| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
муулабан̣н̣ааса-адтагат̇аа
Mūlapaṇṇāsa-aṭṭhakathā
(д̣̇уд̇ияо бхааг̇о)
(Dutiyo bhāgo)
3. обаммаваг̇г̇о
3. Opammavaggo
1. гагажуубамасуд̇д̇аван̣н̣анаа
1. Kakacūpamasuttavaṇṇanā
222. звам̣ мз суд̇анд̇и гагажуубамасуд̇д̇ам̣. д̇ад̇т̇а мол̣ияапаг̇г̇унод̇и мол̣ийд̇и жуул̣аа вужжад̇и. яат̇ааха –
222.Evaṃme sutanti kakacūpamasuttaṃ. Tattha moḷiyaphaggunoti moḷīti cūḷā vuccati. Yathāha –
‘‘чзд̇ваана мол̣им̣ вараг̇анд̇хаваасид̇ам̣,
‘‘Chetvāna moḷiṃ varagandhavāsitaṃ,
взхааяасам̣ угкиби сагяабун̇г̇аво;
Vehāyasaṃ ukkhipi sakyapuṅgavo;
рад̇анажан̇годаварзна ваасаво,
Ratanacaṅkoṭavarena vāsavo,
сахассанзд̇д̇о сирасаа бадиг̇г̇ахий’’д̇и.
Sahassanetto sirasā paṭiggahī’’ti.
саа д̇асса г̇ихигаалз махад̇ий ахоси, д̇знасса мол̣ияапаг̇г̇унод̇и сан̇каа уд̣̇абаад̣̇и. баб̣б̣аж̇ид̇амби нам̣ д̇знзва наамзна сан̃ж̇аананд̇и. ад̇ивзланд̇и взлам̣ ад̇иггамид̇ваа. д̇ад̇т̇а гаалавзлаа, сиймавзлаа, сийлавзлаад̇и д̇ивид̇хаа взлаа. ‘‘д̇ааяам̣ взлааяам̣ имам̣ уд̣̇аанам̣ уд̣̇аанзсий’’д̇и (д̇хаммабад̣̇з ваг̇г̇аанамуд̣̇д̣̇аанам̣, г̇аат̇аанамуд̣̇д̣̇аанам̣; махаава. 1-3) аяам̣ гаалавзлаа наама. ‘‘тид̇ад̇хаммо взлам̣ наад̇ивад̇д̇ад̇ий’’д̇и (жуул̣ава. 384; уд̣̇аа. 45; а. ни. 8.19) аяам̣ сиймавзлаа наама. ‘‘взлааанад̇иггамо сзд̇угхаад̇о’’д̇и (д̇ха. са. 299-301) жа, ‘‘взлаа жзсаа авийд̇иггаманадтзнаа’’д̇и жа, аяам̣ сийлавзлаа наама. д̇ам̣ д̇ивид̇хамби со ад̇иггамиязва. бхигкунияо хи овад̣̇ид̇ум̣ гаало наама ад̇т̇и, со ад̇т̇ан̇г̇ад̇зби суурияз овад̣̇анд̇о д̇ам̣ гаалавзламби ад̇иггами. бхигкунийнам̣ оваад̣̇з бамаан̣ам̣ наама ад̇т̇и сиймаа марияаад̣̇аа. со уд̇д̇аричаббан̃жаваажаахи овад̣̇анд̇о д̇ам̣ сиймавзламби ад̇иггами. гат̇знд̇о бана д̣̇авасахаг̇ад̇ам̣ гад̇ваа д̣̇удтуллаабад̇д̇ибахонагам̣ гат̇зд̇и, звам̣ сийлавзламби ад̇иггами.
Sā tassa gihikāle mahatī ahosi, tenassa moḷiyaphaggunoti saṅkhā udapādi. Pabbajitampi naṃ teneva nāmena sañjānanti. Ativelanti velaṃ atikkamitvā. Tattha kālavelā, sīmavelā, sīlavelāti tividhā velā. ‘‘Tāyaṃ velāyaṃ imaṃ udānaṃ udānesī’’ti (dhammapade vaggānamuddānaṃ, gāthānamuddānaṃ; mahāva. 1-3) ayaṃ kālavelā nāma. ‘‘Ṭhitadhammo velaṃ nātivattatī’’ti (cūḷava. 384; udā. 45; a. ni. 8.19) ayaṃ sīmavelā nāma. ‘‘Velāanatikkamo setughāto’’ti (dha. sa. 299-301) ca, ‘‘velā cesā avītikkamanaṭṭhenā’’ti ca, ayaṃ sīlavelā nāma. Taṃ tividhampi so atikkamiyeva. Bhikkhuniyo hi ovadituṃ kālo nāma atthi, so atthaṅgatepi sūriye ovadanto taṃ kālavelampi atikkami. Bhikkhunīnaṃ ovāde pamāṇaṃ nāma atthi sīmā mariyādā. So uttarichappañcavācāhi ovadanto taṃ sīmavelampi atikkami. Kathento pana davasahagataṃ katvā duṭṭhullāpattipahonakaṃ katheti, evaṃ sīlavelampi atikkami.
сам̣садтод̇и миссийбхууд̇о самаанасукад̣̇угко худ̇ваа. саммукаад̇и бурад̇о. аван̣н̣ам̣ бхаасад̇ийд̇и д̇аа бана бажанагодданаад̣̇ийни гаронд̇ияо д̣̇исваа над̇т̇и имаасам̣ анаабад̇д̇и наама, имаа бхигкунияо анаажаараа д̣̇уб̣б̣ажаа баг̇аб̣бхаад̇и аг̇ун̣ам̣ гат̇зд̇и. ад̇хигаран̣амби гарод̇ийд̇и имзсам̣ бхигкуунам̣ имаа бхигкунияо д̣̇идтагаалад̇о бадтааяа агкийни д̣̇аяханд̇и, имасмим̣ вихаарз бубпабууж̇аа ваа аасанад̇хованабарибхан̣д̣агаран̣аад̣̇ийни ваа имаасам̣ васзна вад̇д̇анд̇и. гулад̇хийд̇аро зд̇аа лаж̇ж̇инияо , д̇умхз имаа ид̣̇ан̃жид̣̇ан̃жа вад̣̇ат̇а, аяам̣ наама д̇умхаагам̣ аабад̇д̇и ход̇и, винаяад̇хараанам̣ санд̇игам̣ ааг̇анд̇ваа винижчаяам̣ мз д̣̇зт̇аад̇и ад̇хигаран̣ам̣ аагад̣дхад̇и.
Saṃsaṭṭhoti missībhūto samānasukhadukkho hutvā. Sammukhāti purato. Avaṇṇaṃ bhāsatīti tā pana pacanakoṭṭanādīni karontiyo disvā natthi imāsaṃ anāpatti nāma, imā bhikkhuniyo anācārā dubbacā pagabbhāti aguṇaṃ katheti. Adhikaraṇampi karotīti imesaṃ bhikkhūnaṃ imā bhikkhuniyo diṭṭhakālato paṭṭhāya akkhīni dayhanti, imasmiṃ vihāre pupphapūjā vā āsanadhovanaparibhaṇḍakaraṇādīni vā imāsaṃ vasena vattanti. Kuladhītaro etā lajjiniyo , tumhe imā idañcidañca vadatha, ayaṃ nāma tumhākaṃ āpatti hoti, vinayadharānaṃ santikaṃ āgantvā vinicchayaṃ me dethāti adhikaraṇaṃ ākaḍḍhati.
