| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੬. ਕਦਮ੍ਬਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ
6. Kadambapupphiyattheraapadānavaṇṇanā
ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਕਦਮ੍ਬਪੁਪ੍ਫਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਮ੍ਮਾਸਮ੍ਬੁਦ੍ਧਸੁਞ੍ਞੇ ਲੋਕੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਘਰਾવਾਸਂ વਸਨ੍ਤੋ ਤਤ੍ਥ ਆਦੀਨવਂ ਦਿਸ੍વਾ ਘਰਾવਾਸਂ ਪਹਾਯ ਤਾਪਸਪਬ੍ਬਜ੍ਜਂ ਪਬ੍ਬਜਿਤ੍વਾ ਹਿਮવਨ੍ਤਸਮੀਪੇ ਕੁਕ੍ਕੁਟੇ ਨਾਮ ਪਬ੍ਬਤੇ ਅਸ੍ਸਮਂ ਕਤ੍વਾ વਿਹਾਸਿ। ਸੋ ਤਤ੍ਥ ਸਤ੍ਤ ਪਚ੍ਚੇਕਬੁਦ੍ਧੇ ਦਿਸ੍વਾ ਪਸਨ੍ਨਮਾਨਸੋ ਪੁਪ੍ਫਿਤਂ ਕਦਮ੍ਬਪੁਪ੍ਫਂ ਓਚਿਨਿਤ੍વਾ ਤੇ ਪਚ੍ਚੇਕਬੁਦ੍ਧੇ ਪੂਜੇਸਿ। ਤੇਪਿ ‘‘ਇਚ੍ਛਿਤਂ ਪਤ੍ਥਿਤ’’ਨ੍ਤਿਆਦਿਨਾ ਅਨੁਮੋਦਨਂ ਅਕਂਸੁ।
Himavantassāvidūretiādikaṃ āyasmato kadambapupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto sammāsambuddhasuññe loke ekasmiṃ kule nibbatto vuddhimanvāya gharāvāsaṃ vasanto tattha ādīnavaṃ disvā gharāvāsaṃ pahāya tāpasapabbajjaṃ pabbajitvā himavantasamīpe kukkuṭe nāma pabbate assamaṃ katvā vihāsi. So tattha satta paccekabuddhe disvā pasannamānaso pupphitaṃ kadambapupphaṃ ocinitvā te paccekabuddhe pūjesi. Tepi ‘‘icchitaṃ patthita’’ntiādinā anumodanaṃ akaṃsu.
੩੦. ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਹੁਤ੍વਾ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਹਿਮવਨ੍ਤਸ੍ਸਾવਿਦੂਰੇਤਿਆਦਿਮਾਹ। ਤਂ વੁਤ੍ਤਤ੍ਥਮੇવ। ਕੁਕ੍ਕੁਟੋ ਨਾਮ ਪਬ੍ਬਤੋਤਿ ਤਸ੍ਸ ਉਭੋਸੁ ਪਸ੍ਸੇਸੁ ਕੁਕ੍ਕੁਟਚੂਲ਼ਾਕਾਰੇਨ ਪਬ੍ਬਤਕੂਟਾਨਂ વਿਜ੍ਜਮਾਨਤ੍ਤਾ ਕੁਕ੍ਕੁਟੋਤਿ ਸਙ੍ਖਂ ਗਤੋ। ਪਕਾਰੇਨ ਤਿਰੋ ਹੁਤ੍વਾ ਪਤਿਟ੍ਠਹਤੀਤਿ ਪਬ੍ਬਤੋ। ਤਮ੍ਹਿ ਪਬ੍ਬਤਪਾਦਮ੍ਹੀਤਿ ਤਸ੍ਮਿਂ ਪਬ੍ਬਤਸਮੀਪੇ। ਸਤ੍ਤ ਬੁਦ੍ਧਾ વਸਨ੍ਤੀਤਿ ਸਤ੍ਤ ਪਚ੍ਚੇਕਬੁਦ੍ਧਾ ਤਸ੍ਮਿਂ ਕੁਕ੍ਕੁਟਪਬ੍ਬਤਪਾਦੇ ਪਣ੍ਣਸਾਲਾਯਂ વਸਨ੍ਤੀਤਿ ਅਤ੍ਥੋ।
30. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde sāvatthiyaṃ kulagehe nibbatto vuddhimanvāya satthu dhammadesanaṃ sutvā paṭiladdhasaddho pabbajitvā nacirasseva arahā hutvā pubbakammaṃ saritvā somanassajāto pubbacaritāpadānaṃ pakāsento himavantassāvidūretiādimāha. Taṃ vuttatthameva. Kukkuṭo nāma pabbatoti tassa ubhosu passesu kukkuṭacūḷākārena pabbatakūṭānaṃ vijjamānattā kukkuṭoti saṅkhaṃ gato. Pakārena tiro hutvā patiṭṭhahatīti pabbato. Tamhi pabbatapādamhīti tasmiṃ pabbatasamīpe. Satta buddhā vasantīti satta paccekabuddhā tasmiṃ kukkuṭapabbatapāde paṇṇasālāyaṃ vasantīti attho.
