| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[326] 6. гаггааруж̇аад̇агаван̣н̣анаа
[326] 6. Kakkārujātakavaṇṇanā
гааязна яо наавахарзд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. д̇асса хи сан̇гхам̣ бхинд̣̇ид̇ваа г̇ад̇асса аг̇г̇асаавагзхи сад̣̇д̇хим̣ барисааяа багганд̇ааяа ун̣хам̣ лохид̇ам̣ мукад̇о уг̇г̇ан̃чи. ат̇а бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, д̣̇звад̣̇ад̇д̇о мусааваад̣̇ам̣ гад̇ваа сан̇гхам̣ бхинд̣̇ид̇ваа ид̣̇аани г̇илаано худ̇ваа махаад̣̇угкам̣ анубход̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса мусааваад̣̇ийязва, на жзса ид̣̇аанзва мусааваад̣̇ам̣ гад̇ваа махаад̣̇угкам̣ анубход̇и, буб̣б̣зби анубхосиязваа’’д̇и вад̇ваа ад̇ийд̇ам̣ аахари.
Kāyena yo nāvahareti idaṃ satthā veḷuvane viharanto devadattaṃ ārabbha kathesi. Tassa hi saṅghaṃ bhinditvā gatassa aggasāvakehi saddhiṃ parisāya pakkantāya uṇhaṃ lohitaṃ mukhato uggañchi. Atha bhikkhū dhammasabhāyaṃ kathaṃ samuṭṭhāpesuṃ ‘‘āvuso, devadatto musāvādaṃ katvā saṅghaṃ bhinditvā idāni gilāno hutvā mahādukkhaṃ anubhotī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa musāvādīyeva, na cesa idāneva musāvādaṃ katvā mahādukkhaṃ anubhoti, pubbepi anubhosiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇аавад̇им̣сабхаванз ан̃н̃ад̇аро д̣̇звабуд̇д̇о ахоси. д̇зна ко бана самаязна б̣аараан̣асияам̣ махаауссаво ахоси. б̣ахуу нааг̇аа жа субан̣н̣аа жа бхуумадтагаа жа д̣̇зваа ааг̇анд̇ваа уссавам̣ ологаяим̣су. д̇аавад̇им̣сабхаванад̇оби жад̇д̇ааро д̣̇звабуд̇д̇аа гаггаарууни наама д̣̇иб̣б̣абубпаани д̇зхи гад̇ажумб̣адагам̣ бил̣анд̇хид̇ваа уссавад̣̇ассанам̣ ааг̇амим̣су. д̣̇ваад̣̇асаяож̇анигам̣ б̣аараан̣асинаг̇арам̣ д̇зсам̣ бубпаанам̣ г̇анд̇хзна згаг̇анд̇хам̣ ахоси. мануссаа ‘‘имаани бубпаани гзна бил̣анд̇хид̇ааний’’д̇и убад̇хаарзнд̇аа вижаранд̇и. д̇з д̣̇звабуд̇д̇аа ‘‘амхз зд̇з убад̇хаарзнд̇ий’’д̇и н̃ад̇ваа рааж̇ан̇г̇ан̣з уббад̇ид̇ваа маханд̇зна д̣̇зваанубхаавзна аагаасз адтам̣су. махааж̇ано саннибад̇и, рааж̇ааби сад̣̇д̇хим̣ убарааж̇аад̣̇ийхи аг̇амааси. ат̇а нз ‘‘гад̇арад̣̇звалогад̇о, саами, ааг̇ажчат̇аа’’д̇и бужчим̣су. ‘‘д̇аавад̇им̣сад̣̇звалогад̇о ааг̇ажчаамаа’’д̇и. ‘‘гзна гаммзна ааг̇ад̇ад̇т̇аа’’д̇и. ‘‘уссавад̣̇ассанад̇т̇ааяаа’’д̇и. ‘‘гим̣бубпаани наамзд̇ааний’’д̇и? ‘‘д̣̇иб̣б̣агаггаарубубпаани наамаа’’д̇и. ‘‘саами, д̇умхз д̣̇звалогз ан̃н̃аани бил̣анд̇хзяяаат̇а, имаани амхаагам̣ д̣̇зт̇аа’’д̇и. д̣̇звабуд̇д̇аа ‘‘д̣̇иб̣б̣агаггаарубубпаани махаанубхааваани д̣̇зваанан̃н̃зва анужчавигаани, мануссалогз лаамагаанам̣ д̣̇уббан̃н̃аанам̣ хийнаад̇химуд̇д̇игаанам̣ д̣̇уссийлаанам̣ наанужчавигаани. яз бана мануссаа имзхи жа имзхи жа г̇ун̣зхи саманнааг̇ад̇аа, д̇зсам̣ зд̇аани анужчавигааний’’д̇и аахам̣су.