мол̣ияапаг̇г̇унасса аван̣н̣ам̣ бхаасад̇ийд̇и над̇т̇и имасса бхигкуно анаабад̇д̇и наама. нижжагаалам̣ имасса баривзн̣ад̣̇ваарам̣ асун̃н̃ам̣ бхигкунийхийд̇и аг̇ун̣ам̣ гат̇зд̇и. ад̇хигаран̣амби гаронд̇ийд̇и имзсам̣ бхигкуунам̣ мол̣ияапаг̇г̇унад̇т̇зрасса д̣̇идтагаалад̇о бадтааяа агкийни д̣̇аяханд̇и. имасмим̣ вихаарз ан̃н̃зсам̣ васанадтаанам̣ ологзд̇умби на саггаа. вихаарам̣ ааг̇ад̇абхигкунияо оваад̣̇ам̣ ваа бадисант̇аарам̣ ваа уд̣̇д̣̇зсабад̣̇ам̣ ваа т̇зрамзва ниссааяа лабханд̇и, гулабуд̇д̇аго лаж̇ж̇ий гуггужжаго, зваруубам̣ наама д̇умхз ид̣̇ан̃жид̣̇ан̃жа вад̣̇ат̇а, зт̇а винаяад̇хараанам̣ санд̇игз винижчаяам̣ д̣̇зт̇аад̇и ад̇хигаран̣ам̣ аагад̣дханд̇и.
Moḷiyaphaggunassa avaṇṇaṃ bhāsatīti natthi imassa bhikkhuno anāpatti nāma. Niccakālaṃ imassa pariveṇadvāraṃ asuññaṃ bhikkhunīhīti aguṇaṃ katheti. Adhikaraṇampi karontīti imesaṃ bhikkhūnaṃ moḷiyaphaggunattherassa diṭṭhakālato paṭṭhāya akkhīni dayhanti. Imasmiṃ vihāre aññesaṃ vasanaṭṭhānaṃ oloketumpi na sakkā. Vihāraṃ āgatabhikkhuniyo ovādaṃ vā paṭisanthāraṃ vā uddesapadaṃ vā therameva nissāya labhanti, kulaputtako lajjī kukkuccako, evarūpaṃ nāma tumhe idañcidañca vadatha, etha vinayadharānaṃ santike vinicchayaṃ dethāti adhikaraṇaṃ ākaḍḍhanti.
со бхигку бхаг̇аванд̇ам̣ зд̇ад̣̇авожаад̇и нзва бияагамяад̇ааяа на бхзд̣̇аад̇хиббааязна, ад̇т̇агаамад̇ааяа авожа. згам̣ гирасса ахоси – ‘‘имасса бхигкусса звам̣ сам̣садтасса вихарад̇о аяасо уббаж̇ж̇иссад̇и. со саасанассааби аван̣н̣оязва. ан̃н̃зна бана гат̇ид̇о аяам̣ на орамиссад̇и, бхаг̇авад̇аа д̇хаммам̣ д̣̇зсзд̇ваа овад̣̇ид̇о орамиссад̇ий’’д̇и д̇асса ад̇т̇агаамад̇ааяа бхаг̇аванд̇ам̣ зд̇ам̣, ‘‘ааяасмаа, бханд̇з’’д̇иаад̣̇иважанам̣ авожа.
Sobhikkhu bhagavantaṃ etadavocāti neva piyakamyatāya na bhedādhippāyena, atthakāmatāya avoca. Ekaṃ kirassa ahosi – ‘‘imassa bhikkhussa evaṃ saṃsaṭṭhassa viharato ayaso uppajjissati. So sāsanassāpi avaṇṇoyeva. Aññena pana kathito ayaṃ na oramissati, bhagavatā dhammaṃ desetvā ovadito oramissatī’’ti tassa atthakāmatāya bhagavantaṃ etaṃ, ‘‘āyasmā, bhante’’tiādivacanaṃ avoca.
223. ааманд̇зхийд̇и ж̇аанаабзхи. ааманд̇зд̇ийд̇и баггосад̇и.
223.Āmantehīti jānāpehi. Āmantetīti pakkosati.
224. сад̣̇д̇хаад̇и сад̣̇д̇хааяа. д̇асмаад̇и яасмаа д̇вам̣ гулабуд̇д̇о жзва сад̣̇д̇хаабаб̣б̣аж̇ид̇о жа, яасмаа ваа д̇з зд̇аахи сад̣̇д̇хим̣ сам̣садтасса вихарад̇о яз д̇аа аггосиссанд̇и ваа, бахариссанд̇и ваа, д̇зсу д̣̇оманассам̣ уббаж̇ж̇иссад̇и, сам̣саг̇г̇з бахийнз нуббаж̇ж̇иссад̇и, д̇асмаа. д̇ад̇раад̇и д̇асмим̣ аван̣н̣абхаасанз. г̇зхасид̇аад̇и бан̃жагаамаг̇ун̣аниссид̇аа. чанд̣̇аад̇и д̇ан̣хаачанд̣̇ааби бадигхачанд̣̇ааби. вибарин̣ад̇анд̇и рад̇д̇амби жид̇д̇ам̣ вибарин̣ад̇ам̣. д̣̇удтамби, муул̣хамби жид̇д̇ам̣ вибарин̣ад̇ам̣. ид̇ха бана д̇ан̣хаачанд̣̇авасзна рад̇д̇амби ваддад̇и, бадигхачанд̣̇авасзна д̣̇удтамби ваддад̇и. хид̇аанугамбийд̇и хид̇зна анугамбамаано хид̇зна парамаано. на д̣̇осанд̇арод̇и на д̣̇осажид̇д̇о бхависсаами.
224.Saddhāti saddhāya. Tasmāti yasmā tvaṃ kulaputto ceva saddhāpabbajito ca, yasmā vā te etāhi saddhiṃ saṃsaṭṭhassa viharato ye tā akkosissanti vā, paharissanti vā, tesu domanassaṃ uppajjissati, saṃsagge pahīne nuppajjissati, tasmā. Tatrāti tasmiṃ avaṇṇabhāsane. Gehasitāti pañcakāmaguṇanissitā. Chandāti taṇhāchandāpi paṭighachandāpi. Vipariṇatanti rattampi cittaṃ vipariṇataṃ. Duṭṭhampi, mūḷhampi cittaṃ vipariṇataṃ. Idha pana taṇhāchandavasena rattampi vaṭṭati, paṭighachandavasena duṭṭhampi vaṭṭati. Hitānukampīti hitena anukampamāno hitena pharamāno. Na dosantaroti na dosacitto bhavissāmi.
