| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔. กกฺการุปุปฺผปูชกเตฺถรอปทานํ
4. Kakkārupupphapūjakattheraapadānaṃ
๒๑.
21.
‘‘เทวปุโตฺต อหํ สโนฺต, ปูชยิํ สิขินายกํ;
‘‘Devaputto ahaṃ santo, pūjayiṃ sikhināyakaṃ;
กกฺการุปุปฺผํ ปคฺคยฺห, พุทฺธสฺส อภิโรปยิํฯ
Kakkārupupphaṃ paggayha, buddhassa abhiropayiṃ.
๒๒.
22.
‘‘เอกตฺติํเส อิโต กเปฺป, ยํ ปุปฺผมภิโรปยิํ;
‘‘Ekattiṃse ito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๒๓.
23.
‘‘อิโต จ นวเม กเปฺป, ราชา สตฺตุตฺตโม อหุํ;
‘‘Ito ca navame kappe, rājā sattuttamo ahuṃ;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๒๔.
24.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา กกฺการุปุปฺผปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā kakkārupupphapūjako thero imā gāthāyo abhāsitthāti.
กกฺการุปุปฺผปูชกเตฺถรสฺสาปทานํ จตุตฺถํฯ
Kakkārupupphapūjakattherassāpadānaṃ catutthaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๔. กกฺการุปุปฺผปูชกเตฺถรอปทานวณฺณนา • 4. Kakkārupupphapūjakattheraapadānavaṇṇanā
