| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. කදම්‌බපුප්‌ඵියත්‌ථෙරඅපදානං
6. Kadambapupphiyattheraapadānaṃ
20.
20.
‘‘සුවණ්‌ණවණ්‌ණං සම්‌බුද්‌ධං, ගච්‌ඡන්‌තං අන්‌තරාපණෙ;
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
කඤ්‌චනග්‌ඝියසඞ්‌කාසං, බාත්‌තිංසවරලක්‌ඛණං.
Kañcanagghiyasaṅkāsaṃ, bāttiṃsavaralakkhaṇaṃ.
21.
21.
‘‘නිසජ්‌ජ පාසාදවරෙ, අද්‌දසං ලොකනායකං;
‘‘Nisajja pāsādavare, addasaṃ lokanāyakaṃ;
කදම්‌බපුප්‌ඵං පග්‌ගය්‌හ, විපස්‌සිං අභිපූජයිං.
Kadambapupphaṃ paggayha, vipassiṃ abhipūjayiṃ.
22.
22.
‘‘එකනවුතිතො කප්‌පෙ, යං බුද්‌ධමභිපූජයිං;
‘‘Ekanavutito kappe, yaṃ buddhamabhipūjayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
23.
23.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා කදම්‌බපුප්‌ඵියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā kadambapupphiyo thero imā gāthāyo abhāsitthāti.
කදම්‌බපුප්‌ඵියත්‌ථෙරස්‌සාපදානං ඡට්‌ඨං.
Kadambapupphiyattherassāpadānaṃ chaṭṭhaṃ.