Atīte bārāṇasiyaṃ brahmadatte rajjaṃ kārente bodhisatto tāvatiṃsabhavane aññataro devaputto ahosi. Tena kho pana samayena bārāṇasiyaṃ mahāussavo ahosi. Bahū nāgā ca supaṇṇā ca bhūmaṭṭhakā ca devā āgantvā ussavaṃ olokayiṃsu. Tāvatiṃsabhavanatopi cattāro devaputtā kakkārūni nāma dibbapupphāni tehi katacumbaṭakaṃ piḷandhitvā ussavadassanaṃ āgamiṃsu. Dvādasayojanikaṃ bārāṇasinagaraṃ tesaṃ pupphānaṃ gandhena ekagandhaṃ ahosi. Manussā ‘‘imāni pupphāni kena piḷandhitānī’’ti upadhārentā vicaranti. Te devaputtā ‘‘amhe ete upadhārentī’’ti ñatvā rājaṅgaṇe uppatitvā mahantena devānubhāvena ākāse aṭṭhaṃsu. Mahājano sannipati, rājāpi saddhiṃ uparājādīhi agamāsi. Atha ne ‘‘kataradevalokato, sāmi, āgacchathā’’ti pucchiṃsu. ‘‘Tāvatiṃsadevalokato āgacchāmā’’ti. ‘‘Kena kammena āgatatthā’’ti. ‘‘Ussavadassanatthāyā’’ti. ‘‘Kiṃpupphāni nāmetānī’’ti? ‘‘Dibbakakkārupupphāni nāmā’’ti. ‘‘Sāmi, tumhe devaloke aññāni piḷandheyyātha, imāni amhākaṃ dethā’’ti. Devaputtā ‘‘dibbakakkārupupphāni mahānubhāvāni devānaññeva anucchavikāni, manussaloke lāmakānaṃ duppaññānaṃ hīnādhimuttikānaṃ dussīlānaṃ nānucchavikāni. Ye pana manussā imehi ca imehi ca guṇehi samannāgatā, tesaṃ etāni anucchavikānī’’ti āhaṃsu.
зван̃жа бана вад̇ваа д̇зсу ж̇здтагад̣̇звабуд̇д̇о батамам̣ г̇аат̇амааха –
Evañca pana vatvā tesu jeṭṭhakadevaputto paṭhamaṃ gāthamāha –
101.
101.
‘‘гааязна яо наавахарз, ваажааяа на мусаа бхан̣з;
‘‘Kāyena yo nāvahare, vācāya na musā bhaṇe;
яасо лад̣̇д̇хаа на маж̇ж̇зяяа, са вз гаггаарумарахад̇ий’’д̇и.
Yaso laddhā na majjeyya, sa ve kakkārumarahatī’’ti.
д̇ассад̇т̇о – яо гааязна барасса санд̇агам̣ д̇ин̣асалаагамби наавахарад̇и, ваажааяа ж̇ийвид̇ам̣ барижжаж̇амааноби мусааваад̣̇ам̣ на бхан̣ад̇и. д̣̇зсанаасийсамзвзд̇ам̣ , гааяад̣̇ваараважийд̣̇ваараманод̣̇ваарзхи бана яо д̣̇асаби агусалагаммабат̇з на гарод̇ийд̇и аяамзд̇т̇а ад̇хиббааяо. яасо лад̣̇д̇хаад̇и иссарияан̃жа лабхид̇ваа яо иссарияамад̣̇амад̇д̇о сад̇им̣ виссаж̇ж̇зд̇ваа баабагаммам̣ на гарод̇и, са вз зваруубо имзхи г̇ун̣зхи яуд̇д̇о буг̇г̇ало имам̣ д̣̇иб̣б̣абубпам̣ арахад̇и. д̇асмаа яо имзхи г̇ун̣зхи саманнааг̇ад̇о, со имаани бубпаани яаажид̇ум̣ арахад̇и, д̇асса д̣̇ассаамийд̇и.
Tassattho – yo kāyena parassa santakaṃ tiṇasalākampi nāvaharati, vācāya jīvitaṃ pariccajamānopi musāvādaṃ na bhaṇati. Desanāsīsamevetaṃ , kāyadvāravacīdvāramanodvārehi pana yo dasapi akusalakammapathe na karotīti ayamettha adhippāyo. Yaso laddhāti issariyañca labhitvā yo issariyamadamatto satiṃ vissajjetvā pāpakammaṃ na karoti, sa ve evarūpo imehi guṇehi yutto puggalo imaṃ dibbapupphaṃ arahati. Tasmā yo imehi guṇehi samannāgato, so imāni pupphāni yācituṃ arahati, tassa dassāmīti.
