| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༤. ཀཀྐཱརུཔུཔྥཔཱུཛཀཏྠེརཨཔདཱནཝཎྞནཱ
4. Kakkārupupphapūjakattheraapadānavaṇṇanā
དེཝཔུཏྟོ ཨཧཾ སནྟོཏིཨཱདིཀཾ ཨཱཡསྨཏོ ཀཀྐཱརུཔུཔྥཔཱུཛཀཏྠེརསྶ ཨཔདཱནཾ། ཨཡམྤི པུརིམབུདྡྷེསུ ཀཏཱདྷིཀཱརོ ཏཏྠ ཏཏྠ བྷཝེ ཀཏཔུཉྙསཉྩཡོ སིཁིསྶ བྷགཝཏོ ཀཱལེ བྷུམྨཊྛཀདེཝཔུཏྟོ ཧུཏྭཱ ནིབྦཏྟོ སིཁིཾ སམྨཱསམྦུདྡྷཾ དིསྭཱ དིབྦཀཀྐཱརུཔུཔྥཾ གཧེཏྭཱ པཱུཛེསི།
Devaputto ahaṃ santotiādikaṃ āyasmato kakkārupupphapūjakattherassa apadānaṃ. Ayampi purimabuddhesu katādhikāro tattha tattha bhave katapuññasañcayo sikhissa bhagavato kāle bhummaṭṭhakadevaputto hutvā nibbatto sikhiṃ sammāsambuddhaṃ disvā dibbakakkārupupphaṃ gahetvā pūjesi.
༢༡. སོ ཏེན པུཉྙེན དེཝམནུསྶེསུ སཾསརནྟོ ཨེཀཏིཾསཀཔྤབྦྷནྟརེ ཨུབྷཡསུཁཾ ཨནུབྷཝིཏྭཱ ཨིམསྨིཾ བུདྡྷུཔྤཱདེ སཱཝཏྠིཡཾ ཀུལགེཧེ ནིབྦཏྟོ ཝུདྡྷིམནྭཱཡ སཏྠརི པསནྣོ པབྦཛིཏྭཱ ནཙིརསྶེཝ ཨརཧཱ ཧུཏྭཱ ཨཏྟནོ པུབྦཀམྨཾ པཙྩཀྑཏོ ཉཏྭཱ སོམནསྶཛཱཏོ པུབྦཙརིཏཱཔདཱནཾ པཀཱསེནྟོ དེཝཔུཏྟོ ཨཧཾ སནྟོཏིཨཱདིམཱཧ། ཏཏྠ དིབྦནྟི ཀཱིལ༹ནྟི པཉྩཧི དིབྦེཧི ཀཱམགུཎེཧཱིཏི དེཝཱ, དེཝཱནཾ པུཏྟོ, དེཝོ ཨེཝ ཝཱ པུཏྟོ དེཝཔུཏྟོ, ཨཧཾ དེཝཔུཏྟོ སནྟོ ཝིཛྫམཱནོ དིབྦཾ ཀཀྐཱརུཔུཔྥཾ པགྒཡ྄ཧ པཀཱརེན, གཧེཏྭཱ སིཁིསྶ བྷགཝཏོ ཨབྷིརོཔཡིཾ པཱུཛེསིནྟི ཨཏྠོ། སེསཾ ཨུཏྟཱནཏྠམེཝཱཏི།
21. So tena puññena devamanussesu saṃsaranto ekatiṃsakappabbhantare ubhayasukhaṃ anubhavitvā imasmiṃ buddhuppāde sāvatthiyaṃ kulagehe nibbatto vuddhimanvāya satthari pasanno pabbajitvā nacirasseva arahā hutvā attano pubbakammaṃ paccakkhato ñatvā somanassajāto pubbacaritāpadānaṃ pakāsento devaputto ahaṃ santotiādimāha. Tattha dibbanti kīḷanti pañcahi dibbehi kāmaguṇehīti devā, devānaṃ putto, devo eva vā putto devaputto, ahaṃ devaputto santo vijjamāno dibbaṃ kakkārupupphaṃ paggayha pakārena, gahetvā sikhissa bhagavato abhiropayiṃ pūjesinti attho. Sesaṃ uttānatthamevāti.
ཀཀྐཱརུཔུཔྥཔཱུཛཀཏྠེརཨཔདཱནཝཎྞནཱ སམཏྟཱ།
Kakkārupupphapūjakattheraapadānavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༤. ཀཀྐཱརུཔུཔྥཔཱུཛཀཏྠེརཨཔདཱནཾ • 4. Kakkārupupphapūjakattheraapadānaṃ
