| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[267] 7. гаггадагаж̇аад̇агаван̣н̣анаа
[267] 7. Kakkaṭakajātakavaṇṇanā
син̇г̇ий миг̇од̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ ид̇т̇им̣ аараб̣бха гат̇зси. саавад̇т̇ияам̣ гирзго гудумб̣иго ад̇д̇ано бхарияам̣ г̇ахзд̇ваа уд̣̇д̇хаарасод̇ханад̇т̇ааяа ж̇анабад̣̇ам̣ г̇анд̇ваа уд̣̇д̇хаарам̣ сод̇хзд̇ваа ааг̇ажчанд̇о анд̇араамаг̇г̇з жорзхи г̇ахид̇о. бхарияаа банасса абхируубаа баасаад̣̇игаа д̣̇ассанийяаа, жораж̇здтаго д̇ассаа синзхзна гудумб̣игам̣ маарзд̇ум̣ аарабхи. саа бана ид̇т̇ий сийлавад̇ий аажаарасамбаннаа бад̇ид̣̇звад̇аа, саа жораж̇здтагасса баад̣̇зсу нибад̇ид̇ваа ‘‘саами, сажз маяи синзхо ад̇т̇и, маа маяхам̣ саамигам̣ маарзхи. сажз маарзси, ахамби висам̣ ваа каад̣̇ид̇ваа наасаваад̇ам̣ ваа саннирумбхид̇ваа мариссаами, д̇аяаа бана сад̣̇д̇хим̣ на г̇амиссаами, маа мз агааран̣зна саамигам̣ маарзхий’’д̇и яаажид̇ваа д̇ам̣ виссаж̇ж̇аабзси. д̇з убхоби сод̇т̇инаа саавад̇т̇им̣ бад̇ваа ж̇зд̇аванабидтивихаарзна г̇ажчанд̇аа ‘‘вихаарам̣ бависид̇ваа сад̇т̇аарам̣ ванд̣̇иссаамаа’’д̇и г̇анд̇хагудибаривзн̣ам̣ г̇анд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇им̣су. д̇з сад̇т̇аараа ‘‘гахам̣ г̇ад̇ад̇т̇а, убаасагаа’’д̇и будтаа ‘‘уд̣̇д̇хаарасод̇ханад̇т̇ааяаа’’д̇и аахам̣су. ‘‘анд̇араамаг̇г̇з бана аарог̇язна ааг̇ад̇ад̇т̇аа’’д̇и вуд̇д̇з гудумб̣иго ааха – ‘‘анд̇араамаг̇г̇з но, бханд̇з, жораа г̇ан̣хим̣су, д̇ад̇рзсаа мам̣ маарияамаанам̣ жораж̇здтагам̣ яаажид̇ваа можзси, имам̣ ниссааяа маяаа ж̇ийвид̇ам̣ лад̣̇д̇ха’’нд̇и. сад̇т̇аа ‘‘на, убаасага, ид̣̇аанзвзд̇ааяа звам̣ д̇уяхам̣ ж̇ийвид̇ам̣ д̣̇иннам̣, буб̣б̣зби бан̣д̣ид̇аанамби ж̇ийвид̇ам̣ ад̣̇аасиязваа’’д̇и вад̇ваа д̇зна яаажид̇о ад̇ийд̇ам̣ аахари.
