| Library / Tipiṭaka / ਤਿਪਿਟਕ • Tipiṭaka / વਿਮਾਨવਤ੍ਥੁਪਾਲ਼ਿ • Vimānavatthupāḷi |
੪. ਕਕ੍ਕਟਕਰਸਦਾਯਕવਿਮਾਨવਤ੍ਥੁ
4. Kakkaṭakarasadāyakavimānavatthu
੯੧੦.
910.
‘‘ਉਚ੍ਚਮਿਦਂ ਮਣਿਥੂਣਂ વਿਮਾਨਂ, ਸਮਨ੍ਤਤੋ ਦ੍વਾਦਸ ਯੋਜਨਾਨਿ।
‘‘Uccamidaṃ maṇithūṇaṃ vimānaṃ, samantato dvādasa yojanāni;
ਕੂਟਾਗਾਰਾ ਸਤ੍ਤਸਤਾ ਉਲ਼ਾਰਾ, વੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ 1 ਸੁਭਾ॥
Kūṭāgārā sattasatā uḷārā, veḷuriyathambhā rucakatthatā 2 subhā.
੯੧੧.
911.
‘‘ਤਤ੍ਥਚ੍ਛਸਿ ਪਿવਸਿ ਖਾਦਸਿ ਚ, ਦਿਬ੍ਬਾ ਚ વੀਣਾ ਪવਦਨ੍ਤਿ વਗ੍ਗੁਂ 3।
‘‘Tatthacchasi pivasi khādasi ca, dibbā ca vīṇā pavadanti vagguṃ 4;
ਦਿਬ੍ਬਾ ਰਸਾ ਕਾਮਗੁਣੇਤ੍ਥ ਪਞ੍ਚ, ਨਾਰਿਯੋ ਚ ਨਚ੍ਚਨ੍ਤਿ ਸੁવਣ੍ਣਛਨ੍ਨਾ॥
Dibbā rasā kāmaguṇettha pañca, nāriyo ca naccanti suvaṇṇachannā.
੯੧੨.
912.
‘‘ਕੇਨ ਤੇਤਾਦਿਸੋ વਣ੍ਣੋ, ਕੇਨ ਤੇ ਇਧ ਮਿਜ੍ਝਤਿ।
‘‘Kena tetādiso vaṇṇo, kena te idha mijjhati;
ਉਪ੍ਪਜ੍ਜਨ੍ਤਿ ਚ ਤੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ॥
Uppajjanti ca te bhogā, ye keci manaso piyā.
੯੧੩.
913.
‘‘ਪੁਚ੍ਛਾਮਿ ਤਂ ਦੇવ ਮਹਾਨੁਭਾવ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ।
‘‘Pucchāmi taṃ deva mahānubhāva, manussabhūto kimakāsi puññaṃ;
ਕੇਨਾਸਿ ਏવਂ ਜਲਿਤਾਨੁਭਾવੋ, વਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ॥
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
੯੧੪.
914.
ਸੋ ਦੇવਪੁਤ੍ਤੋ ਅਤ੍ਤਮਨੋ, ਮੋਗ੍ਗਲ੍ਲਾਨੇਨ ਪੁਚ੍ਛਿਤੋ।
So devaputto attamano, moggallānena pucchito;
ਪਞ੍ਹਂ ਪੁਟ੍ਠੋ વਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ॥
Pañhaṃ puṭṭho viyākāsi, yassa kammassidaṃ phalaṃ.
੯੧੫.
915.
‘‘ਸਤਿਸਮੁਪ੍ਪਾਦਕਰੋ , ਦ੍વਾਰੇ ਕਕ੍ਕਟਕੋ ਠਿਤੋ।
‘‘Satisamuppādakaro , dvāre kakkaṭako ṭhito;
ਨਿਟ੍ਠਿਤੋ ਜਾਤਰੂਪਸ੍ਸ, ਸੋਭਤਿ ਦਸਪਾਦਕੋ॥
Niṭṭhito jātarūpassa, sobhati dasapādako.
੯੧੬.
916.
‘‘ਤੇਨ ਮੇਤਾਦਿਸੋ વਣ੍ਣੋ, ਤੇਨ ਮੇ ਇਧ ਮਿਜ੍ਝਤਿ।
‘‘Tena metādiso vaṇṇo, tena me idha mijjhati;
ਉਪ੍ਪਜ੍ਜਨ੍ਤਿ ਚ ਮੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ॥
Uppajjanti ca me bhogā, ye keci manaso piyā.
੯੧੭.
917.
‘‘ਅਕ੍ਖਾਮਿ ਤੇ ਭਿਕ੍ਖੁ ਮਹਾਨੁਭਾવ, ਮਨੁਸ੍ਸਭੂਤੋ ਯਮਕਾਸਿ ਪੁਞ੍ਞਂ।
‘‘Akkhāmi te bhikkhu mahānubhāva, manussabhūto yamakāsi puññaṃ;
ਤੇਨਮ੍ਹਿ ਏવਂ ਜਲਿਤਾਨੁਭਾવੋ, વਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ॥
Tenamhi evaṃ jalitānubhāvo, vaṇṇo ca me sabbadisā pabhāsatī’’ti.
ਕਕ੍ਕਟਕਰਸਦਾਯਕવਿਮਾਨਂ ਚਤੁਤ੍ਥਂ।
Kakkaṭakarasadāyakavimānaṃ catutthaṃ.
(ਅਨਨ੍ਤਰਂ ਪਞ੍ਚવਿਮਾਨਂ ਯਥਾ ਕਕ੍ਕਟਕਰਸਦਾਯਕવਿਮਾਨਂ ਤਥਾ વਿਤ੍ਥਾਰੇਤਬ੍ਬਂ)
(Anantaraṃ pañcavimānaṃ yathā kakkaṭakarasadāyakavimānaṃ tathā vitthāretabbaṃ)
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / વਿਮਾਨવਤ੍ਥੁ-ਅਟ੍ਠਕਥਾ • Vimānavatthu-aṭṭhakathā / ੪. ਕਕ੍ਕਟਕਰਸਦਾਯਕવਿਮਾਨવਣ੍ਣਨਾ • 4. Kakkaṭakarasadāyakavimānavaṇṇanā