225. ат̇а ко бхаг̇аваад̇и гасмаа аарабхи? паг̇г̇унасса гира зд̇д̇агам̣ оваад̣̇ам̣ суд̇вааби, ‘‘бхигкунисам̣саг̇г̇ад̇о орамиссаами вирамиссаамий’’д̇и жид̇д̇амби на уббаннам̣, бхаг̇авад̇аа бана сад̣̇д̇хим̣ бадаан̣ий вияа бадивируд̣̇д̇хо адтааси, ат̇асса бхаг̇авад̇о яат̇аа наама ж̇игхажчид̇асса бхож̇анз, бибаасид̇асса баанийяз, сийд̇зна пудтасса ун̣хз д̣̇угкид̇асса сукз бад̇т̇анаа уббаж̇ж̇ад̇и. звамзва имам̣ д̣̇уб̣б̣ажам̣ бхигкум̣ д̣̇исваа батамаб̣од̇хияам̣ суб̣б̣ажаа бхигкуу аабаат̇ам̣ ааг̇амим̣су. ат̇а д̇зсам̣ ван̣н̣ам̣ гат̇зд̇угаамо худ̇ваа имам̣ д̣̇зсанам̣ аарабхи.
225.Atha kho bhagavāti kasmā ārabhi? Phaggunassa kira ettakaṃ ovādaṃ sutvāpi, ‘‘bhikkhunisaṃsaggato oramissāmi viramissāmī’’ti cittampi na uppannaṃ, bhagavatā pana saddhiṃ paṭāṇī viya paṭiviruddho aṭṭhāsi, athassa bhagavato yathā nāma jighacchitassa bhojane, pipāsitassa pānīye, sītena phuṭṭhassa uṇhe dukkhitassa sukhe patthanā uppajjati. Evameva imaṃ dubbacaṃ bhikkhuṃ disvā paṭhamabodhiyaṃ subbacā bhikkhū āpāthaṃ āgamiṃsu. Atha tesaṃ vaṇṇaṃ kathetukāmo hutvā imaṃ desanaṃ ārabhi.
д̇ад̇т̇а аараад̇хаяим̣сууд̇и г̇ан̣хим̣су буураяим̣су. згам̣ самаяанд̇и згасмим̣ самаяз. згаасанабхож̇ананд̇и згам̣ бурзбхад̇д̇абхож̇анам̣. суурияуг̇г̇аманад̇о хи яаава маж̇жханхигаа сад̇д̇агкад̇д̇ум̣ бхуд̇д̇абхож̇анамби ид̇ха згаасанабхож̇ананд̇зва ад̇хиббзд̇ам̣. аббааб̣аад̇хад̇анд̇и нирааб̣аад̇хад̇ам̣. аббаад̇ан̇гад̇анд̇и нид̣̇д̣̇угкад̇ам̣. лахудтаананд̇и сарийрасса саллахугам̣ удтаанам̣. б̣аланд̇и гааяаб̣алам̣. паасувихааранд̇и гааяасса сукавихаарам̣. иминаа гим̣ гат̇ид̇ам̣? д̣̇иваа вигаалабхож̇анам̣ баж̇ахаабид̇агаало гат̇ид̇о. бхад̣̇д̣̇аалисуд̇д̇з бана рад̇д̇им̣ вигаалабхож̇анам̣ баж̇ахаабид̇агаало гат̇ид̇о. имаани хи д̣̇вз бхож̇анаани бхаг̇аваа на згаббахаарзна баж̇ахаабзси. гасмаа? имаанзва хи д̣̇вз бхож̇анаани ваддз сад̇д̇аанам̣ аажин̣н̣аани. санд̇и гулабуд̇д̇аа сукумаалаа, д̇з згад̇о д̣̇взби бхож̇анаани баж̇аханд̇аа гиламанд̇и. д̇асмаа згад̇о абаж̇ахаабзд̇ваа згасмим̣ гаалз д̣̇иваа вигаалабхож̇анам̣, згасмим̣ рад̇д̇им̣ вигаалабхож̇ананд̇и висум̣ баж̇ахаабзси. д̇зсу ид̇ха д̣̇иваа вигаалабхож̇анам̣ баж̇ахаабид̇агаало гат̇ид̇о. д̇ад̇т̇а яасмаа б̣уд̣̇д̇хаа на бхаяам̣ д̣̇ассзд̇ваа д̇аж̇ж̇зд̇ваа баж̇ахаабзнд̇и, аанисам̣сам̣ бана д̣̇ассзд̇ваа баж̇ахаабзнд̇и, зван̃хи сад̇д̇аа сукзна баж̇аханд̇и. д̇асмаа аанисам̣сам̣ д̣̇ассзнд̇о имз бан̃жа г̇ун̣з д̣̇ассзси. анусаасаний гаран̣ийяаад̇и бунаббунам̣ саасанз гад̇д̇аб̣б̣ам̣ наахоси. ‘‘ид̣̇ам̣ гарот̇а, ид̣̇ам̣ маа гарот̇аа’’д̇и сад̇уббаад̣̇агаран̣ийяамад̇д̇амзва ахоси. д̇аавад̇д̇агзнзва д̇з гад̇д̇аб̣б̣ам̣ агам̣су, бахаад̇аб̣б̣ам̣ баж̇ахим̣су, батамаб̣од̇хияам̣, бхигкавз, суб̣б̣ажаа бхигкуу ахзсум̣ ассаваа оваад̣̇абадигараад̇и.
Tattha ārādhayiṃsūti gaṇhiṃsu pūrayiṃsu. Ekaṃ samayanti ekasmiṃ samaye. Ekāsanabhojananti ekaṃ purebhattabhojanaṃ. Sūriyuggamanato hi yāva majjhanhikā sattakkhattuṃ bhuttabhojanampi idha ekāsanabhojananteva adhippetaṃ. Appābādhatanti nirābādhataṃ. Appātaṅkatanti niddukkhataṃ. Lahuṭṭhānanti sarīrassa sallahukaṃ uṭṭhānaṃ. Balanti kāyabalaṃ. Phāsuvihāranti kāyassa sukhavihāraṃ. Iminā kiṃ kathitaṃ? Divā vikālabhojanaṃ pajahāpitakālo kathito. Bhaddālisutte pana rattiṃ vikālabhojanaṃ pajahāpitakālo kathito. Imāni hi dve bhojanāni bhagavā na ekappahārena pajahāpesi. Kasmā? Imāneva hi dve bhojanāni vaṭṭe sattānaṃ āciṇṇāni. Santi kulaputtā sukhumālā, te ekato dvepi bhojanāni pajahantā kilamanti. Tasmā ekato apajahāpetvā ekasmiṃ kāle divā vikālabhojanaṃ, ekasmiṃ rattiṃ vikālabhojananti visuṃ pajahāpesi. Tesu idha divā vikālabhojanaṃ pajahāpitakālo kathito. Tattha yasmā buddhā na bhayaṃ dassetvā tajjetvā pajahāpenti, ānisaṃsaṃ pana dassetvā pajahāpenti, evañhi sattā sukhena pajahanti. Tasmā ānisaṃsaṃ dassento ime pañca guṇe dassesi. Anusāsanī karaṇīyāti punappunaṃ sāsane kattabbaṃ nāhosi. ‘‘Idaṃ karotha, idaṃ mā karothā’’ti satuppādakaraṇīyamattameva ahosi. Tāvattakeneva te kattabbaṃ akaṃsu, pahātabbaṃ pajahiṃsu, paṭhamabodhiyaṃ, bhikkhave, subbacā bhikkhū ahesuṃ assavā ovādapaṭikarāti.
