| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๘-๑๐. กกุธสุตฺตาทิวณฺณนา
8-10. Kakudhasuttādivaṇṇanā
๙๙. อฎฺฐเม กกุโธ เทวปุโตฺตติ อยํ กิร โกลนคเร มหาโมคฺคลฺลานเตฺถรสฺส อุปฎฺฐากปุโตฺต ทหรกาเลเยว เถรสฺส สนฺติเก วสโนฺต ฌานํ นิพฺพเตฺตตฺวา กาลงฺกโต, พฺรหฺมโลเก อุปฺปชฺชิฯ ตตฺราปิ นํ กกุโธ พฺรหฺมาเตฺวว สญฺชานนฺติฯ นนฺทสีติ ตุสฺสสิฯ กิํ ลทฺธาติ ตุฎฺฐิ นาม กิญฺจิ มนาปํ ลภิตฺวา โหติ, ตสฺมา เอวมาหฯ กิํ ชียิตฺถาติ ยสฺส หิ กิญฺจิ มนาปํ จีวราทิวตฺถุ ชิณฺณํ โหติ, โส โสจติ, ตสฺมา เอวมาหฯ อรตี นาภิกีรตีติ อุกฺกณฺฐิตา นาภิภวติฯ อฆชาตสฺสาติ ทุกฺขชาตสฺส, วฎฺฎทุเกฺข ฐิตสฺสาติ อโตฺถฯ นนฺทีชาตสฺสาติ ชาตตณฺหสฺสฯ อฆนฺติ เอวรูปสฺส หิ วฎฺฎทุกฺขํ อาคตเมว โหติ ฯ ‘‘ทุกฺขี สุขํ ปตฺถยตี’’ติ หิ วุตฺตํฯ อิติ อฆชาตสฺส นนฺที โหติ, สุขวิปริณาเมน ทุกฺขํ อาคตเมวาติ นนฺทีชาตสฺส อฆํ โหติฯ อฎฺฐมํฯ
99. Aṭṭhame kakudho devaputtoti ayaṃ kira kolanagare mahāmoggallānattherassa upaṭṭhākaputto daharakāleyeva therassa santike vasanto jhānaṃ nibbattetvā kālaṅkato, brahmaloke uppajji. Tatrāpi naṃ kakudho brahmātveva sañjānanti. Nandasīti tussasi. Kiṃ laddhāti tuṭṭhi nāma kiñci manāpaṃ labhitvā hoti, tasmā evamāha. Kiṃ jīyitthāti yassa hi kiñci manāpaṃ cīvarādivatthu jiṇṇaṃ hoti, so socati, tasmā evamāha. Aratī nābhikīratīti ukkaṇṭhitā nābhibhavati. Aghajātassāti dukkhajātassa, vaṭṭadukkhe ṭhitassāti attho. Nandījātassāti jātataṇhassa. Aghanti evarūpassa hi vaṭṭadukkhaṃ āgatameva hoti . ‘‘Dukkhī sukhaṃ patthayatī’’ti hi vuttaṃ. Iti aghajātassa nandī hoti, sukhavipariṇāmena dukkhaṃ āgatamevāti nandījātassa aghaṃ hoti. Aṭṭhamaṃ.
๑๐๐. นวมํ วุตฺตตฺถเมวฯ นวมํฯ
100. Navamaṃ vuttatthameva. Navamaṃ.
๑๐๑. ทสเม อานนฺทเตฺถรสฺส อนุมานพุทฺธิยา อานุภาวปฺปกาสนตฺถํ อญฺญตโรติ อาหฯ ทสมํฯ
101. Dasame ānandattherassa anumānabuddhiyā ānubhāvappakāsanatthaṃ aññataroti āha. Dasamaṃ.
ทุติโย วโคฺคฯ
Dutiyo vaggo.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya
๘. กกุธสุตฺตํ • 8. Kakudhasuttaṃ
๙. อุตฺตรสุตฺตํ • 9. Uttarasuttaṃ
๑๐. อนาถปิณฺฑิกสุตฺตํ • 10. Anāthapiṇḍikasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā)
๘. กกุธสุตฺตวณฺณนา • 8. Kakudhasuttavaṇṇanā
๙. อุตฺตรสุตฺตวณฺณนา • 9. Uttarasuttavaṇṇanā
๑๐. อนาถปิณฺฑิกสุตฺตวณฺณนา • 10. Anāthapiṇḍikasuttavaṇṇanā
