| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. обаммаваг̇г̇о
3. Opammavaggo
1. гагажуубамасуд̇д̇аван̣н̣анаа
1. Kakacūpamasuttavaṇṇanā
222. мол̣инд̇и гзсаражанам̣. взхааяасанд̇и аагаасз. рад̇анажан̇годаварзнаад̇и рад̇анасилаамаяаваражан̇годагзна сахассанзд̇д̇о сирасаа бадиг̇г̇ахи. ‘‘суван̣н̣ажан̇годагаварзнаа’’д̇иби (б̣у. вам̣. адта. 23 д̣̇уурзнид̣̇аанагат̇аа; ж̇аа. адта. 1.2 авид̣̇уурзнид̣̇аанагат̇аа) баато.
222.Moḷinti kesaracanaṃ. Vehāyasanti ākāse. Ratanacaṅkoṭavarenāti ratanasilāmayavaracaṅkoṭakena sahassanetto sirasā paṭiggahi. ‘‘Suvaṇṇacaṅkoṭakavarenā’’tipi (bu. vaṃ. aṭṭha. 23 dūrenidānakathā; jā. aṭṭha. 1.2 avidūrenidānakathā) pāṭho.
саад̇и мол̣и. мол̣и зд̇асса ад̇т̇ийд̇и мол̣иго, мол̣иго зва мол̣ияо. паг̇г̇унод̇и бана наамам̣. сан̇каад̇и саман̃н̃аа. взлийяад̇и кан̣амухуд̇д̇аад̣̇ивасзна убад̣̇исийяад̇ийд̇и взлаа, гаалод̇и ааха ‘‘д̇ааяам̣ взлааяам̣…бз… аяам̣ гаалавзлаа наамаа’’д̇и. взлаяад̇и барижчзд̣̇авасзна д̇идтад̇ийд̇и взлаа, сиймаа. взлаяад̇и сам̣гилзсабагкам̣ жаалаяад̇ийд̇и взлаа, сийлам̣. анад̇иггаманадтоби жасса сам̣гилзсад̇хамманимид̇д̇ам̣ ажаланамзва. вин̃н̃убурисаабхаавз чабан̃жаваажаамад̇д̇ам̣ оваад̣̇з бамаан̣ам̣ наама. д̣̇авасахаг̇ад̇ам̣ гад̇ваад̇и гийл̣аасахид̇ам̣ гад̇ваа.
Sāti moḷi. Moḷi etassa atthīti moḷiko, moḷiko eva moḷiyo. Phaggunoti pana nāmaṃ. Saṅkhāti samaññā. Velīyati khaṇamuhuttādivasena upadisīyatīti velā, kāloti āha ‘‘tāyaṃ velāyaṃ…pe… ayaṃ kālavelā nāmā’’ti. Velayati paricchedavasena tiṭṭhatīti velā, sīmā. Velayati saṃkilesapakkhaṃ cālayatīti velā, sīlaṃ. Anatikkamanaṭṭhopi cassa saṃkilesadhammanimittaṃ acalanameva. Viññupurisābhāve chapañcavācāmattaṃ ovāde pamāṇaṃ nāma.Davasahagataṃ katvāti kīḷāsahitaṃ katvā.
миссийбхууд̇од̇и анануломигасам̣саг̇г̇авасзна миссийбхууд̇о. ‘‘аван̣н̣ам̣ бхаасад̇ий’’д̇и сан̇кзбад̇о вуд̇д̇ам̣ виварид̇ум̣ ‘‘д̇аабанабажанагодданаад̣̇ийний’’д̇иаад̣̇и вуд̇д̇ам̣. ад̇хигаран̣амби гарод̇ийд̇и зд̇т̇а яат̇аа со ад̇хигаран̣ааяа барисаггад̇и, д̇ам̣д̣̇ассанам̣ ‘‘имзсам̣ бхигкууна’’нд̇иаад̣̇и. ад̇хигаран̣ам̣ аагад̣дхад̇ийд̇и ад̇хигаран̣ам̣ уд̣̇д̣̇исса д̇з бхигкуу аагад̣дхад̇и, ад̇хигаран̣ам̣ ваа д̇зсу уббаад̣̇знд̇о аагад̣дхад̇и. уд̣̇д̣̇зсабад̣̇ам̣ ваад̇и бад̣̇асо уд̣̇д̣̇зсамад̇д̇ам̣ ваа. нзва бияагамяад̇ааяаад̇и нзва ад̇д̇ани сад̇т̇уно бияабхаавагаамад̇ааяа. на бхзд̣̇аад̇хиббааязнаад̇и на сад̇т̇уно д̇зна бхигкунаа бхзд̣̇аад̇хиббааязна. ад̇т̇агаамад̇ааяаад̇и мол̣ияапаг̇г̇унасса хид̇агаамад̇ааяа.