ид̣̇аани нзсам̣ суб̣б̣ажабхаавад̣̇ийбигам̣ убамам̣ аахаранд̇о сзяяат̇аабийд̇иаад̣̇имааха. д̇ад̇т̇а субхуумияанд̇и самабхуумияам̣. ‘‘субхуумяам̣ сукзд̇д̇з вихад̇акаан̣угз б̣ийж̇аани бад̇идтабзяяаа’’д̇и (д̣̇ий. ни. 2.438) зд̇т̇а бана ман̣д̣абхууми субхуумийд̇и ааг̇ад̇аа. жад̇умахаабат̇зд̇и д̣̇виннам̣ махаамаг̇г̇аанам̣ винивиж̇жхид̇ваа г̇ад̇адтаанз. ааж̇ан̃н̃арат̇од̇и винийд̇аассарат̇о. од̇хасд̇абад̇од̣̇од̇и яат̇аа рат̇ам̣ абхирухид̇ваа тид̇зна саггаа ход̇и г̇ан̣хид̇ум̣, звам̣ ааламб̣анам̣ ниссааяа д̇ирияад̇о табид̇абад̇од̣̇о. яог̇г̇аажарияод̇и ассаажарияо. свзва ассад̣̇аммз саарзд̇ийд̇и ассад̣̇аммасаарат̇и. язнижчаганд̇и язна язна маг̇г̇зна ижчад̇и. яад̣̇ижчаганд̇и яам̣ яам̣ г̇ад̇им̣ ижчад̇и. саарзяяаад̇и уж̇угам̣ бурад̇о бзсзяяа. бажжаасаарзяяаад̇и бадинивад̇д̇зяяа.
Idāni nesaṃ subbacabhāvadīpikaṃ upamaṃ āharanto seyyathāpītiādimāha. Tattha subhūmiyanti samabhūmiyaṃ. ‘‘Subhūmyaṃ sukhette vihatakhāṇuke bījāni patiṭṭhapeyyā’’ti (dī. ni. 2.438) ettha pana maṇḍabhūmi subhūmīti āgatā. Catumahāpatheti dvinnaṃ mahāmaggānaṃ vinivijjhitvā gataṭṭhāne. Ājaññarathoti vinītaassaratho. Odhastapatodoti yathā rathaṃ abhiruhitvā ṭhitena sakkā hoti gaṇhituṃ, evaṃ ālambanaṃ nissāya tiriyato ṭhapitapatodo. Yoggācariyoti assācariyo. Sveva assadamme sāretīti assadammasārathi. Yenicchakanti yena yena maggena icchati. Yadicchakanti yaṃ yaṃ gatiṃ icchati. Sāreyyāti ujukaṃ purato peseyya. Paccāsāreyyāti paṭinivatteyya.
звамзва код̇и яат̇аа хи со яог̇г̇аажарияо язна язна маг̇г̇зна г̇аманам̣ ижчад̇и, д̇ам̣ д̇ам̣ ассаа аарул̣хаава хонд̇и. яааяа яааяа жа г̇ад̇ияаа ижчад̇и, саа саа г̇ад̇и г̇ахид̇аава ход̇и. рат̇ам̣ бзсзд̇ваа ассаа нзва ваарзд̇аб̣б̣аа на виж̇жхид̇аб̣б̣аа хонд̇и. гзвалам̣ д̇зсам̣ самз бхуумибхааг̇з курзсу нимид̇д̇ам̣ табзд̇ваа г̇аманамзва бассид̇аб̣б̣ам̣ ход̇и. звам̣ маяхамби д̇зсу бхигкуусу бунаббунам̣ вад̇д̇аб̣б̣ам̣ наахоси. ид̣̇ам̣ гарот̇а ид̣̇ам̣ маа гарот̇аад̇и сад̇уббаад̣̇анамад̇д̇амзва гад̇д̇аб̣б̣ам̣ ход̇и. д̇зхиби д̇аавад̣̇зва гад̇д̇аб̣б̣ам̣ гад̇амзва ход̇и, агад̇д̇аб̣б̣ам̣ ж̇ахид̇амзва. д̇асмаад̇и яасмаа суб̣б̣ажаа яуд̇д̇аяаанабадибхааг̇аа худ̇ваа сад̇уббаад̣̇анамад̇д̇знзва баж̇ахим̣су, д̇асмаа д̇умхзби баж̇ахат̇аад̇и ад̇т̇о. злан̣д̣зхийд̇и злан̣д̣аа гира саалад̣̇уусанаа хонд̇и, д̇асмаа звамааха. висод̇хзяяаад̇и злан̣д̣з жзва ан̃н̃аа жа валлияо чинд̣̇ид̇ваа б̣ахи нийхаран̣зна сод̇хзяяа. суж̇аад̇аад̇и сусан̣тид̇аа. саммаа барихарзяяаад̇и марияаад̣̇ам̣ б̣анд̇хид̇ваа уд̣̇агаасин̃жанзнаби гаалзнагаалам̣ мууламуулз кан̣анзнаби валлиг̇умб̣аад̣̇ижчзд̣̇анзнаби гибиллабуудагахаран̣знаби маггадагаж̇ааласугкад̣̇ан̣д̣агахаран̣знаби саммаа вад̣дхзд̇ваа босзяяа. вуд̣̇д̇хиаад̣̇ийни вуд̇д̇ад̇т̇аанзва.
Evameva khoti yathā hi so yoggācariyo yena yena maggena gamanaṃ icchati, taṃ taṃ assā āruḷhāva honti. Yāya yāya ca gatiyā icchati, sā sā gati gahitāva hoti. Rathaṃ pesetvā assā neva vāretabbā na vijjhitabbā honti. Kevalaṃ tesaṃ same bhūmibhāge khuresu nimittaṃ ṭhapetvā gamanameva passitabbaṃ hoti. Evaṃ mayhampi tesu bhikkhūsu punappunaṃ vattabbaṃ nāhosi. Idaṃ karotha idaṃ mā karothāti satuppādanamattameva kattabbaṃ hoti. Tehipi tāvadeva kattabbaṃ katameva hoti, akattabbaṃ jahitameva. Tasmāti yasmā subbacā yuttayānapaṭibhāgā hutvā satuppādanamatteneva pajahiṃsu, tasmā tumhepi pajahathāti attho. Elaṇḍehīti elaṇḍā kira sāladūsanā honti, tasmā evamāha. Visodheyyāti elaṇḍe ceva aññā ca valliyo chinditvā bahi nīharaṇena sodheyya. Sujātāti susaṇṭhitā. Sammā parihareyyāti mariyādaṃ bandhitvā udakāsiñcanenapi kālenakālaṃ mūlamūle khaṇanenapi valligumbādicchedanenapi kipillapūṭakaharaṇenapi makkaṭakajālasukkhadaṇḍakaharaṇenapi sammā vaḍḍhetvā poseyya. Vuddhiādīni vuttatthāneva.
