| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[215] 5. гажчабаж̇аад̇агаван̣н̣анаа
[215] 5. Kacchapajātakavaṇṇanā
авад̇хий вад̇а ад̇д̇аананд̇и ид̣̇ам̣ сад̇т̇аа ж̇зд̇аванз вихаранд̇о гогаалигам̣ аараб̣бха гат̇зси. вад̇т̇у махаад̇аггаариж̇аад̇агз (ж̇аа. 1.13.104 аад̣̇аяо) аави-бхависсад̇и. д̇ад̣̇аа бана сад̇т̇аа ‘‘на, бхигкавз, гогаалиго ид̣̇аанзва ваажааяа хад̇о, буб̣б̣зби ваажааяа хад̇оязваа’’д̇и вад̇ваа ад̇ийд̇ам̣ аахари.
Avadhī vata attānanti idaṃ satthā jetavane viharanto kokālikaṃ ārabbha kathesi. Vatthu mahātakkārijātake (jā. 1.13.104 ādayo) āvi-bhavissati. Tadā pana satthā ‘‘na, bhikkhave, kokāliko idāneva vācāya hato, pubbepi vācāya hatoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о амажжагулз ниб̣б̣ад̇д̇ид̇ваа ваяаббад̇д̇о д̇асса ад̇т̇ад̇хаммаанусаасаго ахоси. со бана рааж̇аа б̣ахубхаан̣ий ахоси, д̇асмим̣ гат̇знд̇з ан̃н̃зсам̣ важанасса огаасо наама над̇т̇и. б̣од̇хисад̇д̇о д̇асса д̇ам̣ б̣ахубхаан̣ид̇ам̣ ваарзд̇угаамо згам̣ убааяам̣ убад̇хаарзнд̇о вижарад̇и. д̇асмин̃жа гаалз химаванд̇абад̣̇зсз згасмим̣ сарз гажчабо васад̇и, д̣̇вз хам̣сабод̇агаа г̇ожарааяа жаранд̇аа д̇зна сад̣̇д̇хим̣ виссаасам̣ агам̣су. д̇з д̣̇ал̣хависсаасигаа худ̇ваа згад̣̇ивасам̣ гажчабам̣ аахам̣су – ‘‘самма гажчаба, амхаагам̣ химаванд̇з жид̇д̇агуудабаб̣б̣ад̇ад̇алз ган̃жанаг̇ухааяам̣ васанадтаанам̣ раман̣ийяо бад̣̇зсо, г̇ажчаси амхаагам̣ сад̣̇д̇хи’’нд̇и. ‘‘ахам̣ гинд̇и гад̇ваа г̇амиссаамий’’д̇и? ‘‘маяам̣ д̇ам̣ г̇ахзд̇ваа г̇амиссаама, сажз д̇вам̣ мукам̣ рагкид̇ум̣ сагкиссаси, гассажи гин̃жи на гат̇зссасий’’д̇и. ‘‘рагкиссаами, саами, г̇ахзд̇ваа мам̣ г̇ажчат̇аа’’д̇и. д̇з ‘‘саад̇хуу’’д̇и вад̇ваа згам̣ д̣̇ан̣д̣агам̣ гажчабзна д̣ам̣саабзд̇ваа саяам̣ д̇асса убхо годияо д̣ам̣сид̇ваа аагаасам̣ багканд̣̇им̣су. д̇ам̣ д̇ат̇аа хам̣сзхи нийяамаанам̣ г̇аамад̣̇аарагаа д̣̇исваа ‘‘д̣̇вз хам̣саа гажчабам̣ д̣̇ан̣д̣агзна харанд̇ий’’д̇и аахам̣су.
