| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
८-१०. ककुधसुत्तादिवण्णना
8-10. Kakudhasuttādivaṇṇanā
९९. अट्ठमे ककुधो देवपुत्तोति अयं किर कोलनगरे महामोग्गल्लानत्थेरस्स उपट्ठाकपुत्तो दहरकालेयेव थेरस्स सन्तिके वसन्तो झानं निब्बत्तेत्वा कालङ्कतो, ब्रह्मलोके उप्पज्जि। तत्रापि नं ककुधो ब्रह्मात्वेव सञ्जानन्ति। नन्दसीति तुस्ससि। किं लद्धाति तुट्ठि नाम किञ्चि मनापं लभित्वा होति, तस्मा एवमाह। किं जीयित्थाति यस्स हि किञ्चि मनापं चीवरादिवत्थु जिण्णं होति, सो सोचति, तस्मा एवमाह। अरती नाभिकीरतीति उक्कण्ठिता नाभिभवति। अघजातस्साति दुक्खजातस्स, वट्टदुक्खे ठितस्साति अत्थो। नन्दीजातस्साति जाततण्हस्स। अघन्ति एवरूपस्स हि वट्टदुक्खं आगतमेव होति । ‘‘दुक्खी सुखं पत्थयती’’ति हि वुत्तं। इति अघजातस्स नन्दी होति, सुखविपरिणामेन दुक्खं आगतमेवाति नन्दीजातस्स अघं होति। अट्ठमं।
99. Aṭṭhame kakudho devaputtoti ayaṃ kira kolanagare mahāmoggallānattherassa upaṭṭhākaputto daharakāleyeva therassa santike vasanto jhānaṃ nibbattetvā kālaṅkato, brahmaloke uppajji. Tatrāpi naṃ kakudho brahmātveva sañjānanti. Nandasīti tussasi. Kiṃ laddhāti tuṭṭhi nāma kiñci manāpaṃ labhitvā hoti, tasmā evamāha. Kiṃ jīyitthāti yassa hi kiñci manāpaṃ cīvarādivatthu jiṇṇaṃ hoti, so socati, tasmā evamāha. Aratī nābhikīratīti ukkaṇṭhitā nābhibhavati. Aghajātassāti dukkhajātassa, vaṭṭadukkhe ṭhitassāti attho. Nandījātassāti jātataṇhassa. Aghanti evarūpassa hi vaṭṭadukkhaṃ āgatameva hoti . ‘‘Dukkhī sukhaṃ patthayatī’’ti hi vuttaṃ. Iti aghajātassa nandī hoti, sukhavipariṇāmena dukkhaṃ āgatamevāti nandījātassa aghaṃ hoti. Aṭṭhamaṃ.
१००. नवमं वुत्तत्थमेव। नवमं।
100. Navamaṃ vuttatthameva. Navamaṃ.
१०१. दसमे आनन्दत्थेरस्स अनुमानबुद्धिया आनुभावप्पकासनत्थं अञ्ञतरोति आह। दसमं।
101. Dasame ānandattherassa anumānabuddhiyā ānubhāvappakāsanatthaṃ aññataroti āha. Dasamaṃ.
दुतियो वग्गो।
Dutiyo vaggo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya
८. ककुधसुत्तं • 8. Kakudhasuttaṃ
९. उत्तरसुत्तं • 9. Uttarasuttaṃ
१०. अनाथपिण्डिकसुत्तं • 10. Anāthapiṇḍikasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā)
८. ककुधसुत्तवण्णना • 8. Kakudhasuttavaṇṇanā
९. उत्तरसुत्तवण्णना • 9. Uttarasuttavaṇṇanā
१०. अनाथपिण्डिकसुत्तवण्णना • 10. Anāthapiṇḍikasuttavaṇṇanā