226. ид̣̇аани агканд̇ияаа д̣̇осам̣ д̣̇ассзнд̇о бхууд̇абуб̣б̣анд̇иаад̣̇имааха. д̇ад̇т̇а взд̣̇зхигаад̇и вид̣̇зхарадтаваасигасса д̇хийд̇аа. ат̇а ваа взд̣̇од̇и бан̃н̃аа вужжад̇и, взд̣̇зна ийхад̇и ирияад̇ийд̇и взд̣̇зхигаа, бан̣д̣ид̇аад̇и ад̇т̇о. г̇ахабад̇аанийд̇и гхарасааминий. гид̇д̇исад̣̇д̣̇од̇и гид̇д̇игхосо. сорад̇аад̇и соражжзна саманнааг̇ад̇аа. ниваад̇аад̇и ниваад̇авуд̇д̇и. убасанд̇аад̇и ниб̣б̣уд̇аа. д̣̇агкаад̇и бхад̇д̇абажанасаяанад̇т̇аран̣ад̣̇ийбуж̇ж̇аланаад̣̇игаммзсу чзгаа. аналасаад̇и удтаахигаа, сусам̣вихид̇агамманд̇аад̇и судту сам̣вихид̇агамманд̇аа. згаа аналасаа ход̇и, яам̣ яам̣ бана бхааж̇анам̣ г̇ан̣хаад̇и, д̇ам̣ д̇ам̣ бхинд̣̇ад̇и ваа чид̣̇д̣̇ам̣ ваа гарод̇и, аяам̣ на д̇аад̣̇исаад̇и д̣̇ассзд̇и.
226. Idāni akkhantiyā dosaṃ dassento bhūtapubbantiādimāha. Tattha vedehikāti videharaṭṭhavāsikassa dhītā. Atha vā vedoti paññā vuccati, vedena īhati iriyatīti vedehikā, paṇḍitāti attho. Gahapatānīti gharasāminī. Kittisaddoti kittighoso. Soratāti soraccena samannāgatā. Nivātāti nivātavutti. Upasantāti nibbutā. Dakkhāti bhattapacanasayanattharaṇadīpujjalanādikammesu chekā. Analasāti uṭṭhāhikā, susaṃvihitakammantāti suṭṭhu saṃvihitakammantā. Ekā analasā hoti, yaṃ yaṃ pana bhājanaṃ gaṇhāti, taṃ taṃ bhindati vā chiddaṃ vā karoti, ayaṃ na tādisāti dasseti.
д̣̇иваа удтаасийд̇и баад̇ова гад̇д̇аб̣б̣аани д̇хзнуд̣̇уханаад̣̇игаммаани агад̇ваа уссуурз удтид̇аа. хз ж̇з гаал̣ийд̇и арз гаал̣и. гим̣ ж̇з д̣̇иваа удтаасийд̇и гим̣ д̇з гин̃жи апаасугам̣ ад̇т̇и, гим̣ д̣̇иваа удтаасийд̇и? но вад̇а рз гин̃жийд̇и арз яад̣̇и д̇з на гин̃жи апаасугам̣ ад̇т̇и, нзва сийсам̣ руж̇жхад̇и, на бидти, ат̇а гасмаа бааби д̣̇ааси д̣̇иваа удтаасийд̇и губид̇аа анад̇д̇аманаа бхаагудимагааси. д̣̇иваад̇арам̣ удтаасийд̇и бунад̣̇ивасз уссуурад̇арам̣ удтааси. анад̇д̇аманаваажанд̇и арз бааби д̣̇ааси ад̇д̇ано бамаан̣ам̣ на ж̇аанааси; гим̣ аг̇г̇им̣ сийд̇од̇и ман̃н̃аси, ид̣̇аани д̇ам̣ сигкаабзссаамийд̇иаад̣̇ийни вад̣̇амаанаа губид̇аважанам̣ нижчаарзси.
Divā uṭṭhāsīti pātova kattabbāni dhenuduhanādikammāni akatvā ussūre uṭṭhitā. He je kāḷīti are kāḷi. Kiṃ je divā uṭṭhāsīti kiṃ te kiñci aphāsukaṃ atthi, kiṃ divā uṭṭhāsīti? No vata re kiñcīti are yadi te na kiñci aphāsukaṃ atthi, neva sīsaṃ rujjhati, na piṭṭhi, atha kasmā pāpi dāsi divā uṭṭhāsīti kupitā anattamanā bhākuṭimakāsi. Divātaraṃ uṭṭhāsīti punadivase ussūrataraṃ uṭṭhāsi. Anattamanavācanti are pāpi dāsi attano pamāṇaṃ na jānāsi; kiṃ aggiṃ sītoti maññasi, idāni taṃ sikkhāpessāmītiādīni vadamānā kupitavacanaṃ nicchāresi.
бадивисагаананд̇и сааманд̇аг̇зхаваасийнам̣. уж̇жхаабзсийд̇и аваж̇аанаабзси. жан̣д̣ийд̇и асорад̇аа гиб̣б̣исаа. ид̇и яад̇д̇агаа г̇ун̣аа, д̇ад̇о д̣̇иг̇ун̣аа д̣̇осаа уббаж̇ж̇им̣су. г̇ун̣аа наама сан̣игам̣ сан̣игам̣ ааг̇ажчанд̇и; д̣̇осаа згад̣̇ивасзнзва бад̇т̇адаа хонд̇и. сорад̇асорад̇од̇и ад̇ивияа сорад̇о, сод̇аабанно ну ко, сагад̣̇ааг̇аамий анааг̇аамий арахаа ну код̇и вад̇д̇аб̣б̣ад̇ам̣ аабаж̇ж̇ад̇и. пусанд̇ийд̇и пусанд̇аа гхаддзнд̇аа аабаат̇ам̣ ааг̇ажчанд̇и.
Paṭivisakānanti sāmantagehavāsīnaṃ. Ujjhāpesīti avajānāpesi. Caṇḍīti asoratā kibbisā. Iti yattakā guṇā, tato diguṇā dosā uppajjiṃsu. Guṇā nāma saṇikaṃ saṇikaṃ āgacchanti; dosā ekadivaseneva patthaṭā honti. Soratasoratoti ativiya sorato, sotāpanno nu kho, sakadāgāmī anāgāmī arahā nu khoti vattabbataṃ āpajjati. Phusantīti phusantā ghaṭṭentā āpāthaṃ āgacchanti.
ат̇а бхигку сорад̇од̇и взд̣̇ид̇аб̣б̣од̇и ат̇а ад̇хиваасанагканд̇ияам̣ тид̇о бхигку сорад̇од̇и взд̣̇ид̇аб̣б̣о. яо жийвара…бз… баригкаарахзд̇ууд̇и яо зд̇аани жийвараад̣̇ийни бан̣ийд̇абан̣ийд̇аани лабханд̇о баад̣̇абаригаммабидтибаригаммаад̣̇ийни згаважанзнзва гарод̇и. алабхамаанод̇и яат̇аа буб̣б̣з лабхад̇и, звам̣ алабханд̇о. д̇хамман̃н̃зва саггаронд̇од̇и д̇хаммам̣язва саггаарам̣ сугад̇агаарам̣ гаронд̇о. г̇арум̣ гаронд̇од̇и г̇арубхаарияам̣ гаронд̇о. маанзнд̇од̇и манзна бияам̣ гаронд̇о. бууж̇знд̇од̇и бажжаяабууж̇ааяа бууж̇знд̇о. абажааяамаанод̇и д̇хаммам̣язва абажааяамаано абажид̇им̣ нийжавуд̇д̇им̣ д̣̇ассзнд̇о.