Atīte bārāṇasiyaṃ brahmadatte rajjaṃ kārente bodhisatto amaccakule nibbattitvā vayappatto tassa atthadhammānusāsako ahosi. So pana rājā bahubhāṇī ahosi, tasmiṃ kathente aññesaṃ vacanassa okāso nāma natthi. Bodhisatto tassa taṃ bahubhāṇitaṃ vāretukāmo ekaṃ upāyaṃ upadhārento vicarati. Tasmiñca kāle himavantapadese ekasmiṃ sare kacchapo vasati, dve haṃsapotakā gocarāya carantā tena saddhiṃ vissāsaṃ akaṃsu. Te daḷhavissāsikā hutvā ekadivasaṃ kacchapaṃ āhaṃsu – ‘‘samma kacchapa, amhākaṃ himavante cittakūṭapabbatatale kañcanaguhāyaṃ vasanaṭṭhānaṃ ramaṇīyo padeso, gacchasi amhākaṃ saddhi’’nti. ‘‘Ahaṃ kinti katvā gamissāmī’’ti? ‘‘Mayaṃ taṃ gahetvā gamissāma, sace tvaṃ mukhaṃ rakkhituṃ sakkhissasi, kassaci kiñci na kathessasī’’ti. ‘‘Rakkhissāmi, sāmi, gahetvā maṃ gacchathā’’ti. Te ‘‘sādhū’’ti vatvā ekaṃ daṇḍakaṃ kacchapena ḍaṃsāpetvā sayaṃ tassa ubho koṭiyo ḍaṃsitvā ākāsaṃ pakkhandiṃsu. Taṃ tathā haṃsehi nīyamānaṃ gāmadārakā disvā ‘‘dve haṃsā kacchapaṃ daṇḍakena harantī’’ti āhaṃsu.
гажчабо ‘‘яад̣̇и мам̣ сахааяагаа нзнд̇и, д̇умхаагам̣ зд̇т̇а гим̣ д̣̇удтажздагаа’’д̇и вад̇д̇угаамо хам̣саанам̣ сийгхавзг̇ад̇ааяа б̣аараан̣асинаг̇арз рааж̇анивзсанасса убарибхааг̇ам̣ самбад̇д̇агаалз д̣̇адтадтаанад̇о д̣̇ан̣д̣агам̣ виссаж̇ж̇зд̇ваа аагаасан̇г̇ан̣з бад̇ид̇ваа д̣̇взбхааг̇о ахоси, ‘‘гажчабо аагаасад̇о бад̇ид̇ваа д̣̇взд̇хаа бхинно’’д̇и згаголаахалам̣ ахоси. рааж̇аа б̣од̇хисад̇д̇ам̣ аад̣̇ааяа амажжаг̇ан̣абаривуд̇о д̇ам̣ таанам̣ г̇анд̇ваа гажчабам̣ д̣̇исваа б̣од̇хисад̇д̇ам̣ бужчи – ‘‘бан̣д̣ид̇а, гинд̇и гад̇ваа зса бад̇ид̇о’’д̇и? б̣од̇хисад̇д̇о ‘‘жирабадиган̇кохам̣ рааж̇аанам̣ овад̣̇ид̇угаамо убааяам̣ убад̇хаарзнд̇о жараами, иминаа гажчабзна хам̣сзхи сад̣̇д̇хим̣ виссаасо гад̇о бхависсад̇и, д̇зхи имам̣ ‘химаванд̇ам̣ нзсссаамаа’д̇и д̣̇ан̣д̣агам̣ д̣ам̣саабзд̇ваа аагаасам̣ багканд̇зхи бхавид̇аб̣б̣ам̣, ат̇а иминаа гассажи важанам̣ суд̇ваа арагкид̇амукад̇ааяа гин̃жи вад̇д̇угаамзна д̣̇ан̣д̣агаа виссадто бхависсад̇и, звам̣ аагаасад̇о бад̇ид̇ваа ж̇ийвид̇агкаяам̣ бад̇д̇знзва бхавид̇аб̣б̣а’’нд̇и жинд̇зд̇ваа ‘‘аама махаарааж̇а, ад̇имукараа наама абарияанд̇аважанаа зваруубам̣ д̣̇угкам̣ баабун̣анд̇иязваа’’д̇и вад̇ваа имаа г̇аат̇аа авожа –
