brāhmaṇa bhojanatthā 4, tilodano hehiti sādhupakko;
ធម្មោ មតោ តស្ស បហុត្តមជ្ជ 5, អហំ ករិស្សាមិ សុសានមជ្ឈេ។
Dhammo mato tassa pahuttamajja 6, ahaṃ karissāmi susānamajjhe.
៣.
3.
អនុវិច្ច កច្ចានិ ករោហិ កិច្ចំ, ធម្មោ មតោ កោ នុ តវេវ 7 សំសិ;
Anuvicca kaccāni karohi kiccaṃ, dhammo mato ko nu taveva 8 saṃsi;
សហស្សនេត្តោ អតុលានុភាវោ, ន មិយ្យតី ធម្មវរោ កទាចិ។
Sahassanetto atulānubhāvo, na miyyatī dhammavaro kadāci.
៤.
4.
ទឡ្ហប្បមាណំ មម ឯត្ថ ព្រហ្មេ, ធម្មោ មតោ នត្ថិ មមេត្ថ កង្ខា;
Daḷhappamāṇaṃ mama ettha brahme, dhammo mato natthi mamettha kaṅkhā;
យេ យេវ ទានិ បាបា ភវន្តិ, តេ តេវ ទានិ សុខិតា ភវន្តិ។
Ye yeva dāni pāpā bhavanti, te teva dāni sukhitā bhavanti.
៥.
5.
សុណិសា ហិ មយ្ហំ វញ្ឈា អហោសិ, សា មំ វធិត្វាន វិជាយិ បុត្តំ;
Suṇisā hi mayhaṃ vañjhā ahosi, sā maṃ vadhitvāna vijāyi puttaṃ;
សា ទានិ សព្ពស្ស កុលស្ស ឥស្សរា, អហំ បនម្ហិ 9 អបវិទ្ធា ឯកិកា។
Sā dāni sabbassa kulassa issarā, ahaṃ panamhi 10 apaviddhā ekikā.
៦.
6.
ជីវាមិ វោហំ ន មតោហមស្មិ 11, តវេវ អត្ថាយ ឥធាគតោស្មិ;
Jīvāmi vohaṃ na matohamasmi 12, taveva atthāya idhāgatosmi;
យា តំ វធិត្វាន វិជាយិ បុត្តំ, សហាវ បុត្តេន ករោមិ ភស្មំ។
Yā taṃ vadhitvāna vijāyi puttaṃ, sahāva puttena karomi bhasmaṃ.
៧.
7.
ឯវញ្ច 13 តេ រុច្ចតិ ទេវរាជ, មមេវ អត្ថាយ ឥធាគតោសិ;
Evañca 14 te ruccati devarāja, mameva atthāya idhāgatosi;
អហញ្ច បុត្តោ សុណិសា ច នត្តា, សម្មោទមានា ឃរមាវសេម។
Ahañca putto suṇisā ca nattā, sammodamānā gharamāvasema.
៨.
8.
ឯវញ្ច តេ រុច្ចតិ កាតិយានិ, ហតាបិ សន្តា ន ជហាសិ ធម្មំ;
Evañca te ruccati kātiyāni, hatāpi santā na jahāsi dhammaṃ;
តុវញ្ច 15 បុត្តោ សុណិសា ច នត្តា, សម្មោទមានា ឃរមាវសេថ។
Tuvañca 16 putto suṇisā ca nattā, sammodamānā gharamāvasetha.
៩.
9.
សា កាតិយានី សុណិសាយ សទ្ធិំ, សម្មោទមានា ឃរមាវសិត្ថ;
Sā kātiyānī suṇisāya saddhiṃ, sammodamānā gharamāvasittha;
បុត្តោ ច នត្តា ច ឧបដ្ឋហិំសុ, ទេវានមិន្ទេន អធិគ្គហីតាតិ។
Putto ca nattā ca upaṭṭhahiṃsu, devānamindena adhiggahītāti.
កច្ចានិជាតកំ បឋមំ។
Kaccānijātakaṃ paṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤១៧] ១. កច្ចានិជាតកវណ្ណនា • [417] 1. Kaccānijātakavaṇṇanā
