| Library / Tipiṭaka / തിപിടക • Tipiṭaka / അപദാനപാളി • Apadānapāḷi |
൪. കക്കാരുപുപ്ഫപൂജകത്ഥേരഅപദാനം
4. Kakkārupupphapūjakattheraapadānaṃ
൨൧.
21.
‘‘ദേവപുത്തോ അഹം സന്തോ, പൂജയിം സിഖിനായകം;
‘‘Devaputto ahaṃ santo, pūjayiṃ sikhināyakaṃ;
കക്കാരുപുപ്ഫം പഗ്ഗയ്ഹ, ബുദ്ധസ്സ അഭിരോപയിം.
Kakkārupupphaṃ paggayha, buddhassa abhiropayiṃ.
൨൨.
22.
‘‘ഏകത്തിംസേ ഇതോ കപ്പേ, യം പുപ്ഫമഭിരോപയിം;
‘‘Ekattiṃse ito kappe, yaṃ pupphamabhiropayiṃ;
ദുഗ്ഗതിം നാഭിജാനാമി, ബുദ്ധപൂജായിദം ഫലം.
Duggatiṃ nābhijānāmi, buddhapūjāyidaṃ phalaṃ.
൨൩.
23.
‘‘ഇതോ ച നവമേ കപ്പേ, രാജാ സത്തുത്തമോ അഹും;
‘‘Ito ca navame kappe, rājā sattuttamo ahuṃ;
സത്തരതനസമ്പന്നോ, ചക്കവത്തീ മഹബ്ബലോ.
Sattaratanasampanno, cakkavattī mahabbalo.
൨൪.
24.
‘‘പടിസമ്ഭിദാ ചതസ്സോ…പേ॰… കതം ബുദ്ധസ്സ സാസനം’’.
‘‘Paṭisambhidā catasso…pe… kataṃ buddhassa sāsanaṃ’’.
ഇത്ഥം സുദം ആയസ്മാ കക്കാരുപുപ്ഫപൂജകോ ഥേരോ ഇമാ ഗാഥായോ അഭാസിത്ഥാതി.
Itthaṃ sudaṃ āyasmā kakkārupupphapūjako thero imā gāthāyo abhāsitthāti.
കക്കാരുപുപ്ഫപൂജകത്ഥേരസ്സാപദാനം ചതുത്ഥം.
Kakkārupupphapūjakattherassāpadānaṃ catutthaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / അപദാന-അട്ഠകഥാ • Apadāna-aṭṭhakathā / ൪. കക്കാരുപുപ്ഫപൂജകത്ഥേരഅപദാനവണ്ണനാ • 4. Kakkārupupphapūjakattheraapadānavaṇṇanā