Siṅgīmigoti idaṃ satthā jetavane viharanto aññataraṃ itthiṃ ārabbha kathesi. Sāvatthiyaṃ kireko kuṭumbiko attano bhariyaṃ gahetvā uddhārasodhanatthāya janapadaṃ gantvā uddhāraṃ sodhetvā āgacchanto antarāmagge corehi gahito. Bhariyā panassa abhirūpā pāsādikā dassanīyā, corajeṭṭhako tassā sinehena kuṭumbikaṃ māretuṃ ārabhi. Sā pana itthī sīlavatī ācārasampannā patidevatā, sā corajeṭṭhakassa pādesu nipatitvā ‘‘sāmi, sace mayi sineho atthi, mā mayhaṃ sāmikaṃ mārehi. Sace māresi, ahampi visaṃ vā khāditvā nāsavātaṃ vā sannirumbhitvā marissāmi, tayā pana saddhiṃ na gamissāmi, mā me akāraṇena sāmikaṃ mārehī’’ti yācitvā taṃ vissajjāpesi. Te ubhopi sotthinā sāvatthiṃ patvā jetavanapiṭṭhivihārena gacchantā ‘‘vihāraṃ pavisitvā satthāraṃ vandissāmā’’ti gandhakuṭipariveṇaṃ gantvā satthāraṃ vanditvā ekamantaṃ nisīdiṃsu. Te satthārā ‘‘kahaṃ gatattha, upāsakā’’ti puṭṭhā ‘‘uddhārasodhanatthāyā’’ti āhaṃsu. ‘‘Antarāmagge pana ārogyena āgatatthā’’ti vutte kuṭumbiko āha – ‘‘antarāmagge no, bhante, corā gaṇhiṃsu, tatresā maṃ māriyamānaṃ corajeṭṭhakaṃ yācitvā mocesi, imaṃ nissāya mayā jīvitaṃ laddha’’nti. Satthā ‘‘na, upāsaka, idānevetāya evaṃ tuyhaṃ jīvitaṃ dinnaṃ, pubbepi paṇḍitānampi jīvitaṃ adāsiyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з химаванд̇з махаауд̣̇агарахад̣̇о, д̇ад̇т̇а махаасуван̣н̣агаггадаго ахоси. со д̇асса ниваасабхаавзна ‘‘гул̣ийрад̣̇ахо’’д̇и бан̃н̃ааяид̇т̇а. гаггадаго махаа ахоси каламан̣д̣алаббамаан̣о, хад̇т̇ий г̇ахзд̇ваа вад̇хид̇ваа каад̣̇ад̇и. хад̇т̇ий д̇асса бхаязна д̇ад̇т̇а од̇арид̇ваа г̇ожарам̣ г̇ан̣хид̇ум̣ на саггонд̇и. д̇ад̣̇аа б̣од̇хисад̇д̇о гул̣ийрад̣̇ахам̣ убаниссааяа васамаанам̣ хад̇т̇ияуут̇аж̇здтагам̣ бадижжа гарзн̣уяаа гужчисмим̣ бадисанд̇хим̣ г̇ан̣хи. ат̇асса маад̇аа ‘‘г̇аб̣бхам̣ рагкиссаамий’’д̇и ан̃н̃ам̣ баб̣б̣ад̇аббад̣̇зсам̣ г̇анд̇ваа г̇аб̣бхам̣ рагкид̇ваа буд̇д̇ам̣ виж̇ааяи. со ануггамзна вин̃н̃уд̇ам̣ бад̇д̇о махаасарийро т̇аамасамбанно собхаг̇г̇аббад̇д̇о ан̃ж̇анабаб̣б̣ад̇о вияа ахоси. со згааяа гарзн̣уяаа сад̣̇д̇хим̣ сам̣ваасам̣ габбзд̇ваа ‘‘гаггадагам̣ г̇ан̣хиссаамий’’д̇и ад̇д̇ано бхарияан̃жа маад̇аран̃жа аад̣̇ааяа д̇ам̣ хад̇т̇ияуут̇ам̣ убасан̇гамид̇ваа бид̇арам̣ бассид̇ваа ‘‘д̇аад̇а, ахам̣ гаггадагам̣ г̇ан̣хиссаамий’’д̇и ааха. ат̇а нам̣ бид̇аа ‘‘на сагкиссаси, д̇аад̇аа’’д̇и ваарзд̇ваа бунаббунам̣ вад̣̇анд̇ам̣ ‘‘д̇ван̃н̃зва ж̇ааниссасий’’д̇и ааха.