Missībhūtoti ananulomikasaṃsaggavasena missībhūto. ‘‘Avaṇṇaṃ bhāsatī’’ti saṅkhepato vuttaṃ vivarituṃ ‘‘tāpanapacanakoṭṭanādīnī’’tiādi vuttaṃ. Adhikaraṇampi karotīti ettha yathā so adhikaraṇāya parisakkati, taṃdassanaṃ ‘‘imesaṃ bhikkhūna’’ntiādi. Adhikaraṇaṃ ākaḍḍhatīti adhikaraṇaṃ uddissa te bhikkhū ākaḍḍhati, adhikaraṇaṃ vā tesu uppādento ākaḍḍhati. Uddesapadaṃ vāti padaso uddesamattaṃ vā. Neva piyakamyatāyāti neva attani satthuno piyabhāvakāmatāya. Na bhedādhippāyenāti na satthuno tena bhikkhunā bhedādhippāyena. Atthakāmatāyāti moḷiyaphaggunassa hitakāmatāya.
224. аван̣н̣абхаасанзд̇и бхигкунийнам̣ аг̇ун̣агат̇анз. чанд̣̇аад̣̇ийнам̣ вад̇т̇убхаавад̇о гаамаг̇ун̣аа г̇зхам̣ вияа г̇зхам̣, д̇з жа д̇з сид̇аа ниссид̇аад̇и г̇зхассид̇аад̇и вуд̇д̇аа. д̇ан̣хаачанд̣̇ааби д̇аасам̣ гад̇д̇угаамад̇аабийд̇и убхаязби д̇ан̣хаачанд̣̇аа, бадигхачанд̣̇аа бана д̇зсам̣ гад̇д̇угаамад̇аа зва. палигаман̣и вияа багад̇ибабхассарасса жид̇д̇асанд̇аанасса убасан̇г̇о вияа вибарин̣аамагааран̣ам̣ рааг̇аад̣̇аяод̇и ааха ‘‘рад̇д̇амби жид̇д̇ам̣ вибарин̣ад̇а’’нд̇иаад̣̇и. хид̇аанугамбийд̇и гарун̣ааяа бажжубадтаабанамааха. ‘‘яассанд̇арад̇о на санд̇и гобаа’’д̇иаад̣̇ийсу (уд̣̇аа. 20) вияа анд̇ара-сад̣̇д̣̇о жид̇д̇абарияааяод̇и ааха ‘‘д̣̇осанд̇арод̇и д̣̇осажид̇д̇о’’д̇и.
224.Avaṇṇabhāsaneti bhikkhunīnaṃ aguṇakathane. Chandādīnaṃ vatthubhāvato kāmaguṇā gehaṃ viya gehaṃ, te ca te sitā nissitāti gehassitāti vuttā. Taṇhāchandāpi tāsaṃ kattukāmatāpīti ubhayepi taṇhāchandā, paṭighachandā pana tesaṃ kattukāmatā eva. Phalikamaṇi viya pakatipabhassarassa cittasantānassa upasaṅgo viya vipariṇāmakāraṇaṃ rāgādayoti āha ‘‘rattampi cittaṃ vipariṇata’’ntiādi. Hitānukampīti karuṇāya paccupaṭṭhāpanamāha. ‘‘Yassantarato na santi kopā’’tiādīsu (udā. 20) viya antara-saddo cittapariyāyoti āha ‘‘dosantaroti dosacitto’’ti.