Athabhikkhu soratoti veditabboti atha adhivāsanakkhantiyaṃ ṭhito bhikkhu soratoti veditabbo. Yo cīvara…pe… parikkhārahetūti yo etāni cīvarādīni paṇītapaṇītāni labhanto pādaparikammapiṭṭhiparikammādīni ekavacaneneva karoti. Alabhamānoti yathā pubbe labhati, evaṃ alabhanto. Dhammaññeva sakkarontoti dhammaṃyeva sakkāraṃ sukatakāraṃ karonto. Garuṃ karontoti garubhāriyaṃ karonto. Mānentoti manena piyaṃ karonto. Pūjentoti paccayapūjāya pūjento. Apacāyamānoti dhammaṃyeva apacāyamāno apacitiṃ nīcavuttiṃ dassento.
227. звам̣ агканд̇ияаа д̣̇осам̣ д̣̇ассзд̇ваа ид̣̇аани яз ад̇хиваасзнд̇и, д̇з звам̣ ад̇хиваасзнд̇ийд̇и бан̃жа важанабат̇з д̣̇ассзнд̇о бан̃жимз, бхигкавзд̇иаад̣̇имааха. д̇ад̇т̇а гаалзнаад̇и яуд̇д̇абад̇д̇агаалзна. бхууд̇знаад̇и сад̇аа виж̇ж̇амаанзна. сан̣хзнаад̇и саммадтзна . ад̇т̇асан̃хид̇знаад̇и ад̇т̇аниссид̇зна гааран̣аниссид̇зна. агаалзнаад̇иаад̣̇ийни д̇зсам̣язва бадибагкавасзна взд̣̇ид̇аб̣б̣аани. мзд̇д̇ажид̇д̇аад̇и уббаннамзд̇д̇ажид̇д̇аа худ̇ваа. д̣̇осанд̇араад̇и д̣̇удтажид̇д̇аа, аб̣бханд̇арз уббаннад̣̇осаа худ̇ваа. д̇ад̇раад̇и д̇зсу важанабат̇зсу. парид̇ваад̇и ад̇химужжид̇ваа. д̇ад̣̇аарамман̣ан̃жаад̇и гат̇ам̣ д̇ад̣̇аарамман̣ам̣ саб̣б̣ааванд̇ам̣ логам̣ гарод̇и? бан̃жа важанабат̇з г̇ахзд̇ваа ааг̇ад̇ам̣ буг̇г̇алам̣ мзд̇д̇ажид̇д̇асса аарамман̣ам̣ гад̇ваа буна д̇ассзва мзд̇д̇ажид̇д̇асса авасзсасад̇д̇з аарамман̣ам̣ гаронд̇о саб̣б̣ааванд̇ам̣ логам̣ д̇ад̣̇аарамман̣ам̣ гарод̇и наама. д̇ад̇рааяам̣ важанад̇т̇о. д̇ад̣̇аарамман̣ан̃жаад̇и д̇ассзва мзд̇д̇ажид̇д̇асса аарамман̣ам̣ гад̇ваа. саб̣б̣ааванд̇анд̇и саб̣б̣асад̇д̇аванд̇ам̣. логанд̇и сад̇д̇алогам̣. вибулзнаад̇и анзгасад̇д̇аарамман̣зна. махаг̇г̇ад̇знаад̇и махаг̇г̇ад̇абхуумигзна. аббамаан̣знаад̇и субхаавид̇зна. авзрзнаад̇и нид̣̇д̣̇осзна. аб̣яааб̣аж̇жхзнаад̇и нид̣̇д̣̇угкзна. парид̇ваа вихариссаамаад̇и зваруубзна мзд̇д̇аасахаг̇ад̇зна жзд̇асаа д̇ан̃жа буг̇г̇алам̣ саб̣б̣ан̃жа логам̣ д̇асса жид̇д̇асса аарамман̣ам̣ гад̇ваа ад̇химужжид̇ваа вихариссаама.
227. Evaṃ akkhantiyā dosaṃ dassetvā idāni ye adhivāsenti, te evaṃ adhivāsentīti pañca vacanapathe dassento pañcime, bhikkhavetiādimāha. Tattha kālenāti yuttapattakālena. Bhūtenāti satā vijjamānena. Saṇhenāti sammaṭṭhena . Atthasañhitenāti atthanissitena kāraṇanissitena. Akālenātiādīni tesaṃyeva paṭipakkhavasena veditabbāni. Mettacittāti uppannamettacittā hutvā. Dosantarāti duṭṭhacittā, abbhantare uppannadosā hutvā. Tatrāti tesu vacanapathesu. Pharitvāti adhimuccitvā. Tadārammaṇañcāti kathaṃ tadārammaṇaṃ sabbāvantaṃ lokaṃ karoti? Pañca vacanapathe gahetvā āgataṃ puggalaṃ mettacittassa ārammaṇaṃ katvā puna tasseva mettacittassa avasesasatte ārammaṇaṃ karonto sabbāvantaṃ lokaṃ tadārammaṇaṃ karoti nāma. Tatrāyaṃ vacanattho. Tadārammaṇañcāti tasseva mettacittassa ārammaṇaṃ katvā. Sabbāvantanti sabbasattavantaṃ. Lokanti sattalokaṃ. Vipulenāti anekasattārammaṇena. Mahaggatenāti mahaggatabhūmikena. Appamāṇenāti subhāvitena. Averenāti niddosena. Abyābajjhenāti niddukkhena. Pharitvā viharissāmāti evarūpena mettāsahagatena cetasā tañca puggalaṃ sabbañca lokaṃ tassa cittassa ārammaṇaṃ katvā adhimuccitvā viharissāma.
228. ид̣̇аани д̇ад̣̇ад̇т̇ад̣̇ийбигам̣ убамам̣ аахаранд̇о сзяяат̇аабийд̇иаад̣̇имааха. д̇ад̇т̇а абат̇авинд̇и ниббат̇авим̣ гариссаамийд̇и ад̇т̇о. д̇ад̇ра д̇ад̇раад̇и д̇асмим̣ д̇асмим̣ таанз. вигирзяяаад̇и бажчияаа бам̣сум̣ уд̣̇д̇харид̇ваа б̣ийж̇аани вияа вигирзяяа. одтубхзяяаад̇и кзл̣ам̣ баад̇зяяа. абат̇авим̣ гарзяяаад̇и звам̣ гааязна жа ваажааяа жа баяог̇ам̣ гад̇вааби саггун̣зяяа абат̇авим̣ гаад̇унд̇и? г̇амбхийраад̇и б̣ахалад̇д̇зна д̣̇вияож̇анасад̇асахассаани жад̇д̇аари жа нахуд̇аани г̇амбхийраа. аббамзяяаад̇и д̇ирияам̣ бана абарижчиннаа. звамзва код̇и зд̇т̇а ид̣̇ам̣ обаммасам̣санд̣̇анам̣ – бат̇авий вияа хи мзд̇д̇ажид̇д̇ам̣ д̣̇адтаб̣б̣ам̣. гуд̣̇аалабидагам̣ г̇ахзд̇ваа ааг̇ад̇абурисо вияа бан̃жа важанабат̇з г̇ахзд̇ваа ааг̇ад̇абуг̇г̇ало. яат̇аа со гуд̣̇аалабидагзна махаабат̇авим̣ абат̇авим̣ гаад̇ум̣ на саггод̇и, звам̣ во бан̃жа важанабат̇з г̇ахзд̇ваа ааг̇ад̇абуг̇г̇ало мзд̇д̇ажид̇д̇асса ан̃н̃ат̇ад̇д̇ам̣ гаад̇ум̣ на сагкиссад̇ийд̇и.