Atīte bārāṇasiyaṃ brahmadatte rajjaṃ kārente himavante mahāudakarahado, tattha mahāsuvaṇṇakakkaṭako ahosi. So tassa nivāsabhāvena ‘‘kuḷīradaho’’ti paññāyittha. Kakkaṭako mahā ahosi khalamaṇḍalappamāṇo, hatthī gahetvā vadhitvā khādati. Hatthī tassa bhayena tattha otaritvā gocaraṃ gaṇhituṃ na sakkonti. Tadā bodhisatto kuḷīradahaṃ upanissāya vasamānaṃ hatthiyūthajeṭṭhakaṃ paṭicca kareṇuyā kucchismiṃ paṭisandhiṃ gaṇhi. Athassa mātā ‘‘gabbhaṃ rakkhissāmī’’ti aññaṃ pabbatappadesaṃ gantvā gabbhaṃ rakkhitvā puttaṃ vijāyi. So anukkamena viññutaṃ patto mahāsarīro thāmasampanno sobhaggappatto añjanapabbato viya ahosi. So ekāya kareṇuyā saddhiṃ saṃvāsaṃ kappetvā ‘‘kakkaṭakaṃ gaṇhissāmī’’ti attano bhariyañca mātarañca ādāya taṃ hatthiyūthaṃ upasaṅkamitvā pitaraṃ passitvā ‘‘tāta, ahaṃ kakkaṭakaṃ gaṇhissāmī’’ti āha. Atha naṃ pitā ‘‘na sakkhissasi, tātā’’ti vāretvā punappunaṃ vadantaṃ ‘‘tvaññeva jānissasī’’ti āha.
со гул̣ийрад̣̇ахам̣ убаниссааяа васанд̇з саб̣б̣авааран̣з саннибаад̇зд̇ваа саб̣б̣зхи сад̣̇д̇хим̣ д̣̇ахасамийбам̣ г̇анд̇ваа ‘‘гим̣ со гаггадаго од̇аран̣агаалз г̇ан̣хаад̇и, уд̣̇ааху г̇ожарам̣ г̇ан̣ханагаалз, уд̣̇ааху уд̇д̇аран̣агаалз’’д̇и бужчид̇ваа ‘‘уд̇д̇аран̣агаалз’’д̇и суд̇ваа ‘‘д̇зна хи д̇умхз гул̣ийрад̣̇ахам̣ од̇арид̇ваа яаавад̣̇ад̇т̇ам̣ г̇ожарам̣ г̇ахзд̇ваа батамам̣ уд̇д̇арат̇а, ахам̣ бажчад̇о бхависсаамий’’д̇и ааха. вааран̣аа д̇ат̇аа гарим̣су. гул̣ийро бажчад̇о уд̇д̇аранд̇ам̣ б̣од̇хисад̇д̇ам̣ махаасан̣д̣аасзна гаммааро лохасалаагам̣ вияа ал̣ад̣̇ваязна баад̣̇з д̣̇ал̣хам̣ г̇ан̣хи, гарзн̣угаа б̣од̇хисад̇д̇ам̣ авиж̇ахид̇ваа самийбзязва адтааси. б̣од̇хисад̇д̇о аагад̣дханд̇о гул̣ийрам̣ жаалзд̇ум̣ наасагки, гул̣ийро бана д̇ам̣ аагад̣дханд̇о ад̇д̇ано абхимукам̣ гарод̇и. со маран̣абхаяад̇аж̇ж̇ид̇о б̣ад̣̇д̇харавам̣ рави, саб̣б̣з вааран̣аа маран̣абхаяад̇аж̇ж̇ид̇аа гон̃жанаад̣̇ам̣ гад̇ваа муд̇д̇агарийсам̣ жаж̇амаанаа балааяим̣су, гарзн̣угаабисса сан̣таад̇ум̣ асаггонд̇ий балааяид̇ум̣ аарабхи.
So kuḷīradahaṃ upanissāya vasante sabbavāraṇe sannipātetvā sabbehi saddhiṃ dahasamīpaṃ gantvā ‘‘kiṃ so kakkaṭako otaraṇakāle gaṇhāti, udāhu gocaraṃ gaṇhanakāle, udāhu uttaraṇakāle’’ti pucchitvā ‘‘uttaraṇakāle’’ti sutvā ‘‘tena hi tumhe kuḷīradahaṃ otaritvā yāvadatthaṃ gocaraṃ gahetvā paṭhamaṃ uttaratha, ahaṃ pacchato bhavissāmī’’ti āha. Vāraṇā tathā kariṃsu. Kuḷīro pacchato uttarantaṃ bodhisattaṃ mahāsaṇḍāsena kammāro lohasalākaṃ viya aḷadvayena pāde daḷhaṃ gaṇhi, kareṇukā bodhisattaṃ avijahitvā samīpeyeva aṭṭhāsi. Bodhisatto ākaḍḍhanto kuḷīraṃ cāletuṃ nāsakkhi, kuḷīro pana taṃ ākaḍḍhanto attano abhimukhaṃ karoti. So maraṇabhayatajjito baddharavaṃ ravi, sabbe vāraṇā maraṇabhayatajjitā koñcanādaṃ katvā muttakarīsaṃ cajamānā palāyiṃsu, kareṇukāpissa saṇṭhātuṃ asakkontī palāyituṃ ārabhi.