д̇ам̣ суд̇ваа бурохид̇о жинд̇зси ‘‘маяхам̣ имзсу г̇ун̣зсу згоби над̇т̇и, мусааваад̣̇ам̣ бана вад̇ваа зд̇аани бубпаани г̇ахзд̇ваа бил̣анд̇хиссаами, звам̣ мам̣ махааж̇ано ‘г̇ун̣асамбанно аяа’нд̇и ж̇ааниссад̇ий’’д̇и. со ‘‘ахам̣ зд̇зхи г̇ун̣зхи саманнааг̇ад̇о’’д̇и вад̇ваа д̇аани бубпаани аахараабзд̇ваа бил̣анд̇хид̇ваа д̣̇уд̇ияам̣ д̣̇звабуд̇д̇ам̣ яаажи. со д̣̇уд̇ияам̣ г̇аат̇амааха –
Taṃ sutvā purohito cintesi ‘‘mayhaṃ imesu guṇesu ekopi natthi, musāvādaṃ pana vatvā etāni pupphāni gahetvā piḷandhissāmi, evaṃ maṃ mahājano ‘guṇasampanno aya’nti jānissatī’’ti. So ‘‘ahaṃ etehi guṇehi samannāgato’’ti vatvā tāni pupphāni āharāpetvā piḷandhitvā dutiyaṃ devaputtaṃ yāci. So dutiyaṃ gāthamāha –
102.
102.
‘‘д̇хаммзна вид̇д̇амзсзяяа, на нигад̇яаа д̇ханам̣ харз;
‘‘Dhammena vittameseyya, na nikatyā dhanaṃ hare;
бхог̇з лад̣̇д̇хаа на маж̇ж̇зяяа, са вз гаггаарумарахад̇ий’’д̇и.
Bhoge laddhā na majjeyya, sa ve kakkārumarahatī’’ti.
д̇ассад̇т̇о – д̇хаммзна барисуд̣̇д̇хааж̇ийвзна суван̣н̣араж̇ад̇аад̣̇ивид̇д̇ам̣ бариязсзяяа. на нигад̇яаад̇и на ван̃жанааяа д̇ханам̣ харзяяа, вад̇т̇аабхаран̣аад̣̇игз бхог̇з лабхид̇ваа бамаад̣̇ам̣ наабаж̇ж̇зяяа, зваруубо имаани бубпаани арахад̇ийд̇и.
Tassattho – dhammena parisuddhājīvena suvaṇṇarajatādivittaṃ pariyeseyya. Na nikatyāti na vañcanāya dhanaṃ hareyya, vatthābharaṇādike bhoge labhitvā pamādaṃ nāpajjeyya, evarūpo imāni pupphāni arahatīti.
бурохид̇о ‘‘ахам̣ зд̇зхи г̇ун̣зхи саманнааг̇ад̇о’’д̇и вад̇ваа д̇аани аахараабзд̇ваа бил̣анд̇хид̇ваа д̇ад̇ияам̣ д̣̇звабуд̇д̇ам̣ яаажи. со д̇ад̇ияам̣ г̇аат̇амааха –
Purohito ‘‘ahaṃ etehi guṇehi samannāgato’’ti vatvā tāni āharāpetvā piḷandhitvā tatiyaṃ devaputtaṃ yāci. So tatiyaṃ gāthamāha –
103.
103.
‘‘яасса жид̇д̇ам̣ ахаалид̣̇д̣̇ам̣, сад̣̇д̇хаа жа авирааг̇иний;
‘‘Yassa cittaṃ ahāliddaṃ, saddhā ca avirāginī;
зго саад̣̇ум̣ на бхун̃ж̇зяяа, са вз гаггаарумарахад̇ий’’д̇и.
Eko sāduṃ na bhuñjeyya, sa ve kakkārumarahatī’’ti.
д̇ассад̇т̇о – яасса буг̇г̇аласса жид̇д̇ам̣ ахаалид̣̇д̣̇ам̣ халид̣̇д̣̇ирааг̇о вияа киббам̣ на вираж̇ж̇ад̇и, т̇ирамзва ход̇и. сад̣̇д̇хаа жа авирааг̇инийд̇и гаммам̣ ваа вибаагам̣ ваа огаббанийяасса ваа буг̇г̇аласса важанам̣ сад̣̇д̣̇ахид̇ваа аббамад̇д̇агзнзва на вираж̇ж̇ад̇и на бхиж̇ж̇ад̇и. яо яаажагз ваа ан̃н̃з ваа сам̣вибхааг̇аарахз буг̇г̇алз б̣ахи гад̇ваа згагова саад̣̇урасабхож̇анам̣ на бхун̃ж̇ад̇и, нзсам̣ сам̣вибхаж̇ид̇ваа бхун̃ж̇ад̇и, со имаани бубпаани арахад̇ийд̇и.