228. Idāni tadatthadīpikaṃ upamaṃ āharanto seyyathāpītiādimāha. Tattha apathavinti nippathaviṃ karissāmīti attho. Tatra tatrāti tasmiṃ tasmiṃ ṭhāne. Vikireyyāti pacchiyā paṃsuṃ uddharitvā bījāni viya vikireyya. Oṭṭhubheyyāti kheḷaṃ pāteyya. Apathaviṃ kareyyāti evaṃ kāyena ca vācāya ca payogaṃ katvāpi sakkuṇeyya apathaviṃ kātunti? Gambhīrāti bahalattena dviyojanasatasahassāni cattāri ca nahutāni gambhīrā. Appameyyāti tiriyaṃ pana aparicchinnā. Evameva khoti ettha idaṃ opammasaṃsandanaṃ – pathavī viya hi mettacittaṃ daṭṭhabbaṃ. Kudālapiṭakaṃ gahetvā āgatapuriso viya pañca vacanapathe gahetvā āgatapuggalo. Yathā so kudālapiṭakena mahāpathaviṃ apathaviṃ kātuṃ na sakkoti, evaṃ vo pañca vacanapathe gahetvā āgatapuggalo mettacittassa aññathattaṃ kātuṃ na sakkhissatīti.
229. д̣̇уд̇ияаубамааяам̣ халид̣̇д̣̇инд̇и яам̣гин̃жи бийд̇агаван̣н̣ам̣. нийланд̇и гам̣санийлам̣ ваа балаасанийлам̣ ваа. аруубийд̇и аруубо . нану жа, д̣̇виннам̣ гадтаанам̣ ваа д̣̇виннам̣ ругкаанам̣ ваа д̣̇виннам̣ сзяяаанам̣ ваа д̣̇виннам̣ сзлаанам̣ ваа анд̇арам̣ барижчиннаагаасаруубанд̇и ааг̇ад̇ам̣, гасмаа ид̇ха аруубийд̇и вуд̇д̇од̇и? санид̣̇ассанабхаавабадигкзбад̇о. д̇знзвааха ‘‘анид̣̇ассано’’д̇и. д̇асмин̃хи руубам̣ ликид̇ум̣, руубабаад̇убхаавам̣ д̣̇ассзд̇ум̣ на саггаа, д̇асмаа ‘‘аруубий’’д̇и вуд̇д̇о. анид̣̇ассанод̇и д̣̇ассанасса жагкувин̃н̃аан̣асса анаабаат̇о. убамаасам̣санд̣̇анз банзд̇т̇а аагаасо вияа мзд̇д̇ажид̇д̇ам̣. д̇улигабан̃жамаа жад̇д̇ааро ран̇г̇аж̇аад̇аа вияа бан̃жа важанабат̇аа, д̇улигабан̃жамз ран̇г̇з г̇ахзд̇ваа ааг̇ад̇абурисо вияа бан̃жа важанабат̇з г̇ахзд̇ваа ааг̇ад̇абуг̇г̇ало. яат̇аа со д̇улигабан̃жамзхи ран̇г̇зхи аагаасз руубабаад̇убхаавам̣ гаад̇ум̣ на саггод̇и, звам̣ во бан̃жа важанабат̇з г̇ахзд̇ваа ааг̇ад̇абуг̇г̇ало мзд̇д̇ажид̇д̇асса ан̃н̃ат̇ад̇д̇ам̣ гад̇ваа д̣̇осуббад̇д̇им̣ д̣̇ассзд̇ум̣ на сагкиссад̇ийд̇и.
229. Dutiyaupamāyaṃ haliddinti yaṃkiñci pītakavaṇṇaṃ. Nīlanti kaṃsanīlaṃ vā palāsanīlaṃ vā. Arūpīti arūpo . Nanu ca, dvinnaṃ kaṭṭhānaṃ vā dvinnaṃ rukkhānaṃ vā dvinnaṃ seyyānaṃ vā dvinnaṃ selānaṃ vā antaraṃ paricchinnākāsarūpanti āgataṃ, kasmā idha arūpīti vuttoti? Sanidassanabhāvapaṭikkhepato. Tenevāha ‘‘anidassano’’ti. Tasmiñhi rūpaṃ likhituṃ, rūpapātubhāvaṃ dassetuṃ na sakkā, tasmā ‘‘arūpī’’ti vutto. Anidassanoti dassanassa cakkhuviññāṇassa anāpātho. Upamāsaṃsandane panettha ākāso viya mettacittaṃ. Tulikapañcamā cattāro raṅgajātā viya pañca vacanapathā, tulikapañcame raṅge gahetvā āgatapuriso viya pañca vacanapathe gahetvā āgatapuggalo. Yathā so tulikapañcamehi raṅgehi ākāse rūpapātubhāvaṃ kātuṃ na sakkoti, evaṃ vo pañca vacanapathe gahetvā āgatapuggalo mettacittassa aññathattaṃ katvā dosuppattiṃ dassetuṃ na sakkhissatīti.
230. д̇ад̇ияаубамааяам̣ аад̣̇ид̇д̇анд̇и баж̇ж̇алид̇ам̣. г̇амбхийраа аббамзяяаад̇и имиссаа г̇ан̇г̇ааяа г̇амбхийрадтаанам̣ г̇аавуд̇амби ад̇т̇и, ад̣дхаяож̇анамби, яож̇анамби. бут̇улам̣ банассаа зваруубам̣язва, д̣̇ийгхад̇о бана бан̃жаяож̇анасад̇аани. саа гат̇ам̣ г̇амбхийраа аббамзяяаад̇и? зд̇зна баяог̇зна баривад̇д̇зд̇ваа уд̣̇д̇ханз уд̣̇агам̣ вияа д̇аабзд̇ум̣ асаггун̣зяяад̇о. тид̇од̣̇агам̣ бана гзнажи убааязна ан̇г̇уламад̇д̇ам̣ ваа ад̣дхан̇г̇уламад̇д̇ам̣ ваа звам̣ д̇аабзд̇ум̣ саггаа бхавзяяа, аяам̣ бана на саггаа, д̇асмаа звам̣ вуд̇д̇ам̣. убамаасам̣санд̣̇анз банзд̇т̇а г̇ан̇г̇аа вияа мзд̇д̇ажид̇д̇ам̣, д̇ин̣уггам̣ аад̣̇ааяа ааг̇ад̇абурисо вияа бан̃жа важанабат̇з г̇ахзд̇ваа ааг̇ад̇абуг̇г̇ало. яат̇аа со аад̣̇ид̇д̇ааяа д̇ин̣уггааяа г̇ан̇г̇ам̣ д̇аабзд̇ум̣ на саггод̇и, звам̣ во бан̃жа важанабат̇з г̇ахзд̇ваа ааг̇ад̇абуг̇г̇ало мзд̇д̇ажид̇д̇асса ан̃н̃ат̇ад̇д̇ам̣ гаад̇ум̣ на сагкиссад̇ийд̇и.