225. д̣̇уб̣б̣ажад̇ааяа оваад̣̇ам̣ асамбадижчанд̇о жид̇д̇знзва бадивируд̣̇д̇хо адтааси. г̇ан̣хим̣су жид̇д̇ам̣, хад̣̇аяаг̇аахиним̣ бадибаж̇ж̇им̣сууд̇и ад̇т̇о. буураяим̣су аж̇жхаасаяанд̇и ад̇т̇о. згасмим̣ самаяз батамаб̣од̇хияам̣. згаасанам̣ бхож̇анасса згаасанабхож̇анам̣, згавзлааяамзва бхож̇анам̣. д̇ан̃жа ко буб̣б̣ан̣хз зваад̇и ааха ‘‘згам̣ бурзбхад̇д̇абхож̇ана’’нд̇иаад̣̇и. сад̇д̇агкад̇д̇ум̣ бхуд̇д̇абхож̇анамби имасмим̣ суд̇д̇з згаасанабхож̇ананд̇зва ад̇хиббзд̇ам̣, на згаасанигад̇ааяа згааяа зва нисаж̇ж̇ааяа бхож̇анам̣. ‘‘аббад̣ам̣са…бз… сампасса’’нд̇иаад̣̇ийсу вияа абба-сад̣̇д̣̇о абхаавад̇т̇од̇и ааха ‘‘нирааб̣аад̇хад̇ам̣, нид̣̇д̣̇угкад̇а’’нд̇и. бад̇хаанаад̣̇ивасзна саллахугам̣ агижчам̣ удтаанам̣ саллахугаудтаанам̣. на згаббахаарзнаад̇и на згаваарзна, на згасмим̣язва гаалзд̇и ад̇хиббааяо. д̣̇вз бхож̇анаанийд̇и ‘‘абаран̣хз рад̇д̇ияа’’нд̇и гаалавасзна д̣̇вз бхож̇анаани. бан̃жа г̇ун̣зд̇и аббааб̣аад̇хаад̣̇игз бан̃жа аанисам̣сз. сад̇уббаад̣̇агаран̣ийяамад̇д̇амзваад̇и сад̇уббаад̣̇амад̇д̇агаран̣ийяамзва, ниваарзд̇аб̣б̣асса бунаббунам̣ самаад̣̇абанан̃жа наахоси.
225. Dubbacatāya ovādaṃ asampaṭicchanto citteneva paṭiviruddho aṭṭhāsi. Gaṇhiṃsu cittaṃ, hadayagāhiniṃ paṭipajjiṃsūti attho. Pūrayiṃsu ajjhāsayanti attho. Ekasmiṃ samaye paṭhamabodhiyaṃ. Ekāsanaṃ bhojanassa ekāsanabhojanaṃ, ekavelāyameva bhojanaṃ. Tañca kho pubbaṇhe evāti āha ‘‘ekaṃ purebhattabhojana’’ntiādi. Sattakkhattuṃ bhuttabhojanampi imasmiṃ sutte ekāsanabhojananteva adhippetaṃ, na ekāsanikatāya ekāya eva nisajjāya bhojanaṃ. ‘‘Appaḍaṃsa…pe… samphassa’’ntiādīsu viya appa-saddo abhāvatthoti āha ‘‘nirābādhataṃ, niddukkhata’’nti. Padhānādivasena sallahukaṃ akicchaṃ uṭṭhānaṃ sallahukauṭṭhānaṃ. Na ekappahārenāti na ekavārena, na ekasmiṃyeva kāleti adhippāyo. Dve bhojanānīti ‘‘aparaṇhe rattiya’’nti kālavasena dve bhojanāni. Pañca guṇeti appābādhādike pañca ānisaṃse. Satuppādakaraṇīyamattamevāti satuppādamattakaraṇīyameva, nivāretabbassa punappunaṃ samādapanañca nāhosi.