Tassattho – yassa puggalassa cittaṃ ahāliddaṃ haliddirāgo viya khippaṃ na virajjati, thirameva hoti. Saddhā ca avirāginīti kammaṃ vā vipākaṃ vā okappanīyassa vā puggalassa vacanaṃ saddahitvā appamattakeneva na virajjati na bhijjati. Yo yācake vā aññe vā saṃvibhāgārahe puggale bahi katvā ekakova sādurasabhojanaṃ na bhuñjati, nesaṃ saṃvibhajitvā bhuñjati, so imāni pupphāni arahatīti.
бурохид̇о ‘‘ахам̣ зд̇зхи г̇ун̣зхи саманнааг̇ад̇о’’д̇и вад̇ваа д̇аани бубпаани аахараабзд̇ваа бил̣анд̇хид̇ваа жад̇уд̇т̇ам̣ д̣̇звабуд̇д̇ам̣ яаажи. со жад̇уд̇т̇ам̣ г̇аат̇амааха –
Purohito ‘‘ahaṃ etehi guṇehi samannāgato’’ti vatvā tāni pupphāni āharāpetvā piḷandhitvā catutthaṃ devaputtaṃ yāci. So catutthaṃ gāthamāha –
104.
104.
‘‘саммукаа ваа д̇ирогкаа ваа, яо санд̇з на барибхаасад̇и;
‘‘Sammukhā vā tirokkhā vā, yo sante na paribhāsati;
яат̇ааваад̣̇ий д̇ат̇аагаарий, са вз гаггаарумарахад̇ий’’д̇и.
Yathāvādī tathākārī, sa ve kakkārumarahatī’’ti.
д̇ассад̇т̇о – яо буг̇г̇ало саммукаа ваа бараммукаа ваа сийлаад̣̇иг̇ун̣аяуд̇д̇з санд̇з уд̇д̇амабан̣д̣ид̇абурисз на аггосад̇и на барибхаасад̇и, яам̣ ваажааяа вад̣̇ад̇и, д̇ад̣̇зва гааязна гарод̇и, со имаани бубпаани арахад̇ийд̇и.
Tassattho – yo puggalo sammukhā vā parammukhā vā sīlādiguṇayutte sante uttamapaṇḍitapurise na akkosati na paribhāsati, yaṃ vācāya vadati, tadeva kāyena karoti, so imāni pupphāni arahatīti.
бурохид̇о ‘‘ахам̣ зд̇зхи г̇ун̣зхи саманнааг̇ад̇о’’д̇и вад̇ваа д̇ааниби аахараабзд̇ваа бил̣анд̇хи. жад̇д̇ааро д̣̇звабуд̇д̇аа жад̇д̇аари бубпажумб̣адагаани бурохид̇асса д̣̇ад̇ваа д̣̇звалогамзва г̇ад̇аа. д̇зсам̣ г̇ад̇агаалз бурохид̇асса сийсз махад̇ий взд̣̇анаа уббаж̇ж̇и, д̇икин̣асикарзна ниммат̇ид̇ам̣ вияа жа аяабаддзна бийл̣ид̇ам̣ вияа жа сийсам̣ ахоси. со взд̣̇анааббад̇д̇о абараабарам̣ баривад̇д̇амаано махаасад̣̇д̣̇зна вирави, ‘‘гимзд̇а’’нд̇и жа вуд̇д̇з ‘‘ахам̣ мамаб̣бханд̇арз авиж̇ж̇амаанзязва г̇ун̣з ‘ад̇т̇ий’д̇и мусааваад̣̇ам̣ гад̇ваа д̇з д̣̇звабуд̇д̇з имаани бубпаани яаажим̣, харат̇зд̇аани мама сийсад̇о’’д̇и ааха. д̇аани харанд̇ааби харид̇ум̣ наасагким̣су, аяабаддзна б̣ад̣̇д̇хаани вияа ахзсум̣. ат̇а нам̣ угкибид̇ваа г̇зхам̣ наяим̣су. д̇ад̇т̇а д̇асса вираванд̇асса сад̇д̇а д̣̇ивасаа вийд̇ивад̇д̇аа.
