| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. කක්‌කාරුපුප්‌ඵපූජකත්‌ථෙරඅපදානං
4. Kakkārupupphapūjakattheraapadānaṃ
21.
21.
‘‘දෙවපුත්‌තො අහං සන්‌තො, පූජයිං සිඛිනායකං;
‘‘Devaputto ahaṃ santo, pūjayiṃ sikhināyakaṃ;
කක්‌කාරුපුප්‌ඵං පග්‌ගය්‌හ, බුද්‌ධස්‌ස අභිරොපයිං.
Kakkārupupphaṃ paggayha, buddhassa abhiropayiṃ.
22.
22.
‘‘එකත්‌තිංසෙ ඉතො කප්‌පෙ, යං පුප්‌ඵමභිරොපයිං;
‘‘Ekattiṃse ito kappe, yaṃ pupphamabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
23.
23.
‘‘ඉතො ච නවමෙ කප්‌පෙ, රාජා සත්‌තුත්‌තමො අහුං;
‘‘Ito ca navame kappe, rājā sattuttamo ahuṃ;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
24.
24.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා කක්‌කාරුපුප්‌ඵපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā kakkārupupphapūjako thero imā gāthāyo abhāsitthāti.
කක්‌කාරුපුප්‌ඵපූජකත්‌ථෙරස්‌සාපදානං චතුත්‌ථං.
Kakkārupupphapūjakattherassāpadānaṃ catutthaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 4. කක්‌කාරුපුප්‌ඵපූජකත්‌ථෙරඅපදානවණ්‌ණනා • 4. Kakkārupupphapūjakattheraapadānavaṇṇanā