ат̇а нам̣ со ад̇д̇ано б̣ад̣̇д̇хабхаавам̣ сан̃н̃аабзд̇ваа д̇ассаа абалааяанад̇т̇ам̣ батамам̣ г̇аат̇амааха –
Atha naṃ so attano baddhabhāvaṃ saññāpetvā tassā apalāyanatthaṃ paṭhamaṃ gāthamāha –
49. д̇ад̇т̇а син̇г̇ий миг̇од̇и син̇г̇ий суван̣н̣аван̣н̣о миг̇о. д̣̇вийхи ал̣зхи син̇г̇агижжам̣ саад̇хзнд̇зхи яуд̇д̇ад̇ааяа син̇г̇ийд̇и ад̇т̇о. миг̇од̇и бана саб̣б̣абаан̣асан̇г̇аахагавасзна ид̇ха гул̣ийро вуд̇д̇о. ааяад̇ажагкунзд̇д̇од̇и зд̇т̇а д̣̇ассанадтзна жагку, наяанадтзна нзд̇д̇ам̣, ааяад̇аани жагкусан̇каад̇аани нзд̇д̇аани ассаад̇и ааяад̇ажагкунзд̇д̇о, д̣̇ийгхаагкийд̇и ад̇т̇о. адтимзвасса д̇ажагижжам̣ саад̇хзд̇ийд̇и адтид̇д̇ажо. д̇знаабхибхууд̇од̇и д̇зна миг̇зна абхибхууд̇о аж̇жход̇т̇ад̇о нижжалам̣ г̇ахид̇о худ̇ваа. габан̣ам̣ руд̣̇аамийд̇и гаарун̃н̃аббад̇д̇о худ̇ваа руд̣̇аами вираваами. маа хзва манд̇и мам̣ зваруубам̣ б̣яасанаббад̇д̇ам̣ ад̇д̇ано баан̣асамам̣ бияасаамигам̣ д̇вам̣ маа хзва ж̇ахийд̇и.
49. Tattha siṅgī migoti siṅgī suvaṇṇavaṇṇo migo. Dvīhi aḷehi siṅgakiccaṃ sādhentehi yuttatāya siṅgīti attho. Migoti pana sabbapāṇasaṅgāhakavasena idha kuḷīro vutto. Āyatacakkhunettoti ettha dassanaṭṭhena cakkhu, nayanaṭṭhena nettaṃ, āyatāni cakkhusaṅkhātāni nettāni assāti āyatacakkhunetto, dīghaakkhīti attho. Aṭṭhimevassa tacakiccaṃ sādhetīti aṭṭhittaco. Tenābhibhūtoti tena migena abhibhūto ajjhotthato niccalaṃ gahito hutvā. Kapaṇaṃ rudāmīti kāruññappatto hutvā rudāmi viravāmi. Mā heva manti maṃ evarūpaṃ byasanappattaṃ attano pāṇasamaṃ piyasāmikaṃ tvaṃ mā heva jahīti.
ат̇а саа гарзн̣угаа нивад̇д̇ид̇ваа д̇ам̣ ассаасаяамаанаа д̣̇уд̇ияам̣ г̇аат̇амааха –
Atha sā kareṇukā nivattitvā taṃ assāsayamānā dutiyaṃ gāthamāha –
50.
50.
‘‘аяяа на д̇ам̣ ж̇ахиссаами, гун̃ж̇арам̣ садтихааяанам̣;
‘‘Ayya na taṃ jahissāmi, kuñjaraṃ saṭṭhihāyanaṃ;
бат̇аб̣яаа жаад̇уранд̇ааяа, суббияо хоси мз д̇ува’’нд̇и.
