| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
4. கக்காருபுப்ப²பூஜகத்தே²ரஅபதா³னவண்ணனா
4. Kakkārupupphapūjakattheraapadānavaṇṇanā
தே³வபுத்தோ அஹங் ஸந்தோதிஆதி³கங் ஆயஸ்மதோ கக்காருபுப்ப²பூஜகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே கதபுஞ்ஞஸஞ்சயோ ஸிகி²ஸ்ஸ ப⁴க³வதோ காலே பு⁴ம்மட்ட²கதே³வபுத்தோ ஹுத்வா நிப்³ப³த்தோ ஸிகி²ங் ஸம்மாஸம்பு³த்³த⁴ங் தி³ஸ்வா தி³ப்³ப³கக்காருபுப்ப²ங் க³ஹெத்வா பூஜேஸி.
Devaputto ahaṃ santotiādikaṃ āyasmato kakkārupupphapūjakattherassa apadānaṃ. Ayampi purimabuddhesu katādhikāro tattha tattha bhave katapuññasañcayo sikhissa bhagavato kāle bhummaṭṭhakadevaputto hutvā nibbatto sikhiṃ sammāsambuddhaṃ disvā dibbakakkārupupphaṃ gahetvā pūjesi.
21. ஸோ தேன புஞ்ஞேன தே³வமனுஸ்ஸேஸு ஸங்ஸரந்தோ ஏகதிங்ஸகப்பப்³ப⁴ந்தரே உப⁴யஸுக²ங் அனுப⁴வித்வா இமஸ்மிங் பு³த்³து⁴ப்பாதே³ ஸாவத்தி²யங் குலகே³ஹே நிப்³ப³த்தோ வுத்³தி⁴மன்வாய ஸத்த²ரி பஸன்னோ பப்³ப³ஜித்வா நசிரஸ்ஸேவ அரஹா ஹுத்வா அத்தனோ புப்³ப³கம்மங் பச்சக்க²தோ ஞத்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ தே³வபுத்தோ அஹங் ஸந்தோதிஆதி³மாஹ. தத்த² தி³ப்³ப³ந்தி கீளந்தி பஞ்சஹி தி³ப்³பே³ஹி காமகு³ணேஹீதி தே³வா, தே³வானங் புத்தோ, தே³வோ ஏவ வா புத்தோ தே³வபுத்தோ, அஹங் தே³வபுத்தோ ஸந்தோ விஜ்ஜமானோ தி³ப்³ப³ங் கக்காருபுப்ப²ங் பக்³க³ய்ஹ பகாரேன, க³ஹெத்வா ஸிகி²ஸ்ஸ ப⁴க³வதோ அபி⁴ரோபயிங் பூஜேஸிந்தி அத்தோ². ஸேஸங் உத்தானத்த²மேவாதி.
21. So tena puññena devamanussesu saṃsaranto ekatiṃsakappabbhantare ubhayasukhaṃ anubhavitvā imasmiṃ buddhuppāde sāvatthiyaṃ kulagehe nibbatto vuddhimanvāya satthari pasanno pabbajitvā nacirasseva arahā hutvā attano pubbakammaṃ paccakkhato ñatvā somanassajāto pubbacaritāpadānaṃ pakāsento devaputto ahaṃ santotiādimāha. Tattha dibbanti kīḷanti pañcahi dibbehi kāmaguṇehīti devā, devānaṃ putto, devo eva vā putto devaputto, ahaṃ devaputto santo vijjamāno dibbaṃ kakkārupupphaṃ paggayha pakārena, gahetvā sikhissa bhagavato abhiropayiṃ pūjesinti attho. Sesaṃ uttānatthamevāti.
கக்காருபுப்ப²பூஜகத்தே²ரஅபதா³னவண்ணனா ஸமத்தா.
Kakkārupupphapūjakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 4. கக்காருபுப்ப²பூஜகத்தே²ரஅபதா³னங் • 4. Kakkārupupphapūjakattheraapadānaṃ