ман̣д̣абхуумийд̇и ож̇аванд̇абхууми, яад̇т̇а барисин̃жанзна винаа сассаани гидтаани самбаж̇ж̇анд̇и. яуг̇з яож̇зд̇аб̣б̣аани яог̇г̇аани, д̇зсам̣ аажарияо яог̇г̇аажарияо, д̇зсам̣ сигкаабанаго. г̇ааман̣ихад̇т̇иаад̣̇аяоби ‘‘яог̇г̇аа’’д̇и вужжанд̇ийд̇и ааха баал̣ияам̣ ‘‘ассад̣̇аммасаарат̇ий’’д̇и. жад̇уусу маг̇г̇зсу язна язна маг̇г̇зна ижчад̇и. ж̇авасамаг̇аад̣̇ибхзд̣̇аасу г̇ад̇ийсу яам̣ яам̣ г̇ад̇им̣. д̇ам̣ д̇ам̣ маг̇г̇ам̣ аарул̣хаава од̇ин̣н̣ааязва. нзва ваарзд̇аб̣б̣аа расмивиниг̇г̇ан̣ханзна. на виж̇жхид̇аб̣б̣аа бад̇од̣̇аладтияаа. г̇аманамзваад̇и имз яуд̇д̇аа мама ижчаануруубам̣ манд̣̇ам̣ г̇ажчанд̇и, самам̣ г̇ажчанд̇и, сийгхам̣ г̇ажчанд̇ийд̇и курзсу нимид̇д̇аг̇г̇ахан̣ам̣ бадтабзд̇ваа саарат̇инаа д̇зсам̣ г̇аманамзва бассид̇аб̣б̣ам̣ ход̇и, на д̇ад̇т̇а нияож̇анам̣ . д̇зхиби бхигкуухи. баж̇ахим̣су баж̇ахид̇аб̣б̣ам̣. саалад̣̇уусанаад̇и сааларугкависанаасагаа. ан̃н̃аа жа валлияо сааларугкз винанд̇хид̇ваа тид̇аа. б̣ахи нийхаран̣знаад̇и саалаванад̇о б̣ахи чад̣д̣анзна. сусан̣тид̇аад̇и сан̣таанасамбаннаа, марияаад̣̇ам̣ б̣анд̇хид̇ваад̇и аалавааласамбаад̣̇анавасзна марияаад̣̇ам̣ б̣анд̇хид̇ваа. гибиллабудагам̣ д̇амб̣агибиллагабудагам̣. сугкад̣̇ан̣д̣агахаран̣ам̣ аалаваалаб̣бханд̇араа.
Maṇḍabhūmīti ojavantabhūmi, yattha parisiñcanena vinā sassāni kiṭṭhāni sampajjanti. Yuge yojetabbāni yoggāni, tesaṃ ācariyo yoggācariyo, tesaṃ sikkhāpanako. Gāmaṇihatthiādayopi ‘‘yoggā’’ti vuccantīti āha pāḷiyaṃ ‘‘assadammasārathī’’ti. Catūsu maggesu yena yena maggena icchati. Javasamagādibhedāsu gatīsu yaṃ yaṃ gatiṃ. Taṃ taṃ maggaṃ āruḷhāva otiṇṇāyeva. Neva vāretabbā rasmiviniggaṇhanena. Na vijjhitabbā patodalaṭṭhiyā. Gamanamevāti ime yuttā mama icchānurūpaṃ mandaṃ gacchanti, samaṃ gacchanti, sīghaṃ gacchantīti khuresu nimittaggahaṇaṃ paṭṭhapetvā sārathinā tesaṃ gamanameva passitabbaṃ hoti, na tattha niyojanaṃ . Tehipi bhikkhūhi. Pajahiṃsu pajahitabbaṃ. Sāladūsanāti sālarukkhavisanāsakā. Aññā ca valliyo sālarukkhe vinandhitvā ṭhitā. Bahi nīharaṇenāti sālavanato bahi chaḍḍanena. Susaṇṭhitāti saṇṭhānasampannā, mariyādaṃbandhitvāti ālavālasampādanavasena mariyādaṃ bandhitvā. Kipillapuṭakaṃ tambakipillakapuṭakaṃ. Sukkhadaṇḍakaharaṇaṃ ālavālabbhantarā.
226. вид̣̇зхарадтз ж̇аад̇асам̣вад̣дхад̇ааяа взд̣̇зхигаа. бан̣д̣аа вужжад̇и бан̃н̃аа, д̇ааяа ид̇аа г̇ад̇аа бавад̇д̇аад̇и бан̣д̣ид̇аа. г̇ахабад̇аанийд̇и г̇зхасааминий. соражжзнаад̇и сам̣яамзна. ниваад̇авуд̇д̇ийд̇и бан̣ибаад̇агаарий. ниб̣б̣уд̇аад̇и ниб̣б̣уд̇ад̣̇ужжарид̇абарил̣аахаа. удтаахигаад̇и удтаанавийрияавад̇ий. гиб̣б̣исаад̇и гуруураа.
226. Videharaṭṭhe jātasaṃvaḍḍhatāya vedehikā. Paṇḍā vuccati paññā, tāya itā gatā pavattāti paṇḍitā. Gahapatānīti gehasāminī. Soraccenāti saṃyamena. Nivātavuttīti paṇipātakārī. Nibbutāti nibbutaduccaritapariḷāhā. Uṭṭhāhikāti uṭṭhānavīriyavatī. Kibbisāti kurūrā.