Pathabyā cāturantāya, suppiyo hosi me tuva’’nti.
д̇ад̇т̇а садтихааяананд̇и ж̇аад̇ияаа садтивассагааласмин̃хи гун̃ж̇араа т̇аамзна барихааяанд̇и, саа ахам̣ звам̣ т̇аамахийнам̣ имам̣ б̣яасанам̣ бад̇д̇ам̣ д̇ам̣ на ж̇ахиссаами, маа бхааяи, имиссаа хи жад̇уусу д̣̇исаасу самуд̣̇д̣̇ам̣ бад̇ваа тид̇ааяа жаад̇уранд̇ааяа бат̇авияаа д̇вам̣ маяхам̣ судту бияод̇и.
Tattha saṭṭhihāyananti jātiyā saṭṭhivassakālasmiñhi kuñjarā thāmena parihāyanti, sā ahaṃ evaṃ thāmahīnaṃ imaṃ byasanaṃ pattaṃ taṃ na jahissāmi, mā bhāyi, imissā hi catūsu disāsu samuddaṃ patvā ṭhitāya cāturantāya pathaviyā tvaṃ mayhaṃ suṭṭhu piyoti.
ат̇а нам̣ сант̇амбхзд̇ваа ‘‘аяяа, ид̣̇аани д̇ам̣ гул̣ийрзна сад̣̇д̇хим̣ т̇огам̣ гат̇аасаллаабам̣ лабхамаанаа виссаж̇ж̇аабзссаамий’’д̇и вад̇ваа гул̣ийрам̣ яаажамаанаа д̇ад̇ияам̣ г̇аат̇амааха –
Atha naṃ santhambhetvā ‘‘ayya, idāni taṃ kuḷīrena saddhiṃ thokaṃ kathāsallāpaṃ labhamānā vissajjāpessāmī’’ti vatvā kuḷīraṃ yācamānā tatiyaṃ gāthamāha –
51.
51.
‘‘яз гул̣ийраа самуд̣̇д̣̇асмим̣, г̇ан̇г̇ааяа яамунааяа жа;
‘‘Ye kuḷīrā samuddasmiṃ, gaṅgāya yamunāya ca;
д̇зсам̣ д̇вам̣ ваариж̇о сздто, мун̃жа род̣̇анд̇ияаа бад̇и’’нд̇и.
Tesaṃ tvaṃ vārijo seṭṭho, muñca rodantiyā pati’’nti.
д̇ассад̇т̇о – яз самуд̣̇д̣̇з ваа г̇ан̇г̇ааяа ваа яамунааяа ваа гул̣ийраа, саб̣б̣зсам̣ ван̣н̣асамбад̇д̇ияаа жа маханд̇ад̇д̇зна жа д̇вамзва сздто уд̇д̇амо. д̇зна д̇ам̣ яаажаами, маяхам̣ род̣̇амаанааяа саамигам̣ мун̃жаад̇и.
Tassattho – ye samudde vā gaṅgāya vā yamunāya vā kuḷīrā, sabbesaṃ vaṇṇasampattiyā ca mahantattena ca tvameva seṭṭho uttamo. Tena taṃ yācāmi, mayhaṃ rodamānāya sāmikaṃ muñcāti.
