| Library / Tipiṭaka / तिपिटक • Tipiṭaka / अपदान-अट्ठकथा • Apadāna-aṭṭhakathā |
४. कक्कारुपुप्फपूजकत्थेरअपदानवण्णना
4. Kakkārupupphapūjakattheraapadānavaṇṇanā
देवपुत्तो अहं सन्तोतिआदिकं आयस्मतो कक्कारुपुप्फपूजकत्थेरस्स अपदानं। अयम्पि पुरिमबुद्धेसु कताधिकारो तत्थ तत्थ भवे कतपुञ्ञसञ्चयो सिखिस्स भगवतो काले भुम्मट्ठकदेवपुत्तो हुत्वा निब्बत्तो सिखिं सम्मासम्बुद्धं दिस्वा दिब्बकक्कारुपुप्फं गहेत्वा पूजेसि।
Devaputto ahaṃ santotiādikaṃ āyasmato kakkārupupphapūjakattherassa apadānaṃ. Ayampi purimabuddhesu katādhikāro tattha tattha bhave katapuññasañcayo sikhissa bhagavato kāle bhummaṭṭhakadevaputto hutvā nibbatto sikhiṃ sammāsambuddhaṃ disvā dibbakakkārupupphaṃ gahetvā pūjesi.
२१. सो तेन पुञ्ञेन देवमनुस्सेसु संसरन्तो एकतिंसकप्पब्भन्तरे उभयसुखं अनुभवित्वा इमस्मिं बुद्धुप्पादे सावत्थियं कुलगेहे निब्बत्तो वुद्धिमन्वाय सत्थरि पसन्नो पब्बजित्वा नचिरस्सेव अरहा हुत्वा अत्तनो पुब्बकम्मं पच्चक्खतो ञत्वा सोमनस्सजातो पुब्बचरितापदानं पकासेन्तो देवपुत्तो अहं सन्तोतिआदिमाह। तत्थ दिब्बन्ति कीळन्ति पञ्चहि दिब्बेहि कामगुणेहीति देवा, देवानं पुत्तो, देवो एव वा पुत्तो देवपुत्तो, अहं देवपुत्तो सन्तो विज्जमानो दिब्बं कक्कारुपुप्फं पग्गय्ह पकारेन, गहेत्वा सिखिस्स भगवतो अभिरोपयिं पूजेसिन्ति अत्थो। सेसं उत्तानत्थमेवाति।
21. So tena puññena devamanussesu saṃsaranto ekatiṃsakappabbhantare ubhayasukhaṃ anubhavitvā imasmiṃ buddhuppāde sāvatthiyaṃ kulagehe nibbatto vuddhimanvāya satthari pasanno pabbajitvā nacirasseva arahā hutvā attano pubbakammaṃ paccakkhato ñatvā somanassajāto pubbacaritāpadānaṃ pakāsento devaputto ahaṃ santotiādimāha. Tattha dibbanti kīḷanti pañcahi dibbehi kāmaguṇehīti devā, devānaṃ putto, devo eva vā putto devaputto, ahaṃ devaputto santo vijjamāno dibbaṃ kakkārupupphaṃ paggayha pakārena, gahetvā sikhissa bhagavato abhiropayiṃ pūjesinti attho. Sesaṃ uttānatthamevāti.
कक्कारुपुप्फपूजकत्थेरअपदानवण्णना समत्ता।
Kakkārupupphapūjakattheraapadānavaṇṇanā samattā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / अपदानपाळि • Apadānapāḷi / ४. कक्कारुपुप्फपूजकत्थेरअपदानं • 4. Kakkārupupphapūjakattheraapadānaṃ