227. звам̣ агканд̇ияаа д̣̇осам̣ д̣̇ассзд̇ваад̇и ‘‘г̇ун̣аванд̇о’’д̇и логз бад̇т̇адагид̇д̇исад̣̇д̣̇аанамби агканд̇инимид̇д̇ам̣ аяасуббад̇д̇иг̇ун̣абарихааниаад̣̇им̣ агкамад̇ааяааад̣̇ийнавам̣ багаасзд̇ваа. важанабат̇зд̇и важанамаг̇г̇з яуд̇д̇агаалаад̣̇игз. сан̣хаабхаавоби хи важанасса бавад̇д̇иаагаарод̇и гад̇ваа ‘‘важанабат̇о’’ д̇взва вуд̇д̇о. д̇зсам̣язва гаалаад̣̇ийнам̣. мзд̇д̇аа зд̇асса ад̇т̇ийд̇и мзд̇д̇ам̣, уббаннам̣ мзд̇д̇ажид̇д̇ам̣ зд̇зсанд̇и уббаннамзд̇д̇ажид̇д̇аа. буна ‘‘гаалзна ваа, бхигкавз’’д̇иаад̣̇и (бари. 362, 363) баал̣и д̇хаммасабхаавад̣̇ассанавасзна бавад̇д̇аа ‘‘барам̣ жод̣̇анаавасзна вад̣̇анд̇аа наама имзхи аагаарзхи вад̣̇анд̇ий’’д̇и. ад̇химун̃жид̇ваад̇и абхирад̇ивасзна д̇асмим̣ буг̇г̇алз бхааванаажид̇д̇ам̣ мун̃жид̇ваа виссаж̇ж̇зд̇ваа. со буг̇г̇ало аарамман̣ам̣ зд̇ассаад̇и д̇ад̣̇аарамман̣ам̣, мзд̇д̇ажид̇д̇ам̣. яад̣̇и звам̣ бад̣̇зсависаяам̣ д̇ам̣ гат̇ам̣ ниббад̣̇зсависаяам̣ вияа ход̇ийд̇и жод̣̇знд̇о ‘‘гат̇ам̣ д̇ад̣̇аарамман̣ам̣ саб̣б̣ааванд̇ам̣ логам̣ гарод̇ий’’д̇и ааха, ид̇аро ‘‘бан̃жа важанабат̇з’’д̇иаад̣̇инаа барихарад̇и. ид̇ха д̇ад̣̇аарамман̣ан̃жаад̇и д̇ассзва мзд̇д̇ажид̇д̇асса аарамман̣ам̣ гад̇ваад̇и баал̣ияам̣ важанасзсо д̣̇адтаб̣б̣о. д̇знааха ‘‘буна д̇ассзваа’’д̇иаад̣̇и. саб̣б̣аа сад̇д̇агааяасан̇каад̇аа баж̇аа зд̇асса ад̇т̇ийд̇и саб̣б̣ааванд̇од̇и имамад̇т̇ам̣ д̣̇ассзнд̇о ‘‘саб̣б̣ааванд̇а’’нд̇и ааха. вибулзнаад̇и махааж̇анаарамман̣зна. маханд̇абарияааяо хи вибула-сад̣̇д̣̇о, махад̇д̇ан̃жзд̇т̇а б̣ахугабхааво. д̇знааха ‘‘анзгасад̇д̇аарамман̣знаа’’д̇и. д̇ан̃жа буг̇г̇аланд̇и бан̃жа важанабат̇з г̇ахзд̇ваа ааг̇ад̇абуг̇г̇алам̣. жид̇д̇ассаад̇и мзд̇д̇аасахаг̇ад̇ажид̇д̇асса. зд̇т̇а жа мзд̇д̇аасахаг̇ад̇зна жзд̇асаа вихариссаамаад̇и самб̣анд̇хо. д̇ад̇т̇а гат̇анд̇и ааха ‘‘д̇ан̃жа буг̇г̇алам̣ саб̣б̣ан̃жа логам̣ д̇асса жид̇д̇асса аарамман̣ам̣ гад̇ваа ад̇химужжид̇ваа’’д̇и.
