| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[178] 8. гажчабаж̇аад̇агаван̣н̣анаа
[178] 8. Kacchapajātakavaṇṇanā
ж̇анид̇д̇ам̣ мз бхавид̇д̇ам̣ мзд̇и ид̣̇ам̣ сад̇т̇аа ж̇зд̇аванз вихаранд̇о згам̣ ахиваад̇агарог̇амуд̇д̇ам̣ аараб̣бха гат̇зси. саавад̇т̇ияам̣ гира згасмим̣ гулз ахиваад̇агарог̇о уббаж̇ж̇и. маад̇аабид̇аро буд̇д̇ам̣ аахам̣су – ‘‘д̇аад̇а, маа имасмим̣ г̇зхз васа, бхид̇д̇им̣ бхинд̣̇ид̇ваа балааяид̇ваа яад̇т̇а гад̇т̇ажи г̇анд̇ваа ж̇ийвид̇ам̣ рагка, бажчаа ааг̇анд̇ваа имасмим̣ наама таанз махаанид̇хаанам̣ ад̇т̇и, д̇ам̣ уд̣̇д̇харид̇ваа гудумб̣ам̣ сан̣табзд̇ваа сукзна ж̇ийвзяяаасий’’д̇и. буд̇д̇о д̇зсам̣ важанам̣ самбадижчид̇ваа бхид̇д̇им̣ бхинд̣̇ид̇ваа балааяид̇ваа ад̇д̇ано рог̇з вуубасанд̇з ааг̇анд̇ваа махаанид̇хаанам̣ уд̣̇д̇харид̇ваа гудумб̣ам̣ сан̣табзд̇ваа гхарааваасам̣ васи. со згад̣̇ивасам̣ саббид̇злаад̣̇ийни жзва вад̇т̇ажчаад̣̇анаад̣̇ийни жа г̇аахаабзд̇ваа ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа нисийд̣̇и. сад̇т̇аа д̇зна сад̣̇д̇хим̣ бадисант̇аарам̣ гад̇ваа ‘‘д̇умхаагам̣ г̇зхз ахиваад̇агарог̇о уббаннод̇и ассумха, гинд̇и гад̇ваа муд̇д̇осий’’д̇и бужчи, со д̇ам̣ бавад̇д̇им̣ аажигки. сад̇т̇аа ‘‘буб̣б̣зби ко, убаасага, бхаяз уббаннз ад̇д̇ано васанадтаанз аалаяам̣ гад̇ваа ан̃н̃ад̇т̇а аг̇ад̇аа ж̇ийвид̇агкаяам̣ баабун̣им̣су, анаалаяам̣ бана гад̇ваа ан̃н̃ад̇т̇а г̇ад̇аа ж̇ийвид̇ам̣ лабхим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Janittaṃ me bhavittaṃ meti idaṃ satthā jetavane viharanto ekaṃ ahivātakarogamuttaṃ ārabbha kathesi. Sāvatthiyaṃ kira ekasmiṃ kule ahivātakarogo uppajji. Mātāpitaro puttaṃ āhaṃsu – ‘‘tāta, mā imasmiṃ gehe vasa, bhittiṃ bhinditvā palāyitvā yattha katthaci gantvā jīvitaṃ rakkha, pacchā āgantvā imasmiṃ nāma ṭhāne mahānidhānaṃ atthi, taṃ uddharitvā kuṭumbaṃ saṇṭhapetvā sukhena jīveyyāsī’’ti. Putto tesaṃ vacanaṃ sampaṭicchitvā bhittiṃ bhinditvā palāyitvā attano roge vūpasante āgantvā mahānidhānaṃ uddharitvā kuṭumbaṃ saṇṭhapetvā gharāvāsaṃ vasi. So ekadivasaṃ sappitelādīni ceva vatthacchādanādīni ca gāhāpetvā jetavanaṃ gantvā satthāraṃ vanditvā nisīdi. Satthā tena saddhiṃ paṭisanthāraṃ katvā ‘‘tumhākaṃ gehe ahivātakarogo uppannoti assumha, kinti katvā muttosī’’ti pucchi, so taṃ pavattiṃ ācikkhi. Satthā ‘‘pubbepi kho, upāsaka, bhaye uppanne attano vasanaṭṭhāne ālayaṃ katvā aññattha agatā jīvitakkhayaṃ pāpuṇiṃsu, anālayaṃ pana katvā aññattha gatā jīvitaṃ labhiṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасиг̇аамагз гумбхагаарагулз ниб̣б̣ад̇д̇ид̇ваа гумбхагаарагаммам̣ гад̇ваа буд̇д̇ад̣̇аарам̣ босзси. д̇ад̣̇аа бана