੩੧. ਦੀਪਰਾਜਂવ ਉਗ੍ਗਤਨ੍ਤਿ ਦੀਪਾਨਂ ਰਾਜਾ ਦੀਪਰਾਜਾ, ਸਬ੍ਬੇਸਂ ਦੀਪਾਨਂ ਜਲਮਾਨਾਨਂ ਤਾਰਕਾਨਂ ਰਾਜਾ ਚਨ੍ਦੋਤਿ ਅਤ੍ਥੋ। ਅਥ વਾ ਸਬ੍ਬੇਸੁ ਜਮ੍ਬੁਦੀਪਪੁਬ੍ਬવਿਦੇਹਅਪਰਗੋਯਾਨਉਤ੍ਤਰਕੁਰੁਸਙ੍ਖਾਤੇਸੁ ਚਤੂਸੁ ਦੀਪੇਸੁ ਦ੍વਿਸਹਸ੍ਸਪਰਿਤ੍ਤਦੀਪੇਸੁ ਚ ਰਾਜਾ ਆਲੋਕਫਰਣਤੋ ਚਨ੍ਦੋ ਦੀਪਰਾਜਾਤਿ વੁਚ੍ਚਤਿ, ਤਂ ਨਭੇ ਉਗ੍ਗਤਂ ਚਨ੍ਦਂ ਇવ ਪੁਪ੍ਫਿਤਂ ਫੁਲ੍ਲਿਤਂ ਕਦਮ੍ਬਰੁਕ੍ਖਂ ਦਿਸ੍વਾ ਤਤੋ ਪੁਪ੍ਫਂ ਓਚਿਨਿਤ੍વਾ ਉਭੋਹਿ ਹਤ੍ਥੇਹਿ ਪਗ੍ਗਯ੍ਹ ਪਕਾਰੇਨ ਗਹੇਤ੍વਾ ਸਤ੍ਤ ਪਚ੍ਚੇਕਬੁਦ੍ਧੇ ਸਮੋਕਿਰਿਂ ਸੁਟ੍ਠੁ ਓਕਿਰਿਂ, ਆਦਰੇਨ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
31.Dīparājaṃvauggatanti dīpānaṃ rājā dīparājā, sabbesaṃ dīpānaṃ jalamānānaṃ tārakānaṃ rājā candoti attho. Atha vā sabbesu jambudīpapubbavidehaaparagoyānauttarakurusaṅkhātesu catūsu dīpesu dvisahassaparittadīpesu ca rājā ālokapharaṇato cando dīparājāti vuccati, taṃ nabhe uggataṃ candaṃ iva pupphitaṃ phullitaṃ kadambarukkhaṃ disvā tato pupphaṃ ocinitvā ubhohi hatthehi paggayha pakārena gahetvā satta paccekabuddhe samokiriṃ suṭṭhu okiriṃ, ādarena pūjesinti attho. Sesaṃ uttānatthamevāti.
ਕਦਮ੍ਬਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Kadambapupphiyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੬. ਕਦਮ੍ਬਪੁਪ੍ਫਿਯਤ੍ਥੇਰਅਪਦਾਨਂ • 6. Kadambapupphiyattheraapadānaṃ