Kacchapo ‘‘yadi maṃ sahāyakā nenti, tumhākaṃ ettha kiṃ duṭṭhaceṭakā’’ti vattukāmo haṃsānaṃ sīghavegatāya bārāṇasinagare rājanivesanassa uparibhāgaṃ sampattakāle daṭṭhaṭṭhānato daṇḍakaṃ vissajjetvā ākāsaṅgaṇe patitvā dvebhāgo ahosi, ‘‘kacchapo ākāsato patitvā dvedhā bhinno’’ti ekakolāhalaṃ ahosi. Rājā bodhisattaṃ ādāya amaccagaṇaparivuto taṃ ṭhānaṃ gantvā kacchapaṃ disvā bodhisattaṃ pucchi – ‘‘paṇḍita, kinti katvā esa patito’’ti? Bodhisatto ‘‘cirapaṭikaṅkhohaṃ rājānaṃ ovaditukāmo upāyaṃ upadhārento carāmi, iminā kacchapena haṃsehi saddhiṃ vissāso kato bhavissati, tehi imaṃ ‘himavantaṃ nesssāmā’ti daṇḍakaṃ ḍaṃsāpetvā ākāsaṃ pakkhantehi bhavitabbaṃ, atha iminā kassaci vacanaṃ sutvā arakkhitamukhatāya kiñci vattukāmena daṇḍakā vissaṭṭho bhavissati, evaṃ ākāsato patitvā jīvitakkhayaṃ patteneva bhavitabba’’nti cintetvā ‘‘āma mahārāja, atimukharā nāma apariyantavacanā evarūpaṃ dukkhaṃ pāpuṇantiyevā’’ti vatvā imā gāthā avoca –
129.
129.
‘‘авад̇хий вад̇а ад̇д̇аанам̣, гажчабо б̣яаахарам̣ г̇ирам̣;
‘‘Avadhī vata attānaṃ, kacchapo byāharaṃ giraṃ;
суг̇г̇ахийд̇асмим̣ гадтасмим̣, ваажааяа сагияаавад̇хи.
Suggahītasmiṃ kaṭṭhasmiṃ, vācāya sakiyāvadhi.
130.
130.
‘‘зд̇амби д̣̇исваа наравийрияасздта, ваажам̣ бамун̃жз гусалам̣ наад̇ивзлам̣;
‘‘Etampi disvā naravīriyaseṭṭha, vācaṃ pamuñce kusalaṃ nātivelaṃ;
бассаси б̣ахубхаан̣зна, гажчабам̣ б̣яасанам̣ г̇ад̇а’’нд̇и.
Passasi bahubhāṇena, kacchapaṃ byasanaṃ gata’’nti.
д̇ад̇т̇а авад̇хий вад̇аад̇и гхаад̇зси вад̇а. б̣яаахаранд̇и б̣яаахаранд̇о. суг̇г̇ахийд̇асмим̣ гадтасминд̇и мукзна судту д̣ам̣сид̇ваа г̇ахид̇з д̣̇ан̣д̣агз. ваажааяа сагияаавад̇хийд̇и ад̇имукарад̇ааяа агаалз ваажам̣ нижчаарзнд̇о д̣̇адтадтаанам̣ виссаж̇ж̇зд̇ваа д̇ааяа сагааяа ваажааяа ад̇д̇аанам̣ авад̇хи гхаад̇зси. звамзса ж̇ийвид̇агкаяам̣ бад̇д̇о, на ан̃н̃ат̇аад̇и. зд̇амби д̣̇исваад̇и зд̇амби гааран̣ам̣ д̣̇исваа. наравийрияасздтаад̇и нарзсу вийриязна сздта уд̇д̇амавийрияа рааж̇авара. ваажам̣ бамун̃жз гусалам̣ наад̇ивзланд̇и сажжаад̣̇ибадисам̣яуд̇д̇ам̣ гусаламзва бан̣д̣ид̇о бурисо мун̃жзяяа нижчаарзяяа, д̇амби хид̇ам̣ гаалаяуд̇д̇ам̣, на ад̇ивзлам̣, ад̇игганд̇агаалам̣ абарияанд̇аваажам̣ на бхаасзяяа. бассасийд̇и нану бажжагкад̇о бассаси. б̣ахубхаан̣знаад̇и б̣ахубхан̣анзна. гажчабам̣ б̣яасанам̣ г̇ад̇анд̇и зд̇ам̣ гажчабам̣ ж̇ийвид̇агкаяам̣ бад̇д̇анд̇и.