б̣аараан̣асияам̣ махаанад̣̇ияаа сад̣̇д̇хим̣ згааб̣ад̣̇д̇хо махааж̇аад̇ассаро ахоси. со б̣ахууд̣̇агагаалз над̣̇ияаа сад̣̇д̇хим̣ згод̣̇аго ход̇и, уд̣̇агз манд̣̇ийбхууд̇з висум̣ ход̇и. мажчагажчабаа бана ‘‘имасмим̣ сам̣важчарз сувудтигаа бхависсад̇и, имасмим̣ сам̣важчарз д̣̇уб̣б̣удтигаа’’д̇и ж̇аананд̇и. ат̇а д̇асмим̣ сарз ниб̣б̣ад̇д̇амажчагажчабаа ‘‘имасмим̣ сам̣важчарз д̣̇уб̣б̣удтигаа бхависсад̇ий’’д̇и н̃ад̇ваа уд̣̇агасса згааб̣ад̣̇д̇хагаалзязва д̇амхаа сараа нигкамид̇ваа над̣̇им̣ аг̇амим̣су. зго бана гажчабо ‘‘ид̣̇ам̣ мз ж̇аад̇адтаанам̣ вад̣дхид̇адтаанам̣, маад̇аабид̇уухи васид̇адтаанам̣, на саггоми имам̣ ж̇ахид̇у’’нд̇и над̣̇им̣ на аг̇амааси. ат̇а нид̣̇аагхасамаяз д̇ад̇т̇а уд̣̇агам̣ чиж̇ж̇и, со гажчабо б̣од̇хисад̇д̇асса мад̇д̇игаг̇ахан̣адтаанз бхуумим̣ кан̣ид̇ваа баависи. б̣од̇хисад̇д̇о ‘‘мад̇д̇игам̣ г̇ахзссаамий’’д̇и д̇ад̇т̇а г̇анд̇ваа махаагуд̣̇д̣̇аалзна бхуумим̣ кан̣анд̇о гажчабасса бидтим̣ бхинд̣̇ид̇ваа мад̇д̇игабин̣д̣ам̣ вияа гуд̣̇д̣̇аалзнзва нам̣ уд̣̇д̇харид̇ваа т̇алз баад̇зси. со взд̣̇анааббад̇д̇о худ̇ваа ‘‘васанадтаанз аалаяам̣ ж̇ахид̇ум̣ асаггонд̇о звам̣ винаасам̣ баабун̣и’’нд̇и вад̇ваа барид̣̇звамаано имаа г̇аат̇аа авожа –
Atīte bārāṇasiyaṃ brahmadatte rajjaṃ kārente bodhisatto kāsigāmake kumbhakārakule nibbattitvā kumbhakārakammaṃ katvā puttadāraṃ posesi. Tadā pana bārāṇasiyaṃ mahānadiyā saddhiṃ ekābaddho mahājātassaro ahosi. So bahuudakakāle nadiyā saddhiṃ ekodako hoti, udake mandībhūte visuṃ hoti. Macchakacchapā pana ‘‘imasmiṃ saṃvacchare suvuṭṭhikā bhavissati, imasmiṃ saṃvacchare dubbuṭṭhikā’’ti jānanti. Atha tasmiṃ sare nibbattamacchakacchapā ‘‘imasmiṃ saṃvacchare dubbuṭṭhikā bhavissatī’’ti ñatvā udakassa ekābaddhakāleyeva tamhā sarā nikkhamitvā nadiṃ agamiṃsu. Eko pana kacchapo ‘‘idaṃ me jātaṭṭhānaṃ vaḍḍhitaṭṭhānaṃ, mātāpitūhi vasitaṭṭhānaṃ, na sakkomi imaṃ jahitu’’nti nadiṃ na agamāsi. Atha nidāghasamaye tattha udakaṃ chijji, so kacchapo bodhisattassa mattikagahaṇaṭṭhāne bhūmiṃ khaṇitvā pāvisi. Bodhisatto ‘‘mattikaṃ gahessāmī’’ti tattha gantvā mahākuddālena bhūmiṃ khaṇanto kacchapassa piṭṭhiṃ bhinditvā mattikapiṇḍaṃ viya kuddāleneva naṃ uddharitvā thale pātesi. So vedanāppatto hutvā ‘‘vasanaṭṭhāne ālayaṃ jahituṃ asakkonto evaṃ vināsaṃ pāpuṇi’’nti vatvā paridevamāno imā gāthā avoca –
55.
55.
‘‘ж̇анид̇д̇ам̣ мз бхавид̇д̇ам̣ мз, ид̇и бан̇гз авассаяим̣;
‘‘Janittaṃ me bhavittaṃ me, iti paṅke avassayiṃ;
д̇ам̣ мам̣ бан̇го аж̇жхабхави, яат̇аа д̣̇уб̣б̣алагам̣ д̇ат̇аа;
Taṃ maṃ paṅko ajjhabhavi, yathā dubbalakaṃ tathā;
д̇ам̣ д̇ам̣ вад̣̇аами бхаг̇г̇ава, сун̣охи важанам̣ мама.