гул̣ийро д̇ассаа гат̇аяамаанааяа ид̇т̇исад̣̇д̣̇з нимид̇д̇ам̣ г̇ахзд̇ваа аагад̣дхияамаанасо худ̇ваа вааран̣асса баад̣̇ад̇о ал̣з винивзтзнд̇о ‘‘аяам̣ виссадто ид̣̇ам̣ наама гариссад̇ий’’д̇и на гин̃жи ан̃н̃ааси. ат̇а нам̣ вааран̣о баад̣̇ам̣ угкибид̇ваа бидтияам̣ аггами, д̇аавад̣̇зва адтийни бхиж̇ж̇им̣су. вааран̣о д̇удтаравам̣ рави, саб̣б̣з вааран̣аа саннибад̇ид̇ваа гул̣ийрам̣ нийхарид̇ваа махийд̇алз табзд̇ваа мад̣̇д̣̇анд̇аа жун̣н̣авижун̣н̣амагам̣су. д̇асса д̣̇вз ал̣аа сарийрад̇о бхиж̇ж̇ид̇ваа згаманд̇з бад̇им̣су. со жа гул̣ийрад̣̇ахо г̇ан̇г̇ааяа згааб̣ад̣̇д̇хо , г̇ан̇г̇ааяа бууран̣агаалз г̇ан̇г̇од̣̇агзна буурад̇и, уд̣̇агз манд̣̇ийбхууд̇з д̣̇ахад̇о уд̣̇агам̣ г̇ан̇г̇ам̣ од̇арад̇и. ат̇а д̣̇взби д̇з ал̣аа ублавид̇ваа г̇ан̇г̇ааяа вуяхим̣су. д̇зсу зго самуд̣̇д̣̇ам̣ баависи, згам̣ д̣̇асабхаад̇игарааж̇аано уд̣̇агз гийл̣амаанаа лабхид̇ваа аал̣ин̇г̇ам̣ наама муд̣̇ин̇г̇ам̣ агам̣су. самуд̣̇д̣̇ам̣ бана бавидтам̣ асураа г̇ахзд̇ваа ааламб̣арам̣ наама бхзрим̣ гаарзсум̣. д̇з абарабхааг̇з саггзна сан̇г̇аамз барааж̇ид̇аа д̇ам̣ чад̣д̣зд̇ваа балааяим̣су, ат̇а нам̣ сагго ад̇д̇ано ад̇т̇ааяа г̇ан̣хаабзси. ‘‘ааламб̣арамзгхо вияа т̇анад̇ий’’д̇и д̇ам̣ санд̇хааяа вад̣̇анд̇и.
Kuḷīro tassā kathayamānāya itthisadde nimittaṃ gahetvā ākaḍḍhiyamānaso hutvā vāraṇassa pādato aḷe viniveṭhento ‘‘ayaṃ vissaṭṭho idaṃ nāma karissatī’’ti na kiñci aññāsi. Atha naṃ vāraṇo pādaṃ ukkhipitvā piṭṭhiyaṃ akkami, tāvadeva aṭṭhīni bhijjiṃsu. Vāraṇo tuṭṭharavaṃ ravi, sabbe vāraṇā sannipatitvā kuḷīraṃ nīharitvā mahītale ṭhapetvā maddantā cuṇṇavicuṇṇamakaṃsu. Tassa dve aḷā sarīrato bhijjitvā ekamante patiṃsu. So ca kuḷīradaho gaṅgāya ekābaddho , gaṅgāya pūraṇakāle gaṅgodakena pūrati, udake mandībhūte dahato udakaṃ gaṅgaṃ otarati. Atha dvepi te aḷā uplavitvā gaṅgāya vuyhiṃsu. Tesu eko samuddaṃ pāvisi, ekaṃ dasabhātikarājāno udake kīḷamānā labhitvā āḷiṅgaṃ nāma mudiṅgaṃ akaṃsu. Samuddaṃ pana paviṭṭhaṃ asurā gahetvā ālambaraṃ nāma bheriṃ kāresuṃ. Te aparabhāge sakkena saṅgāme parājitā taṃ chaḍḍetvā palāyiṃsu, atha naṃ sakko attano atthāya gaṇhāpesi. ‘‘Ālambaramegho viya thanatī’’ti taṃ sandhāya vadanti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз убхо ж̇аяамбад̇игаа сод̇аабад̇д̇ипалз бад̇идтахим̣су . ‘‘д̇ад̣̇аа гарзн̣угаа аяам̣ убаасигаа ахоси, вааран̣о бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ubho jayampatikā sotāpattiphale patiṭṭhahiṃsu . ‘‘Tadā kareṇukā ayaṃ upāsikā ahosi, vāraṇo pana ahameva ahosi’’nti.
гаггадагаж̇аад̇агаван̣н̣анаа сад̇д̇амаа.
Kakkaṭakajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 267. гаггадагаж̇аад̇агам̣ • 267. Kakkaṭakajātakaṃ