Tattha avadhī vatāti ghātesi vata. Byāharanti byāharanto. Suggahītasmiṃ kaṭṭhasminti mukhena suṭṭhu ḍaṃsitvā gahite daṇḍake. Vācāya sakiyāvadhīti atimukharatāya akāle vācaṃ nicchārento daṭṭhaṭṭhānaṃ vissajjetvā tāya sakāya vācāya attānaṃ avadhi ghātesi. Evamesa jīvitakkhayaṃ patto, na aññathāti. Etampi disvāti etampi kāraṇaṃ disvā. Naravīriyaseṭṭhāti naresu vīriyena seṭṭha uttamavīriya rājavara. Vācaṃ pamuñce kusalaṃ nātivelanti saccādipaṭisaṃyuttaṃ kusalameva paṇḍito puriso muñceyya nicchāreyya, tampi hitaṃ kālayuttaṃ, na ativelaṃ, atikkantakālaṃ apariyantavācaṃ na bhāseyya. Passasīti nanu paccakkhato passasi. Bahubhāṇenāti bahubhaṇanena. Kacchapaṃ byasanaṃ gatanti etaṃ kacchapaṃ jīvitakkhayaṃ pattanti.
рааж̇аа ‘‘мам̣ санд̇хааяа бхаасад̇ий’’д̇и н̃ад̇ваа ‘‘амхз санд̇хааяа гат̇зси, бан̣д̣ид̇аа’’д̇и ааха. б̣од̇хисад̇д̇о ‘‘махаарааж̇а, д̇вам̣ ваа хохи ан̃н̃о ваа, яо гожи бамаан̣аад̇игганд̇ам̣ бхаасанд̇о зваруубам̣ б̣яасанам̣ баабун̣аад̇ий’’д̇и баагадам̣ гад̇ваа гат̇зси. рааж̇аа д̇ад̇о бадтааяа вирамид̇ваа манд̣̇абхаан̣ий ахоси.
Rājā ‘‘maṃ sandhāya bhāsatī’’ti ñatvā ‘‘amhe sandhāya kathesi, paṇḍitā’’ti āha. Bodhisatto ‘‘mahārāja, tvaṃ vā hohi añño vā, yo koci pamāṇātikkantaṃ bhāsanto evarūpaṃ byasanaṃ pāpuṇātī’’ti pākaṭaṃ katvā kathesi. Rājā tato paṭṭhāya viramitvā mandabhāṇī ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гажчабо гогаалиго ахоси, д̣̇вз хам̣сабод̇агаа д̣̇вз махаат̇зраа, рааж̇аа аананд̣̇о, амажжабан̣д̣ид̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kacchapo kokāliko ahosi, dve haṃsapotakā dve mahātherā, rājā ānando, amaccapaṇḍito pana ahameva ahosi’’nti.
гажчабаж̇аад̇агаван̣н̣анаа бан̃жамаа.
Kacchapajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 215. гажчабаж̇аад̇агам̣ • 215. Kacchapajātakaṃ