Taṃ taṃ vadāmi bhaggava, suṇohi vacanaṃ mama.
56.
56.
‘‘г̇аамз ваа яад̣̇и вааран̃н̃з, сукам̣ яад̇раад̇хиг̇ажчад̇и;
‘‘Gāme vā yadi vāraññe, sukhaṃ yatrādhigacchati;
д̇ам̣ ж̇анид̇д̇ам̣ бхавид̇д̇ан̃жа, бурисасса баж̇аанад̇о;
Taṃ janittaṃ bhavittañca, purisassa pajānato;
яамхи ж̇ийвз д̇амхи г̇ажчз, на нигзд̇ахад̇о сияаа’’д̇и.
Yamhi jīve tamhi gacche, na niketahato siyā’’ti.
д̇ад̇т̇а ж̇анид̇д̇ам̣ мз бхавид̇д̇ам̣ мзд̇и ид̣̇ам̣ мама ж̇аад̇адтаанам̣, ид̣̇ам̣ мама вад̣дхид̇адтаанам̣. ид̇и бан̇гз авассаяинд̇и иминаа гааран̣знаахам̣ имасмим̣ гад̣̇д̣̇амз авассаяим̣ нибаж̇ж̇им̣, ваасам̣ габбзсинд̇и ад̇т̇о. аж̇жхабхавийд̇и ад̇хиабхави винаасам̣ баабзси. бхаг̇г̇аваад̇и гумбхагаарам̣ аалабад̇и. гумбхагаараанан̃хи наамаг̇од̇д̇абан̃н̃ад̇д̇и зсаа, яад̣̇ид̣̇ам̣ бхаг̇г̇аваад̇и. суканд̇и гааяигажзд̇асигассаад̣̇ам̣. д̇ам̣ ж̇анид̇д̇ам̣ бхавид̇д̇ан̃жаад̇и д̇ам̣ ж̇аад̇адтаанан̃жа вад̣дхид̇адтаанан̃жа. ‘‘ж̇аанид̇д̇ам̣ бхаавид̇д̇а’’нд̇и д̣̇ийгхавасзнаби баато, соязвад̇т̇о. баж̇аанад̇од̇и ад̇т̇аанад̇т̇ам̣ гааран̣аагааран̣ам̣ ж̇аананд̇асса. на нигзд̇ахад̇о сияаад̇и нигзд̇з аалаяам̣ гад̇ваа ан̃н̃ад̇т̇а аг̇анд̇ваа нигзд̇зна хад̇о, зваруубам̣ маран̣ад̣̇угкам̣ баабид̇о на бхавзяяаад̇и.
Tattha janittaṃ me bhavittaṃ meti idaṃ mama jātaṭṭhānaṃ, idaṃ mama vaḍḍhitaṭṭhānaṃ. Iti paṅke avassayinti iminā kāraṇenāhaṃ imasmiṃ kaddame avassayiṃ nipajjiṃ, vāsaṃ kappesinti attho. Ajjhabhavīti adhiabhavi vināsaṃ pāpesi. Bhaggavāti kumbhakāraṃ ālapati. Kumbhakārānañhi nāmagottapaññatti esā, yadidaṃ bhaggavāti. Sukhanti kāyikacetasikassādaṃ. Taṃjanittaṃ bhavittañcāti taṃ jātaṭṭhānañca vaḍḍhitaṭṭhānañca. ‘‘Jānittaṃ bhāvitta’’nti dīghavasenapi pāṭho, soyevattho. Pajānatoti atthānatthaṃ kāraṇākāraṇaṃ jānantassa. Na niketahato siyāti nikete ālayaṃ katvā aññattha agantvā niketena hato, evarūpaṃ maraṇadukkhaṃ pāpito na bhaveyyāti.