227.Evaṃ akkhantiyā dosaṃ dassetvāti ‘‘guṇavanto’’ti loke patthaṭakittisaddānampi akkhantinimittaṃ ayasuppattiguṇaparihāniādiṃ akkhamatāyaādīnavaṃ pakāsetvā. Vacanapatheti vacanamagge yuttakālādike. Saṇhābhāvopi hi vacanassa pavattiākāroti katvā ‘‘vacanapatho’’ tveva vutto. Tesaṃyeva kālādīnaṃ. Mettā etassa atthīti mettaṃ, uppannaṃ mettacittaṃ etesanti uppannamettacittā. Puna ‘‘kālena vā, bhikkhave’’tiādi (pari. 362, 363) pāḷi dhammasabhāvadassanavasena pavattā ‘‘paraṃ codanāvasena vadantā nāma imehi ākārehi vadantī’’ti. Adhimuñcitvāti abhirativasena tasmiṃ puggale bhāvanācittaṃ muñcitvā vissajjetvā. So puggalo ārammaṇaṃ etassāti tadārammaṇaṃ, mettacittaṃ. Yadi evaṃ padesavisayaṃ taṃ kathaṃ nippadesavisayaṃ viya hotīti codento ‘‘kathaṃ tadārammaṇaṃ sabbāvantaṃ lokaṃ karotī’’ti āha, itaro ‘‘pañca vacanapathe’’tiādinā pariharati. Idha tadārammaṇañcāti tasseva mettacittassa ārammaṇaṃ katvāti pāḷiyaṃ vacanaseso daṭṭhabbo. Tenāha ‘‘puna tassevā’’tiādi. Sabbā sattakāyasaṅkhātā pajā etassa atthīti sabbāvantoti imamatthaṃ dassento ‘‘sabbāvanta’’nti āha. Vipulenāti mahājanārammaṇena. Mahantapariyāyo hi vipula-saddo, mahattañcettha bahukabhāvo. Tenāha ‘‘anekasattārammaṇenā’’ti. Tañca puggalanti pañca vacanapathe gahetvā āgatapuggalaṃ. Cittassāti mettāsahagatacittassa. Ettha ca mettāsahagatena cetasā viharissāmāti sambandho. Tattha kathanti āha ‘‘tañca puggalaṃ sabbañca lokaṃ tassa cittassa ārammaṇaṃ katvā adhimuccitvā’’ti.
228. д̇ад̣̇ад̇т̇ад̣̇ийбиганд̇и яаа мзд̇д̇ам̣ жзд̇овимуд̇д̇им̣ саммад̣̇зва бхаавзд̇ваа тид̇асса ниб̣б̣игаарад̇о гзнажи вигаарам̣ на аабаад̣̇зд̇аб̣б̣ад̇аа, д̇ад̣̇ад̇т̇аж̇од̇игам̣. абат̇авинд̇и бат̇авий на ход̇ийд̇и абат̇авий. ниббат̇авинд̇и саб̣б̣зна саб̣б̣ам̣ бат̇авийбхааваабхаавам̣. д̇ирияам̣ бана абарижчиннаад̇и гасмаа вуд̇д̇ам̣, нану жаггаваал̣абаб̣б̣ад̇зхи д̇ам̣ д̇ам̣ жаггаваал̣ам̣ барижчинд̣̇ад̇и? на, д̇ад̣̇ан̃н̃ажаггаваал̣абат̇авияаа згааб̣ад̣̇д̇хабхаавад̇о. д̇ин̣н̣ан̃хи жаггаанам̣ анд̇арасад̣̇исз д̇ин̣н̣ам̣ д̇ин̣н̣ам̣ логад̇хаад̇уунам̣ анд̇арзязва бат̇авий над̇т̇и логанд̇аранираяабхаавад̇о. жаггаваал̣абаб̣б̣ад̇анд̇арзхи самб̣ад̣̇д̇хадтаанз бат̇авий згааб̣ад̣̇д̇хаава. виваддагаалз хи сан̣тахамаанааби бат̇авий яат̇аасан̣тид̇абат̇авияаа згааб̣ад̣̇д̇хаава сан̣тахад̇и. д̇знааха ‘‘д̇ирияам̣ бана абарижчиннаа’’д̇и. иминаава г̇амбхийрабхаавзна вуд̇д̇абаримаан̣ад̇о барам̣ над̇т̇ийд̇и д̣̇ийбид̇ам̣ ход̇и.
