| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. гад̣̇амб̣абубпияад̇т̇зраабад̣̇аанаван̣н̣анаа
6. Kadambapupphiyattheraapadānavaṇṇanā
химаванд̇ассаавид̣̇уурзд̇иаад̣̇игам̣ ааяасмад̇о гад̣̇амб̣абубпияад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о саммаасамб̣уд̣̇д̇хасун̃н̃з логз згасмим̣ гулз ниб̣б̣ад̇д̇о вуд̣̇д̇химанвааяа гхарааваасам̣ васанд̇о д̇ад̇т̇а аад̣̇ийнавам̣ д̣̇исваа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇асамийбз гуггудз наама баб̣б̣ад̇з ассамам̣ гад̇ваа вихааси. со д̇ад̇т̇а сад̇д̇а бажжзгаб̣уд̣̇д̇хз д̣̇исваа басаннамаанасо бубпид̇ам̣ гад̣̇амб̣абубпам̣ ожинид̇ваа д̇з бажжзгаб̣уд̣̇д̇хз бууж̇зси. д̇зби ‘‘ижчид̇ам̣ бад̇т̇ид̇а’’нд̇иаад̣̇инаа анумод̣̇анам̣ агам̣су.
Himavantassāvidūretiādikaṃ āyasmato kadambapupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto sammāsambuddhasuññe loke ekasmiṃ kule nibbatto vuddhimanvāya gharāvāsaṃ vasanto tattha ādīnavaṃ disvā gharāvāsaṃ pahāya tāpasapabbajjaṃ pabbajitvā himavantasamīpe kukkuṭe nāma pabbate assamaṃ katvā vihāsi. So tattha satta paccekabuddhe disvā pasannamānaso pupphitaṃ kadambapupphaṃ ocinitvā te paccekabuddhe pūjesi. Tepi ‘‘icchitaṃ patthita’’ntiādinā anumodanaṃ akaṃsu.
30. со д̇зна бун̃н̃зна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз ниб̣б̣ад̇д̇о вуд̣̇д̇химанвааяа сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа нажирассзва арахаа худ̇ваа буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о химаванд̇ассаавид̣̇уурзд̇иаад̣̇имааха. д̇ам̣ вуд̇д̇ад̇т̇амзва. гуггудо наама баб̣б̣ад̇од̇и д̇асса убхосу бассзсу гуггудажуул̣аагаарзна баб̣б̣ад̇агуудаанам̣ виж̇ж̇амаанад̇д̇аа гуггудод̇и сан̇кам̣ г̇ад̇о. багаарзна д̇иро худ̇ваа бад̇идтахад̇ийд̇и баб̣б̣ад̇о. д̇амхи баб̣б̣ад̇абаад̣̇амхийд̇и д̇асмим̣ баб̣б̣ад̇асамийбз. сад̇д̇а б̣уд̣̇д̇хаа васанд̇ийд̇и сад̇д̇а бажжзгаб̣уд̣̇д̇хаа д̇асмим̣ гуггудабаб̣б̣ад̇абаад̣̇з бан̣н̣асаалааяам̣ васанд̇ийд̇и ад̇т̇о.
30. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde sāvatthiyaṃ kulagehe nibbatto vuddhimanvāya satthu dhammadesanaṃ sutvā paṭiladdhasaddho pabbajitvā nacirasseva arahā hutvā pubbakammaṃ saritvā somanassajāto pubbacaritāpadānaṃ pakāsento himavantassāvidūretiādimāha. Taṃ vuttatthameva. Kukkuṭo nāma pabbatoti tassa ubhosu passesu kukkuṭacūḷākārena pabbatakūṭānaṃ vijjamānattā kukkuṭoti saṅkhaṃ gato. Pakārena tiro hutvā patiṭṭhahatīti pabbato. Tamhi pabbatapādamhīti tasmiṃ pabbatasamīpe. Satta buddhā vasantīti satta paccekabuddhā tasmiṃ kukkuṭapabbatapāde paṇṇasālāyaṃ vasantīti attho.
31. д̣̇ийбарааж̇ам̣ва уг̇г̇ад̇анд̇и д̣̇ийбаанам̣ рааж̇аа д̣̇ийбарааж̇аа, саб̣б̣зсам̣ д̣̇ийбаанам̣ ж̇аламаанаанам̣ д̇аарагаанам̣ рааж̇аа жанд̣̇од̇и ад̇т̇о. ат̇а ваа саб̣б̣зсу ж̇амб̣уд̣̇ийбабуб̣б̣авид̣̇зхаабараг̇ояаанауд̇д̇арагурусан̇каад̇зсу жад̇уусу д̣̇ийбзсу д̣̇висахассабарид̇д̇ад̣̇ийбзсу жа рааж̇аа аалогапаран̣ад̇о жанд̣̇о д̣̇ийбарааж̇аад̇и вужжад̇и, д̇ам̣ набхз уг̇г̇ад̇ам̣ жанд̣̇ам̣ ива бубпид̇ам̣ пуллид̇ам̣ гад̣̇амб̣аругкам̣ д̣̇исваа д̇ад̇о бубпам̣ ожинид̇ваа убхохи хад̇т̇зхи баг̇г̇аяха багаарзна г̇ахзд̇ваа сад̇д̇а бажжзгаб̣уд̣̇д̇хз самогирим̣ судту огирим̣, аад̣̇арзна бууж̇зсинд̇и ад̇т̇о. сзсам̣ уд̇д̇аанад̇т̇амзваад̇и.
31.Dīparājaṃvauggatanti dīpānaṃ rājā dīparājā, sabbesaṃ dīpānaṃ jalamānānaṃ tārakānaṃ rājā candoti attho. Atha vā sabbesu jambudīpapubbavidehaaparagoyānauttarakurusaṅkhātesu catūsu dīpesu dvisahassaparittadīpesu ca rājā ālokapharaṇato cando dīparājāti vuccati, taṃ nabhe uggataṃ candaṃ iva pupphitaṃ phullitaṃ kadambarukkhaṃ disvā tato pupphaṃ ocinitvā ubhohi hatthehi paggayha pakārena gahetvā satta paccekabuddhe samokiriṃ suṭṭhu okiriṃ, ādarena pūjesinti attho. Sesaṃ uttānatthamevāti.
гад̣̇амб̣абубпияад̇т̇зраабад̣̇аанаван̣н̣анаа самад̇д̇аа.
Kadambapupphiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. гад̣̇амб̣абубпияад̇т̇зраабад̣̇аанам̣ • 6. Kadambapupphiyattheraapadānaṃ