звам̣ со б̣од̇хисад̇д̇зна сад̣̇д̇хим̣ гат̇знд̇о гааламагааси. б̣од̇хисад̇д̇о д̇ам̣ г̇ахзд̇ваа сагалаг̇аамаваасино саннибаад̇аабзд̇ваа д̇з мануссз овад̣̇анд̇о звамааха – ‘‘бассат̇а имам̣ гажчабам̣, аяам̣ ан̃н̃зсам̣ мажчагажчабаанам̣ махаанад̣̇им̣ г̇аманагаалз ад̇д̇ано васанадтаанз аалаяам̣ чинд̣̇ид̇ум̣ асаггонд̇о д̇зхи сад̣̇д̇хим̣ аг̇анд̇ваа мама мад̇д̇игаг̇ахан̣адтаанам̣ бависид̇ваа нибаж̇ж̇и. ат̇ассаахам̣ мад̇д̇игам̣ г̇ан̣ханд̇о махаагуд̣̇д̣̇аалзна бидтим̣ бхинд̣̇ид̇ваа мад̇д̇игабин̣д̣ам̣ вияа нам̣ т̇алз баад̇зсим̣, аяам̣ ад̇д̇анаа гад̇агаммам̣ сарид̇ваа д̣̇вийхи г̇аат̇аахи барид̣̇звид̇ваа гааламагааси. звамзса ад̇д̇ано васанадтаанз аалаяам̣ гад̇ваа маран̣ам̣ бад̇д̇о, д̇умхзби маа иминаа гажчабзна сад̣̇исаа ахувад̇т̇а, ид̇о бадтааяа ‘маяхам̣ руубам̣ маяхам̣ сад̣̇д̣̇о маяхам̣ г̇анд̇хо маяхам̣ расо маяхам̣ подтаб̣б̣о маяхам̣ буд̇д̇о маяхам̣ д̇хийд̇аа маяхам̣ д̣̇аасад̣̇аасибарижчзд̣̇о маяхам̣ хиран̃н̃асуван̣н̣а’нд̇и д̇ан̣хаавасзна убабхог̇авасзна маа г̇ан̣хид̇т̇а, згаговзса сад̇д̇о д̇ийсу бхавзсу баривад̇д̇ад̇ий’’д̇и. звам̣ б̣уд̣̇д̇халийлааяа махааж̇анасса оваад̣̇амад̣̇ааси, со оваад̣̇о сагалаж̇амб̣уд̣̇ийбам̣ бад̇т̇арид̇ваа садтимад̇д̇аани вассасахассаани адтааси. махааж̇ано б̣од̇хисад̇д̇асса оваад̣̇з тад̇ваа д̣̇аанаад̣̇ийни бун̃н̃аани гад̇ваа ааяубарияосаанз саг̇г̇абурам̣ буурзси, б̣од̇хисад̇д̇оби д̇ат̇зва бун̃н̃аани гад̇ваа саг̇г̇абурам̣ буурзси.
Evaṃ so bodhisattena saddhiṃ kathento kālamakāsi. Bodhisatto taṃ gahetvā sakalagāmavāsino sannipātāpetvā te manusse ovadanto evamāha – ‘‘passatha imaṃ kacchapaṃ, ayaṃ aññesaṃ macchakacchapānaṃ mahānadiṃ gamanakāle attano vasanaṭṭhāne ālayaṃ chindituṃ asakkonto tehi saddhiṃ agantvā mama mattikagahaṇaṭṭhānaṃ pavisitvā nipajji. Athassāhaṃ mattikaṃ gaṇhanto mahākuddālena piṭṭhiṃ bhinditvā mattikapiṇḍaṃ viya naṃ thale pātesiṃ, ayaṃ attanā katakammaṃ saritvā dvīhi gāthāhi paridevitvā kālamakāsi. Evamesa attano vasanaṭṭhāne ālayaṃ katvā maraṇaṃ patto, tumhepi mā iminā kacchapena sadisā ahuvattha, ito paṭṭhāya ‘mayhaṃ rūpaṃ mayhaṃ saddo mayhaṃ gandho mayhaṃ raso mayhaṃ phoṭṭhabbo mayhaṃ putto mayhaṃ dhītā mayhaṃ dāsadāsiparicchedo mayhaṃ hiraññasuvaṇṇa’nti taṇhāvasena upabhogavasena mā gaṇhittha, ekakovesa satto tīsu bhavesu parivattatī’’ti. Evaṃ buddhalīlāya mahājanassa ovādamadāsi, so ovādo sakalajambudīpaṃ pattharitvā saṭṭhimattāni vassasahassāni aṭṭhāsi. Mahājano bodhisattassa ovāde ṭhatvā dānādīni puññāni katvā āyupariyosāne saggapuraṃ pūresi, bodhisattopi tatheva puññāni katvā saggapuraṃ pūresi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз со гулабуд̇д̇о сод̇аабад̇д̇ипалз бад̇идтааси. ‘‘д̇ад̣̇аа гажчабо аананд̣̇о ахоси, гумбхагааро бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne so kulaputto sotāpattiphale patiṭṭhāsi. ‘‘Tadā kacchapo ānando ahosi, kumbhakāro pana ahameva ahosi’’nti.
гажчабаж̇аад̇агаван̣н̣анаа адтамаа.
Kacchapajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 178. гажчабаж̇аад̇агам̣ • 178. Kacchapajātakaṃ