228.Tadatthadīpikanti yā mettaṃ cetovimuttiṃ sammadeva bhāvetvā ṭhitassa nibbikārato kenaci vikāraṃ na āpādetabbatā, tadatthajotikaṃ. Apathavinti pathavī na hotīti apathavī. Nippathavinti sabbena sabbaṃ pathavībhāvābhāvaṃ. Tiriyaṃ pana aparicchinnāti kasmā vuttaṃ, nanu cakkavāḷapabbatehi taṃ taṃ cakkavāḷaṃ paricchindati? Na, tadaññacakkavāḷapathaviyā ekābaddhabhāvato. Tiṇṇañhi cakkānaṃ antarasadise tiṇṇaṃ tiṇṇaṃ lokadhātūnaṃ antareyeva pathavī natthi lokantaranirayabhāvato. Cakkavāḷapabbatantarehi sambaddhaṭṭhāne pathavī ekābaddhāva. Vivaṭṭakāle hi saṇṭhahamānāpi pathavī yathāsaṇṭhitapathaviyā ekābaddhāva saṇṭhahati. Tenāha ‘‘tiriyaṃ pana aparicchinnā’’ti. Imināva gambhīrabhāvena vuttaparimāṇato paraṃ natthīti dīpitaṃ hoti.
229. халид̣̇д̣̇ийд̇и халид̣̇д̣̇иван̣н̣ам̣ ад̇хиббзд̇анд̇и ааха ‘‘яам̣ гин̃жи бийд̇агаван̣н̣а’’нд̇и. ван̣н̣асан̇каад̇ам̣ руубам̣ асса ад̇т̇ийд̇и руубий, на руубийд̇и аруубийд̇и ааха ‘‘аруубо’’д̇и. д̇знзвааха ‘‘санид̣̇ассанабхаавабадигкзбад̇о’’д̇и.
229.Haliddīti haliddivaṇṇaṃ adhippetanti āha ‘‘yaṃ kiñci pītakavaṇṇa’’nti. Vaṇṇasaṅkhātaṃ rūpaṃ assa atthīti rūpī, na rūpīti arūpīti āha ‘‘arūpo’’ti. Tenevāha ‘‘sanidassanabhāvapaṭikkhepato’’ti.
230. бан̃жа яож̇анасад̇аанийд̇и химаванд̇ад̇о самуд̣̇д̣̇ам̣ бавидтадтаанавасзна вуд̇д̇ам̣, на анод̇ад̇д̇ад̣̇ахамукад̇о. ан̃н̃аа над̣̇ияо убаад̣̇ааяа лаб̣бхамаанам̣ г̇амбхийрад̇ам̣ аббамзяяауд̣̇агад̇ан̃жа г̇ахзд̇ваа ‘‘г̇амбхийраа аббамзяяаа’’д̇и вуд̇д̇ам̣. адтагат̇ааяам̣ бана д̇ин̣уггааяа д̇аабзд̇аб̣б̣ад̇д̇аабхаавад̣̇ассанабарамзд̇анд̇и вуд̇д̇ам̣ ‘‘зд̇зна баяог̇знаа’’д̇иаад̣̇и.
230.Pañca yojanasatānīti himavantato samuddaṃ paviṭṭhaṭṭhānavasena vuttaṃ, na anotattadahamukhato. Aññā nadiyo upādāya labbhamānaṃ gambhīrataṃ appameyyaudakatañca gahetvā ‘‘gambhīrā appameyyā’’ti vuttaṃ. Aṭṭhakathāyaṃ pana tiṇukkāya tāpetabbattābhāvadassanaparametanti vuttaṃ ‘‘etena payogenā’’tiādi.
231. д̇уулиний вияа д̇уулинийд̇и ааха ‘‘симб̣алид̇уулалад̇аад̇ууласамаанаа’’д̇и. сассаранд̇и звам̣бавад̇д̇о сад̣̇д̣̇о сассарасад̣̇д̣̇о. ануравад̣̇ассанан̃хзд̇ам̣. д̇ат̇аа бхаб̣бхарасад̣̇д̣̇о. саб̣б̣амзд̇ам̣ мзд̇д̇аавихаарино жид̇д̇асса д̣̇уусзд̇ум̣ асаггун̣зяяабхаавад̣̇ассанабарам̣. аяан̃хзд̇т̇а сан̇кзбад̇т̇о – яат̇аа махаабат̇авий гзнажи бурисзна абат̇авим̣ гаад̇ум̣ на саггаа, яат̇аа аагаасз гин̃жи руубам̣ бадтабзд̇ум̣ на саггаа, яат̇аа г̇ан̇г̇ааяа уд̣̇агам̣ д̇ин̣уггааяа д̇аабзд̇ум̣ на саггаа, яат̇аа жа б̣ил̣аарабхасд̇ам̣ т̇ад̣̇д̇хам̣ парусан̃жа сампассам̣ гаад̇ум̣ на саггаа, звамзвам̣ мзд̇д̇ааяа жзд̇овимуд̇д̇ияаа аасзвид̇ааяа бхаавид̇ааяа б̣ахулийгад̇ааяа бан̃жа важанабат̇з г̇ахзд̇ваа ааг̇ад̇абурисзна гзнажи барияааязна жид̇д̇асса ан̃н̃ат̇ад̇д̇ам̣ гаад̇ум̣ на саггаад̇и.