Purohito ‘‘ahaṃ etehi guṇehi samannāgato’’ti vatvā tānipi āharāpetvā piḷandhi. Cattāro devaputtā cattāri pupphacumbaṭakāni purohitassa datvā devalokameva gatā. Tesaṃ gatakāle purohitassa sīse mahatī vedanā uppajji, tikhiṇasikharena nimmathitaṃ viya ca ayapaṭṭena pīḷitaṃ viya ca sīsaṃ ahosi. So vedanāppatto aparāparaṃ parivattamāno mahāsaddena viravi, ‘‘kimeta’’nti ca vutte ‘‘ahaṃ mamabbhantare avijjamāneyeva guṇe ‘atthī’ti musāvādaṃ katvā te devaputte imāni pupphāni yāciṃ, harathetāni mama sīsato’’ti āha. Tāni harantāpi harituṃ nāsakkhiṃsu, ayapaṭṭena baddhāni viya ahesuṃ. Atha naṃ ukkhipitvā gehaṃ nayiṃsu. Tattha tassa viravantassa satta divasā vītivattā.
рааж̇аа амажжз ааманд̇зд̇ваа ‘‘д̣̇уссийлаб̣раахман̣о мариссад̇и, гим̣ гаромаа’’д̇и ааха. ‘‘д̣̇зва, буна уссавам̣ гаарзма, д̣̇звабуд̇д̇аа буна ааг̇ажчиссанд̇ий’’д̇и. рааж̇аа буна уссавам̣ гаарзси. д̣̇звабуд̇д̇аа буна ааг̇анд̇ваа сагаланаг̇арам̣ бубпаг̇анд̇хзна згаг̇анд̇хам̣ гад̇ваа д̇ат̇зва рааж̇ан̇г̇ан̣з адтам̣су, махааж̇ано саннибад̇ид̇ваа д̣̇уссийлаб̣раахман̣ам̣ аанзд̇ваа д̇зсам̣ бурад̇о уд̇д̇аанам̣ нибаж̇ж̇аабзси. со ‘‘ж̇ийвид̇ам̣ мз д̣̇зт̇а, саамий’’д̇и д̣̇звабуд̇д̇з яаажи. д̣̇звабуд̇д̇аа ‘‘д̇уяхам̣ д̣̇уссийласса баабад̇хаммасса ананужчавигаанзвзд̇аани бубпаани, д̇вам̣ бана ‘амхз ван̃жзссаамий’д̇и сан̃н̃ий ахоси, ад̇д̇ано мусааваад̣̇апалам̣ лад̣̇д̇ха’’нд̇и махааж̇анамаж̇жхз д̣̇уссийлаб̣раахман̣ам̣ г̇арахид̇ваа сийсад̇о бубпажумб̣адагам̣ абанзд̇ваа махааж̇анасса оваад̣̇ам̣ д̣̇ад̇ваа сагадтаанамзва аг̇амам̣су.
Rājā amacce āmantetvā ‘‘dussīlabrāhmaṇo marissati, kiṃ karomā’’ti āha. ‘‘Deva, puna ussavaṃ kārema, devaputtā puna āgacchissantī’’ti. Rājā puna ussavaṃ kāresi. Devaputtā puna āgantvā sakalanagaraṃ pupphagandhena ekagandhaṃ katvā tatheva rājaṅgaṇe aṭṭhaṃsu, mahājano sannipatitvā dussīlabrāhmaṇaṃ ānetvā tesaṃ purato uttānaṃ nipajjāpesi. So ‘‘jīvitaṃ me detha, sāmī’’ti devaputte yāci. Devaputtā ‘‘tuyhaṃ dussīlassa pāpadhammassa ananucchavikānevetāni pupphāni, tvaṃ pana ‘amhe vañcessāmī’ti saññī ahosi, attano musāvādaphalaṃ laddha’’nti mahājanamajjhe dussīlabrāhmaṇaṃ garahitvā sīsato pupphacumbaṭakaṃ apanetvā mahājanassa ovādaṃ datvā sakaṭṭhānameva agamaṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа б̣раахман̣о д̣̇звад̣̇ад̇д̇о ахоси, д̇зсу д̣̇звабуд̇д̇зсу зго гассабо, зго мог̇г̇аллаано, зго саарибуд̇д̇о, ж̇здтагад̣̇звабуд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā brāhmaṇo devadatto ahosi, tesu devaputtesu eko kassapo, eko moggallāno, eko sāriputto, jeṭṭhakadevaputto pana ahameva ahosi’’nti.
гаггааруж̇аад̇агаван̣н̣анаа чадтаа.
Kakkārujātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 326. гаггааруж̇аад̇агам̣ • 326. Kakkārujātakaṃ