230. Tatiyaupamāyaṃ ādittanti pajjalitaṃ. Gambhīrā appameyyāti imissā gaṅgāya gambhīraṭṭhānaṃ gāvutampi atthi, aḍḍhayojanampi, yojanampi. Puthulaṃ panassā evarūpaṃyeva, dīghato pana pañcayojanasatāni. Sā kathaṃ gambhīrā appameyyāti? Etena payogena parivattetvā uddhane udakaṃ viya tāpetuṃ asakkuṇeyyato. Ṭhitodakaṃ pana kenaci upāyena aṅgulamattaṃ vā aḍḍhaṅgulamattaṃ vā evaṃ tāpetuṃ sakkā bhaveyya, ayaṃ pana na sakkā, tasmā evaṃ vuttaṃ. Upamāsaṃsandane panettha gaṅgā viya mettacittaṃ, tiṇukkaṃ ādāya āgatapuriso viya pañca vacanapathe gahetvā āgatapuggalo. Yathā so ādittāya tiṇukkāya gaṅgaṃ tāpetuṃ na sakkoti, evaṃ vo pañca vacanapathe gahetvā āgatapuggalo mettacittassa aññathattaṃ kātuṃ na sakkhissatīti.
231. жад̇уд̇т̇аубамааяам̣ б̣ил̣аарабхасд̇аад̇и б̣ил̣ааражаммабасиб̣б̣агаа. сумад̣̇д̣̇ид̇аад̇и судту мад̣̇д̣̇ид̇аа. субаримад̣̇д̣̇ид̇аад̇и анд̇о жа б̣ахи жа саманд̇ад̇о субаримад̣̇д̣̇ид̇аа. д̇уулинийд̇и симб̣алид̇уулалад̇аад̇ууласамаанаа. чиннасассараад̇и чиннасассарасад̣̇д̣̇аа. чиннабхаб̣бхараад̇и чиннабхаб̣бхарасад̣̇д̣̇аа. убамаасам̣санд̣̇анз банзд̇т̇а б̣ил̣аарабхасд̇аа вияа мзд̇д̇ажид̇д̇ам̣, гадтагаталам̣ аад̣̇ааяа ааг̇ад̇абурисо вияа бан̃жа важанабат̇з г̇ахзд̇ваа ааг̇ад̇абуг̇г̇ало. яат̇аа со гадтзна ваа гаталзна ваа б̣ил̣аарабхасд̇ам̣ сарасарам̣ бхарабхарам̣ сад̣̇д̣̇ам̣ гаад̇ум̣ на саггод̇и, звам̣ во бан̃жа важанабат̇з г̇ахзд̇ваа ааг̇ад̇абуг̇г̇ало мзд̇д̇ажид̇д̇асса ан̃н̃ат̇ад̇д̇ам̣ гад̇ваа д̣̇осаануг̇ад̇абхаавам̣ гаад̇ум̣ на сагкиссад̇ийд̇и.
231. Catutthaupamāyaṃ biḷārabhastāti biḷāracammapasibbakā. Sumadditāti suṭṭhu madditā. Suparimadditāti anto ca bahi ca samantato suparimadditā. Tūlinīti simbalitūlalatātūlasamānā. Chinnasassarāti chinnasassarasaddā. Chinnabhabbharāti chinnabhabbharasaddā. Upamāsaṃsandane panettha biḷārabhastā viya mettacittaṃ, kaṭṭhakaṭhalaṃ ādāya āgatapuriso viya pañca vacanapathe gahetvā āgatapuggalo. Yathā so kaṭṭhena vā kaṭhalena vā biḷārabhastaṃ sarasaraṃ bharabharaṃ saddaṃ kātuṃ na sakkoti, evaṃ vo pañca vacanapathe gahetvā āgatapuggalo mettacittassa aññathattaṃ katvā dosānugatabhāvaṃ kātuṃ na sakkhissatīti.
232. ожарагаад̇и аважарагаа хздтаажарагаа, нийжагаммагаарагаад̇и ад̇т̇о. яо мано бад̣̇уусзяяаад̇и яо бхигку ваа бхигкуний ваа мано бад̣̇уусзяяа, д̇ам̣ гагажзна оганд̇анам̣ наад̇хиваасзяяа. на мз со д̇зна саасанагарод̇и со д̇зна анад̇хиваасанзна маяхам̣ оваад̣̇агаро на ход̇и. аабад̇д̇и банзд̇т̇а над̇т̇и.
232.Ocarakāti avacarakā heṭṭhācarakā, nīcakammakārakāti attho. Yo mano padūseyyāti yo bhikkhu vā bhikkhunī vā mano padūseyya, taṃ kakacena okantanaṃ nādhivāseyya. Na me so tena sāsanakaroti so tena anadhivāsanena mayhaṃ ovādakaro na hoti. Āpatti panettha natthi.
233. ан̣ум̣ ваа т̇уулам̣ ваад̇и аббасааваж̇ж̇ам̣ ваа махаасааваж̇ж̇ам̣ ваа. яам̣ д̇умхз наад̇хиваасзяяаат̇аад̇и яо д̇умхзхи ад̇хиваасзд̇аб̣б̣о на бхавзяяаад̇и ад̇т̇о. но хзд̇ам̣, бханд̇зд̇и, бханд̇з, анад̇хиваасзд̇аб̣б̣ам̣ наама важанабат̇ам̣ на бассаамаад̇и ад̇хиббааяо. д̣̇ийгхарад̇д̇ам̣ хид̇ааяа сукааяаад̇и ид̇и бхаг̇аваа арахад̇д̇зна гуудам̣ г̇ан̣ханд̇о яат̇аанусанд̇хинаа д̣̇зсанам̣ нидтабзсийд̇и.
233.Aṇuṃ vā thūlaṃ vāti appasāvajjaṃ vā mahāsāvajjaṃ vā. Yaṃ tumhe nādhivāseyyāthāti yo tumhehi adhivāsetabbo na bhaveyyāti attho. No hetaṃ, bhanteti, bhante, anadhivāsetabbaṃ nāma vacanapathaṃ na passāmāti adhippāyo. Dīgharattaṃ hitāya sukhāyāti iti bhagavā arahattena kūṭaṃ gaṇhanto yathānusandhinā desanaṃ niṭṭhapesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
гагажуубамасуд̇д̇аван̣н̣анаа нидтид̇аа.
Kakacūpamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. гагажуубамасуд̇д̇ам̣ • 1. Kakacūpamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. гагажуубамасуд̇д̇аван̣н̣анаа • 1. Kakacūpamasuttavaṇṇanā