231. Tūlinī viya tūlinīti āha ‘‘simbalitūlalatātūlasamānā’’ti. Sassaranti evaṃpavatto saddo sassarasaddo. Anuravadassanañhetaṃ. Tathā bhabbharasaddo. Sabbametaṃ mettāvihārino cittassa dūsetuṃ asakkuṇeyyabhāvadassanaparaṃ. Ayañhettha saṅkhepattho – yathā mahāpathavī kenaci purisena apathaviṃ kātuṃ na sakkā, yathā ākāse kiñci rūpaṃ paṭṭhapetuṃ na sakkā, yathā gaṅgāya udakaṃ tiṇukkāya tāpetuṃ na sakkā, yathā ca biḷārabhastaṃ thaddhaṃ pharusañca samphassaṃ kātuṃ na sakkā, evamevaṃ mettāya cetovimuttiyā āsevitāya bhāvitāya bahulīkatāya pañca vacanapathe gahetvā āgatapurisena kenaci pariyāyena cittassa aññathattaṃ kātuṃ na sakkāti.
232. ожарагаад̇и баруубагхаад̇авасзна хийнагаммагаарино. д̇знааха ‘‘нийжагаммагаарагаа’’д̇и. анад̇хиваасанзнаад̇и агкаманзна. маяхам̣ оваад̣̇агаро на ход̇ийд̇и барамхи анад̇т̇агааримхи жид̇д̇абад̣̇осанзна аагхаад̇уббаад̣̇анзна мама саасанз саммаабадибаж̇ж̇амаано наама на ход̇и.
232.Ocarakāti parūpaghātavasena hīnakammakārino. Tenāha ‘‘nīcakammakārakā’’ti. Anadhivāsanenāti akkhamanena. Mayhaṃ ovādakaro na hotīti paramhi anatthakārimhi cittapadosanena āghātuppādanena mama sāsane sammāpaṭipajjamāno nāma na hoti.
233. ан̣унд̇и аббагам̣ д̇ану барид̇д̇агам̣. т̇ууланд̇и маханд̇ам̣ ол̣ааригам̣. важанабат̇асса бана ад̇хиббзд̇ад̇д̇аа д̇ам̣ сааваж̇ж̇авибхааг̇зна г̇ахзд̇аб̣б̣анд̇и ааха ‘‘аббасааваж̇ж̇ам̣ ваа махаасааваж̇ж̇ам̣ ваа’’д̇и. канд̇ияаа ид̣̇ам̣ бхаарияам̣ на ход̇ийд̇и авожум̣ ‘‘анад̇хи…бз… бассаамаа’’д̇и. д̣̇ийгхарад̇д̇анд̇и жирагаалам̣, ажжанд̇амзваад̇и ад̇т̇о. ажжанд̇ан̃жа хид̇асукам̣ наама ан̃н̃аад̇хиг̇амзнзваад̇и ааха ‘‘арахад̇д̇зна гуудам̣ г̇ан̣ханд̇о’’д̇и.
233.Aṇunti appakaṃ tanu parittakaṃ. Thūlanti mahantaṃ oḷārikaṃ. Vacanapathassa pana adhippetattā taṃ sāvajjavibhāgena gahetabbanti āha ‘‘appasāvajjaṃ vā mahāsāvajjaṃ vā’’ti. Khantiyā idaṃ bhāriyaṃ na hotīti avocuṃ ‘‘anadhi…pe… passāmā’’ti. Dīgharattanti cirakālaṃ, accantamevāti attho. Accantañca hitasukhaṃ nāma aññādhigamenevāti āha ‘‘arahattena kūṭaṃ gaṇhanto’’ti.
гагажуубамасуд̇д̇аван̣н̣анааяа лийнад̇т̇аббагаасанаа самад̇д̇аа.
Kakacūpamasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. гагажуубамасуд̇д̇ам̣ • 1. Kakacūpamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. гагажуубамасуд̇д̇аван̣н̣анаа • 1. Kakacūpamasuttavaṇṇanā
